يوميـــــــــــات عروس في شهر العسل

[النوار]

هلا والله بنوار الحلوه

اخذي راحتج وكتبي على كيفج المهم تكتبيين لنا

وناطرينج ​

هلاااااااااا بأمونة ..
انشاءلله حبيبتي مشكورة ..

اخذي راحتج حبيبتي وكتبي على كيفج المهم تكتبيين لنا
صرااحه وااايد استفدت من يومياااتج ...

وناطرينج

الحمدلله انكم استفدتو هذا غرضي ..
مشكورة حبيبتي .

حساااااااااااااااااااااااااافه


عاد كاشخه يعني برد عليج أول وحده


يالله ميخالف الله كريم ..

ربي بيعوضنا ببارت حلو إن شاء الله

بعد عمري انشاءلله لي نزلت الجزء انتي اول وحده تردين لما انزل الجزء
:tek::tek:

مـومـشـكلـه نـوااار كـتـبي عـلـى راااااحـتـج

واحـنـا عـلـى طــوول بـ انتـظـااااارج ومـتـااابـعـينــج

بعد عمري مشكورة ..
فرحتيني :tek: ...

بعد قلبي والله .. مشكوره على متابعتج لي وانا بعد متابعه وناطره يومياتج .. وعقبال ما اضبط لكم باكيج اينن حق امريكا انشالله انتي ويوسف والنونو انشالله _03BA:

ولا تبطين علينا :tek:​

جهزيه احنا يايين عشان دراسته بشهر سبعه انشاءلله ..
فلوريدا بتامبا بنكون.

 

[rawona]

كووول تامبا اتوقع ماتبعد وايد عن اورلاندو يمكن ساعه بالسياره يعني بالويك اند مايضيق خلقكم انشالله على طول اورلاندو وهم بالعطل الصغيره عندكم ميامي والكي وست ومنطقه بجنوب فلوريدا كلا انسى اسمها اهي على البحر وفيها مينا مشهور ft. Laud... وانتوا كملوا الباجي لول

وانتوا ربع سفرات ونت هذي بعض المواقع اللي ممكن اتفيدكم وانشالله اتفيدج يالغالية

www.expedia.com
www.cheaptickets.com
www.priceline.com
www.hotwire.com
www.hotels.com

www.universalorlando.com
www.disneyworld.disney.go.com
www.wetnwild.com
www.seaworld.com

وانشالله نشوفكم اهناك ليش بنروح من اخر 7 الى اخر 8 ​

جهزيه احنا يايين عشان دراسته بشهر سبعه انشاءلله ..
فلوريدا بتامبا بنكون.[/QUOTE]

 

[النوار]

يومـــــــــيات عروس في شهر العسل

الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8

الجزء الثالث
http://www.q8yat.net/showthread.php?t=151031&page=12

الجزء الرابع
http://www.q8yat.net/showthread.php?t=151031&page=21

الجزء الخامس
http://www.q8yat.net/showthread.php?t=151031&page=29

الجزء السادس
http://www.q8yat.net/showthread.php?t=151031&page=33

الجزء السابع
http://www.q8yat.net/showthread.php?t=151031&page=35

اليوم قعدنا متأخر شوي .. اكتشفنا انه من مميزات الغرفه انه عندنا Fast Pass والفاست باس ميزاته انه احنا ندخل الالعاب بدون مانوقف بالـQ يعني بس نيي او ندخل بالالعاب ..
الريوق بالفندق كان وايد حلو .. خلصنا او دخلنا الحديقه على طول مسكنا الخريطه او قعدنا ندور عالالعاب لعبه لعبه ..

العاب يورو ديزني .. تناسب الكل نسبيناً .. يعني مو خطره .. عاديه ..
اللهم بس السبيس مونتن .. لكن باقي الالعاب تنفع لكل الاعمار ..
لعبتي المفضله كانت المسرح الـ3D وايد حلو .. او احب هاللعبه بعد

كنا من نمر على لعبه نحط عليها دائره بالخريطه اللي عندنا ونواصل ..
الجو كان ممطر بس حلو ... استمتعنا واستفدنا وايد من الوقت .. اسم شفنا معظم العروض .. واليوم بس وقفنا نطالع عرض العربات

او كملنا لعب ..

بعدين يعنا .. وكان الفود كورت قريب .. فدخلنا ناكل ..
اكلهم يونس .. اشكاله مالت يهال بس أيقض طفولتنا وقعدنا نتخير بأشكال النجتس اللي على ديزني .. ومن كثر ماعلب البطاط والبيبسي حلوه كان خاطري اشيلهم وياي تذكار بس يوسف فشلني ..
قالي شخليتي كلشي تذكار .. فخليتهم للاسف :0bee2e8d89:

المهم بعدين طلعنا .. يوسف كان يبي يركب لعبة السيارات او انا ماكنت ابي .. داخلتها من قبل او ماتعجبني ..

