يوميـــــات مخطوبة

[ضوى العيون]

وين تكمله القصه

 

[EnG.NoNa]

نوااااااااااااااااار اختي قالتلي امس انج كنتي شابكة تكفين حطي اخر بارت بس قوليلنا عن العرس وانهي القصة والله شوقتينا بلييييييييييييييييييز​

 

[@غالية@]

واخيرا خلصت القصة تعبت ما شاء الله الصفحات واجد وما قصروا البنات زودوها حبتين :gathering:

ومبروك نوارة الزواج والحجاب بس تضايقت يوم خلصت الصفحات والا ماكو نهاية للقصة


ناطرينج ​

 

[Q8ya_nZ'3a]

إييييييييييييه عدل نوار كانت موجوده امس!!!!!!!!!!!!!!

نواااااااااااااااااااااااااااااااار
إشتقنالج؟؟؟؟
طمنينه عليج؟؟؟؟؟؟؟؟؟؟؟؟

 

[النوار]

السلام عليكم حبايب قلبي ..
انا داير راسي بس من الوناسه والله
مو عارفه من وين ابتدي .. لحظه خل استجمع شسمونه ..
او اييكم دقايق ..

 

[الغلا نوره]

نوار وصلت بناااات مرحبا حيا الله العروووووووووووس كلللووووش ياألف نهار ابيض هههههههه قلبت مصري بس من فرحتي برجعتج لنا يااحلى عرووووووووووووووووووووس ..

 

[ظبية الامارات]

مرحبا الساع مرحبا ملايييين ولايسدن بذمتيه حيالله احلى عروس .. مرحبا بج نوار بس لاتبطين نترياج

 

[>عين أبوي<]

السلام عليكم حبايب قلبي ..
انا داير راسي بس من الوناسه والله
مو عارفه من وين ابتدي .. لحظه خل استجمع شسمونه ..
او اييكم دقايق ..

وعليكم السلاام

هلا وغلاااااااااااااااااااااا

وحشتينااا ياااعرووووسه


دوووووووم الونااسه يارب

اخذي راحتج قلبووو واحنا بنتظاااااارج

 

[النوار]

وحشتوني ..
وايد وايد وايد وحشتوني ومارحتو من بالي ..
تمنيتكم فالعرس .. وانا اتجهز ..
وانا نازله الصاله ..
ياريت كنت اقدر اعزمكم كلكم ..
وتيوني تسلمون علي عالمسرح مثل ماكانو ربعي او اهلي او كل اللي احبهم حوااالي
بذيج الليله ..
والله العظيم تذكرتكم وقلت ليتهم موجودين .. تيوني كل وحده ورى الثانيه تسلم علي او اتقولي منو اهيا ..
وتفرح وياي على فرحتي ..
نرد حق محور حديثنا .. من وين ابتدي ..
والله يابنات .. ييتو على بالي اغلبيتكم للامانه ..
متابعاتي اللي بتدو معاي او اختفوا مع عوامل التعريه اللي صارت على قصتي ..
ومتابعاتي اللي استمروا معاي من اول جزء
وكل حبيباتي اللي انظمو .. او عاشو معاي اللحظات لي اخرها او استانسو بفرحي او حزنو لحزني او دعولي او تابعولني او احيوني في غيابي ..
وفتحولي قلبهم او عطوني من وقتهم .. واللي يتابعوني جميعا
خليتو حق فترة خطبتي طعم خااااااااااااص .. والله العظيم .

ماكان بالسفر عندي جانس اكتب لكم .. بس كل فتره اختلي فيها مع روحي او تصير عندي فرصه احط بورقه رؤوس اقلام تذكرني عشان اتذكر الحدث اللي صار لي ييت بكتب لكم
تصدقون في اشيا وايد كتبت لها نقاط او اللحين اقراهم او مو ذاكره هههههه ..
بقول لكم بالبدايه ..

عرسي الحمدلله الحمدلله

..الترتياب كلها كل شي احسن حتى من تخيلاتي .. انا قبل كان عندي حكمه فالحياه
اتوقع الاسوء عشان لين ياني شي عادي اقتنع فيه لكن والله كلشي فاق توقعاتي .. اللهم الطرحه ..
مادري شلون كانت .. ماعجبتني أدقرتني شوي لكن الحمدلله على كل شي .. ويات بالطرحه ولا شي ثاني
الكل قالي إنها حلوه بس أنا حسيتها عفسه! .. أو غطت على شعري مع انه تسريحتي كانت روووووووعه ..
لكن أحلى موقف لما دخل يوسف ..
صارت دزته كلها محارمي .. او بعدين دخلو الرياييل فشافني ضحكني واهوا داخل انا كنت واقفه او اهو رافع راسه او يصغر عيونه ..
شفتو لما شي بعيد او مو واضح عشان تشوفينه شوي انه تصغرين عيونج .. عشان يبين ..
اهوا جذي كان يطالعني او انا ابتسمت او اضحك من داخل شوي شوي .. من شكله
يوم يا عالمسرح ..واقف يطالعني ... وراه كلهم بيسلمون المهم أنا اشوفه أو أهوا يشوفني أو ساكت بعدين استوعب أو باس راسي ..
أو قالي حبيبتي؟ بنبرة سؤال
حقرته

المهم وراه ابوي فانا على طول لميت ابوي ..

