اللي يقولون مانشتغل انتي قاعده متكيه وتألفين من عقلج. لا حبيبتي نشتغل والمعلمه تشتغل وعلى راسنا. بس حنا بعد نستحق كااادر. ونطالب بالعدل مو بمساوات الرواتب. فرقوا حبايبي. شوفوا شنبي.وبعدين حطي تعليقج. نشيل كل شي عن المعلمه. هي مالها شغل الا بفصولها ولا حنا اشراف 5 دقايق ومناوبات فرص وصباحيه ونهاية دوام نخلص السجل المدرسي والغياب للمعلمات والطلبه ونسهل امورهم ونصور ونطرش لها لي صفها. هي لاهيه طول وقت الفراغ وبس تجي حصتها تجي صوروا وطرشولي الاوراق. لولانا ضاعوا الابلات حبيبتي وكل شي نسويه بالمدرسه الا الشرح للطلبه هو اللي على الابله وتقولون ما نشتغل وما نستاهل. اجل منو اللي يستاهل ؟؟
يالله ياجماعه اتفقوا وحنا معاكم.وعن الحسد ياجماعه حنا طلبنا حقنا والعدل. ماطلبنا نفس رواتبهم وثلاث ارباعهن مايستاهلون هالزياده لي جيتي للحق. ماكو ذمه وضمييير وتحسب بالطبيات ولا همها تدريس
والله انتي خوووش اداريه
انا مريت على 3مدارس بسنوات خبرتي ماشفت جذي بالعكس اروح حق الاداريه ثلاث اربع مرات عشان اتصورلي اوراق
والمناوبه والاحتياطات والاشراف بالاساس على الادارايات بس المعلمات يشيلونهم!!!!!
انا بصراحه استغربت لما تقولين المدرسه بس تشرح!!!
ما ادري انا ابتدائي يمكن انتي شي ثاني ثانوي او ريلض اطفال!
عموما احنا معاكم والله يوفقكم ولا يحرمكم من رزقه
بنات انا استغرب كل ماطالب احد بحقوقه هبيتوا عليه مايستاهل مايستاهل
قل خيرا والا فاصمت اللي له حق الله معاه وبياخذه ليش المشاحنات اللي مالها داعي
بعدين خلونا واقعيين اصابعج مو سوا في اداريات نحله بالاداره وفيه ماتشتغل نفس اي وضيفه اخرى واللي بياخذ راتب ومايحلله جزاته عند ربه
صلوا على النبي
وموفقين يالاداريات
*
