يوميـــــــــــات عروس في شهر العسل

[bnt_7waa]

السلام عليكم
كل عام و انتي بالف خير نواره
عيد ميلادج شهر 5 حسب ماقلتي بالقصة بس ما ادري اي يوم المهم الله يجعل كل ايامج سعاده مثل ما اسعدتينا بقصتج

يوم ميـــــــــــــــلاد نـــــــــــــــــــوار


27\5

راح يصادف يوم الثلاثه

 

[النوار]

يومـــــــــيات عروس في شهر العسل



الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8

الجزء الثالث
http://www.q8yat.net/showthread.php?t=151031&page=12

تقبل الله منا او منكم صالح الاعمال ..
والله يسلمكم ..
وترى ردودكم ماتزعجني او حتى سوالفكم بموضوعي .. ماأمل منها ..
او انا حطيت شي هالمره عشان ماتضيع الاجزاء .. قبل كل جزء وصله للاجزاء اللي قبل .. فانشاءلله اللي داشه تقرى الاجزاء ماراح تضيع ..
فلاتحرموني من ردودكم عن الجزء نفسه ترى والله تهمني ويهمني رايكم بكل شي ويسعدني وايد
.. اذا في تقصير من ناحية السرد او الصور قوليلي عشان اغيره
.. رايكم وايد يهمني ..

شكراً لكل من ..

GreenRose
micro girl
GAP
أم حسوني
منورة الكويتيه
fona
bint_looda
خليدة
الكبر لله
~CaDeau~
مس فيراري
Nonoo
V i o L e T a
Betty
bambena
غيوووض
أمونة الحلوة
om-asoola
bnt_7waa
|-بنوته-|
رونه
june_m00n
السولعية
MsMoonlight
amooon82
foofo
L a w y e R
الياسمين
$& بنت السعوديه &$
غربـــة احساس
سوسو82
جارة القمر
M!SS CoFFee
سنفور كسول
خوش بنيه
ريوف البحرين
orangeya
^حلاوه^
Fantazya
نور الكويت$$
meme33
الشموخ
دخـــــــــــون
كرندارو
قــــلـــب راشـــــد
DELY
foofo
قطوة زوجها
كويتيه تينن
الامبراطورة
بنت الفيحا
rawona
سياسية .. او سوري عن المره الاولى سقط سهواً
أم مشموش
ساكورا الأمورة
عطر البحرين
كرندارو
قلب راشد
DoDoPe
BaNooTa Q8TeYa
ظبيه الامارات
فقدتك يانور عيني
حلاوة هانم
ANGELICA
^حلاوه^
zlm
a7la tooota
Candel in the desert
بنت نشمية
^^نــــوار^^
تفاخيه مبطوطه
الدانه88



قعدت من النوم الساعه 6 الصبح ..
موعد السياره 8 .. سبحت او صليت او جهزت نفسي .. و هدوم يوسف او بعدين قعدته ..
دخل يسبح , حطيت الكاميرا بالجنطه او شلت اللي نحتاجه من فلوس او احنا متعودين مانشيل وايد بيدنا
كل يوم ناخذ اللي نحتاجه ونخلي الباقي بالسيف بوكس
صج انه جينيف امان بس صادنا موقف مره او احنا صغار والحذر واجب بكل مكان ..
مو بس انه ممكن تنباق لفلوس ممكن حتى تضيع او احنا بغربه ..
طبعا انا اكتب لكم هالمعلومات او تعمدت انزل هالجزء بمنتدى السفر لأني قاعده احاول اثريه قدر المستطاع بالمعلومات اللي تفيد المسافرين سواء شهر العسل او غيره
او افيدهم بالمناطق والمطاعم .. والرحلات ..
فانشاءلله تستفيدون منه
المهم نرجع لسياق الحديث ..
بعد ماجهز يوسف نزلنا نتريق ...
قالي يوسف خذتي كل شي؟
قلت له اي
جاكيتات الثلج كنت حاطتهم بجنطه بيدي .. او شلت الكاميرا او كل شي
قالي سكتي .. لاتحريني عن الكاميرا؟
قلت له ليش؟
قالي انمسحو كل الصور؟!!! قلت له نعم؟
قالي امس مادري شطقيت ولا طلع لي نو بيكجرز ان ذا ميموري ..
انسدت نفسي او ياني احباط شديد .. صج حسيت بشي ماينوصف ..
الصور اهم شي بالسفر بالنسبه لي
تخليد للذكريات .. او خصوصا انه صورنا لقطات حلوه عفويه مو ممكن تنعاد .. فوايد قهر بصراحه! المهم
قالي يالله طلعيها خل نبتدي نصور من اللحين قلت له مابيها ولا ابي اصور ..
خلصنا او يات السياره ركبنا او اتجهنا لجبال الالب ..
قمة الـMont Blanc
طبعا الطريج .. انا مارته من قبل .. بس هالمره غير .. كان عندنا خريطه تشرح كل شي نمر عليه ..
شفنا مزارع الابقار .. وبيت عندهم نفس المتحف .. اهوا البيت الحقيقي حق كارتون فتاة المراعي

