يوميـــــــــــات عروس في شهر العسل

[الكبر لله]

يالله ناطرينج يالغلا
وموفقة ان شاء الله ’’’

 

[Galaxy90]

واو وناسه !! ثانكس نوار على هالبارت الحلو

بس تكفه نوار شلون متحملين هالشهر !!

يعني وايد متعب مفروض ما تخلونه حيل مزدحم عليكم عشان تقدرون تستانسون و ما تحسون روحكم دايما مستعيلين

لوووووول لاني احسها سفره للرحلات فقط مو شهر عسل

شرايكم بنات ؟

 

[النوار]

يومـــــــــيات عروس في شهر العسل

الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8

الجزء الثالث
http://www.q8yat.net/showthread.php?t=151031&page=12

الجزء الرابع
http://www.q8yat.net/showthread.php?t=151031&page=21

الجزء الخامس
http://www.q8yat.net/showthread.php?t=151031&page=29

GhaiR_iLNas
دلوعة روحي
بنت الناس
^حلاوه^
M!SS CoFFee
a7la tooota
GAP
BNT_7waa
حبيبة أهلها
سيده ملعقه
amooona82
السولعية
غربـــــــة إحساس
foofo
L a w y e R
zlm
مطيريه ماركه
غلا فهد
جاي الضحى
بنت الفيحا
Betty
V i o L e T a
BLack doll
Q8ya_nz'3a
قلب حساس
eng_bdliat
Nonoo
كويتيه تينن
wsts2005
ام معيوف
ام حسوني
lucky girl
rawona
الكبر لله
jumjum


شكرا .. لمتابعيني المخلصين من البدايه وللبنات اللي انضموا .. حياكم الله وشرفني وجودكم ..
ملاحظه مهمه .. الرسايل الخاصه ماباقدر ارد عليها اليوم .. انشاءلله برد باقرب وقت سامحوني ..
ومشكوووووووووووووووووورين كلكم مره ثانيه


نزلت هالجزء بنص الاسبوع .. لانه الاجزاء قصيره .. بس انشاءلله بحاول انزل اطول بالاسابيع اليايه ولاتزعلون.


الجو كان واااااااااايد حلو..
فنمنا والدريشه كانت شوي مفتوحه
الصبح قعدنا على اصوات الشارع .. كأنهم عندنا ..
المهم كان الجو مايشجع عالنوم ..
مع انه السرير كان خيالي .. الماترس مالهم الواحد يغووووص فيــه .. بس سبحان الله مع كل الاغرائات
قدرت اقوم فرش .. او قعدت ريلي او جهزنا بسرعه .. فضلنا نتريق برى الفندق
ملينا من ريوق الفنادق .. تبيكال حده
المهم .. تريقنا بقهوه عالشانز .. او تسوقنا بالمحلات
يوسف يازت له معارض السيايير .. ففترقنا او تواعدنا الساعه 10 عند محطة الاندر قروند ..
انا دخلت بوتيكي المفضل او نسيت روحي ..

اتصلت فيني خالتي او قعدت اسولف وياها او بهالوقت وصلني مسج ...
بعد ربع ساعه من السوالف مع خالتي .. فتحت المسج ولا يوسف كاتب انا ناطرج
خفت اتصله او قعدت امشي بسرعه .. وصلت له او كان عاقد النونه
انا كان غالبني جمال اليوم او الجو الحلو او ماكنت ابي شي يعفسنا .. اعتذرت او شرحت له اني لهيت بالتلفون
او شقيت الحلج .. ماطول مسكين .. دقايق او رد عادي .. عكسي اذا اعتفس مزاجي وايد صعبه ردتي عادي وهالشي متعبني وااااايد بتييكم المواقف بعدين
رحنا بالاندرقروند لمنطقه اسمها مونتمارتر شي جذي ماعرف شلون يقولنها الفرنسيين ..
فيها حي الرساميين ومن هالموقع تقدر تشوف باريس من فوق والموقع والجو كان رووووووووعه
وفيه كنيسه مشهوره عندهم ..
الرساميين طبعا كانو روووووووووعه واللوحات تهبل .