فقالي مسكي اغراضي انا باروح .. المهم راح يركب اللعبه او انا وقفت بيدي تلفونه او بوكه او مفتاح الغرفه او كلشي ..
قعدت أتلفت ولا يمي الناس ضابين على شي .. رحت اطل "خبركم فضول العرب" ولا اشوف شخصيه من شخصيات ديزني .. فقلت بصور على مايخلص ..
او بصراحه بعدين احتريت على عمري لاني اصلا ماحبه هذا جعفر مال علاء الدين ..

المهم خلصت او رديت وقفت بمكاني .. وقفت تقريبا ربع ساعه .. وبتدى يطق مطر .. وراي كان محل يبيع اغراض ملوت ديزني وكنت كل شوي اطل عالمكان اللي كنت واقفه فيه او ارد اتمشى بالمحل ..

خف المطر او طلعت وقفت بمكاني ربع ساعه ثانيه .. ماله حس .. فرحت صوب اللعبه اهيا لها دري تحت .. قعدت عند هالدري .. ماله طاري ..
فتمشيت عادي .. بتدى الوقت يـتأخر واحنا قايلين بنريح بمثل هالوقت او بنكمل بالليل .. خطتنا هذي كانت من الصبح .. فرجعت الفندق .. خذيت لفى باللوبي عل او عسى يكون موجود ماكو فقلت خلاص اكيد خذ مفتاح ثاني او صعد الدار ..

دخلت ولا مو موجود قعدت حطيت اغراضي او نطرت شوي مايه .. فقلت بغير ملابسي .. وانا بالحمام كان التلفون يرن .. بسرعه طلعت ولا سكت .. في شي بخطوطهم مايرون وايد يمكن 5 رنات بالكثير او على طول يتحول على الفويس ميل ...

رجعت بلبس ولا التلفون يرن مره ثانيه وانا متقلقصه بهدومي طلعت او شلته .. قلت الو او تسكر ..
انبطت جبدي!!!! ..

بعد عشر دقايق رجع رن التلفون ولا بدور .. سلمت او سولفنا يمكن 5 دقايق ولا تقولي يوسف يدورج! .. انتي في وين .. قلت لها اهوا اللي وين؟ ليش مادق على تلفوني .. ماكان حافظ رقمج دق علي خذاه مني او قال بيكلمج .. من وين يتكلم؟

من الرسبشن .. زين خل اكلمهم يمكن للحين اهناك اذا رجع دق عليج قوليله انا بالدار .. قالت لي اوكي انتو نكته كليوم تضيعون؟ قلت لها حرام عليج ماضعنا ولا مره؟ قالت لي يوسف معصب يقول هذي مفهيه تمشي ولا تلتفت !!!! بط جبدي المهم قلت له صكي يمكن قاعد يتصل او انتي تقرقين ..

دقيت عالرسبشن ولا اهو اهناك قالي بخليه يكلمج .. قلت له لاااااااااا بس قوله I AM UP IN THE ROOM
او صكيته .. رجع التلفون رن شلته قالي انتي شفيج؟ قلت له اركب بسرعه او صكيته.

انا غلطت .. استوعبت انه الكيو كان طويل عند هالجعفر الله ياخذه .. او اهوا مايطول باللعبه يعني مايبيله اكثر من ربع ساعه .. فقلت اللحين بيزفني او مافيني شده .. فقلت مالي غير اقوله انه بطني عورني او ييت الفندق ..

المهم .. بسررررررررررررررررررررررررعه غسلت ويهي او نفشت شعري او لبست بجامه
دخل قالي شفيج؟ قلت له بطني يعورني وايد .. اسفه حبيبي بس ماقدرت استحمل و حماماتهم زحمه ونيقه من المطر .. وقلت اكيد اول مكان بتدورني فيه الفندق لانه احنا متفقين نريح بعد الغدا "اتفاقنا كان بنريح المغرب او بنرجع بالليل لانه عندنا بطاقه مالت الـMagical hours على قولتهم المهم خلنا من هذا اللحين

قالي شفي بطنج .. قلت له مادري حسيت ابي اروح الحمام ماقدرت استحمل العوار ولا ادري شلون وصلت بسرعه الدار .. الوصف يلوع الجبد لكن ماكان عندي عذر غير .. لأنه شكله كان معصب..
مع انه ماعنده سالفه .. عنا خير ياطير! .. كلها يورو ديزني صغنونه ماتخوف المهم ..
قالي اللحين انتي شلون؟ تبين نزيد يوم قلت له لااا انا بس بطلب شي دافي من تحت بشربه او بصير احسن وانا اتكلم شفت جيس كبير صاير بالضبط ورى يوسف .. شاريته توني .. فشلون بطني يعورني او شاريه اغراض!!!!!!! .. المهم قلت اذا لف راسه بيشوفه فقلت له حبيبي طل بالدريشه بيسون العاب ناريه ..
قالي العاب ناريه بالنهار!؟ قلت له اي روووح رووح طل .. قالي انتي شفيج ؟ او راح عند الدريشه وانا ركضت قالي مايصير هالحزه انا الغبيه قلت له العاب الساعه 12 اللحين شوف
قالي يالمينونه او اهوا لاف راسه جان يشوفني ماسكه الجيس ..

