يوميـــــات مخطوبة

[amooon82]

الله يتمم عليج يارب ومبروك الحجاب

 

[أم حمـــــودي]

نوار وينج ما كملتي ترا تلهفنا لا يوقف لايوقف لايوقف

 

[عطر البحرين]

الله يتمم عليج يارب وصدقيني بترتاحين وايد بالحجاب موفقه يارب

 

[miss cute]

الله يوفقج دنيــــا وآخـــــره نــــــوار
والله اني فرحت لج لما قلتي بتحجب لانج فعلا كـامله والكـامل اللــــه

نفس الشعور .. الله يثبتج على الطاعة

 

[غربــــة اِحساس]

تحجبتي والا بعد ؟ : )

سبحان الله كنت بدز لج رساله على الخاص انصحج بالحجااااااب

بس قلت ماكو ميااانه وتميت ادعي : )

والى الامام كملى .. : )

 

[النوار]

طلعنا انا او امي الساعه 10 الصبح .. مرينا خالتي او رحنا بيت يدتي ..
خالاتي ثنتين او اختي يونا اهناك .. او قعدنا نتريق ..
يدتي كانت مسويه بلاليط .. او عصيده .. او امي مسويه خبيصه او خالتي يايبه معاها سندويشات او صارت سفرة ريوق مشكله ..
المهم او قعدنا نسولف .. يدتي وااااااااااايد خاطرها بحفلة الحنه .. او قعدنا نسولف وياها شبنسوي فيها ..
انا كان ودي اسوي نفس العرس القديم .. اب بيت يدتي .. صالتها نشيل منها الكراسي او نسوي قعده بالارض على كبر المكان ..
صالتها مربعه او كبيره ..
او نفس الدار مالت لول .. يكون المسرح .. اللي بقعد فيه ..

القعده بالارض بتكون على دواشق .. او بينهم بدال الطاولات صناديق مبيته .. نازله او عليها جزاز او عالجزاز سله من خوص فيها ورد جوري وردي اللي ايي ريحته حلووه او بينه مشموم
او يمهم نفس هالصحن

فكرنا نسوي العشى كله اكلات قديمه بس بعدين خفنا لانه ماكو خيارات وايد يعني قبل عيش او لحم! او هريس او يريش ..
قلنا بس بوفيه العشى بيكون الاكل فيه عادي

..
لكن على طول وقت الحفله .. بنخلي نسوان يلفون بصواني فيها درابيل .. رهش , لقيمات
متاي او حلوى سمبوسه حلوه

حنايات على صوب للي يبي يتحنى ..
الكل قال بتصير عفسه بس يدتي خاطرها

لكن انا خاطري اتحنى .. قلت بحط لي شي نااااعم
او سألت يوسف قال ماعنده مشكله مع ريحة الحنه ..الحمدلله

بعد قررنا انه دلة القهوه والشاي كلهم ستايلهم قديم .. اللي ايي بيزهم نفس البغبغاء اذا حصلنا الذهبيين او اذا ماحصلنا يدتي عندهم مطارات جذي

خالتي تعرف وحده .. تقعد او تسوي خبز لرقاق او تعطي الناس حار على نكهات .. قلنا بنييبها حق وقت العشى وقالت لي الذهب عندي لاتشترين
المهم .. فكره من اهني او فكره من اهناك تصورت كلشي .. او انشاءلله يطلع على ماتخيلنا ..
عالساعه 1 تقريبا خالتي قالت يالله تأخر الوقت ..
او سلمنا او مشينا ..
وصلنا امي البيت او رحت مع خالتي كنت بتغدى عندهم ..
لانه العصر بنروح نخلص من الفيز والحجوزات ..
المهم خلص دوامه متأخر اليوم عالساعه 6 او نص يا البيت او كان بيريح تعبان ..
انا قعدت مع فطومه على الكمبيوتر ..
نام يوسف ساعه او قعد او طلعنا ..
خلصنا من الفيز او رجعنا بيتنا .. من زمان ماقعدت مع ابوي ..
فقعدنا او تعشينا ..بالليل مشى يوسف او انا رحت نمت ..

نزلت لكم 3 اجزاء بيوم واااااااااحد .. لاني غبيت عليكم وايد او يمكن اغب باجر بعد ..
باجر يوم مهم ادعولي ..
الله يوفقكم جميعا ويهنيكم او يسعد قلوبكم ..

 

[تمر حنا]

ماشاء الله عليج اسلوب مشوق وفعلا تستحقين الثناء عليه والله يهنيج

 

[فقدتك يانور عيني]

الله يوفقج انشالله

 

[نظـــرات حـــائرة]

خوش ليلة حنة والله

ماعندنا هالحركات ههههه

 

[fona]

اول شي يعطييييييييييييييج العافيه نواااااار

وثاني شي الحمدلله انج فكرتي في الحجاب لانه صج راح ترتاحين

وثالث شي الله يتمم عليج ويهنيج ويوفقج ياااااارب

ومشكووووووووووورة على القصه

 

[مناوووي]

الله يوفقج

 

[Reeema_q8]

الله يتمم عليج ويثبتج على طاعته يااارب

وموووفقه يانوااااره ..

 

[zlm]

حافظج الله يا نظر عيني ... لوووووول مو جني عيوز بمسلسل

 

[foofo]

الله يتمم عليج ياااااااااارب
وميروووووووووووووووووووووك مقدمااااا على فكره الحجااااب حبيبتي

ناطرينج @@

 

[ام مضاوي]

احلى بارت الحجااااااااااااب

وحلوه افكار ليلة الحنه

مووووووووووووووووووووووووووووووووووفقه

 

[أريسQ8]

الله يثبج ايمانج ان شاء الله وراح ترتاحين اذا تحجبتي

وليله الحنه شكلها بتصير تشوق الله يتمم عليكم يااااااااااارب

 

[خوش بنيه]

الله يتمم عليج

<<<<<<<<<<<<< متابعه

 

[سوسو82]

akheeeeeeeeeeeeeran

 

[أمونة الحلوة]

الله يهنيج يارب

ومبروك على الحجاب

موفقه يارب

 

[far007a]

ماشالله ماشالله عليج يانوار القصصصصصة روووووووعة

واحلى شي ليلة الحنة افكارها تهبببل ربي يتتم عليج واتحجبين الحجاب يهبل والله وحشمة وعزة .....ربي يوفقج دايما متااااااااابعيييييييييييين بقووووووووووووووة