ورونا بيتها بالضبط نفس المرسوم بالرسوم ..
او يقولون انه هذا البيت الحقيقي وقصة البنت الحقيقيه .. لما رحنا ماكان فيه احد
بس يقولون هالبيت صار بيتها الصيفي او بالشتى تكون فالمدينه .. او صارت عجوووز اللحين
المهم .. طبعا المناظر شاقول غير سويسرا!!! جنه لا اله الا الله..
انا من الحره مانزلت كاميرتي ..
اول ماخلصنا رجعنا نكمل الطريج لين الجبل ..
خذتها بشوف شفيها .. وانصدمت الصور كلهم موجودين ... اهيا الكاميرا تنحط فيها 2 ميموري كارد .. فاحنا مصورين في وحده او حبيبي دور بالثانيه ماطق على الصور طق على شي ثاني .. فطلع له انه هالبطاقه مافيها صور
رجعت لي الروووح صرخت من الوناسه ..
يوسف قالي احس اني غبي ..! هههههه بيني او بينكم صج الحركه شوي غبيه
المهم .. المناظر بالطريج وايد حلوه ..
والاحلى الصحبه اللي معاي ..
واغاني عبدالمجيد .. اللي صارت ذكرى رائعه لهالايام ..

يمكن اكثر من غلى روحي لروحي
وانته من نساني بالدنيا جروحي ..
نساني نفسي .. وخلاني احبك
هو صحيح اني قدرت اوصلك لكن
ماني عارف وين ابوصل فالمحبه

قمت افز لشوفتك .. واتحرى جيتك
انتظر حبي الجديد بعد مافكرت فيك

اصلا انا مجنونك
ريح نظير عيونك
اتطمن ياحبيبي
مافيهم يشبهونك
انته حبيبي الجلسه
بدر الغرام او شمسه
والغالي اصله غالي
والزين يفرض نفسه

وعن شفايف خذت من لون دم الغزال
ترتوي من ثغر قطر الندى سلسبيل
لو درت عن رهافتها شموس القيال
ينطفي نورها وتحول الصبح ليل
ياعنود المها ياقمة فالجمال
منك من محظ صدفه
جرح قلبي يسيل

او كل ماارتفعنا تبتدي مظاهر الثلج تبين

واخيرا وصلنا ..
اول مانوصل .. نركب بتلفريك مثل الحجره .. يشيل تقريبا 15 شخص اهوا ياخذنا لقمة الجبل
او هذا تصوير فيديو للتلفريك
http://www.youtube.com/watch?v=3V631v_NNC0&feature=related
*للي بيروح زيورخ حتى بالصيف يروح منطقه اسمها تاتليس وايد حلوه .. بس مونت بلانك اهيا الاقرب لجينيف*

وكل مابتعدنا بالتلفريك .. شفنا مناظر روعه

وصلنا للقمة ..

واحنا هناك من كثر البياض حسيت جني ضايعة في ملة لبنه!!!