وبطها ضحك .. قالي يالجذاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااابه .. بطنج ها .. بس مافي طلعه طول اليوم .. قطيت الجيس او ركضت الحمام ..
اهوا ميت من الضحك .. ماسكت متواصل .. قلت اشوى او طلعت ..
هادتني مخلتني ألولي بالحديقه شكبرها عشان تتشرى .. قلت له حبيبي ياريت اتشرى .. رحت اصور مع جعفر والحمدلله الموقف تلطف ومازفني او اعترفت له بالحقيقه المره ..
دقت بدور تتطمن او قالها شسويت فيه ... ماتت علينا من الضحك او سكرته قالي يالله بروحنا ضيعنا وقت يالجذابه قومي بدلي خل ننزل نكمل لعب .. قلت له انزين يالياهل دقايق .. قاللي يالله ام جعفر ..
او مسك علي هالاسم طول السفره

يتبع

 

[النوار]

المهم ..
رحنا بسرعه الحديقه او شفنا شنبي من الالعاب ..
دخلنا رولر كوستر عجيب .. بس لعوزنا ماي ..

بعده رحنا لعبت بايرتس اوف ذا كاريبان ..

كانت سخيفه شوي .. بس ريحتنا لانه فيها كراسي .. من عقب الركضه اللي ركضنا اياها يوسف ..
المهم .. خلصنا هاللعبتين او تمشينا او كلينا ice cream بهالبرد ..
او كل شوي ناداني .. ام جعفر لاتضيعين .. كان عنده جنطه اللي نفس الحزام .. او كله يقولي مسكيها عشان ماتضيعين ..
او دخلنا محل كان فيه سيور مال اليهال اللي ينحط بيد الام او بخصر الياهل .. مسك واحد او راح بيحاسب قلت له شتبي فيه ليش؟ قالي لج ام جعفر المهم .. ضحكنا او طلعنا من اهني

ودعنا ديزني .. وانوارها او رحنا نتعشى ببلانت هولي وود ..

تعشينا او رجعنا الفندق .. خذيت الهاند باق مالت ديزني او حطيت فيها الاغراض اللي شريناها .. او هدومنا .. طلعت بدلة باجر مالت لندن .. كان الجو وايد بارد .. فاضطرينا نفتح جناطنا نطلع كوته او صككنا كلشي .. قطينا اللي مانبيه او كان كلشي مرتب حق سفرة الصبح باجر ..

من طلعت الشمس .. قمت سبحت او لبست او جهزت او قعدت يوسف او نزلنا نتريق ..
الريوق بالشتى حلو بس السبوح بالبرد كلش مو حلو .. ..
خلصنا او سوينا الـCheck Out او رحنا المحطه

او انطلقنا للندن .. اجراءاتهم بالمحطه نفس اجراءات المطار .. او كانت الرحله مو حلوه مثل رحلة جينيف لي باريس لانه معظم الطريج بنفق تحت الارض .. بكمل لكم الليله الجزء الثامن ولندن..

 

[IN LOVE]

wanasaa :'(

allaa ehaneeeeech ;*

 

[النوار]

كووول تامبا اتوقع ماتبعد وايد عن اورلاندو يمكن ساعه بالسياره يعني بالويك اند مايضيق خلقكم انشالله على طول اورلاندو وهم بالعطل الصغيره عندكم ميامي والكي وست ومنطقه بجنوب فلوريدا كلا انسى اسمها اهي على البحر وفيها مينا مشهور ft. Laud... وانتوا كملوا الباجي لول

وانتوا ربع سفرات ونت هذي بعض المواقع اللي ممكن اتفيدكم وانشالله اتفيدج يالغالية

www.expedia.com
www.cheaptickets.com
www.priceline.com
www.hotwire.com
www.hotels.com

www.universalorlando.com
www.disneyworld.disney.go.com
www.wetnwild.com
www.seaworld.com

وانشالله نشوفكم اهناك ليش بنروح من اخر 7 الى اخر 8 ​

جهزيه احنا يايين عشان دراسته بشهر سبعه انشاءلله ..
فلوريدا بتامبا بنكون.

