يوميـــــــــــات عروس في شهر العسل

[النوار]

Surpriiiiissssssseeeeee
قررت اكمل ..
لكن بسستم غير عن سستم Season 1
اول شي حق اللي ماعندهم فكره هذي حلقات سيزن 1 كامله :dddds: من موضوعي السابق
يوميات مخطوبة ..

الجزء الاول
والثاني
والثالث
http://www.q8yat.net/showthread.php?t=135056

الجزء الرابع
http://www.q8yat.net/showthread.php?t=135056&page=2

الجزء الخامس
http://www.q8yat.net/showthread.php?t=135056&page=3

السادس
http://www.q8yat.net/showthread.php?t=135056&page=4

السابع
http://www.q8yat.net/showthread.php?t=135056&page=5

الثامن

http://www.q8yat.net/showthread.php?t=135056&page=6

التاسع

http://www.q8yat.net/showthread.php?t=135056&page=8

العاشر

http://www.q8yat.net/showthread.php?t=135056&page=9

الحادي عشر

http://www.q8yat.net/showthread.php?t=135056&page=11

الثاني عشر

http://www.q8yat.net/showthread.php?t=135056&page=15

الثالث عشر

http://www.q8yat.net/showthread.php?t=135056&page=17

الرابع عشر

http://www.q8yat.net/showthread.php?t=135056&page=18

الخامس عشر
والسادس عشر

http://www.q8yat.net/showthread.php?t=135056&page=21

السابع عشر

http://www.q8yat.net/showthread.php?t=135056&page=24

الثامن عشر

http://www.q8yat.net/showthread.php?t=135056&page=27

التاسع عشر

http://www.q8yat.net/showthread.php?t=135056&page=32

العشرين

http://www.q8yat.net/showthread.php?t=135056&page=36

الواحد والعشرين

http://www.q8yat.net/showthread.php?t=135056&page=39

اثنين وعشرين

http://www.q8yat.net/showthread.php?t=135056&page=44

ثلاثه وعشرين

http://www.q8yat.net/showthread.php?t=135056&page=46

اربع وعشرين

http://www.q8yat.net/showthread.php?t=135056&page=49

خمسه وعشرين

http://www.q8yat.net/showthread.php?t=135056&page=51

سته وعشرين

http://www.q8yat.net/showthread.php?t=135056&page=52

سبعه وعشرين

http://www.q8yat.net/showthread.php?t=135056&page=56

ثمانيه وعشرين

http://www.q8yat.net/showthread.php?t=135056&page=57

تسعه وعشرين

http://www.q8yat.net/showthread.php?t=135056&page=60

ثلاثين
واحد او ثلاثين

http://www.q8yat.net/showthread.php?t=135056&page=63

اثنين وثلاثين
و ثلاثه وثلاثين

http://www.q8yat.net/showthread.php?t=135056&page=74

اربعه وثلاثين

http://www.q8yat.net/showthread.php?t=135056&page=80

خمسه وثلاثين

http://www.q8yat.net/showthread.php?t=135056&page=83

سته وثلاثين

http://www.q8yat.net/showthread.php?t=135056&page=87

سبعه وثلاثين

http://www.q8yat.net/showthread.php?t=135056&page=102

ثمانيه وثلاثين

http://www.q8yat.net/showthread.php?t=135056&page=105

تسعه وثلاثين

http://www.q8yat.net/showthread.php?t=135056&page=106

اربعين

http://www.q8yat.net/showthread.php?t=135056&page=111

الجزء الواحد والاربعين ..

http://www.q8yat.net/showthread.php?t=135056&page=118

الجزء الثنين واربعين

http://www.q8yat.net/showthread.php?t=135056&page=125

الجزء الثلاث واربعين

http://www.q8yat.net/showthread.php?t=135056&page=129

الجزء الاربع واربعين

http://www.q8yat.net/showthread.php?t=135056&page=140

الجزء الاخير ..

http://www.q8yat.net/showthread.php?t=135056&page=188


يوميات عروس في شهر العسل ..

هاليوميات .. بما انها مخصوصه للسفر فبتكون طريقتها غير ..
التركيز الرئيسي فيها عن السفره .. او اتمنى انه البنات اللي بيسافرون يستفيدون منها ..
لاني متزوجه .. فماراح اقدر انزل اجزاء يوميه نفس الجزء الاول .. بنزل جزء واحد كبير اسبوعياً بإذن الله السبت او اليمعه احد هاليومين على حسب تفرغي ..

