يوميـــــــــــات عروس في شهر العسل

[احترت اعبر]

متابعه

 

[babya]

يالله نوار ناطرييييييييييييييييين:0bee2e8d89:

 

[Q8ya_nZ'3a]

داشه اطق الكرت ..

صباح الخير ....

مشكورين كل الي سألوا عني ..النتايج الحمدلله طلعت وانا ناجحه الحمدلله ..نزوغ وتوته ولهت عليكم ..وبتي الحلوه مشكوره عالسؤال

نواروه شهالتغلي ..شدعوه يبا ..يالله انا معطله .. قبل لا اداوم باستمتع بألف ليله وليله >> الكلام لج يا جاره هههه

اقول بنات ..جنه بدينا نشكل هيئة دفاع مرة ثانيه ولا انا غلطانه .. ولي يعافيكم استانسوا وانتوا تقرون ولا تشتطون على شي ..انتوا تدرون ان الشطه هذي بتزيد الصفحات عالفاضي وبيضيع الموضوع ومانبي تصير نفس السالفه الي صارت بيوميات مخطوبه.. خلوا كل وحده تتحجى باللي تبي كيفها .. وخلونا احنا نستانس .. وطاف .. ولا شرايكم ؟؟

الف مبروووووووووووووووووووووووووك

ياقلبي والله وحشتينا:tek:

 

[Q8ya_nZ'3a]

نونو حمدالله على سلامتج



يلا ناطريينج قلبي

 

[النوار]

سامحوني .. امس اكتشفت انه فايتني بارتات وايد من قصة بنت الناس او اندمجت وياها ماحسيت بروحي والله ..
كتبت لكم بس بلاب توبي او لابتوبي ببيتي وانا ببيت امي اول مارد البيت بنزله لكم سامحوني والله
اسفه .. كله من بنت الناس .. كل بارت مشوق اكثر من الثاني ماقدرت اوقف ..

 

[Q8ya_nZ'3a]

عاادي نونو


صج بنت الناس تونس سوالفها واسلووبها ماشالله روعه



نااطريينج قلبو

 

[just flower]

عادي بعد قلبي


حتى آنا أتابع يوميات بنت الناس بس من وراء الكواليس هههههههههههه

 

[pink rain]

هلا نورتي ناطرينج

 

[la6ooofa]

انة متابعة منى زمان بس بصمت
حدي حبيت سوالفج و اسلوبج
و ناطرة التكملة

 

[Betty]

داشه اطق الكرت ..

صباح الخير ....

مشكورين كل الي سألوا عني ..النتايج الحمدلله طلعت وانا ناجحه الحمدلله ..نزوغ وتوته ولهت عليكم ..وبتي الحلوه مشكوره عالسؤال

نواروه شهالتغلي ..شدعوه يبا ..يالله انا معطله .. قبل لا اداوم باستمتع بألف ليله وليله >> الكلام لج يا جاره هههه

اقول بنات ..جنه بدينا نشكل هيئة دفاع مرة ثانيه ولا انا غلطانه .. ولي يعافيكم استانسوا وانتوا تقرون ولا تشتطون على شي ..انتوا تدرون ان الشطه هذي بتزيد الصفحات عالفاضي وبيضيع الموضوع ومانبي تصير نفس السالفه الي صارت بيوميات مخطوبه.. خلوا كل وحده تتحجى باللي تبي كيفها .. وخلونا احنا نستانس .. وطاف .. ولا شرايكم ؟؟

حبيبتي عيونج الحلوه وألف ألف مبرووووك عالنجاح و منها للأعلى يا رب و عقبال مانشوفج محاميه قد النيا

 

[Betty]

هلا نوارتنا عادي حبيبتي ناطرينج

 

[دلوعة روحي]

لووووووووووووووووووووول طاحت براسج بنت الناس



نوار ناطرينج و لا يهمج

 

[ام حسوني]

يلا ناطرييييينج

و نبي اكثر من بارت واااحد

اوكي

يا نوااااااااار

 

[سحر الشرق2008]

الحمدلله على السلامة الى حبيبة قلبي النواره

انا من المتابعين لك خلصت يوميات مخطوبة ويوميات عروس عجبتني وايد طريقتك في الكتابة والتشويق خليتيني افكر ويش بصير طوال اليوم الى ما خلصت القصة
الله هنيش ويرزقش بالذرية الصالحة بس لا تخلينا نبي كل شيء تكتبينه كما عودينا في هذا المنتدى خلاص صرتي اختنا
نوار ناطرينج

 

[alfajirQ8]

لاااااااااااااا نـــــــــــــــــــوار !! لا تقولين ماكو بارت عقب هالنطرة تعبت وأنا أنطر ..

