يوميـــــات مخطوبة

[Stylist]

وااااااااااااااااااااااو
صراحه استمتعت بيومياتج..قاعده اقرى واتخيل الموقف
وايد شدني اسلوبج

وبنضم للبنات وبنطر التكمله
مو تتأخرين

 

[المزيــونه]

مشاءالله يهبل اسلوبج ويومياتج والله يكتب لج الخير

 

[ام مضاوي]

الله يوفقج نواره
اسلوبج مشوق
وشدتني كتابتج ليومياتج
وحلوه حركة الصور معبره

وبصراحه عيشتيني جو ورجعتيني للماضي
قصتج تشابه قصيتي مع الخطبه
ومشابهه لتفكيري
وارفض طريقة عرض البنت جنها سلعه عجبتهم اوكي ماعجبتهم مع السلامه
ذكرتيني بلحظات الخوف
والتفكير
والارق
ماتنامين بليل وتقومين مبجر
تحسين لحظات خوف وترقب شلون بين يوم وليله بتتغير حياتج وبترتبطين بشريك حياتج ماتعرفينه
طول الوقت نايمه قاعده تاكلين تشربين طالعه وانتي ادور براسج هالسالفه

وانشالله الله يوفقج مثل ماوفقني
بس هاااااااااا موطولينها علشان ماتصير مثل خطبتي اطوووووووول خطبه بالتاريخ
بس الفرق انا ماشافني ولا يعرفني لووووووووووول

اعذريني حبيبتي طولت عليج ومتابعه القصه

 

[nawwara]

,والله قلبي معاك ، بشري شصار بعدين
تكفين كملي _
ماشالله اسلوبك عجيب يعقد -

حتى اسمك يهبل ( نوار )

 

[بنوته ادرايه]

مشاء الله الله يهنيج ويسعدج ويرزقني بالريل الصالح

كملي كملي لا توقفين

اسلوبج روعه والصور بعد تعبر

والله يهنيج ويسعدج ويبعد عنج عيون الحساد..........

 

[جوك احلى جو]

ويييييييييييييييينج لايوقف لايوقف

 

[bnt_7waa]

ناطرين

 

[النوار]

قعدت الصبح .. من وقت كلش ..
المطر كان يطق ..
والجو شحلاته .. وقفت عند الدريشه ..
وخذتني الافكار ..
اليوم بيون يعني خلاص صار الصج
.. شاسوي ..
خلاص بطلع من بيت ابوي ..
شلون باعيش مع واحد غريب ؟
ماعرفه يمكن مو زين .. يمكن اناني .. يمكن بخيل .. يمكن عصبي ..
ليش استبق الاحداث؟ .. فترة الخطوبه سووها لهالسبب .. والحمدلله انا اهلي متفهمين ..
عادي لو اشوفه او اقعد وياه وشوف اسلوبه ..
الحمدلله ..

انا مستعده؟؟ حياة يديده .. او عالم يديد ..
بس انا مرتاحه عند اهلي ..
كل شي ابيه يتم ..
بيتنا هادئ الحمدلله ماعندنا من هالمشاكل اللي عند الناس
امي او ابوي متفاهمين او يحبون بعض وايد ..
ابوي ماعنده شي اسمه لا .. كلشي نبيه حاضر او تم ..
عمره مارفع صوته علينا ..
او انا حساسه او دمعتي عند الباب ..
ماحس روحي مستعده اطلع على هالدنيا اليديده ..
باقدر أتأقلم معاهم؟ ..
وعيت على رنة التلفون ..
كانت خالتي .. تسولف تبي تتطمن وتشوف اخر الاخبار ..
سولفت وياها .. قلت لها جسمي يرجف مادري من شنو ..
ماحس اني مب مستعده وبنفس الوقت ماحس اني مستعده ..
قالت لي نصيحه اقري سورة البقره .. ساعه او اكثر بشوي ..
او بعدها استخيري .. وانشاءلله الله بيريح بالج ..
المهم بتديت القراءة اول ماصكرت التلفون ..

