يوميـــــــــــات عروس في شهر العسل

[خاشووقه]

مشكورة نوار على البارت .. شوقتيني على سويسرا ... من زماااااااااااااااااااااااااااااااااااااااااااااااااااااااااااااااااااااااااااااااااااان جدا جدا جدا جدا ...

المهم عاد انا خليت كل الصور الحلوة وتشوقت اشوف الكنزه على قولتج الي شريتيها من العيووز ..خبرج اموت على هالسوالف

اللاي شوقتيني اشوفها صوريها وحطيها ادري اتشرط بس جد قاعده اتخيلها الوانها تشوق

كل ما أشوفج أتذكر ايام الدراسه :gathering:
واقول الله يعينها و اوفقها
:yaaaaaarb:

بس هم ولهت على الدراسه
وعلى قعدة البنات والسوالف

شدي حيلج والله يوفقج يا أستازه :eh_s(7):

 

[bint_looda]

الله يهنييج يابعد قلبي ويسعدج ويسدد خطاج ومثل ماوعدتج ابآخر رد لي باليوميات هناك انج ابتلقيني اهني او كاني ههههههههه =)

 

[كويتيه تينن]

هااااااااااااااي يالله لايوقف لا يوقف وناسه قاعدين نكمل

 

[o_mermaid_o]

مبروك حبيبتي والله يتمم عليج

 

[سياسية]

عليكم بالعافية نوارة...

خوش تصوير ما شاء الله... و خوش بارت

الله يسعدكم

 

[rawona]

للحين ناطرين


oster_av1:​

 

[AnGel GirL]

حمدلله على سلامتج نواااااره وكان خوش سيريس يوميات مخطوبه وامتعتينا باسلوبج

والحين بقرى بداية مسلسل يوميات شهر العسل

مشكوره يا عسل

 

[amooon82]

الحمدالله عالسلامه يالحلوه نوار والله ولهنا عليج اشكثر
نورت الديره ياحلوه

 

[الكبر لله]

متابعة وانطر ,,/
لا يوقف لا يوقف

 

[العود الأصلي]

الله يوفقج يارب ويستر عليكم
انا من البارح متابعه يومياتج اسلوب شيق ورائع
ذكرتيني بجنيف ...................هالسنة ما أقدر اروحلها ولادتي علي الصيف ان شاءالله
بس عسي ربي يتمم عليكم ويزقكم ذرية صالحة :tek::tek:

 

[مس فيراري]

الحمدلله عالسلامه و ناطرين تكملين الحزايه الحلوه

 

[M!SS CoFFee]

مرحبا النوار

خليني اقولج على شغله انا بديت اقرا موضوعج بالصدفه كنت قاعده ابحث عن شغله والا يطلع لي من ضمن المواضيع موضوع يوميات مخطوبة ,,

وتعرفين يعني شنو شديتيني باسلوبج واسلوب حياتج العفوي لدرجة اني انام وانا اقرا اليوميات واقعد اداوم وارد البيت بسرعة عشان اكملها ,, واليوم خلصتها وقلت اكمل معاج هني وبالفعل باين انج انسانه راقيه سواء بتعاملج مع البنات وحتى مع اهلج ورفيحاتج ,,

وبصراحة الله يحب يوسف اللي رزقه بوحده مثلج " الطيبون للطيبات "

الله يوفقكم ويهنيكم ويسعدكم وين ما تروحون ويعطيج على قد نيتج والله اني ادعي من قلب ,,
وعسى السعاده عنوان حياتج ويرزقج انشالله بالذرية الصالحة ,,

واسمحلي اتابع القادم من يومياتج اللي صارت جزء من يومياتي ,,

 

[أم الحلوة جمان]

ماااشالله عليييج نوااار
الله يهنييييييييييييج
انا توني من يومييين طحت على يوميات مخطوووبة ... والله سهرت عليييها لما خلصتهاااا من كثر ما شوقتييينا..
والحين اسلووووبج أروع بشهر العسل ..
الله يحفظج انتي وريلج من العين .. ويخليييكم لبعض ....و يرزقكم بالعيال و يطرح فييهم البركة...