او سلمت عليهم كلهم .. او دخلو الرياييل .. حبيبي ولا كلمه! .. وانا مستانسه عليه مسوي قفل او صج شكله اينن صاير
المهم دخلو الريايل بعدين .. او طلعو ..
لفيت عليه او قعد يقولي عمري اول ماشفتج ابي اتكلم مافي
نسيت الحجي
قلت له انت عيااااااااااااار
قالي والله عمري والله مادري شياني .. ضحكت عليه او لفيت عنه قالي ياشاقول لاتحقريني جذي طالعيني لايقولون يحاجيها او ماتعطيه ويه
طالعته قلت له يعني اجابلك او ماشوف عرسي
قالي بذمتج قادره تشوفين شي انتي .. انا ما شوف شي انا اشوف يمي بس نووور ماحي اللي جدامي كله
قلته له لاتسوي فيني جذي ترى استحي ..
وماسكت حبيبي ماشاءلله عليه او هالشي لاحظته بالصور والفيديو .. كل الصور قاعد يكلمني ..
لكن سألوني شيقول طول هالوقت وانا والله مااذكر ..
لما صار لازم نروح ماكان ودي اطلع ابي اشوف عرسي او اقعد مع رفيجاتي .. ماشبعت
فكل شوي يسألوني اقول لهم بعد شوي بعد شوي .. او اهوا يحن يالله يالله ..

المهم .. وانا بالمسرح احاتي شعري شيفجه ؟ عيزت وانا اقول لها ماحب سبري لاتحطين لي وايد او اهيا تقولي لاااا بتشوفين بتفتحينه ولا كانه فيه سبري ..
كانت وايد حلوه التسريحه لكن مبين كلها سبري ..
المهم .. بعد ماانزفينا ..
او كلشي كان تمااااام التمام ..

وصلنا الدار صورنا او خلصنا .. قلت له اذا تبي تنام ترى انا بطول بالحمام
عطاني نظره شيطانيه قالي هيه .. اي انا اقول بعد بنّام ..
قالي تعويض على الأسبوع اللي ما شفتج فيه اسبوع ماراح تنامين
قلت له يهون عليك؟ قالي عمري يالله لاتضيعين الوقت
قلت له لاتحن يالحنان .. قالي انشاءلله
يالله .. قلت له انزين
اخذت عدتي كلها او دخلت تكرمون الحمام .. اول شي مسحت المكياج كااااامل .. او نضفت ويهي او رطبته ..
غسلت أسناني .. وجابلت شعري قلت بفجج الماشات او بنسله مثل ماقالت
تكسرت ايدي او نط لي عرج وانا اشيل او ماخلصت ..
انا ماحب من اول يوم يجالبني يشيل ماشات من قمة راسي!!! مافي رومانسيه
فقلت بعتمد على روحي يمكن بدون مبالغه ساعه إلا رابع ..
واخر شي اشوف كل خصله بصووب!!!!
شصاير ؟؟؟ .. نسلته .. كأنه لوووح يابس ماكو فايده .. قلت مالي إلا اغسله ..
واقعد تحت الدش .. غسلت او سبحت او تيددت
او خليت شعري ينشف شوي . حطيت لي كونسيلر من السهر كان تحت عيني اسود او حطيت كحل خفيف او مسكره .. او حمره .. فركت شعري بمسك القرشي وجسمي ..
وهذي غلطه ماانصحكم فيها .. لانه طعمه مر .. بس طبعا ريحته .. خيال
المهم .. سشورت شعري ..
ورفعت نصه .. يمكن ساعه او نص بالحمام ..
طلعت له ولاطالب عشى الاخ .. ومانطرني .. يعني ماكمل بس بدى ..
المهم اول ماشافني قالي وااااااااااااااااااو .. افتشلت قالي يالساحره
قلت له ليش؟
قالي كلشي عليج حلو؟
قلت له طرحتي حارتني
قالي والله انتي مينونه تهبلين كأنج ملكه .. انا بس قعدت اقرى عليج خفت عليج
ابتسمت له .. قالي تعالي يمي
قلت له بصلي قبل ..
قالي اوكي ..
صليت او قعدت اكل معاه .. كان الشعور ماينوصف ..
كنت حاسه اني مرتاحه وبنفس الوقت حاسه كاني اول مره اقعد معاه
قالي اللي عليج يهبل .. قلت له مشكور
يوسف نوعه دقيق .. يعجبني فيه اذا عاجبه الشي يشرح التفاصيل .. يقولي شوفي قصته لونه حلو يقدر الشي او يفرح الواحد
صج عمري احس فوقج شي ابيض .. جنج ملاك
وكلني معاه او راح يسبح بسرعه قمت صكيت الاكل غطيته او دزيت الطاوله عند الباب
او فتحت المبخر لصغير اللي عالكهربا امي كانت حاطه لي عود .. بخرت بعدين ..طلع او صلى او ودى طاولة الاكل برى .. فتحت فواحه .. امي كانت مخليتها لي .. احبها
شريتها من كشك بالفنار ..
رووووووووووعه .. المهم حطيتها بعيد عنى ..
وبس :$

