يوميـــــات مخطوبة

[banota]

ناطرينج لا تطولييييين

 

[q8**girl]

حياتي والله تستاهليين الي تابعج ... وناطرييينج ... وربي يوفقج

 

[قلب راشد]

نواار

يالله نااطرينج

بس ليش ما دق ؟؟

 

[النوار]

كنت سهرانه لين اذن الفجر صليت او رجعت اتقلب بسريري ..
طلعت الشمس او دش النور من الستاره ..
وبتدت اصوات العصافير والسيارات بالشارع تدش بأذني كانه الصوت عااااااااااااالي مع انه بالكاد ينسمع
تعبت او انا افكر شسالفته .. دقيت مره ثانيه .. هم مغلق
على كثر ماانا قاعده احاتيه بس ماكنت اتمناه يرن ..
كنت خايفه انه يرن ويعرف اني احاتيه ويصدق عمره ..
نحيــــــــسه
الشيطان لعب بمخي لعب بهالليله اللي مو راضيه تعدي
فتحت اللاب توب او شغلت صورة البقره بصوت الشيخ مشاري العفاسي ..
وغمضت عيني ..
ونــــمــــت

قعدني تلفون رفيجتي بعد مانمت بساعتين بالضبط ..
تسأل شصار, قلت لها ولاشي ..
قالت لي بدق بسأل عن الطياره
قلت لها اوكي
وطبعا طارت النومه ..
دقت علي قالت لي طيارة امس تأجلت او في طياره ثانيه اليوم المفروض توصل بعد ساعه بس مو اكيد يكون عليها لانها خطوط غير الطياره اللي متأجله اللي على حسب الوقت اللي قال لي المفروض يكون مسافر عليها
المهم صكرته من رفيجتي وحاولت ارد انام ماكو فايده
تقلبت ساااااعه بالضبط .. او دقيت على الاستعلامات قالولي بعد ربع ساعه عن الطياره
المهم قمت غسلت بسرعه او رحت لامي
كانت للحين نايمه
جو البيت كان اييب النوم .. فرجعت ودقيت رقمه .. مغلق بعد
انسدحت او تلفوني جدامي .. او قاعده انتظر بس الشاشه تضوي
الظاهر حولت عيني ونمت ..
فزعت بعد 5 دقايق .. دقيت عالمطار قالولي الطياره نزلت ..
المهم انا تنرفزت .. صج قلت اذا مطنش يقهر ..
او غطت عيني مره ثانيه .. بس نمت نومه عميقه
طقت امي بعد دقايق الباب .. فتحت لها قالت لي شخبارج؟ قلت لها وكي قالت شلونه يوسف وصل؟
قلت لها السالفه
قالت الغايب عذره معاه ..وانشاءلله اللحين يتصل
والله ماكملت امي كلمتها إلا التلفون ران
انا كنت حاطت له رنه خاصه فماكانت رنته
المهم رحت ولا رقم غريب
رديت ولا يقول لي ألو
قلت له هلا
قالي شلونج؟
قلت له زينه
قالي شخبارج صوتج نايمه
قلت له لا قاعده ..حمدلله عالسلامه
قال لي الله يسلمج .. سكت كنت منتظره من اول مايدق يشرح لي اللي صار بط جبدي
قلت له شوي او اكلمك قالي اوكي
امي قالت لي شفيج جذي تتكلمين؟
قلت لها يمه بط جبدي حتى ماشرح ولا كانه صاير شي
قالت لي انتي بينتيله انج مهتمه عشان يشرح
قلت لها بدون مابين الفروض يقولي ..
قالت لي الله يعينه ..
تعوذي من الشيطان او كلميه او قوليله مو المفروض امي تيي شصار؟
يمه اخاف
من شنوووووووو تخافييين؟ عادي
قلت لها انزين بس خليني بروحي ماارتاح اتحجى جدام احد
قالت لي اوكي تعالي قوليلي شصارعاد
قلت لها اوكي ..