الصور معظمها منقوله او بعضها من تصويري ..
لانه بماأني اتكلم عن السفر فبيكون فالموضوع صور اكثر من الجزء الاول ..

بسم الله
نكمل ..

دخلنا المطار او قعدنا بالكوفي شوب كلنا ..
كان باقي عالطياره ساعتين فقلنا بنقعد نص ساعه برى بعدين بندخل
طبعا اهلي استلموا يوسف بالتوصيات .. لاتزعلها .. بديرة غربه مالها احد .. او عشان يراضونه قالولي انتي بعد لاتزعلين ريلج ..
او لاتهدون بعض .. لاتخليها تروح مكان بروحها .. لاتاكلون بأي مكان .. اوروبا خطره بالليل لاتسهرون برى
ديرو بالكم على فلوسكم لاتشيلون مبالغ كبيره وانتو طالعين
لاتركبون بالمترو .. لاتروحون اماكن مافيها عرب ..
وصايا حق يهال عمرهم 12 ههههههههههههه .. طبعا انا سااااااااكته
او بدور ماسكه الكاميرا وتصور ..
المهم صار لازم ندخل , تأخرنا ..
فدخلنا مستعيلين .. العيله نستنى شوي حرقة الفراق .. طبعا امي عينها مانشفت من الدموع ..
انا ضنيت اني انا ثانيه وحده فبيكون الوضع طبيعي .. لكنها حبيبتي وايد بجت ..
دخلنا والحمدلله صار عندنا وقت شوي فرحنا الصاله قعدنا ليما علنو عن الطياره ..
وصعدنا الطائرة ..
قعدنا ولف يطالعني قلت له شفيك؟
قالي تدرين انتي وايد جميله
قلت له عيونك الحلوه .. قالي حبيبتي؟ قلت له نعم! قالي وايد بنستانس انشاءلله مع بعض قلت له انشاءلله
طلع يوسف جنطه فيها اوراق الحجوزات .. حجزنا بعض الرحلات من الكويت لانه تطلع لنا وايد مميزات لانه احنا بشهر العسل .. فرتبولنا مكتب السياحه هالاشياء .. او في اشيا حجزناها عن طريق النت ..
فحطينا الاوراق او بتدينا نكتب نوتات شبيكون برنامجنا .. لانه عندنا فكره عن بعض الدول اللي بنروحها ..
المهم .. وصلنا مطار دبي .. الطريج مر بسرعه .. دخلنا اغراضنا او نزلنا ..

خدمه وايد حلوه فدبي سيايير الليموزين .. يتأجرون من المطار للفندق وسعرهم وايد زين .. وعندهم معظم السيايير حلويين .. احنا وقت اللي وصلنا كانت السياره المتوفره بس الكرايسلر ..

وصلنا الفندق .. جميرا بيتش .. نزلنا لجناط او طلعنا بسرعه .. كنت ابي محل لانجري بالامارات مول او ماكنت عارفه بالضبط موعد اللي يسكرون المحلات .. فرحنا او كان المجمع مسكر ..بس المطاعم مفتوحين
تعشينا في مطعم بيــــــــــــلا ايطالي .. خلصنا او ردينا الفندق .. كان الوقت متأخر .. او نمنا
قعدنا الصبح الساعه 8 او نزلنا اللوبي .. طبعا المنتجع روعه او كان غلطه انه سكنا فيه .. لانه الفندق بروحه يبيله يومين .. خذونا لفه .. ورونا الفلل او السويتات روووعه وحمامات السباحه او
منظر برج العرب والبحر .. كلشي .. ماشاءلله روووووووعه ولا جنه بدوله خليجيه .. او هذي بعض الصور ..









