يوميـــــات مخطوبة

[داريني]

نوارة
صور الحنة صورج ؟؟؟؟؟؟

 

[MaYoOoma]

الف مبروووك حبيبتي وعسى الله يوفقج ويهنيج يارب

ومبروك على الحجاب
بصراحه يومياتج عجيبه وايد اندمجت وياهم امس مانمت الا وانا مخلصتهم كلهم ومن كثر ما انا دايخه ماقدرت حتى اكتب رد بس ماكنت ابي انام الا لما اخلص اخر جزء ههههههه

الله يوفقكم ان شاء الله

وبنات عمه خلج منهم منتي ملزومه فيهم انتي ولاتحرين عمرج عشانهم

وسلمي لي على بدور تصدقين حبيتها وايد ههههه

 

[orangeya]

نوارة
صور الحنة صورج ؟؟؟؟؟؟

سمحيلي يانوارتنا اعلق على هالسؤال:

حبيبتي احنا كل وحده فينا سألت نفسها هالسؤال بس ماوجهناه لنوارة...
اللي اعتقدت ان الصور صورها واللي قالت مو صورها
بس ما سألناها لان السؤال اعتقد انه ماله داعي !

وايد بنات وانا اولهم طلبنا منها انها تثري لنا البارتات بالصور فما نبي نسألها هذي غرفتج؟ هذا راسج؟ والذي منو من هالاسئلة... اهيا لو تبينا نعرف ان الصور صورها تقول او تحط تعليق عالاقل...

وسؤالج مادري يعني لو انتي مكانها شبتقولين؟؟ اتمنى انج فهمتي قصدي حبيبتي وماتكونين تضايقتي مني

شعارنا : الزعل مرفوووووض و العتب مسموح

 

[eng.jacvara]

على راســــــــــــــــــــــــــــــي اورانجيـــــــــــــــــا

 

[ام عبوودي]

موفقة نونو

 

[عطر البحرين]

موفقه نوار والف مبروك على الحجاب فرحت لج من قلبي الله يتمم عليج

 

[orangeya]

على راســــــــــــــــــــــــــــــي اورانجيـــــــــــــــــا

يسلملي راسج حبيبتي والله :tek:

 

[النوار]

بسم الله ..
قبل لاتقروووون الجزء ياحلوات ياجميلات ..

طلبتكم تدعون حق حبيبت قلبي Lawyer gomar
انه الله يوفقها بمتحاناتها او انشاءلله تنجح وتييب العلامات اللي تبيها ..
ويسهل عليها امتحاناتها .. ويسر لها امورها ..
بليز ادعولها من قلبكم ..

واللحين نبتدي ..

قعدت اليوم الظهر ..
عندي شغل واااااااايد .. اول شي لازم اصكك جناطي .. جنطة السفر او لجناط اللي بوديها شقتي
وكنت متواعده اتغدى مع رفيجتي ..
عرسي باقي عليه اسبوع او اتفقت مع يوسف من بعد الحنه مانشوف بعض لين ليلة العرس ..
كان ودي شهر مانشوف بعض .. بس كسر خاطري كان وايد مشتط حق ليلة الحنه ..
المهم اسبوع واااااايد الله يعيني :$
دقيت على رفيجتي .. قلت لها بنتغدى متأخر تعالي ساعديني ابي اخلص من هم لجناط
قالت لي اوكي .. اخلص محاضرتي او ايي قالت لي نروح بالليل الجم ..
قلت لها اي .. انا ضعفانه وايد بدون جم ولارجيم ولاشي .. من لمحاتاة جبدي مسدوده عن الاكل بس اهيا ذابحه روحها حق عرسي بدلتها ماخذتها سايز اصغر من سايزها عشان تضمن انها تضعف لها ههههههه ..
المهم
كان عندي الساعه 6 جلسة ليزر .. او عقبها باروح اشوف المسكه .. كنت معطه المحل فكره او قالت لي بتسويها توريني ..
اخذت شور عالسريع حطيت لي ماسك بويهي..او فرشت جناطي بالارض ..
كنت شاريه جناط صغار او علب احط فيهم اغراضي .. او اجياس اغلف فيهم العطورات او الكريمات او كل هذا يحتاج شغل طبعا
ياني ابوي يطل على بالدار ضحك على شكلي .. مع الماسك او روب الحمام او لوية لجناط شغلته معاي شوي .. يقلف العطورات او طلعت لها لمعات او مادري شنو مال جسم بس شكلهم يشوق او يسألني شنو هذا لووووووول .. اقوله كريم يبه كريم
شوي او يات رفيجتي راح ابوي .. كنت شايله هم الملابس .. ابخرهم من اليوم؟ بتطير الريحه؟
اذا اجلتهم بنضغط او بتعب .. لوية العرس بروحها كفايه!! .. المهم يات اختي قعدت ويانا ..
قمت عنهم شوي بدلت ملابسي او غسلة ويهي و
نبتدي بالترتيب .. انا شاريه جناط وايد .. اشكالهم حلوه مبطنين بنايلون واتر بروف يعني ..
ومقسمتهم على احجامهم كلشي حق شي ..
ببتدي معاكم اول شي
للشعر خذت
كريم Wet look
اهو جل يعطي الشعر تموجات لامعة وناعمة كأنه توه مبلول ممكن استخدامه بعد الحمام بدون عناء ويعطي شكل فريش وفي ماركات مختلفه من لوريال وغيرها
يفكني من عبالة الشسوار بالسفر ..
علبة سبراي برائحة الفواكه .. السبري الذهبي احسن سبري بس ريحته قويه .. اللي على فواكه اخف .. او يعطي نتيج حلوه حق استعمال يومي