 

[DoDoPe]

ناطرينج نواره والله يهنيج ويسعدج

متابعه @@

 

[~MANARY~]

نواره حبيبتي .. سميتي << الا تتلزق لول :friends:
و الله انا من سافرتي و انا منقطعه عن المنتدى << شفتي الوفاء :fun:

بس و الله فرحتلج و انا اقرا السيزون الجديد , و كل شوي اضحك جدام الجهاز جني خبله

الله يوفقج و يكفييييج شر العيون , و الله يعلم قدر محبتي لج (=​

 

[BaNoTa-TeKaNa]

اللــــــــه يتمم عليــــج انشآللــــه والبآرت حده عجييييييب

لآطوليـــن علينآآ نآطرينـــج

 

[V i o L e T a]

الحمداللللله على الســـــــــــــــــــــلامه
اووو ونااااااااااااااااااسه رديتي مره ثانيه لنااااا هيااا هياااااا لوووووووووووووووووول

 

[Artya 【ツ】●]

 

[النوار]

يوميات عروس في شهر العسل

الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8


ام الفهد 712
wa7da 3asal
*_*cute bug*_*
GAP
@ دهن العود @
إذابة القلوووب
.. ملاكـ ..
الشموخ
chekleta
دلوعة أهلها
دخـــــــــون
الحزن كله
MsMoonlighht
a7la tooota
Miss_ViSTa
ba7renya
مس فاشن
ام عبدالله2006
GreenRose
fona
eng.jacvara
q8yaوردة العاشق
nice-girl
@غالية@
عطر البحرين
babrbya_q8
Pink GirL
كيدي عظيم
ملاكـ الـريان
omnona
سنـــا
نور الدنيا
كويتية أصلية
Hambka Q8
pretty sarona
BaNooTa Q8TeYa
noni07
توشيبا
ام مضاوي
أرنوبهـ
ساكورا الامورة
درقاء
قطرة عسل
غيوووض
orangeya
أمونة الحلوة
athora
رونه
ريوف البحرين
zlm
غربــــة احساس
|-بنوته-|
bnt_7waa
السولعية
a7la tooota
ضوى العيون
micro girl
bambena
lawyer-GoMaR
منورة الكويتيه
الشموخ
~DaDeau~
L a w y e R
far007a
فقدتك يانور عيني
أمونه1984
خاشووقة
bint_looda
كويتية تينن
o_mermaid_o
سياسة
rawona
AnGel GirL
amooon82
الكبر لله
الفوز
مس فيراري
M!SS CoFFee
أم الحلوة جمان
DoDoPe
~MANARY~
BaNoTa- TeKaNa
V i o L e T a

مافي شي اقدر اقوله يوفي كلامكم .. فاقل شي اقدمه لكم ..

شــــــــــــــــكــــــــــــــــــــــراً

قعدت او طلليت بالتلفون .. ماطلعت ارقام معظم المكالمات لكن اللي طلعو كانو كلهم من امي
او مسجات من ربعي او خالاتي او خالتي ام يوسف او فطومه ..
امي اول ماكلمتها .. شبه زفتني .. ويييييييييينكم انتوا؟ خرعتونا ..
بعدين ضنت انه متعمدين الحركه علشان مانبي احد يزعجنا او احنا والله كنا مو قاصدينها ..
سرقنا الوقت اليوم بطوله ..
امي بعد ماسكرته طرشت لي مسج عور قلبي
"من لقى احبابه نسى اصحابه"
دقيت عليها على طول قلت لها ارد لج اللحين او اخليه اذا تبين انتي الاصل عاد او انا لهيت من الوناسه لكني مانسيتكم والله
قالت لي والله اتقشمر معاج او انا بالعكس مرتاحه انج متأقلمه او مستانسه ..
سكرته من امي او دخلت الحمام او طقيتها بجيه .. كسرت خاطري تخيلت روحي مكانها ..
او استوعبت اني ماكلمت ابوي ..
المهم بعد ماطلعت دقيت على ابوي او كلمته .. او يوسف جهز نزلنا تريقنا او طرنا على موقع انطلاق الباخره ..
هالصوره لخط سير البوت ..

