يوم الخطبه ( شوفة الحريم والزوج لج )

[Zinab BH]

ذكرتوني بلذي مضى قبل خمسة شهور او ستة مدري
طبعا زوجي كان من قبل شايفني كان مسويلي بروجكت للجامعة ومنها طلب مني رقم الوالد
و الوالد حوول السالفة على الحريم و اتصلت خالتي في امي و حددو يوم واجو
كنت لابسة قميص ضيق و طويل و شعري فالته و كنت لابسة سكيني
و الميك اب خفيف وناعم و خالتي كانت جاية لوحدها وانا وامي وخواتي الثلاث
كانو يسولفون وانا طالعة فيها مستحية ومااتكلم
وعقب بأسبوع اجت خالتي مع زوجي عشان يزعم اشوفه خخخ
و لبست عباتي وملفعي و قعدت معاه بصالة وابوي طلع عنا
تقريبا تمينا ساعة نسولف سوالف بطالة كنت اسولفه عن شجرة الكرز للي بليابان
واهو يتحلطم على شغله لووول
بعدين ابوي جا حقنا قاله يلا لاحقين على السوالف لووول ونزل معاه تحت
o bass

 

[اميره^_^بحلآها]

لووول مت ضحك ههههه ..~
الله يوفقكم انشالله و الفال للجميع

 

[noor salam]

ونااااااسه الله يتمم عليكم

 

[$قطوه$]

انا زوجي ولد عمي وحافظني حفظ حتى كان في عندي شامتين على خدي كان كل ما يطل بويهي يعلق عليهم ويستعبط وانا كنت عارفه انة حاط عينه علي بس لما بديت انخطب كلم اهله وقال ابيها

في البدايه ما كنت متقبلته بس لما خطبني حسيتها صارت صج واهو خوش ريال شحقه وحده غيري تاخذه ههههههههه ووافقت


وما كان في خطبه حريم بس رياييل جابوو المهر وملجناااااا


والحمد لله تزوجنا والله يديمها علينا .

 

[om . alzeen]

بنات وين مواقفكم المشاهدات بال ٧٠٠ والردود ٢٣

 

[Ma7rosa]

داشه اطمش

لووووول والله تضحكوون


ونستوني الله يونسكم بالعافيه


الله يرزقنا ان شاءالله ؛$

 

[لمى الهاجري]

اب اب

 

[بسمة أمل 33377]

وه يابنات الله لايوريكم
أنا يوم خطبتي صارت لي موقفين مانسيتها للحين << أصلا مالي شهر مخطوبه أكيد بذكرها
المهم جوا عندنا أمه وأخته وخالته وبنت خالته وجدته << العائله الكريمه كامله بس والله حبابين
كنت لابسه فستان بيج وأنا كانت عندي الورده الحمراء عاد سلمت عليهم
وبغيت أروح أخذ لي ماي ولأني طولت وأنا جالسه طلعت بقعه ورى ومانتبهت وماسمع ألا ضحكهم
كانت تقول جدته والله شكل رزان جاتها الدوره
وشوي ألا أنا أبكي قدامهم ورحت الغرفه

والموقف الثاني
يوم جاء عبدالرحمن المعرس
كنت لابسه فستان أسود وفتحته سبعه والكم طويل وحطيت كحل وجلوس وشوي ماسكرا
طبعا أبوي يدف فيني بالغصب أنا عاد من الحياء رحت حطيت العصير على الطاوله وقلت يالله مع السلامه وأشوفكم على خير
وشوي أسمع عبدالرحمن يقول هيه يادفشه تعالي عطينا العصير وجلسي سولفي شوي وبعدين روحي
قلت لا لا بروح أذاكر << وهو أصلا ماكان في مدرسه كانت أجازه
المهم قال وين وين وناظر فأبوي وقال ياعمي بنتك دافوره حتى وقت الأجازه أما أنا طنشته وطلعت

وبعدين وهو طالع قال أنا موافق بس أسألها متى الملكه

والحين كل مادق علي وكلمني يقعد يعلق علي

 

[amami al-kuwai]

اول يوم جت امه مع مرت اخوه الكبير

ولبست تنورة بنفسجيه مشيرة مع برتقالي ولبست ملفعي << شطو لحد يسأل

وامه بس قعدت تخز فيني لدرجة ان ودي انحاش كنت قاعده قدامها

وبعدها باسبوع هو مع امه جو

كنت لابسه تنورة اوف وايت مشيره وملفعي دخلت الصاله مع اخوي وقعد بعيد شوي قبالي

وهو يطالع الطوفه اللي يمينه وانا الطوفه اللي يمينه لا شفته ولا هو شافني شكو جاي يشوف مادري