مشط الشعر اول شي اللي تيي اسنانه كبار او متباعده هذا للحمام .. بعد ماحط الكوندشنر او اغسل شعري انسله بهالمشط ..او اقدر ألف شعري بالفوطه عقب او لما افتحه ماتطلعله الشوشه اللي خبري خبركم.
المشط الثاني العادي ..
ومشط الاستشوار ..
ستشوار للسفر واحد خفيف او الثقيل للبيت او ستريتنر

خذيت علبتين وحده كبيره حطيت فيها لفافات الشعر والاستيكات او المشابيص او كل الاكسسوارات .. او حطيت بالعلبه لصغيره اشياء خفيفه حق السفر .. احب التيجان والبندات بس ماكثرت لانه بالسفر دايما برى او علي احجابي
فخليتهم بعلبة البيت اكثر شي

كبسولات الشعر
علبة حمام زين صغيره مع انه اختي قالت لي ماله داعي .. بس انا مادري شلون بيصير شعري مع الحجاب ففضلة احط لي وحده ..
او طبعا اطقمي اللي شريتهم كلهم حطيتهم بسلال حق بيتي

بعدين بتدينا نجيس كريمات البشره .. ميلك تونيك احب مال كلنك او التونيك من كلارينس
مرطب للبشره صغير نفس الbody butter
او لوشن عادي .. حجمهم صغير حق السفر اما اطقمي ماجيستهم قلت باجر اوديهم اصفهم
كريم النهار من كلارينس بعد

مقشر الوجه من كلينك او بدي اويل من بودي شوب على مسك
بودرة المسك او غسول المنطقه الحساسه
كريم لليدين صغير للجنطه او كريم لترطيب الريل
كريم سن بلوك
ديودرنت طبي من غير ريحه
ماحب اللي مع ريحه

المهم كيست اللي ابيهم للسفر واللي مابيهم حطيتهم بعلب عشان اوديهم شقتي

طلعة ماكينة الحفاف من علبتها او حطيتها بجنطتها حق السفر
مع اني شايله ليزر او قالولي يضمنون شهر مايطلع بس الاحتياط! مو وقته اجازف

جنطه صغيره فيها مستلزمات الاضافر الاساسيه .. حق السفر او حطيت لي 3 الوان شفاف او ابيض او بيج حق لفرنج او احمر من ماك واااااايد حلو
او مزيل اضافر ..

حطيت لي جنطه فيها سياده او بشار صلاه او مصحف او ساعة اذان عطتني اياها رفيجتي ..
بس ماعرف شلون اضبطها لما اسافر عندكم فكره؟

خذيت جنطه حطيت فيها ليفة حمام او ليفه طريه
ونايلون حق الشعر اذا مابيه يتبلل
حجر مال الرجل او علبه فيها الملح مال التنقع

حطيت لي شامبو او بلسم جيستهم ..
صابون بريحة الفانيلا ..

معطر الفم او فرشاة اسنان او معجون او خيط الاسنان او علج
كنت مسويه فوط وحده لي مطرز عليها اسمه او وحده له عليها اسمي .. حطيتهم حق بيتنا

رفيجتي ياعت .. او انا بعد يعت او اهم شي خلصنا من تجييس كميه كبيره من الكريمات ..
او كنت اكتب في ورقه كلشي احطه عشان مااضطر اطلع كل شي عشان أتأكد
خلينا النثره على مكانها او قلت حق الخادمه لاتعدلين داري .. ابي ارجع بالليل اكمل ..
الشغل

رحنا فرايديز .. من زمان مارحت له او خااااااطري باللستيك مالهم ..المهم
اكلنا او قعدنا نسولف .. لين صارت الساعه 4 او نص ..
طلعنا او رحنا نشوف المسكه ..
وايد عجبتني سوتها لي نفس الصوره .. او لقيت عندهم اللي ينحط فوق الكيك عجبني على سندريلا جان اخذه
قلت بوديه الفندق يحطونه لنا فوق الكيك