كان الجو باااااااااااااااااااااارد .. لكن هادئ مافي هوى ..
الباخره اللي خذيناها كانت تمر على المناطق الساحليه كلها اللي عالطريق .. او شرحولنا قصة كل قصر على البحيره ..

ورونا قصر الشيخ خليفه والد امير قطر .. او قصر المالك لشركة معجون الاسنان سيجنال 2
او قصور ثانيه .. الرحله كانت قصيره لكن ممتعه وايد .. او ورونا الخط الفاصل بين فرنسا او سويسرا ..

رجعنا نشيطين .. وقفنا عند محل الرحلات .. او حجزنا رحله لقمة جبل المونت بلانك
هالرحله انا رايحتها بالصيف .. نصحنا نروح لها بعد بكره اللي يبيع لانه الجو مشمس او قال هالوقت انسب شي او بتقدرون تتحركون
المهم .. رحنا السوق او شرينا لنا تريننجات للثلج ..
او كملنا اليوم قعدنا ندور او نستكشف المناطق المجاوره يمكن قضينا ساعتين بالسياره نتمشى او نشوف هالمناظر الراااائعه
بعدين اتجهنا للسوق مرينا محل H&M او بعدين رحنا لمجمع Manor

طبعا منور كل شي فيه .. وايد يونس وخذينا صوايغ جوكليت من هناك
وبعدين رحنا وقفنا السياره او قررنا نمشى على ريلنا ..
مسكنا الخريطه او قعدنتمشى بهالبرد ..

دخلنا بدواعيس .. واحنا نسولف او ماشيين ليما وصلنا للأولد تاون ..

قعدنا بكوفي شوب اهناك ..انا شربت هوت شوكليت او يوسف اكل كيك ..
او سولفنا لي بتدت الشمس تغييب

بعدها رحنا نريح الفندق .. قبل لانطلع بالليل للعشى
اول ماوصلنا الفندق قعدنا نرتب برنامجنا ..
في اكثر من 5 مناطق ابي اروح لها .. لكن يوسف فاجئني انه قلل عدد الايام بسويسرا لانه لازم نرجع الشغل شالوا اسبوع من اجازته
المهم .. فقعدنا نفكر
طبعا رحلت الثلوج شي وايد مهم ..
في رحله ثانيه لمنطقة ايفيان اللي تقع على الحدود الفرنسيه .. فيها مصنع الماي او طبيعتها فضيعه .. او يبيلها نهار كامل
في رحله ثانيه بعد لمصنع الشوكليت ودي نروح لها
او مطاعم وايد .. او اسواق !!!

يتبع لانه الصفحه ماتشيل صور اكثر ..

 

[النوار]

فقلنا باجر نروح ايفيان او اللي بعده الثلوج .. وعقب موعد رحلتنا بالقطار لين فرنسا .. شطبنا السوق او خليناه للدول الثانيه
وقعدنا نكلم اهلنا ..
او نرتب اغراضنا .. اللي شريناهم ..
وطلعنا على عجل .. بطريجنا او احنا يايين شفنا ساحه نفس الملاهي المتحركه .. العاب ينقلونهم من مكان لي مكان .. طبعا مو كثر الالعاب اللي تكون موجوده بالصيف .. اقل شوي لكن شكلهم كان حلو او قلنا بنمرهم قبل العشا
لو شكتب عشان اشرح شكثر المناظر في سويسرا روووعه .. وخصوصا مع برد الشتى ..
انا انسانه اعشق الشتى عشان جذي كنت وايد مستمتعه وخصوصا داخل الفندق نظام التدفئه خيالي .. فماكنا نحس بالبرد بتاتاً عكس برى

فصج كنا نستمتع بهالجو الزين .. المهم مرينا نشتري بطايق
yallo
او شحنا موبايلاتنا او كملنا مشي ..