تمشينا شوي بعدين صعدنا التلفريك اللي ياخذ السكيترز عشان يتزلجون .. الحلو في هل تلفريك انه مفتوح وتشوف المناظر .. وتصور

يتبع

 

[النوار]

كان الوقت ظهر .. والجو بديع!! وحبيبي النكته .. قلت له انا وايد احب الورد او توهقت! .. من نطوف بالسياره على ورود وقف ونزل اييبهم لي ..لا ومسميني أميرة الورد
او حاطها رنتي بتلفونه :$ ههههههه
بس الطريج كان ازمه اللي نقدر نمره بنص ساعه مرينا بساعه عشان وقفاته!!
بعد عمري حبيبي
المهم
نزلنا لمنطقة السوق القديم ..
منطقه اسمها آنسي

تغدينا كلينا بيتزا عالفحم وااااااايد لذيذه ..
وكملنا التمشي ..

التسوق في هالمنطقه كان متعه لي وليوسف.. خذينا انتيكات او تذكارات حلوه لبيتنا ..
ولقيت شي وايد كيوت ..

..
كاب بطرحه .. شريته او شريت من نفس المحل ألبوم لصور شهر العسل وااااااااايد حلو
او رجعنا للجميله جينيف

دخلنا الفندق
غيرت ملابسي او قعدت ارتب الاغراض عشان باجر نرتاح مايكون ورانا شي ..
المهم ماكان عندنا وايد اشيا .. دخلت ملابسي او طلعت اللي ابيه حق باجر .. دعست الاشيا اللي شريتهم او شفت نفسي مخلصه بسرعه ..
يوسف بعد ماخلص من اغراضه دخل يسبح المهم انا كان بطني بادي يعورني قلت خل اتلاحق عمري اروح اشتري لي في بقاله كبيره او فيها صيدليه قريب من الفندق
فنزلت بسرعه ..
خذيت اشغالي بسرعه ..ولا اشوف جهاز يدخلون فيه الميموري كارد وتنطبع الصور بنفس الوقت ..
كان ريال يطبع جدامي بس خلص .. ابتديت
كبرت بعض الصور من نفس الجهاز او باقي الصور طبعتهم عاديين ..
المهم
خلصت شلت صوري او رجعت مستانسه بصفهم بالالبوم اليديد
انا عيوووله بشكل مو طبيعي ..اذا براسي شي ابيه يصير اللحين اللحين
المهم خلصت او رجعت
اتمشى على سعتي .. وصلت الفندق او ركبت ادور كرد الباب ماحصلته طقيت الباب مافتح لي قلت اكيد يصلي المهم ..
رحت الرسبشن باخذ واحد ثاني
المهم ولا يوسف واقف
قلت له حبيبي؟
لف علي والشرار يتطاير من عينه
بالعدال او بصوت مرعب اول مره اسمعه قالي انتي وينج؟
قلت له رحت اطبع الصور مسك يدي من فوق نفس اليهال او سحبني لي اللفت
اللوبي كان زحمه شوي .. المهم بس ركبنا اللفت
قالي انتي ياهل؟ .. تيين وتطلعين وتمشين على كيفج؟
انا بدون شعور انخنقت او دمووووع ..
قالي حبيبتي .. سوري اني معصب بس مايصير اطلع من الحمام تلفونج محذوف او انتي مو موجوده
انتي مو ياهل .. على الاقل طقيتي علي الباب قلتي لي ..
لفيت راسي عنه ودموعي تقطر ..لمني حبيبتي .. انا خفت عليج
او موقصدي اعصب .. بس من خوفي او زدت البجي انا
وصلنا دورنا او قالي يالله يالدلوعه خل اشوف شاللي طلعج جذي شنو شاريه
عطيته الجيس او دخلت الدار او سيده عالحمام .. ماصار شي ادري بس انا بهالفتره كانت الحساسيه مقطعه بعضها
فتحت الماي او قعدت ابجي .. ياني بعد خمس دقايق او اكثر .. قالي شفيج حبيبتي؟
قلت له مافيني شي
قالي احبج
قلت له انا بعد .. غسلت ويهي او طلعت
شافني ولا يقول ئوولا!!! هالكبر ويهج صار .. حبيبتي ماقلت لج شي .. ليش هالقد تضايقتي؟
رجعت ابجي
قالي انا من جيستج عارف ليش .. بس عمري لاتزعلين او لاتسوينها مره ثانيه .. يالله بنكلم عمي لاتخرعينه ...
قلت له اوكي ..
كلمناهم قلت له باجر مالي خلق نروح ايفيان
قالي اللي تبينه شتبين نسوي؟
قلت له انريح حق عقب باجر
قالي خلاص انا بسويلج برنامج اهني بجينيف
قلت له اوكي ..
قالي خل نروح المحطه نقص تذاكر القطار .. قلت له اوكي
لبست او طلعنا .. تمشينا على ريلنا لي المحطه .. قصينا تذاكر رحلتنا لفرنسا .. عقب باجر الساعه 8 الصبح يمشي القطار
ردينا نتمشى او تعشينا بالفندق او صعدنا .. ياب لي الالبوم .. او قعدنا نشوف الصور او نرتبهم او قعدنا نكتب وراهم يزعم ذكريات او تواريخ
خلصنا بعد مارتبنا الالبوم من صورنا بالمطار .. لين دبي او جينيف .. اخر صور كانت لرحلة اليوم بعدين شبكنا شوي رتب يوسف حجوزات باقي الفنادق او كنسل اللي مابنروحه او أكدنا عالباقي بالتلفون ..او نمنا
باجر البرنامج على يوسف مادري وين بيودينا