 

[GhaiR_iLNaS]

يلااا نواااار ليتها وردي ناطرينهاا

 

[النوار]

يومـــــــــيات عروس في شهر العسل

الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8

الجزء الثالث
http://www.q8yat.net/showthread.php?t=151031&page=12

الجزء الرابع
http://www.q8yat.net/showthread.php?t=151031&page=21

الجزء الخامس
http://www.q8yat.net/showthread.php?t=151031&page=29

الجزء السادس
http://www.q8yat.net/showthread.php?t=151031&page=33

الجزء السابع
http://www.q8yat.net/showthread.php?t=151031&page=35

الجزء الثامن
http://www.q8yat.net/showthread.php?t=151031&page=41

الجزء التاسع
http://www.q8yat.net/showthread.php?t=151031&page=44

الجزء العاشر
http://www.q8yat.net/showthread.php?t=151031&page=47

يوم رجعت ادور اخر بارت كتبته ..
اكتشفت اني واااااااااااااااااااايد طولت عليكم
سامحوني والله ..
وعشان ماطول اكثر لندن غنيه عن التعريف .. وماتحتاج صور تعيشكم الجو لانه اظن معظمكم اذا مو كلكم مريتوها وتعرفون كل مكان بتكلم عنه ..


مشكووووووووووووووووووووووووووووووووووووووووووووووووووورين جميعا والله فردا فردا بعد عمري على كلشي ..
حيالله اللي ياو مع الاجازه .. ومبروك للمتخرجات واللي خلصو امتحاناتهم ..


بسم الله

قعدنا على رنة تلفون الفندق ..
رد يوسف او لفيت بشوف الوقت ولا الساعه 10
من التعب امس نمنا بدون مانوقت الساعه ..
المهم كان التلفون من السواق اللي بيودينا المزرعه او احنا اقل شي على مانجهز يبيلنا ساعه! ..
يوسف قام قبلي .. انا طلعت هدومي او جهزت الجنطه والتلفونات والكاميرا .. على ماطلع يوسف من الحمام دخلت او بسرعه بسرعه ..
كنا بالليل شارين اشيا للطريج طبعا نسيناها بالثلاجه .. حتى البطاقه اللي تفتح الدار نسيتها او نزلت بسرعه ورى يوسف ..
ولا واقف يتلاغى مع السواق .. قاعد يقول حق يوسف انه وايد تأخرتو او جذي .. قاله يوسف مو مشكله بنعطيك فلوس الساعه لزياده
قاله بس وراي مشوار مع ناس ثانين عقبكم 5 ساعات .. يعني الساعه اللي بتعطوني اياها بتخسرني الخمس ساعات ..
انا اهني دخلت قلت له يعني انت شتبي اللحين؟ نغير لي يوم ثاني ترى احنا ماعندنا مشكله ..
قال انه باجر الاحد او تسكر المزرعه او مادري شقعد يخربط او يلف ويدور اني بخسر فلوس 5 ساعات يعيد ويزيد ..
يعني هالقد ظن انه احنا ساذجين! .. على باله بطريقته هذي بنعطيه لفلوس!! .. انا عصبت من غباءه وانه يبي يستقلنا قلت حق يوسف انا مابي اروح وياه
غيري بدلي المهم ياتني فكره .. قلت له احنا بالبدايه متفقين وياك من 10 لين 12 او قلنا لك بنخليها لي وحده لكن انت ماتقدر لانه عندك ناس عالوحده .. اللحين انت ودنى او احنا بندبر الرجعه او بتروح حق الناس بوقتك او احنا مابيصير علينا شي زياده
اهوا احسه مات من القهر مني لانه حتى الساعه الزياده اللي كنا عارضينها عليه خسرها ...
ودانا بطريج طوووووووووووويل .. اللي نعرفه انه هالمزرعه طريجها مايبيله اكثر من ساعه الا ربع احنا اخذ ويانا ساعه او نص ..
يوسف قعد يتحلطم طول الطريج ..شبنسوي اخر الدنيا وين بنلقى سياره تردنا . جان تركتيه يولي بنعطيه او بنفتك .. احنا بغربه او من هالحجي اللي مايودي ولا اييب
اهوا يحب لي راح مكان يكون كلشي مترتب له او حاجز او مسوي كلشي من قبل .. وكانه مافي هالمنطقه الا هالسياره اللي بتودينا!!!! ..
المهم وصلنا للمزرعه او قلت له مابارتاح الا اذا فتكيت من حنتك او شفت لك سياره .. سألنا ناس كانو بالستقبال او عرضو علينا يوصلونه محطة قريبه او نرجع بالقطار .. او طبعا انا اتمشى بخريطتي فوروني او ضمنا كل شي او قدرت اتمشى فهالمزرعه على راحتي ..
نظامهم اول مايدخل الواحد يسلم لهم مبلغ بسيط .. او يعطونه سله او يقطف من اي نوع من الفواكه من الشيره مباشره .. او بعد كل جم متر اكو مغسل عشان نغسل فيه او ناكل الفواكه او حتى في انواع خضره فرش ..
بس صج كان الجو خياااااااااااااالي .. وانواع الفواكه كلها .. حتى التفاح جنه عسل اول مره اذوق تفاح جذي طعمه ..
طبعا الفواكه اللي كليناها سدت جبدنا او رجعنا بالقطار .. مشينا بجياسنا للفندق كان عندنا فواكه تكفي اسبوع جدام وشعور انه احنا قاطفينهم بروحنا وااااااايد حلو ..
المهم حطينا اغراضنا بالفندق او غيرنا ملابسنا او نزلنا على طول اكسفورد .. تسوقنا شوي لين صكر السوق او رحنا مطعم برجر بالشارع نفسه ..