دقيت على موبايله اول مغلق
رجعت دقيت على الرقم اللي متصل منه
ردت علي الخدامه قلت لها يوسف موجود
قالت لي منو
قلت لها نوار
قالت لي اوكي .. ولا امه ماخذه التلفون
سلمت علي او قلت لها الحمدلله على سلامته
قالت لي الله يسلمج خرعنا .. قلت لها اي والله "بدون شعور" قلت لها ترقيعه قرت عينج
قالت لي حتى انتي كنت تحاتين ..
قلت لها اي .. تلفونه كله مغلق او ماتصل
قالت لي انا اتصل لي من اهناك قال لي ابي رقم نوار بسرعه قلت له متأخر الوقت مااقدر ادق اخذه ولاعندي الا رقم امها
قلت لها ليش اهوا عنده
قالت لي بالموبايل مو حافظه او طلعوه من الفندق على اساس طيارته التوقيت الاول .. او نسى الشاحن
حتى اللحين بالبيت متوهق تلفونه نوعيته غير عن موبايلاتنا او ماعنده شاحن يمشي وياه او انا اخذت رقمج من فطومه ماكنت ادري انه عندها كان بيكلمج
دش يسبح اول مايخلص بقوله يكلمج قلت لها مشكوره خالتي مع السلامه
قالت لي الله يسلمج وصكرته
رحت لامي او قلت لها السالفه اللي صارت وياه
او صج كنت دااااااااااااااااااااااايخه .. رديت االدار بنام إلا و اهو داق
او انا عيني بتغط مو قادره افتحها
قالي شفيج
قلت له بنام
قالي اللحين؟
قلت له طول الليل مانمت ادق عليك او عالمطار
قال لي يابعد عمري والله اسف ..
بط جبدي شكو يقولي بعد عمري .. للحين تو الناس على هالحجي
قلت له لا عادي
إلا يقول انا انتبهت انه رقمج حلو او ينحفظ بسرعه بس سيفته او كنت ادق بالاسم
قلت له شسمي .. داش السؤال عرض
قالي شسمج؟
قلت له اي بالتلفون شمسميني؟
قالي شطوله اسمج
قلت له شنو
قالي My wife to be
قلت له مو حلو ..
مادري شياني..قالي شاحط؟ My wife
خالي
قلت له لا حط
My fiance
يعني بتفلسف
قال لي اللـــــه اي بحطه اول ماافتح التلفون
قلت له انزين تعبت؟
قال لي لو ادري انج بالديره جذي تصيرين طيبه جان ماسافرت وكنسلت هالدوره اللي مالها سالفه
تعبت فالمطار بصراحه وايد لاني انقهرت ماعندي شاحن ولاحافظ رقمج
ودورت محل بالسوق الحره يبيع شاحن لقيت نوكيا بس سوني مالقيت
والله بقطه هالتلفون فاله شين علي
مع انه يديد
قلت له اي قطه انا ماحب سوني اركسون
انا لما اكون دايخه اقط بالويه
قلت له انزين انا وايد تعبانه بنام او بكلمك
او نمت لي الساعه 6 الا ربع بالضبط امي يت تقعدني
قالت لي بتطلعين؟
اهيا بتقعد بالبيت .. قلت لها اي باروح السوق ابي اشتري اغراض ..
او بعد لانه الرياييل بيوون او بنحكر .. قالت لي اوكي ..
دقيت اتفقت مع رفيجاتي .. من زمان ماشتفهم ..
او دخلت اسبح .. او طلعت بسعره
وانا بالطريج رايحه شفت بالتلفون مسج ..
إلا اهوا داز لي اول ماتقعدين كلميني ..
المهم كنت توني واصله بيت رفيجتي بس مادقيت لها عشان تطلع وقفت برى او كلمته ..
قال الو
قلت له هلا ..
قال لي هلا فيج .. شلونج
الحمدلله طيبه شلونك انت؟
بخير الحمدلله
توج قاعده .. لا من شوي بس طلعت بسرعه
مابتكونين بالبيت؟؟!!؟!؟
لا .. امي او اختي اهناك انا باطلع مع رفيجاتي
صمت ..
شفيك؟ مافيني شي .. اليوم خطبتي ..
ههههه صج مبروك
اي والله استاهل يقولون لي مبروك
انزين .. انا توني طالع من امي قالت بتكلم امج .. عمي بيتفق مع ابوج عن الملجه؟
انتي شرايج متى تبين نملج ..
مادري ..
يعني اقرب شي شنو عندج اللي ممكن ..
مادري.. يبيلنا اقل شي شهرين ..
اوكي
لا شهرين شوي ..
لييييييش .. بالعكس شهرين قليل ..
مانبي نرتب حق حفله اوشي ..
كلشي يستوي بشهرين
انزين .. مادري
لا قولي بنتفق مع الرياييل اليوم ..
عطني شوي نص ساعه اكلم امي
انزين انا يايب لج شي بسيط من التشيك سامحيني عاد مب شي مميز يعني .. بس تذكرتج ..
مشكور .. ماكان له داعي تكلف على نفسك ..
تستاهلين اكثر ..
انزين بكلم امي او بحاجيك
اوكي .. يالله سوقي بالعدال وايد تشاخطين
انا اشاخط
اييي!!!!
يمه انزين بسوق بالعدال
صج ديري بالج
انشاءلله
يالله باي
باي باي
دقيت على رفيجتي او قلت لها تطلع .. او بعدين دقيت على امي على طول كان عندها خط
المهم ركبت رفيجتي او رحنا .. وصلنا السوق او تلاقينا مع رفيجاتنا الباقي