[/QUOTE]

شكراً rawona .. صح المسافه كلش قصيره او سمعنا انه تامبا وايد كآبه قاعدين نفكر نسكن باورلاندو .. بس للحين .. جاري التخطيط او مواقعج بتساعدني وايد
:tek::tek::tek:

 

[june_m00n]

اتيننين نوار انتي ويوسف

الله يحفظكم انشالله

الاجواء

والتصوير


حتى الاكل


عيشنا الجو عدددددددددددددددددددل


الله يتمم عليكم يارب ويكافيكم الشر

 

[ChOcoLaTe 'n MarShMaLlOw]

وانا اتكلم شفت جيس كبير صاير بالضبط ورى يوسف .. شاريته توني .. فشلون بطني يعورني او شاريه اغراض!!!!!!! .. المهم قلت اذا لف راسه بيشوفه فقلت له حبيبي طل بالدريشه بيسون العاب ناريه ..
قالي العاب ناريه بالنهار!؟ قلت له اي روووح رووح طل .. قالي انتي شفيج ؟ او راح عند الدريشه وانا ركضت قالي مايصير هالحزه انا الغبيه قلت له العاب الساعه 12 اللحين شوف
قالي يالمينونه او اهوا لاف راسه جان يشوفني ماسكه الجيس ..

ههههههه لووووووووووووول ... صج صج ضحكتيني

اهم شي انج بتضيعين السالفه ....... خخخخخخخ ما عليه تكبرين و تنسين

 

[النوار]

اتيننين نوار انتي ويوسف

الله يحفظكم انشالله

الاجواء

والتصوير


حتى الاكل


عيشنا الجو عدددددددددددددددددددل


الله يتمم عليكم يارب ويكافيكم الشر

والله انتوا اللي تيننون .. بعد عمري .. الله يحفظج ويسر امورج ويعطيج مثل اللي تتمنينه لي واكثر ..
مشكوره ...
انا باقوم ابد ريلي على وصول ..
مع السلامه ..

 

[Betty]

هلا نوارتناو لا أقول أم جعفر :dddds: انتي الي عساج دوووم مستانسه شوقتيني على رحلة بايرتس أوف ذا كاريبيان بس للأسف جوني ديب مو موجود و لآ جان صج استمتعتي فيها

 

[رفرف]

وناسة شوقتيني على ديزني بنتي طاااااارت عينها ..


على فكرة ..

هذا كابتن هووك مو جعفر ..

 

[Galaxy90]

لووووووووووووووووووووووووووووووووووووووول

يهههههههبل هالبارت و زين يسوي فيج يوسف و يضغطج بام جعفر !!

كااااااااااك والله حدي ستانست من هالبارت :dddds:

و مشكوره يا قلبي على اهتمامج و ردج و نشالله بعد كل بارت بتشوفيني رازه فيسي اقرا و اعلق

ما اخرب وناستج ولا اتعبج بلدوراه ,, تلقين ردي بنفس الصفحه او الي وراها

وناااسه متشوقه اقرا بارت لندن

سي يووو يا روحي

 

[GAP]

البااااااااااااااااارت يهببببببببببببببببببل صج صج روعة يعطيج العافيه ام جعفر خخخخخخخ

 

[دلوعة روحي]

وناااااااااااااااااااسة

وايد حلو هالبارت نوار

و مثل ما قالت رفرف هذا كابتن هوك مال بيتر بان

مو جعفر يا ام جعفر لوووووووووووووول

 

[ام حسوني]

خووووووش بارت

والله يبيييييله ديزني

و الوظيفة ماكو شي يديد

وان شاء الله يبين بعد 1\6\2008

ادعووووولي محتاجه دعاءكم

 

[احترت اعبر]

يايحليلج ياام جعفر البارت حده عجييييييب لوووووووووووووول

 

[بيبسية]

البارت حددده حلوو...

الله يوفقج ان شاءالله و يهنيكم...

و يالله ننطر الباااجي.._03ba:.

 

[قلب راشد]

البارت ايونس,, والصور عجيبه :ggdw:

قلب راشد

الف مليون مبروك ياقلبي انتي عالحمال
وعسى ربي يهون عليج عاد قطي علي البيبي بعدين اوخيتج تمووووووت عالبيبيات


ودمدمدمدمدم دمدم دمتم سالمين

الله يباارك فييج يالغلا ويزااج الله خيير :tek:

بس أولد ان شاء الله بييبه لج

وخليه عندج ليين يصير يقعد لأني أخااف من اليهاال الصغاار:eh_s(1):​

 

[a7la tooota]

حلو البارت مال دزني .. عليج بالعافيه نواار

وبانتظار رحلة لندن على أحر من الجمر ...

 

[V i o L e T a]

الصور وااااااااااااايد حلوه ورجعتلي الذكريااااااااات
امبييييييه قعدت اضحك على سالفه الجيس !!! لوووووووووول
امبيه مادري ليش كلا يجكوووووووونه