والله يابنات سبحان الله سورة البقره سحر ..
والله المفروض نقراها كل يوم ..
ماتتصورون شكثر ريحتني او حسيت بنشاط ..
استخرت او طلعت من الدار ..

رحت حق امي .. كانت تطلع هدومها ..
في جلابيه احبها عليها ..
تركواز او بيج او صايره 3 قطع بنطلون وتوب او فوقهم قطعه او فيها حزام او مشكوكه .. وايد حلوه ..
قالت بتلبسها ..
المهم راحت المطبخ تشوف الاستعدادات ..
رن الجرس .. ولا ابوي مسوي باقات ورد .. وحده حلوه تنحط بفازه عالطاوله عند المدخل ..
او باقه ثانيه لفازت المجلس .. او وحده حق الطاوله .. اللي ايون بالطووول شكلها ايهبل ..
اكثر شي متحسفه عليه اني ماصورتهم ..

بعد شوي وصل المالح ..
وخالتي يات كانت بتابع الخدم .. او قالت اخر شي باروح الصالون ..
المهم .. تغدينا او ريحنا .. وذقنا الحلو .. الحمدلله وايد حلو ..
بعدين رحنا الصالون انا راحت وياي اختي او خلت اعيالها عند اختي الثانيه بالبيت .. لين رجعنا كانت بتروح ..
المهم .. سويت ترمنج حق شعري ..
او سوته لي ويفي خفيف بالفير .. يعني كأنه طبيعي طبعا باشراف اختي ..
المهم اللي كنت حاجزه عندها بنفس الصالون .. مال الشعر .. قبلي كانت وحده .. طلعت وكانت وحده وراها او عقب دوري ..
اللي طلعت اول شي انا بغير لا اصرخ بويها .. والله بدون مبالغه تخرع ..
حاطه عدسه زرقه والشدو ازرق او برتقالي .. او اللي تيي الالوان مو بس فوق العين تحت بعد .. او جلتر .. او الحمره قلووووس تبرق وخدودها دوائر مارنيه .. والله لوشاوصف لكم تخرع!! ..
انقمت قلبي او كنت ببجي قالت لي اختي محد جابرنا .. اكيد مابخليها تحط لج بنروح ماك ..
كلمت وحده اهناك دايما تتعامل معاها او قالت لها تعالولي اللحين بربع ساعه
اشوه كنت مخلصه او بسرعه نطيت او قلت لهم اسفه يانا تلفون الناس مشغولين مابيون اليوم او لازم نمشي ..
اي شي بس عشان نشررررررررررد .. او رحنا ماك
والحمدلله وااااااااااااااااااااااااااااااااايد حلو حطت لي .. طلعت او انا فرحااااااااااانه
او خلصت من المكياج او رجعنا البيت ..
يدتي وصلت اهيا وخالتي لكبيره .. او خالتي الثانيه كانت تبخر ..
والكل شغال ..
الحمدلله وايد عجبهم المكياج او شعري .. بس انا كنت ابي اشوف بالبدله الشكل over all
فدخلت لبست او قلت عقب بوري امي او ابوي مره وحده ..
بدلتي كانت فستان له جموم .. ابيض او في سير سوارفسكي تحت الصدر او باخر اليدين.. تحت الركبه طوله .. مو قصير ..مكياجي كان بني فاتح او حمره ورديه .. لبست تاج فيه خط واحد سوارفسكي ..
او نعالتي الله يعزكم فلات .. خط عريض يبرق ..

طلعت او خالاتي كانو بالصاله .. كلهم قالو لي وااااااااااااااااااااااااااااو استااااااااااااااااااااانست كنت احتاجها ..
تعرفون هاليوم .. كأنه متحاااان او القلب يبرق او تبين تسمعين اي كلمة مدح ترد اعتبارج ..
المهم سمعوني كلمات من اللي يحبهم قلبكم .. او يات رفيجتي اندعست بالدار .. تقول فشله حاشرتها بين اهلج .. بس انا كنت احتاجها يمي .. وحبيبتي ماقصرت يات ..