وقعدنا ناكل واحنا ساكتين .. قبل لما كنت بنت .. دايما اشوف اثنين مع بعض ساكتين اقول صج ملل ..
حلاته الوحده ويا زوجها على طول عندهم شي يسولفون عنه .. مايطلعون او يتمشون او كل واحد مخه في مكان مو حلو!!! ..
دارت هالفكره في بالي .. وشفت روحي بهالمكان .. قلت دامنا بالبدايه لازم اعوده
قلت له يوسف سولف ماعرف اكل وانا ساكته
قالي كل الناس ياكلون واهما ساكتين! .. دقرني قلت بقلبي هذا رد؟
المهم فسكت .. او حتى اللقمه وقفت ببلعومي او اهوا عادي مواصل ولا جنه قايل شي ..
وصج من صجه سكــــــــت لين قال الحمدلله .. او لف علي قالي ماكليتي
قلت له شبعت
قالي تبين تاخذين سندويشتج وياج؟
قلت له لا مابي بس شبعت
قالي عيل مشينا؟
قلت له اي لف عالويتر او قاله البيل انا كنت لافه راسي واطالع الدريشه قالي شتبينه نسوي الليله
وانا على نفس الوضع مالفيت راسي عليه قلت له مادري؟
قالي وين بخاطرج نروح؟
قلت له كيفك او هم بدون لااطالعه
خلص مع الويتر او اخذ لجياس او ابتسم لي انا نزلت راسي تحت وانا لافته او مشيت ..
قالي شفيج؟
قلت له مافيني شي
قالي جنه فيج شي
قلت له لا عادي .. قالي وين تبينا نروح؟
قلت له خل نقعد بالهايد بارك ..
واحنا نمشي دار ببالي ليكون انا قرقه او مل او يبي يسكتني؟
مو اول مره نسولف عالاكل شمعني اليوم مو عاجبه انه نسولف واحنا ناكل؟
اصلا شهالرد؟ او شهالبرود؟ بتدى يتيغير! .. ماامداه!؟
واحنا نمشى شفنا مكينة الايس كريم اللي على فانيلا وفليك ..
قلت له ابي .. قالي انشاااااااااءلله او وقفنا كان جدامنا ناس
قلت له خاطري انا احط لي بالبسكوته
قال حق الريال انه ممكن احنا نصب بروحنا قال مايصير .. انا نطيت له قلت له بليــــــــــــــــز بليز بليز بليز .. ضحك قالي بما معناه انه اذا خليتكم الناس كلهم بيقولون يبون او بيصير الكيو طووويل لكن يالله بسرعه حطيلج قبل لااحد يشوف ..
انا استانست .. انجاز .. لما يه دور يوسف مارضى او حطاله .. ويوسف انقهر منه ..
المهم مشينا لي الهايدبارك او سحبنا كرسيين او حطيناهم او شبه تسدحنا الجو كان برد وناس وايد