من مميزات جينيف .. العازفين اللي على الطريج ..
تشوف الات عزف غريبه عجيبه ..
او انغام رائعه .. وطبعا كل عازف حاط سله .. يعني شغله بارت تايم عندهم ..

المهم وصلنا لساحة الالعاب
او مثل ماذكرت لكم المناطق هذي كلها بينا او بينها مسافة مشي ماتحتاج لسياره او تكسي
اتركم مع الصور ..

او طبعا لعبت يوسف المفضله ..

ربح 4 دببه .. عطينا 2 لناس كانو واقفين او اخذنا 2
طبعا الاخ خبير في هالسوالف .. اول مامشينا قلت له هذي اي جنطه بتشيلهم؟؟ قالي افا عليج .. نفج خياطه شوي او نفرغ الحشو او لين رحنا نوديهم محل تنجيدات ينفخونهم لنا ..
فنان حبيبي ..
المهم بعدين قالي انا خاطري بالمطعم اللي تعشينا فيه اول مره "انتركوت"
قلت له في منه بباريس اليوم انا بنيتي اوديك مطعم ايطالي .. احسن مطعم ايطالي بجينيف
فمشيناله .. هالمطعم اسمه
Pizzaeria Ristorante
اهوا من الصبح خاطره في لحم
فطلب لحم

او انا طلبت بيتزا .. اهوا خلا اكله او طاح في بيتزتي!! .. المهم

رجعنا الفندق نص الليل ..
يوسف كان فيه نشاط فقعد يشتغل على الدببه اللي ربحهم ..
انا صليت او طلعت ملابسنا مالوت الثلج .. وحطيت الكاميرا عالشاحن او حطيت راسي بنام
وسمع خرخشه ..
قلت له شفيك؟
قالي مافيني نوم لاتنامين
قلت له انشاءلله ..
قمت بغسل ويهي
قال لي لا بس كسرتي خاطري نامي
انا صج كنت تعباااااااااااانه او ادري اذا بنروح الثلج لازم نقوم من وقت عشان مايصيدنا الليل هناك
فعلى طول حطيت راسي برد انام
قالي بل .. ماصدقتي
قلت له انزين مابنام بنسدح سولف وياي
قالي فخاطرج شي علي؟
قلت له ليش تسألني؟
قالي بس اسولف ..
قلت له لا حبيبي انت مو مخلي بخاطري شي الحمدلله
والله
قالي مابي بخاطرج يببقى شي ابيج على طول مستانسه او كلشي تبينه عندج اذا الله قدرني عليه
قلت له وانا مابي غير وجودك وياي او رضاك بس ..
سكت او قعد يطالعني او ضحك
قلت له شفيك .. قالي تكلميني او انتي فاتحه عين او صاكه عين .. على بالج وحده بتنام او الثانيه قاعده؟
ضحكت قلت له بمووووت من التعب او احاتي قعدتنا الصبح
قالي خلاص يالله افراج نامي
قلت له تعال انت بعد نام .. قالي لي ان شاءللـــه
انسدح وخذ الكاميرا بيشوف الصور ..ولا اسمعه يقول لاااااااااااااااااااا ..
من التعب ماقدرت اتكلم .. معني بموت بعرف شصاير .. بس غلبتني النومه ومن كثر التعب .. على بالي اني كنت احلم! .. ودشيت بنومه عميقه

*نزلت هالجزء قبل الخميس بيوم لاني باجر الصبح ان شاء لله رايحه العمره .. انتظروني الاسبوع الياي بإذن الله*