هالمنظر من فوق

طار الوقت بدون مانحس فيه او عالساعه 12
رحنا منطقه بعيده شوي عن وسط باريس
فيها مجمع ضخم

او اوت ليت كبيـــــــــــر
اسمه اوت لت فيليج
la vallee بالفرنسي

مثل ماقلت لك المكان وايد كبير او فيه محلات برى او داخل .. قضينا فهالمجمع وقت طويل .. ماطلعنا الا لما سكر محملين بالمشتريات
رجعنا الفندق او احنا بالطريج يوسف بدى يحن يبي يأجر سياره .. او انا متخرعه عالاندرقروند ..
او قعد يتحلطم او انا اتحلطم لانه بلندن مايحب يسوق .. او انا حاسه انه فرنسا ماتحتاج سياره لانه كلشي سهل بالاندرجروند ..
رجع عقد النونه .. كسر خاطري طول اليوم يعابل فيني او بجياسي .. قلت له شرايك يوم اللي بنروح ديزني المشوار طويل شوي .. نأجر سياره
قالي اوكي بس شلون نرجعها؟
خصوصا انه من ديزني احنا بنركب القطار لي لندن ..
قلت له خل نرجع الفندق او نشوف ..
بالفندق فرع صغير لتأجير السيارات .. اول ماوصلنا رحنا او اتفقنا مع الريال على انه بعد بعد 3 ايام بناخذ السياره او بيستلمونها من ديزني ..
فأستانس الاخ .. او صعدنا ريح اهو او انا قعدت افلل اشـشريت .. مع الاجياس والنثره .. تذكرت لما كنت اسافر مع اهلي او نتشرى ونلبس نوري بعض ..
عورني قلبي او اشتقت حق امي او خواتي او اتصلت لهم ..
كانو ببيت يدتي .. متيامعين او حطتني امي سبيكر سلمت عليهم
على كثر ماكنت مستانسه بس تمنيت لو كنت معاهم
وانا افكر بهالشي لفيت او شفت ويه يوسف او كسر خاطري ..
حسيت بالذنب او قمت بسرعه .. اكشخ حق عرض ازياء الخليجين اللي تحت!
.. المهم لبست لاقنق طويل او فستان ازرق نيلي .. او حطيت حمرتي الحمره او كحل او بلاشر او لفيت اللفه عدل او قعدت يوسف ..
جهز اونزلنا .. تمشينا شوي او ماكنا يواعه .. فكرنا شنسوي .. مانقدر نقعد بمكان بدون لناكل شي فقررنا نروح عند برج ايفيل ..
فرحنا او قعدنا نصور .. ونصور

وايد كان المنظر حلو بالليل والجو اينن بس ماكنا نقدر نصعد فوق فقلنا باجر الصبح بنيي
المهم .. كلينا اهناك بيتزا وايد لذيذه
على فكره فشهر العسل انا وايد اكلت بيتزا مع اني كلش مااحبها .. بس اهناك بيتزتهم غير خفيفه .. او ريحتها تشهي
المهم خذينا بيتزتنا او قعدنا تحت البرج عالحشيش ناكل ..

هالقعده كانت تينن .. ماتنسى
تناقشنا فيها عن برنامجنا .. حق الايام اللي بقو لنا بباريس ..
قررنا باجر نرجع اهني عشان نصعد البرج .. وبنروح الحي اللاتيني وكنيسه النوتردام
..
فيه سوق شعبي حلو .. طبعا اللي سهل علينا رحلاتنا .. البحث فالانترنت قبل السفر ..
بعد ماخلصنا تمشينا .. الاندرقروند سكر وعانينا على مالقينا تاكسي .. بس الحمدلله انه الجو كان اوكي مو وااااااااايد برد ..
رجعنا الفندق او استسلمنا لنوم عميق

قعدنا الصبح متأخر شوي .. الساعه 9 تقريبا
جهزنا او نزلنا نتريق بالفندق او على طول عالمحطه .. ركبنا برج ايفيل او شفنا المناظر من فوق تينن ..
لكن لكيو كان طووووووووووويل

يتبع​

 

[النوار]

قعدنا تقريبا ساعه او نزلنا او انطلقنا للحي اللاتيني ..
تمشينا فالسوق او تشرينا من هالسوفونيرز ..

او شفت محل وحده تسوي عرايس
من كنت صغيره كان خاطري اشتري وحده او ماعرف ليش ماشريت .. او اللحين كبرت عليهم بس للحين بخاطري .. بعد ماطفنا المحل قلت حق يوسف او لزم نرجع
او خذيت لي وحده وااااااااايد حلوه ..