طبعا مانمنا الا الساعه 8 الصبح تقريبا
قبل لاانام حطيت لي تحت مخدتي علج .. هذي نصيحه قريتها بالمنتدى .. والله يابنات خوش نصيحه ..
المهم .. نمت او فتحت عيني طليت بالساعه كانت 12 قلت زين عندي بعد وقت ورجعت نمت ..
طبعا النومه كلها كانت مقطعه ..
كل شوي اجيك على روحي + المكان متغير
المهم غطيت بنومه عميقه .. مع اني كنت ناويه اقعد قبله بس اهوا صحاني من النوم
او هالشي طبيعي عند يوسف .. ياربي اول انسان اشوفه مايقدس النوم المهم ..
قعد يتكلم شووووي شوي بس انا نومي خفيف
قالي عمري
حقرته من التعب مو قادره اتكلم ابي انام
قالي حبيبتي ..
قلت له همممم "هذي مالت النايمين" قالي سوري عمري
والله ادري انج تعبانه
حدج كاسره خاطري بس ينتظرونه والمصوره بتيي وبنروح المطار .. ما تبين تقعدين مع أمج ..
أنا اهني سيده فتحت عيني تذكرت او قلبي عورني
عطيته ظهري او قعدت افتح العلج
اهوا يقول شتسوي هذي..
المهم كليته او التفت عليه قلت له يالله قوم انت قبلي
قالي جاهز انا
طلعت عيني لما شفته
قلت له زين .. شرايك عشان اخذ راحتي تنزل تحت تتريق على مااجهز انا
قالي عمري .. سمالله عليج اي ريوق هالحزه
قالي ماباطلع يالله قومي يالكسوله
قلت له انزين
قمت او غسلت جسمي كان خاطري اروح بيتنا او اسبح بحمامي
بتدى الهوم سك يشتغل
المهم خلصت شغلي كله فالحمام .. مع اني مو متعوده على قعدت الحمامات بس عبالي الرياييل مايحبون المره تتمكيج جدامهم
"العكس صحيح" يوسف طلع يستااااااااااااانس
مو عن انه يستانس على المكياج بس يحب يشوفني اتعدل .. مادري شالمتعه بالضبط بسأله هههههههه
المهم نزلت سويت شعري بالصالون اللي تحت أو دقيت عليه أهوا لما طلعت من الدار كان يصلي ..
نزلي .. أو رحنا بيتنا .. أمي كانت مسويه الغدا عشان لضيوف اللي عندنا أو خالتي أو البنات أو خالات يوسف كلهم يايين
وبنات عمه Miss World أو وصيفاتها
دخلت البيت كلهم كانو موجودين بالصاله .. بس فتحت الباب ولا اليبااااااااااااااب
وأنا واقفه مكاني ههههههههه ..المهم دخلت اسلم .. او عيوني تدور امي مو لاقيتها
سلمت على الكل وكلمن نغزه بصوب .. ضحكوني.. ولا امي داشه .. مادري من كانت واقفه لي مشيت عنها او رحت حق امي
وبلشت عيااااااااااااااااااااااااااط
او امي تعيط وانا اعيط
وخواتي يعيطو
او خالاتي يعيطو
وصارت المناحه
بدور ياتني تضحك .. او انا ابجي اقول لها شفيج يالمجرمه
إلا تقولي كلهم حزيننين بتطلعين بس انا فرحانه بتيين عندنا
قلت لها من قالج ودراسة اخوج
اهني استوعبت او دشت معانا بالعياط هههههههههههههههه
المهم ابوي كان برى مع الرياييل دقيت عليه قلت له ابي اشوفك
او ياني او لميته .. حبيبي ابوي .. الامان او كلشي ..
يوسف كان وياه او يضحك
او ابوي يبوسني او اهوا يطالعنا ويضحك
المهم تغدينا او تعرفت على خالة يوسف .. لولوه صغيره بيني او بينها 10 سنين بس ماشاءلله عليها تهبل .. اول مره اشوفها لانها عايشه بأبوظبي ... زوجها اماراتي يوسف كان وايد يسولف لي عنها او اول مره اشوفها لانه بفترة الملجه او الحنه كانت مسافره ويا ام ريلها تتعالج
المهم دخلت داري بعد الغدا وانسدحت عالسرير .. ياتني امي او نسينا الناس او قعدنا نسولف .. رفيجتي كانت مأجره سترج ليموزين حق المطار مفاجأه
فرحت انا او بيتنا بالليموزين فطومه يات معانا او بدور او خالتي مع يوسف ..
المهم قبل لانروح المطار بتدينا العياط .. ثيابي او اغراضي مالوت السفر كانو كلهم ببيت يوسف فجدم اييبهم
او كنا بنتلاقى بالمطار
..
لهيت بالسياره بس وصلنا المطار بتدى لبجي
او امي او رفيجتي او خواتي او خالتي
او فالمطار بدور عطتني هديه .. سيديات حطيتهم بجنطتي ..
او بس سلمنا عليهم او دخلنا ..
انتو اكيد كلكم سافرتو شهر العسل واللي ماسافر ابتعد عن اهله شوي او ذاق الشوق لهم واللهفه انه يرجع لهم ويسولف لهم والله يعلم انه شوقي لكم كان نفس الشي او اقول متى بلقى الوقت اللي بقدر اكتب لكم
فرحت بالموضوع اللي فتحتوه لي وسؤالكم ومحاتاتكم او دعواتكم او كل شي ..
احبكم ..
خلصت القصه ....