خلصنا او نزلتني العياده حق الليزر او راحت الجم ..
رجعت خذتني .. كنت ناسيه تلفوني بالسياره ..
ولا يوسف متصل كذا مره او مطرش مسج ..
بمووت وحشتيني .. ارجوج بس اسمع صوتج معقوله بتحرميني شوفتج او صوتج!؟
كسر خاطري لانه مو قصدي ماارد عليه
بس بنفس الوقت ياتني الفكره اني ماارد لين يوم العرس ..
رديت عليه قلت له حبيبي .. مو قصدي احقرك .. انا مشغوله او بطمنك بالمسجات ..
مافي تلفونات عشان نستانس مابقى شي
رد علي .. ماني قادر اصبر دقيقه بس قولي ألو او صكريه
قلت له يالعيار توني امس لي متى وياك!! .. يالله ماكو لاتحن
قالي انزين يالمجرمه احبج
انا بعد .
المهم
ردينا البيت حق لوية الاغراض .. يات امي او خواتي او رفيجتي معانا كل وحده تسوي شي ..
قعدنا نصنف الملابس اغلب الوقت .. شودي معاي او شنو ماراح احتاج .. مادخلنا شي بس حطينا كل شي بصوب ملابس السفر .. او الملابس اللي مااحتاجها ..
الجواتي عزكم الله .. ولجناط او اخر شي ملافعي
المهم .. يابت اختي سندويشات او قعدنا نتعشى او نشتغل ..
لين تأخر الوقت او كلهم راحو دزيت مسج حق يوسف تصبح على خير او نمت بوسط اللويه اللي بالدار

 

[GAP]

يالله حبيبتي موفقه ان شاء الله

 

[zlm]

يعطيج العافيه حبيبتي ... هانت ما بقا شي عالعرس ... نوووواره لا اتعبين نفسج ولما ايي العرس تكونين كلش مخنجره

حاولي تريحين نفسج عالاقل فبل ليلتين من العرس منها نفسيتج وجسمج يرتاح ...... عدل بنات ...؟؟ <<<< انتي شعرفج بهالسوالف :/ !! لوووووووووول صايره فوزيه الدريع

 

[q8_hala]

مادري ليش وانا اقرا دمعت عيوني
الظاهر من الفرحه لج
الله يوفقج يا قلبي ويتمم عليج بخير وسعاده

وسلمي على يوسف <<<< طااااع هذي شهالميانه
وربي من متابعتي ليومياتج واتخيل كل المواقف اللي تصير وكأني معاكم
احس اني صرت من العايله بس مادري وين موقعي
والله اتوقع الكل نفس احساسي

 

[orangeya]

هيااااااااااا بارت يديد :ggdw:

اول شي بذكركم تدعون حق الغاليه Lawyer gomar
عسى الله يوفقج ياوخيتي ويسهل عليج دراستج ويوفقج بامتحاناتج وبحياتج بعد يااااارب


نوارة,,,
الله يعين واااااااااايد لوية بس صدقيني بتسير ذكريات حلوة ان شا الله
والحمدلله ان المسكة عجبتج

عسى الله يتمم على خير ويسير عرسج احلى عرس


ولا تسيرين شريرة وايد مع مستر جوزيف بس شويه لول كسر خاطري لما نسيتي موبايلج بالسيارة
عاد انتي يازتلج السالفة وبتغلين عليه .. ان كيدهن عظيم :dddds:

 

[om_jsoom]

وااااااااااو وناسة

احب لوية العرس بس ماكو على لويتي

انا اصلا انخطبت مني بعد اسبوع عرسي

يعني لــــــــــوية مو طبيعية

الله يوفقج نواااااااار

يالله بعد نبي بارت ثاااني

 

[رذاذ المطر]

وووووووووااااي الله يعيييييينج بس التجهييز حلووووو

 

[رذاذ المطر]

ووناااسه قريت البارت 4 مرات لووووووووووووول

 

[غربــــة اِحساس]

وحااااانت ساعة الفرحة : )

واي ابي ابجي >>> شكو

شدي حيلج نوار انتى قدها ولاتنسين الاذكار

موفقة ..

لوير .. الله يوفقج بامتحاناتج : )

 

[فقدتك يانور عيني]

الله يوفقج انشالله

 

[رذاذ المطر]

نووووووووووووووووواره ودي ابجي :krkrkr: :krkrkr: :krkrkr:

بعد خلاص مانشوووفج تعودنا عليج

 

[eng.jacvara]

نــــــــــــــــــــــــــوار مبرووووووووووك مو بـــــــــــــــاقي شي عالعرس الله يهنيييييييييج ان شــــــــــــــــاء الله ويوفقج والله يوفق محــــــــــــــــــــــــــــــــــــاميتنا القمر :tek:والله وانا بعد لما اقرى بارتات معينه تدمع عيوني من غير ما احس:krkrkr:
موفـــــــــــــــــــــــــــــــــقه يــــــــــــــــا رب​

 

[سياسية]

ما شاء الله...غبت عنكم 3 أيام..لقيت 5 أجزاء يديدة!؟!؟

ما شاء الله تبارك الرحمن

نوارة ألف مبروك الحجاب.. عسى الله يثبتج

ومبروك قرب العرس..أخاف ما ألحق أبارك لج لأني مو بالكويت

وبالتوفيج يارب