قعدنا بستاربكس
قلت لهم الخبر ..
او كلهم صرخو فضحونا ..
او قعدنا نسولف .. او سيده ماكثرو خبر او احنا قاعدين الظاهر دزو مسجات او بتدت المكالمات تهل
بعد ساعه او شوي دقت امي ..
قالت لي انها كانت مشغوله .. صكرت التلفون من ام يوسف او قعدت تشوف الخدم .. المهم
قلت لها او قالت لي شهرين اللحين بنقول .. او لو احتجتي وقت زياده عادي بنمدد .. بنأجل الملجه مو مشكله قلت لها اوكي
قالت لي اللحين قولي حق يوسف هالفكره ..
اهما اظن بالطريج يايين ..
اوكي خل اكلمه بسرعه ..
كلمته او قلت له قالي اوكي .. كان مستعيل خاله بيركب وياه بالسياره او صكرنا
او قضينا اليوم كله فالمجمع .. تسوووووقت او بعدين رحنا نتعشى او قطيت رفيجتي اللي معاي بالسياره بيتهم او قعدت برى ارد على مسجات البنات اللي يباركون .. لين دقت امي او قالت يالله تعالي.
لاني ماكنت اقدر ايي والرياييل بالبيت .. المجلس اللي قاعدين فيه على المدخل بيشوفوني فشله
دخلت البيت ولا جيس شكبره ..عند الباب .. اخذته او دخلت ..

 

[بنوته ادرايه]

شلونج

يلا نوار انا اول وحده تقرا يومياتج اليوم يلا كملي....

الله يهنيكم يارب....

 

[Artya 【ツ】●]

 

[lolwah]

وناااسة شننو بالجيييييس لقاااااافة

 

[خوش بنيه]

<<<<<<<<<<<< متابعه

 

[june_m00n]

الله يسعدج ويوفقج ويكافيج الشر

دايما اقري على عمرج

 

[قلب راشد]

وانا بعد متاابعه ..

يالله شنو بالجييس ؟؟

 

[*_*cute bug*_*]

حبيبتي الله يوفقج شوقتينا شنو الهديه لووووووول

 

[Bamya]

عاااااااشت نواااااااااار :ggdw:

عااااااااااش الجيييييس _03BA:

عااااااااشت الدلاغات اللي بالجييييس <<على كيفها تفتي :dddds:

لا دااام راجع من التشيييك ، اكييييييييد يايب كريستااال

 

[النوار]

سيده قطيت الجيس بداري او حطيت تلفوني عالشاحن او
رحت ركض حق ابوي ..
اول مادخلت قالي حي الله العروس
نطيت عالسرير .. زين ماكسرته ..
او قلت له يالله سولف لي ..
امي قاعده عالكرسي .. تسمع
قالي والله خوش ناس .. وايد محترمين او الريال انا وايد مرتاح له
.. حتى عمامه .. عمه لكبير اللي كلمني وايد محترم ماشاءلله دكتور او عياله كلهم متعلمين او اهوا وايد يحب يوسف
من كلامه مبين عليه .. او قال اذا انتو او البنت عندها اي شرووط امرونا ..
قلت لهم احنا نشتري الرياييل والبنت بنتكم او ماعندنا شروطنا بس انه يتحمل فيها
امي سألته جم سؤال او قالها ابوي انه اتفقوا على الشهر لفلاني ..
المهم انا قلت حق ابوي .. انه انا ماعندي مانع بس لو لاسمح الله صار شي ممكن نأجل ..
قالي اكيد .. للحين انتي كلشي بيدج حبيبتي واللي تبينه بيصير ..
واحنا مب عيزانين عنج لو تعيشين عندنا العمر كله .. احنا بس نبيج تفرحين او تروحين بيت ريلج وانتي مستانسه او مرتاحه
المهم .. قعدت اسولف لهم وقولهم هلت المسجات كلن يبارك ..
قالي ابوي انا عزمته الاثنين عندنا عالغدا
قالت له امي زين سويت ..
قالت لي شفتي شيايب لج ..
قلت لها لا بالدار قالي بالتلفون يايب لي شي
اختج ماهياها سيده فتحت او شافت شيايب
شنو يايب؟
يايبلج محفظه تهبل لونها احمر ..
مسكين
اي ماقصر ..
انزين انا بقوم انام ..
اوكي حبيبتي .. نوم العوافي ..
رحت الدار او شفت الوالت .. او صورته