المهم او بتدو اييون بنات خالاتي .. ومرت عمي .. او نسوان خوالي ..
رحت لامي او ابوي .. امي ماتقدر تطلع لانه فيها ضيجه وريحة البخور فماشافتني
من الصبح .. اول مادخلت عليهم ابوي لمني او قالي تيننين حبيبتي
او امي قعدت تبجي ..
او انا طلعت عنهم ..
رحت لرفيجتي ..
قعدت تبف بف شعري شوي ..
وياتني اختي تقولي انه النسوان وصلو ..
قالت لي بناديج بعدين ..
المهم
طلعت قالت لي رفيجتي يالله قومي سوي الفيمتو؟!؟ قلت لها فيمتو؟ّ!؟
قالت لي ماقالت لج امج؟
قلت لها لا .. امي يايبه عصير من برى ..
قالت لي ادري بس لازم الفمتو .. مايقولون نبي نخطب بنتكم إلا بعد الشربات اللي اهوا الفيمتو ..
او لازم تحطين صبعج بكل قلاص ..
انا طبعاً مخي مقفل ..
ماقاعده افكر .. فقاعده اصدق اللي تقوله .. اقول لها لازم اسويه تخيلي يدمر هدومي ... انا بروحها يدي ترقل
قالت لي ماعليج انتي قومي انا بساعدج ..
المهم رحنا المطبخ .. قلت حق الخدامه وين الفيمتو ؟!؟
قالت لي ماما مافي فيمتو؟
قلت لها هااااا!!!! مافي وين السايق
قالت لي راح يجيب اغراض؟
ألتفت عليها قلت لها شهالوهقه؟؟؟
قالت لي امبيه !! شنسوي تبين اروح بسرعه؟
ولا تضحك!!!!!! ولا خالتي داشه المطبخ إلا تقولي شتسووووووين انتي اهني ..
قلت لها خالتي مافي فيمتو!!!
قالت لي فيمتو؟
قلت لها ايي ماعندنا فالبيت ..
" انا مو نوعي اللي اصدق اي شي بسرعه بس والله ذاك اليوم كنت اتصرف بدون تفكير "
قالت لها رفيجتي السالفه او ماتت علي من الضحك
انا كان ودي ازنطها!!.. بطت جبدي .. قالت لي خالتي كلهم وصلو والميلس منترس
قلت لها من وياهم قعدت تعدد وانا مع كل عدد قلبي يسرع يطق بسررررررررعه
رحت الدار .. او انا معصبه على هالمتفرغه ..
قالت لي الحمدلله ملابسج قصيره او نعالتج فلات مابتتعرجبين ..
قلت لها فال الله ولا فالج انا اشلون قلت لج تعالي اليوم انتي اب بيتكم وايد احسن
طلعت كاميرتها او قعدنا نصور إلا اختي يات او قالت لي يالله امشي وياي
قلت لها شاسوي ..
قالت لي سلمي عادي انا جدامج ..
المهم دخلت .. ويوقفون .. مادري ليش يوقفون من اول ما ادخل وايد الطريج طووووويل احسه .. كأنه مجمع مو ميلسنا ..
او وقفتهم حسيت ياتني هيبه .. مادري شلون .. او مابي اسوي روحي الحياويه اللي تستحي بس والله ماقدرت ارفع راسي ..
ومن الاحراج قاعده اضحك ..
سلمت عليهم او وصلت لامه لمتني او قعدت تقول ماشاءلله لااله الا الله .. ريحتني كلمتها او مسكتي يدي او تمت تقولي هذي فلانه او هذي فلانه ..
ماشاءلله وايد من اهلهم يايين ..
او اخر شي قعدت يمها او امي على الصوب الثاني ..