قالي يوسف شخبارج ام جعفر
قلت له لو سمحت قاعده اكل
قالي شنو يعني؟
لفيت عليه! الله واكبر توك الظهر تقولي مايصير نتكلم بالاكل او اللحين عادي تبي تسولف ..
قالي حبيبتي متى قلت؟؟ قلت له الله واكبر توك بالمطعم قلت لي .. قالي من صجج؟ كنت اتغشمر وياج
قلت له طول الوقت مانطقت او ويهك كان جد .. واللحين تقول تتغشمر! واصلا انا مو اول وجبه الاحظ فيك هالشي .. انا احب اقعد عالاكل اسولف استمتع اكثر مو بس اكل وقوم مو حلو
قالي عمري انتي من صجج بقولج عالاكل لاتتكلمين والله اتغشمر وياج
قلت له ليش سكت قالي وانا اشوف البوز شبه انمد ترى على جذي؟
سكتنا شوي وقعد يضحك بروحه
قلت له شفيك ؟
قالي شوفي .. مالقينا شي انتخانق عليه بنتخانق على ليش ساكتين
قلت له يوسف!! .. بنتخانق؟ ليش انتخانق عادي قاعدين نسولف
قالي خاطري اسجلج اللحين او اسمعج بعد شوي او انتي قوليلي اذا طريقتج تبين تتهاوشين او لا
قلت له من متى انا متهاوشه وياك عشان تعرف حق طريقتي
قالي تعالي صج احنا مانتهاوش .. مايصير لازم نكسر الروتين
قلت له بديت تمل تحس انه حياتنا روتين صح؟
قالي شلون حياتنا روتين او احنا مسافرين حبيبتي شتقولين؟
انا امل منج من صجج؟
تغير الجو فجأه وفي ثواني بتدى يطق المطر ..
ويزيد .. مابالغ اذا قلت صرنا كانه واقفين تحت شور .. نبي نمشي من كثر الماي يدخل بعيننا او مانشوف عدل .. فصخ يوسف كوته او حطيته على راسي او قعدنا نرك وصلنا لي الكشك اللي نفس الكافتيريا اهناك او كان زحمه
نطرنا يخف المطر ماخاف بالعكس يزيد .. فرحنا بسرعه او عبرنا لي النايتس بريدج ..
لين وصلنا الفندق بعد عناء او اجياسنا اللي بيدنا كلها تلطخت
سبحنا بعد السبحه اللي كنا اصلا ماخذينها
وهد حيلنا التعب ففضلنا اليوم نقعد بالفندق ..
ماباقي شي على رجعتنا او كان عندنا جناط وايد
فقعدنا عالنت شرينا وزن لانه يطلع ارخص من لما ندفع بالمطار ..
او بتديت احط اغراضي بالجناط او بعدين اشتغلت على جناط يوسف
اهوا تسوق بلندن اكثر مني ..
باجر بنروح منطقه تبعد هم ساعه عن لندن كلها outlets فخليت مساحه حق اللي بنشتريه ..
او سكرت الباقي جهزت بدلت المطار من اليوم او بدلت باجر او سويت نفس الشي حق يوسف .. هالطريقه وايد وفرت علينا الوقت ..بتدى اليوع
او كان خاطري بكنتاكي فقلنا بنتمشا له
المهم
الطريج ماكان قصير .. واحنا بالطريج قالي شفيج مساعه اتحلطمين
قلت له صاير وايد تقوول اشيا غريبه مالها تفسير ..
شقللللللللت؟؟
قلت له ساكت .. او شي يديد انه وقت الاكل مايسولفون هذي متى صارت
قالي من صجج انتي؟ والله يابنت الحلال انا اتغشمر وياج
قلت له تتغشمر وياي وانت من وراها مانطقت ولا كلمه ..
والله عمري اتغشمر .. انتي عاد سولفي مو كله انا خلصت سوالفي
اذا اسولف ومالقى منك تجاوب ماعرف اتحجى
رد: اللحين انتي متى ماشفتي مني تجاوب .. حبيبتي لاتحطين اب بالج افتراضات شينه فكري بالزين .. يمكن في شي شاغل بالي
قلت له: شي شاقل بالك او ماتقولي..
عمري حياتي انتي اقولج يمكن .. انا احضرج حق المرات اليايه .. انا مافي بالي شي بس صادف اني ماتكلمت عادي
كا احنا نسولف شحلاتنا
قلت له انا ضايق خلقى ..
قالي من شنو؟
قلت له مادري ماكان ودي يصير بينا شي بهالوقت
عمري شفيج شصار بينا .. مابينا شي حياتي .. احنا نسولف عادي ..
لا تخانقنا ولا شي .. وانا مستانس او ماودي ارجع والله
رديت عليه: لا انا ابي ارجع .. ابي اقعد ويا اهلي بيوحشوني
رد اهو : افا
ليش افا؟ .. سنين بنتم ويهنا بويه بعض ..
اتغشمر يالزعوله .. صاير ثجيلة طينه
انننناااااااااااااااا؟؟
لا يبا انا انا .. تعشينا او رجعنا تمشينا او ماسكتنا .. كنا نسولف عن برنامجنا لي رجعنا شلون بيكون .. او اشيا وايد او نمنا ..
حسيت بلعومي يحكني .. خذيت استربسل او نمت

 

[a7la tooota]

@@

متابعه ..

 

[a7la tooota]

هيااا انا اول وحده ارد بقرااااا الجزء بعدين بعلق

 

[a7la tooota]

الله يوقج نواااااااار

وبانتظار البارت اللي وراه