المهم .. ماخلصنا إلا الظهر ..
فنطلقنا على طول المجمع .. خذيت اللي ابيه .. او رحنا المطار
عيب دبي الزحمه .. يعني اذا كنت تبي توصل المكان بساعه بالنسبه لانه عندهم نفس الطريق ياخذ ساعتين .. وايد الزحمه غير طبيعيه .. بس والله استانسنا بهاليوم السريع ..
وصلتنا الليموزين مره ثانيه لي المطار او ركضه كان كل شي .. لانه كنا متأخرين شوي
بس الحمدلله لحقنا او دخلنا الطياره .. كانت الطياره تروح زيورخ او من اهناك بالسويسريه رحنا جينيف .. متعبه الرحله شوي لكن الطيران كان وايد مريح او معاملتهم زينه
قعدنا نسولف بالطياره .. ..
قلت له في شي احاتيه
قالي شنو؟
- النوم عمري انا اذا ماانام عدل مزاجي ينعفس او مااستانس
- قالي .. حبيبتي عادي نامي .. قلت له بس انت ماتنام ضحك قالي من صجج عادي انام مولهالدرجه بس حرام احنا يايين سفره جم اسبوع
- عشان نلحق نشوف كلشي لازم نقعد مبجر او نطلع .. قلت له مو مشكله بس يعني مو لازم الساعه 6 نقعدا و 8 نطلع .. قالي حبيبتي هههههههه لاتخافين كلشي تبينه بيصير
- بنوصل بيكون عندهم فجر ؟
- اي
قلت له بنريح او بنطلع وبالليل انام عدل ..
قالي اللي تبينه
بس ريحي اللحين شوي -
مااعرف انام وانا قاعده -
حطي راسج على جتفي او نامي -
ما اعرف -
انتي جربي احلى نومه هذي -
حطيت راسي او غمضت -
سولفي لي -
شاقول؟ -
حزينه انج هديتي اهلج؟ -
قلبي يعورني لازم اول مره اهدهم انا مو متعوده لكن مرتاحه ادري اني بستانس وياك -
انت؟ -
انا شنو؟ - حزين اني هديت امي او خواتي " وقعد يضحك "
ليش تضحك علي ؟ قاعد اسولف وياك -
حبيبتي اتغشمر وياج انا وايد سعيد او مرتاح او مستانس اني وياج انا الفراق عادي متعود عليه واللحين بصراحه ماحسيت نفس الاحساس لانج وياي -
شهر بتمل مني -
والله والله نواااارووه اني استانس وياج اكثر من اي احد ثاني ؟؟ انتي كلش مو ممله سوالفج حلوه نفسج او حتى واحنا ساكتين مااحس انه الوضع يعني سكوت او ملل بالعكس احس انه عادي كأني بقلبي اسولف وياج -
يمه منك مادري من وين تييب هالحجي لمصفف -
ههههههههههههههه اجاملج -
صارت مطبات هوائيه قويه كل الناس سكتو
كان حاط ايده على جتفي فحس بدقات قلبي شوي ..فقعد يقرى علي
وغطت عيني ..
قعدني عشان أكل بس ماكنت مشتهيه .. او ماكنت ابي صينية الاكل تضايقني .. أخذت صينيته او رتبت له الاكل او عطيته او قعدت اسولف معاه شوي ..
خذتنا السوالف لين يه وقت الهبوط وصلنا مطار جينيف .. واحنا نازلين كان ظلام
بعد ماخلصنا الجوازات او اخذنا جناطنا كان ينتظرنا برى واحد من الفندق عشان يوصلنا طلعنا وكان الشروق توه صاير او الجو مطر خيااااااااااااااااااااااااااااااااااااااااااااال

انا وانا صغيره كنت على طول مع اهلي ايي جينيف بس يوسف اول مره واحنا بسيارة الفندق ..
كنت اتذكر الاماكن او طار مني التعب كنت حاط ويهي عالجام نفس الياهل اطالع بفرحه او قلبي يعورني .. اهلي كانو دايما وياي .. سرحت ودي اوديه بهاللحظه كل الاماكن اللي احبها او رحت لها
ماييت من 5 سنين او اكثر .. قطع افكاري صوت يوسف .. جنها لوحه طبيعتهم .. قلت له اي ..