طبعاً ماكنت اطالع احد ولا اسمع شي .. عيوني تتلفت بس باااااالي بمكان ثاني هدوء اشوفهم يتكلمون بس مااسمع شي .. كأني صمخت ..
ولا امي تحركني تقولي تكلمج المره ..
قلت لها هلا خالتي .. قالت لي ها ندخله؟
قالت لها امي اي بمجلس الرياييل ..
المهم انا ماقلت ولا كلمه .. بس طالعت امي قلت لها بدلتي قصيره مااقدر ادخل عليه جذي ..
ماكانت قصيره بس استحي من اول مره مطلعت له سيقاني ..
المهم قالت لي خلاص روحي ..
اول مادخلت الدار تحلطمت علي رفيجتي .. بدلتج شحلاتها
او بتخربين اللوك .. المهم لبست بنطلون جينز سكني غامج او توب ابيض ..
له رقبه شوي فيها دانتيل .. وجمومه طويله .. فيها زراراو صايره منفوشه ..
ماعرف اشرح ..
المهم او يات امي قالت لي يالله تعالي ..
قلت لها شلون اسلم؟
قالت لي كيفج اللي يريحج سويه ..
بس عاد مو تبوسينه ..
يزعم تتغشمر امي بعد بتلطف الجو .
المهم دخلت قلت السلام او قعدت .. ماشفت ويه احد ..
كان اهوا قاعد يساري .. بس بيني او بينه امه او امي مجابلتنا ..
المهم امه قامت سوت روحها بتاخذ كلينكس من الطاوله وقعدت يم امي ..
انا ماألتفت عليه بس كانت على الطاوله الدله .. او كنت اشوف انعكاسه فيها ..
وامي كانت تسولف وياه او اهوا يتكلم او يتحرك او خشمه بالدله يصير كبيييييييييييييييييير ويصغر او انا ماسكه الضحكه كنت بموت ..
وانا سرحانه بالدله جان يقولي انتي بأي سنه ..
رفعت راسي طالعت امي او بعدين امه .. مادري شلون صارت لحظة صمت بايخه او قلت له سنه اخره ..
كلهم بطوووها ضحك علي ..
ابي اقول سنه رابعه او بنفس الوقت سنه اخيره فطلعت مني سنه اخره
فضحكو او انا انقلبت طماااااطه ..
اهوا ماشاءلله مو مخلي احد يتكلم ..
يسولف ماسكت ..
بيغير الموضوع قال لامه قلتيلهم عن الماستر ..
قالت اي بس النوار لاتعليق ههههه الظاهر خافت! ..
وطبعا كانت تكلمني او انا يمها بالمجلس .. بس انا كنت خبر خير ماسمع شي بس خفت؟ ليش اخاف شصاير شبيقولون ياربي؟؟ ..
المهم فوجه كلامه لامي .. قالها عمتي انا ناوي اكمل ماستر او اذا قدرت مره وحده دكتوراه .. بامريكا
او ودي نتزوج ونروح على طول .. او اهيا بعد تقدر تكمل وياي اذا تبي ..
قالت له امي .. يمه تعرف جم سنه؟
قال لها يمكن 5 او 6 على حسب ..قالها وانا باشتغل اول ماخلص الماستر اهناك او بنفس الوقت بحظر للدكتوراه او هالشي انشاءلله
وايد بينفعنا بمستقبلنا ..
امي ابتسمت .. او قالي ها نوار شرايج ..
طالعت امه او ابتسمت ..
طبعا انا نفعتني الدله فكلش ماشفت ويها
بس لما يكون بزاويه صح .. ويها شحلاته .. لونه حلو .. ومسوي قفل ..وحطت غترته حلوه
او ريحته .. ممممممممم واصله لي عندي ..
او عينه حاده بس شكها حلو .. ههههههه والله جميل ماشاءلله
المهم .. بعدين انا قلت لهم استأذن ..
مادري ليش .. قمت او طلعت .. او استأذن هذي كله اسمعها بالمسلسلات هههههه
اهوا قالي بترجعين ..
حقرته مسكين او سمعت امي تقوله مستحيه
او قعدو شوي .. انا رحت الدار او لحقوني .. خالاتي ثنتين او خواتي .. قلت لهم فشلتوني اهله كلهم قاعدين ..
او اشكره يايين بتعرفون الخبر..
قالولي سكتي او قوليلنا .. قلت لهم وانا ماشيه .. جميــــــــــــــــــــــــــــــــــــــل
او قعدو يضحكون وامي ياتني عقب جم دقيقه .. قالت لي زين سويتي تعالي بس حق النسوان اللحين ..
المهم قعدت او بعد شوي قامو او يات امي قالت لي ها موافقه ..
قلت لها امي بتقولج ..
امي ابتسمت لامه او امه سلمت علي او لمتني .. او وقفت ويا امي شوي ..
سلمنا على النسوان الباقي ا راحو ..
وقعدو خالاتي او يدتي يسألون او قلت لهم بدون حيا .. اينن خلاص انا وافقت ..
امي طلعت عينها وضحكت علي .. تقول لي وين الحيا اللي نزل عليج مساعه طار ..
قلت لها اي طار ..او قلت لهم عند الدله ماتو من الضحك ..
المهم بعد ماراحو .. او رفيجتي راحت .. قعدنا نسولف ويا ابوي .. او امي قالت لي ترى خذ رقمج ..
قلت لها ها؟ قالت لي امه او اهيا طالعه شاورتني وقالت يصير يكلمها قلت لها اي او عطيتها رقمج ..
المهم اهوا بنفس اليوم الصبح .. مر على ابوي المكتب .. ابوي قالنا عقب ..
يقول ياني او سلم علي او قالي انه انت ماتعرفني او انا حبيت ايي اسلم عليك انا مسافر باجر .. دوره اسبوع .. او حبيت اشوفك قبل او قعدو يسولفون او ابوي وايد استانس عليه المهم
انا رديت الغرفه متأخر .. او طبعا ماياني نوم من التفكير لي الصبح ..