..
كان خاطري فيه من زمااان حتى كنت حاطته بل
WishList ..

شفت التلفون ولا فيه 2 مسد كول منه
دقيت عليه ..
رد او على طول قالي وينج؟
قلت له كاني؟
قالي دقيت عليج ماتردين توج ييتي البيت؟
قلت له لا كنت ويا اهلي قاعده
قالي اها .. شلونكم؟
قلت له زينين .. مشكور عالهديه .. وايد حلوه ..
قالي صج عجبج؟
قلت له وايد .. اول شي انا احب هاللون
ثاني شي وايد عملي انا ماحب اللي تنصفط فيه لفلوس
ثالث شي كنت من زمان خاطري فيه
قالي اي قصي علي
قلت له والله انا حاطه بالنوت مالي نفس الوش لست يعني اللي اتمنى اشتريه
او كان بين الاشيا
قالي عليج بالعافيه بس راويني هذي الوش لست مالتج ابي اشوفها
قلت له لا ماوريها حق احد احتفظ باللي فيها حق نفسي ..
هههههه ياحلوج ..
"استحيت"
يقول ابوي بتيينا عقب باجر
اي انشاءلله باتغدى عندكم عاد انتي طبخي
قلت له انشاءلله
إلا يقول تدرين توقعت تقولين انا ماعرف اطبخ
قلت له انا ماعرف بس اتعلم انشاءلله
قال عشاني؟
قلت له انا احب الطبخ بس مايات فرصه قبل اجرب .. اللحين بنجرب فيك
قال مومشكله خل اصير حقل تجارب .. اهم شي اذوق طباخج
قلت له انشاءلله ..
سألته وراك دوام باجر؟
اي
اوكي عيل روح نام او باجر انشاءلله اكلمك
قالي خلنا شوي ..
قلت له بتتعب باجر دق علي الصبح
قالي اوكي .. تصبحين علي خير
وانته من اهله مشكور وايد عاللي يبته ..
بالعكس سامحيني .. تستاهلين اكثر هذا شي بسيط ..
بالعكس والله ماقصرت .. مع السالامه
باي ..

 

[~MANARY~]

ماشالله خبري بالموضوع كـان 8 صفحات

عسى ربي يتمم عليج الفرحه

بانتظار الاجزاء القادمه


ونااسه شهرين قبل الملجه << ضامنه في احداث واجد :eh_s(3):​

 

[بنوته ادرايه]

انا اليوم ماراح اطلع من المنتدى رحت تسبحت والحين قريت الي الي حطيتيه

يلا بنطر البس واشوف شنو راح ااتحطين

.....

 

[amooon82]

واناااااا بعد انطر التكمله لاتطولييين علينااااا

 

[الشموخ]

لايوووووووووقف لايووووووووووقف

وبالعااااااااافيه عليج وتتهنييييييييين يارررررررررررررب

والله يتمم عليج اذا بعدج ماتزوجتي

والله يسعدج اذا تزوجتي

 

[ام الفهد712]

عليج بالف عااافيه حبيبتي تستااهلين اكثررر ياقلبي

وياالله لا طزلين علينااااا ناااطرينج

الله يهنيج ياااارب

 

[a.m.n.7]

يلاااااا شوقتينا

القصة اتينن ماشالله تشوووووووووووووق

بس عاد صجية؟؟؟

الله يوفقج يااااااااااااااااااااااارب

 

[lawyer-GoMaR]

وااااااااااااااااي ماشالله عليج حده اسلوبج اينن وانا توني اطيح على اليوميات صارلي يومين مادري عن المنتدى..
تخيلي قريت ال18 صفحه كلهم اليوم ..شوي بمطار الكويت الظهر والباجي انا الحين بدبي لووووول ..لايوقف..تكفين ترى سويت المستحيل عشان اشبك بهالسرعه .... هههههه..