استانست عليها اكثر من كل اللي شريته .. بس اللي ريحني امس اني افتكيت من صوايغ وايد ناس كنت شايله همهم ..
وحصلت لهم اشيا انشاءلله راح تعجبهم .. المهم بعد ماخلصنا رحنا كنيسة نوتردام .. اللي خذو منها ديزني قصه هانجباك اوف نوتردام
احدب نوتردام

المهم بعدين تمشينا عالنهر شوي او رجعنا الاندرقروند
رحنا منطقه اسمها لاديفانس

هم فيها سوق او متحف النفط مالهم تمشينا شوي او قعدنا بستاربكس او لما تأخر الوقت رجعنا الشاااااااانز
نستعد حق رحلة ديزني باجر ..
جهزت هدومي انا او يوسف بجنطه صغيره
او صكيت لجناط حق لندن ..
نزلنا كويك خذينا عشا او يبناه الفندق ..

اكلنا وتفقنا انه يوسف الصبح يروح ييب السياره او نمشي لديزني باذن الله نمنا
قعدت الصبح متأخر 10 تقريبا .. دقيت عليه قالي يبيلي نص ساعه ..
فصكرت لجناط او طلعتهم
او رتبت كلشي او دقيت عليهم ينزلون لجناط ..
بهالوقت وصل يوسف او خلص الاجراءات ..
مسكنا الخريطه او رحنا اول شي سوبر ماركت
Geant خذينا خفايف للطريج او توكلنا على الله ..

طافنا من باريس متحف اللوفر او قصر فرساي :0bee2e8d89:
كانو ظمن المخطط بس ماكان عندنا وقت .. اذا الله كتب لنا او رحنا مره ثانيه بنروح لهم

الجزء الياي راح يكون عن ديزني باذن الله

اللي سأل عن السينما .. في جميع الافلام حتى العربيه كانو منزلين مرجان احمد مرجان فلم عادل امام
بس مادخلته لاني ماحب عادل امام.

 

[Q8ya_nZ'3a]

انا اول وحده ارد على نونو

وناااااااااااااااااااااااااااااااااااااااااااااااااااسه



الحين بقراه حبيبتي

 

[سيده ملعقه]

يلاا ناطرين رحله ديزني على احر من الجمر
والله يوفقج ياارب

 

[دلوعة روحي]

واااااااااااااااااااااااااو نوار منزلة باااارت

وناسة

 

[bnt_7waa]

7000sh bart

estanst lma shft m7al lv looool


9g 7reem

o el9waar 7dha waaaw

na6reen dzny

 

[M!SS CoFFee]

هههههههههههه

سبحان الله كان عندي احساس ان في بارت حلو مثلج نواره

يسلمووو خيتووو

وبالتوفيق انشاء الله وناطرين ديزني

تحياتي لج

 

[.. مـــلاكـ ..]

موفقة

 

[كحيلة يام]

يابعـــــــــــــــــــــــــــــــــــــــــــــــــد قلبــــــــــــــــــــــــــــــــــــــــــــــــــــــي يانــــــــــــــــــــــــــــــــــــوار....بالتـــــــــــــــوفيق

 

[^حلاوه^]

عليييج بألف عاافيه




يالله ناطريح رحلتج حق ديزني

 

[احترت اعبر]

ونااااااااسه ماكنت ادري عن هاليوميات اليوم شفنها وصارلي 4 ساعات وانا اقرا الله يهنيج يانوار وايامج ان شاء الله كلها ونااسه وفرح

 

[foofo]

متااااااااااااااااااااااااااااااااابعه

 

[GAP]

يا بعد قلبي شي شي يونس



بس نبي بارت ديزني لووووووووووول مافيني صبر

 

[غلا فهد]

:ggdw::ggdw:مشاللة عليج يالنوار طول عمرج عسولة




والبارت اللي نزلتية حلو ومريح نفسج:ggdw::ggdw:

 

[just flower]

اللـــــــــــــــــــــــــه أحلى مفاجأة


بارت بنص الأسبوع


عيل كل يوم بجيك على الموضوع

وبانتظار رحلة ديزني

 

[wsts2005]

وووووووووووووووووووووووووووااااااااااااااااااااااااااااااااااااااااااااااااااااااااااااااااااوووووووووووووووووووووووووووو
حبيت البارت خصوصاااااااااااا إ ني ما توقعتهههههههههههههههههههههه يعني قلت على الويك اند
راح تنزل بس حلووووووووووووووووووووووووووووووو الله يهينك ويوفقك ويبعد عندك الحساد قولو آمين

 

[Ma`3rOoraa]

اللة يوفقج ان شاءالله

حلوه يومياتج ,, بانتظار باجي اليوميات

 

[BaNooTa Q8TeYa]

بـااارت نـص الاسـبـوع

احـلـى مـفـااااااجـأأأهـ


مـتـاااااابـعـه