 

[GAP]

نوااااار وياي صج استانستلج الله يوفقج يارب


كملي لا يوقف

 

[LoOoLoOo-23]

ماشاءالله ماشاءالله خووووووووووووووووووووووووووووووووووووووووووووش قصه واسلوووب الله يتمم عليج ناطرتج حدييييييييييييي ..لووووووول .. الله يوفقج يارب ... بس مت من الضحك على سالفت اخره

 

[قلب راشد]

ههههههههههههههههههههههههههههههه

أمبييييه ساالفه المطااره خطيييييييييييييييييره

عسى الله يوفقج يارب

خلاص ناااطرين بسررعه لا تتأخرين عقب ما يا من السفر شنو صاار ؟

صار شي وأهو مساافر ؟؟؟

يالله نوااار اندمجت حددددي

 

[سيتي]

القصة وااااااااايد حلوة خلصيها بسرعة اندمجت وايج

 

[~ miss NERD ~]

الله يوفقج ان شاء الله

لا يوقف لا يوقف

 

[كويتيه وحلوه]

عجيبه قصتج الله يوفقج انشالله والله يتمم عليج آمين يارب العالمين ويالله ناطرين باجي القصه على أحر من الجمر

 

[ام الفهد712]

لوووووووووووووووووووووووووووووووووول

ضحكتيني على المطااااره ياااحلوج

يااا الله كملي متااابعينج

 

[*كويتيه يونيك*]

وينج حبيبتي تأخرتي علينا

الله إوفقج ويسعدج

 

[GreenRose]

الله يهنيكم ويرزقكم الذريه الصالحه و لا يغير عليكم
بس لا تتاخررررررررررررين علينا

 

[honeybee_q8]

قوة نواررر
حدي اندمجت معاج قريت عشر صفحات وره بعض, ناطرين النهاية السعيدة يا قلبي

 

[OmRashed]

الله يوفقج ان شالله
وناطرتج تكملين

 

[*_*cute bug*_*]

الله يوفقج حبيبتي لوووووول حلوه سالفت الدله