 

[ام مضاوي]

وااااااااااااااااااااااااو نوار

ثاني مره اطل عاليوميات واقا 3 اجزاء


الله يهنييييييييييييييج ياااااااااااااااااااااااارب



بس عندي سؤال اذا ممكن هالصور من تصويرج الخااااص؟؟؟

اذا الاجابه نعم

شنو كامرتج؟؟ابي اسمها ومواصفاتها اذا تكرمتي

وشكرااااااااااااااااا

 

[.]

صايرين الاجزاء قصار وايد..

مشكوره..

 

[نظـــرات حـــائرة]

واييييييييييييد فصير


بس الله يعطيج العافية

 

[micro girl]

يارب يوفقج يانوار على طول ويرزقج بالاولاد الصالحين نوار بليز مرة بالاسبوع شي زيدهم واللة ان انطر قصة نطرة متى ايي الخميس

 

[M!SS CoFFee]

الله يوفقج حبيبتي ويهنيج ,,


<<< ناطرين القاااااااادم ,,

 

[دخــــــــــــــــون]

تقبل الله طاعتج
وعساج دووووووووووووووووم متهنيه
الله يفرح قلبج مثل ماانتي مفرحتنا بهاليوميات

 

[GAP]

موفقه حبيبتي

 

[الشموخ]

تقبل الله طااااااااااااااااااااعتج

وما اقوووووووول الا الله يسعدج ويهنيج دوووووووووووووووووووووووووووم يارب

 

[speed]

نوااااااااااااااااااااااااررر حبيبتي قصتج روعه ما شاءالله الله يهنيج ويسعدج يارب

نوار يوميات مخطوبه قريتها كلها بيوم واحد من اول جزء لي اخير جزء ... وكملت عليها بعروس بشهر العسل اول حلقتين والحين كملتها........


نوار عفيا كملي الأجزاء كلها حيل شدتني قصتج ..

وموفقه حبيبتي

 

[Q8ya_nZ'3a]

متااااااااااااااااااااااااااااابعه بقوه


موفقه حبيبتي

شوقتييينا لسويسرا

 

[athora]

نوار عليج بالعافيه حبيبتي والله يوفقج ويهنيج ويرزقج بالذريه الصالحه يارب

 

[just flower]

عورتي قلبي لما بجيتي

لا تطلعين مره ثانيه بروحج زين ماما


بانتظاااااااااااااار البارت اليديد على أحر من الجمر

 

[بنفسجية]

تقبل الله طاعتكم ،
والله يوفقكم انشالله ..​

 

[Nonoo]

عسى الله يهنيكم طول العمر يارب

 

[far007a]

ماشالله ماشاللله روووووووووعة رووووووعة
ربي يهنيج يانوار ويديم عليكم المحبة واتهنين طول العمر
لايوقف لايوقف لا يوقف

 

[Pink GirL]

تقبل الله طاعتج نوار

وشوقتينا اكثر على اليوميات

بإنتظار البقية

 

[أمونة الحلوة]

الحمد الله على السلامه ياقلبي
وتقبل الله طاعتج ان شاء الله