يوميـــــات مخطوبة

[النوار]

وصلنا مطار البحرين ..
بعد مانزلنا استوعبت اني ماقلت حق يوسف عن السياره
قالي فشله او مادري شنو قلت له عبالك انت بس عندك واسطه فدبي انا عندي واسطه فالبحرين
قال شفتي نكمل بعض ..
المهم .. قال ياريتج لزمتي عليها ..قلت له والله عيزت راسها يابس
خلصنا من الجوازات او طلعنا على طول .. رحت الاستعلامات ولا هنديهم قاعد يقول حق الريال انه بيخلي المفتاح
او بتيي وحده اسمها نوار بتاخذه
قلت له انا نوار او اخذناه اودلنا على السياره ..
ومشينا
المهم .. رحنا اول شي مجمع السيف .. كنا شباعه او قلنا نتسوق
لفلفنا بالمحلات بعدين قررنا نروح مجمع اللي بفندق الشيراتون ..
دخلنا محل شريت لي بدلة سهره
او يوسف خذ نظاره او طلعنا ..
خلصنا بسرعه هالمجمع لانه اغلبيته محلات متشابهه
المهم طلعنا او ردينا يم مجمع السيف مطعم ليلو
او كوفي شوب اكثر من مطعم
فضيــــــــــــــع المكان والديكورات .. اي وحده تروح البحرين لازم تمره
انا طلبت ميني برقر مالهم وايد لذيذ طعمه غريب
بس يوسف اكله كان مسكت
دياي على طماط مجفف او روزيتا
او مايصير مانحلي انا اخذت كيكة على جوكليت او يوسف اخذ كنافه بالموز بس صج فضيــــعه
خلصنا غدانا او تمشينا بمجمع يم السيف اسمه العالي

في محلات وايد اخذت لي جنطه او نعال
او يوسف اخذ جوتي او تي شرتات
او رحت جنيد شريت حق امي او خالتي عود
او بنفس هالمجمع كان في كشك يبيعون نفس الاجار او هالسوالف ..
امي دايما تشتري منهم .. خذيت لها او حق خالتي ..
خذيت حق امي عباه
او رحنا بعدين كوفي شوب اسمها
Galler
شكلها يوووووونس او الجوكليت مالهم معروف بفرنسا ..
خذيت حق بدور او فطومه
المغرب خلصنا من هالمجمع او رحنا السوق اللي عند بوابة البحرين
حق محل يبيع اثواب نشل ..
اسمه الزري ..
شريت منه ثوب حق ليلة الحنه .. كنت ابي اخضر بس يوسف لزم على الابيض ..
قالي طلعي بشي يديد او الابيض حلو او يناسب العروس
او التطريز مادري الزري اللي فيه وااااااااااايد حلو
شغله غريب ..
خلصنا منه او رحنا منطقة العدليه ..عشان نلحق عالمطعم

اسمه مونسون .. واااااااااايد حلو اكله جاينيز .. او عندهم ماكي وايد لذيذ .
وايد عجب يوسف ..
او قعدته حلووووووووه
المهم خلصنا العشا كان باقي على الطياره 3 ساعات .. الحمدلله وقتنا كان في بركه
رحنا المحرق او اخذنا الحلوه حااااااااااااره من شويطر اشوى لقينا مفتوح الساعه كانت جريب الـ11
بس يمكن لانه ويك اند
او ابوي كان خاطره بمتاي .. او كلشي كان يم بعض .. خلصنا او تمشينا بالسوق او رحنا المطار
لقيت محل عبايات فالمطار شغلهم وايد حلو .. خذيت منه لفات حق اختي
تذكرت رفيجتي .. الاسبوع الياي اهيا انشاءلله يايه لكويت .. دقيت عليها اشكرها ..
او ركبنا الطياره

وانشغلت مع يوسف بالسوالف ولاحسيت بالطريج الحمدلله .. دقيقه إلا وصلنا ..
بس ركبت السياره!!!! طلع علي التعب.! فجأه حسيت ريلي خدرانه من المشي .. او رااااااااااسي عورني
قلت الحمدلله الله تمم علي السفره او خلاني استانس .. او دام يات عالنهايه اشوى ..
حبيبي كان تعبان بعد .. قلت له انزل بيتنا
كانت اول ليله يبات اب بيتنا يسهر لي الصبح بس ماقط عزمته عالمبيت هههههههههه
دخلنا امي او ابوي يبون يسولفون
انا كنت بس ابي اسبح
قعد معاهم او طلع لهم اغراضهم او انا سبحت او انسدحت ..
يوم شافني طولت يه .. بس كنت حدي دايخه شكرته لاني صج من قلب احتجتها هالسفره اولا او ثانيا وااااااااايد استانست او كان باله وايد طويل علي او انا من محل لي محل
.. او بس
نمنا

 

[GreenRose]

عاشت نواره
الحمد لله على سلامتكم وتتهنون ان شاء الله

 

[أغلى حبيبه]

حمدالله على السلامه نوااااره

والله يسخرلج يوسف ان شاءالله

 

[نـــورة]

>>>> متابعه...