للحين اذكر كلمات بالفرنسي .. فستانست اول مافتح لي بالفندق الباب قالي بنجووغ مدام
قلت له بونجووغ ميسيو
قالي كومون سافا؟
قلت له سافا بيا ميغسي اتوا؟
قالي تخبيان ..
يوسف قالي هااااا طلعتي منهم .. مايدري اني مااعرف غير هالجم كلمه .. قلت له اي
قالي صج تعرفين فرنسي قلت له اي افا عليك ..
.. كان الجو بااااااااااااارد بس حلو والمطر والفندق ذكريااااااااااات ..
المهم .. وقف يسوي Check In
وانا مشيت عنه او قعدت اتمشى بممرات اللوبي واشوف كلشي على حطته .. غير كشك السوفونيرز مغيرينه مسوينه مفتوح قبل كان له باب بس هذا الفرق الوحيد .. كنت امشي بدون شعور او ماستوعبت نفسي إلا وانا كلش مبتعده .. رجعت بسرعه ولا يوسف مو موجود؟! معقوله خذ المفتاح او صعد عني؟
سألت اللي باللوبي قالي راح يدورج او احنا صعدنا الجنط فوق!
انا طقتني البوهه وين يدورني مايدل شي :cxxxp: ..

اكمل لكم الاسبوع الياي ..
:eh_s(8):

 

[ام الفهد712]

الف الف الف الحمدالله على السلاااامه يااا احلى نوااااار

هياااااا قصه يديده

عااااااااااااااااااشت نوااااااااااااااااااااااااااااااااار العسل

لايوقف لايوقف لايوقف

 

[wa7da_3asal]

الحمدالله على سلامتكم
الله يهنيكم ويفرحكم دايما

 

[*_*cute bug*_*]

حمدالله عسلااامه نواااره الله يهنيكم انشالله

 

[GAP]

الحمد لله على السلامة خيتوو وماطرين باجي الجزء

 

[@ دهن العود @]

الحمدالله على سلامتكم
الله يهنيكم ويفرحكم دايما

 

[bambena]

حمدلله على السلامه ومبروك الزواج

متابعه

 

[إذابة القلوووب]

الحمدالله على سلامتج

 

[lawyer-GoMaR]

عيل كنتي بمطار سويسرا يوم تكتبين لنا أول مرة بعد العرس

نايس خوش مطار ..اموووت عليه ... مطيحه هناك انا

 

[.. مـــلاكـ ..]

مبروك والله يوفقكم

 

[Artya 【ツ】●]

الحمدالله على السلامـه


بإنتظااااااااااارج

 

[الشموخ]

شهااااااااااالزيييييييييييييييييييييييييين شهالحلاااااااااااااا

بانتظاااااااااااااااااااااااااارج ياعرووووووووووووسه


هاااااااااااااااااااااااي


صديقااااااااااااااتي بالقصه

مشتاااااااااااااقه لكم موووووووووووووووووووووووووت

ويعلم الله مافصلني عنكم غير
الموقع اللي مايفتح لي):

 

[Nonita-q8]

وااي ياحلاتج وحلات يومياتج
ربي يوفقج وياه يارب ويتمم عليج وناستج

بس ليش كل نوراه ماتسمع كلام اهلها مو موصينج انج ماتهدين يوسف وتروحين عنه @@

يلا ناطره التكمله

 

[غريبه قصة احزاني]

الف الف الف حمدلله عالسلامه...

وياهلا ومسهلا باحلى عروسه.....وناااااااااااسه انج بتكملين وووووووووو متابعين وياااااااااج

لايوقف لايوقف لايوقف

 

[دخــــــــــــــــون]

الـــــــــــــــــــــــــــف الـــــــــــــــــــــــــــف الـــــــــــــــــــــــف مبـــــــــــــــــــــــــــروك
نورتــــــــــــــــــــي الكـــــــــــــــــــــــــويت يا نــــــــــــــــــــــــــــــــــوار

 

[أم منيـرة]

عسى الله يتمم لج ياااااااارب ..

كل الشكر لج ..

 

[MsMoonlight]

I am so glad you are back

Waiting for the next part

 

[bnt_7waa]

وااااااااااااااااااااااااي


حدي مستااانسه


تسلمييي نوااار واحنا والله الي مانستغني عنج



برب اقرى وارجع

 

[bnt_7waa]

البااارت يعور القلب


لمه ذكرتي اهلج بالسفر وامج حيااتي كسرت خالتي

اتمنى تكونوون استانستوو


نشووفج اسبوع الياي

 

[a7la tooota]

لا يوقف لا يوقف لايوقف لايوقف لا يوقف

:ggdw::ggdw::ggdw::ggdw::ggdw:

الحمدلله على سلامتج نونوووو ,, بانتظارج الأسبوع الياي مع البارت اليديد

حدي مندمجه مع قصتج ...