 

[>عين أبوي<]

نوااري الله يسعدج ياقلبي ويهنيكم ولا يفرق بينكم
قولوووو امييييييييييين

 

[جےـود الحےـزن]

الله يوفقج يا نوار ويهنيج ولا يبعدج عن زوجك قولوااااااااااا أمين

 

[مستمعة كويتية]

ألف مبروك ... وصج أمتعتينا معاج وحسينا ان احنا عايشين وياج تفاصيل حياتج ... الله يهنيج و يوفقج
... على فكره آنا متابعه جديده ليومياتج صارلي 4 أيام بس مع هذا حسيت إني أعرفج من زمان ​

 

[رذاذ المطر]

حمدالله علي السلامه نوااااار

والله اشتقنالج وكل يوم نطل ع الموضوع نشوف اذا في جديد والا لا

الله يوفقج يارب اهم شي انج استانستي بشهر العسل

 

[~ miss NERD ~]

الله يهنيج نواااره
عاد حسافه خلصت القصه

 

[NoNoFeTa]

نهايه سعيده موفقه انشالله

 

[q8_hala]

الحمدلله على السلامه يا نوار
صج صج استانسنا بيومياتج ومتعتينا
الله يمتعج بالصحه والعافيه والسعاده طول عمرج ان شاء الله
مو تقصين علينا خلصت القصه
يالله افتحي موضوع ثاني سميه "يوميات شهر العسل" وسولفي عن شهر العسل
وين رحتوا وش سويتوا وأهم شي جبتي صوغه لنا وإلا لأ؟

وبعدين نبي "يوميات حامل"
وعقبه نبي "يوميات نفاس"
واللي بعده " يوميات المدارس" <<< لما عيالج ان شاء الله يكبرون ويروحون المدرسه
"يوميات أم المعرس" <<< لما تزوجين ولدج
"يوميات أم العروس" <<< لما تزوجين بنتج
" يوميات الحماة والجنه" <<< لما تتناشبين انتي ومرة ولدج خخخخخخخخخخخ
" يوميات الشيبان" <<< لما يتعدا سنج انتي ويوسف 60 سنه ولكم ولنا طولت العمر يارب

مو كاني مصختها خخخخخخخخخخخخخخخخخ
ابطلع قبل لا أقول حطي يوميات سايقكم بعد

 

[Eng.shosha]

صج صج استاااانس عاليومياات

الله يسعدج بحياتج ويهنيج يااااارب

وموفقه

 

[mo9a7ya]

الله يهنيييج يااارب
صج صج ونستينا بومياتج
الله يوفقج يارب
ومنج العيال ومنه المال
مبــــــــــــــــــــــــــــــــــــــــــــــــ يا نوار ــــــــــــــــــــــــــــــــــــــــــــــــــــــــــــروك

 

[kenda]

الف الف الف مبرووووووووووووووك يانووووار

واشتقنالج وايييييييييييد و الحمدالله عالسلامه

والله يهنيج يارب انشالله

 

[الزين الفاخر]

حمدلله على السلامه نوار
عسى الله يتمم عليج إنتي ويوسف السعاده والهنا
ويرزقكم بالذريه الصالحه ياااااااااااااااااااااااااااااااااااااااارب

(وتوتا توتا خلصت الحتوته):eh_s(8):