 

[eng.jacvara]

يعطــــــــــــــــــــــــــيج العــــــــــــــــــافيه نــــــــــــــــــوار :ggdw:
بتنزلين شي اليوم ولا هالبارت اخر بارت؟
شـــــــــــــــــــاكرينلج​

 

[حبيبة أهلها]

حمد الله على السسسسسلامة ومتابعيييييييين للأخررر

 

[foofo]

خطاج السو حبيبتي ماتشوفين شر
وحمدالله على السلامه
اشوه انج رحتي غيرتي جو واستانستي
والله يانواره حبيتج من كل قلبي والله يرزقج بالذريه الصااالحه ياااااارب ويسعدج
والله يخليييييييكم حق بعض ياااااااااااااااااااااارب

حبيناج وحبينا قصتج

متاااااااااااااااااااااااابعينج حبيبيتي
@ @

 

[!.. رمش وأهداب ..!]

اخيررررررررررررررررررررررررررررررررررررررررا وصلت صفحه 83


وكل صفحه اقول برد وانطر اخر جزء


ع العموم سلامات ماتشوفين شر ..




نوار فيه تكمله والا بروح انام عندي اختبار ؟؟!!!!

 

[ام الفهد712]

عليكم بالف الف الف عااافيه حبيتي السفرة والمشترواااات

الله يهنيكم ياااارب

 

[نظـــرات حـــائرة]

ياربي أنا ما أشبع

ودي الأجزاء ورا بعض ههههههههههههههههه


يعطيج العافية نوارتنـا ..


ليش مو قايله اسمي باللستة مع أني من المتابعات





< أتغشمر معاج

 

[ام مضاوي]

عليج بالعافيه مشترواتج والسفره الخفيفه

شيشتيني اروح البحرين يومين

 

[أميرة حبيبي]

والله قصه رووووعه واتونس والله يوفقج ويريح بالج ويهنيج يالنوار
عاد انا محتاجه النوم وماعندي وقت انام عشان ولدي مريض والي يقرا يدعي له بالشفااااااااااااااء العاجل
بس من نومته امبيه دخلت اقرااااااااااااااااا باجي القصه
صار ادمان يالله عن اذنكم بناااااااااااااااااام
وانتي بالنوار كتبي على راحتج لا اتعبين نفسج بالسهر احنا ناطرين

 

[مطلع الشمس@]

أخيرا قريتها ووصلت لصفحه 84

نوار الله يوفقج يارب ويهنيج

 

[bint_looda]

اهم شي استانستي بالسفره والحمدالله طلعتي اب شي منها
ولا تسهرين وايد ترى تخترب بشرتج >> لووول ما ادري شكو بس ترى من انتظمت نومتي صفا ويهي ما ادري له علاقه ولا لا !
وإلى اللقاء في حلقة قادمة استودعكم الله ومع السلامه :d

 

[حـــــلا]

ونااااااااااااااااااااااسة

 

[أمونة الحلوة]

الحمد الله على سلامتج نوار

 

[الزين الفاخر]

ماشاءالله عليج يانوار حبيناج من قصتج
عسى الله يهنيج ويوفقج مع يوسف ويتمم عليكم بالخير ويبعد عنكم كل حاسد ياااارب

وألف مبروك على التثبيت هذا دليل على نجاحج رغم كل إلي قالوا عنج العذال
آنا من قالتلي رفيجتي عن القصه وآنا متابعتها بس صارت معاي مشكلة الكوكيز والحمدلله أخيرا انحلت وإلحين أقدر أقول مع البنات
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> لايوقف لايوقف لايوقف لايوقف

 

[babya]

ليلو كافيه عجيب الي بالعدليه رحناله انا واهلي شهر 2 صج صج اكله اينن
:eh_s(6):

والاجارات الي بالعالي لازم كل مره ناخذ منهم لووووول عجيبين

والحمد الله علي سلامتكم

ناطرين التكمله

 

[سياسية]

الحمدلله على السلامة

ومتابعتج

 

[pretty sarona]

خطاج السو نوار و ما تشوفين شر انشالله ,, والحمدلله على سلامتكم