 

[Ru1991]

وه يابنات الله لايوريكم
أنا يوم خطبتي صارت لي موقفين مانسيتها للحين << أصلا مالي شهر مخطوبه أكيد بذكرها
المهم جوا عندنا أمه وأخته وخالته وبنت خالته وجدته << العائله الكريمه كامله بس والله حبابين
كنت لابسه فستان بيج وأنا كانت عندي الورده الحمراء عاد سلمت عليهم
وبغيت أروح أخذ لي ماي ولأني طولت وأنا جالسه طلعت بقعه ورى ومانتبهت وماسمع ألا ضحكهم
كانت تقول جدته والله شكل رزان جاتها الدوره
وشوي ألا أنا أبكي قدامهم ورحت الغرفه

والموقف الثاني
يوم جاء عبدالرحمن المعرس
كنت لابسه فستان أسود وفتحته سبعه والكم طويل وحطيت كحل وجلوس وشوي ماسكرا
طبعا أبوي يدف فيني بالغصب أنا عاد من الحياء رحت حطيت العصير على الطاوله وقلت يالله مع السلامه وأشوفكم على خير
وشوي أسمع عبدالرحمن يقول هيه يادفشه تعالي عطينا العصير وجلسي سولفي شوي وبعدين روحي
قلت لا لا بروح أذاكر << وهو أصلا ماكان في مدرسه كانت أجازه
المهم قال وين وين وناظر فأبوي وقال ياعمي بنتك دافوره حتى وقت الأجازه أما أنا طنشته وطلعت

وبعدين وهو طالع قال أنا موافق بس أسألها متى الملكه

والحين كل مادق علي وكلمني يقعد يعلق علي

احلى شي يلا مع السلامة اشوفكم على خير احلفي عاد ههههههههههههههههههههههههههه وش فايدة الشوفة اجل ههههههه

 

[بسمة أمل 33377]

والله مادري يمكن من الخوف بس للحين يقعد يطمش علي

 

[om . alzeen]

ههههههههههههه بسمة امل بدعتي

 

[بنتـ المملكه]

بسم الله الرحمن الرحيم

العام الي راح كنت من ادخل موضوع في سولف عن الزواج اقولكم ادعواليي

والحين الحمدالله ربي العالمين بفضل ربي ودعاكم صار ليي مخطوبه 8 شهور وباقي شهر عن زواجي

______________

قبل لايتقدمو عطون خبر من الظهر اذكر وقتها كان وقت الغداء وماشفت امي اله تقول تجهزي اليله بجونا خطابه

قلت لها لالالاالا اليله عندي شغل ومابرجع اله متاخر ((وفي بالي اقول مارح اعجبهم لاني بطه :dddds:

وقبل لا اطلع من البيت قلت الى امي اذا جو وانا لسا مارجعت قولي اليهم اني مادري عن سالفة الخطبه عن شان اذا جو شافوني وماعجبتهم اسوي نفسي مادري عن الموضوع خخخخخ

المهم رجعت البيت وهم موجودين دخلت سلمت عليهم وسويت نفسي مادري عن الموضوع وكانت اختي توها ولد سويت نفسي اسال عن البيبي واخت زوجي تعرفني من قبل بس ماكنت معا ذاك الزود

اذكرن كنت لبسه قميص شيفون وبنطلون جلست معهم ربع ساعه وطلعت وكنت حاطه في بالي انهم مارح يفتحون الموضوع
وبعد ماطلعو قلت لي امي عجبتيهم :eh_s(22): وينتطرو الموافقه

بعد سبوع كان الرد وبعدها بيومين تحليل الزواج راحت معي امي واحد من اخواني

هذا الله يسلمكم اخوي عليه حركات من تنخطب وحده من خواتي كان يقول انا باروحمعكم ع شان يراقب المعرس كيف يناطر فينه ويحرجه ويقوله لاتخز في اختي :eh_s(15):

المهم وصلنا على المستشفى الكل يمشي قدام وانا اخر وحده وكان يفتح الباب الى امي وامه وانا اوقف بعيد ع شان لايشوفي :krkrkr: بعد مايبعد عن الباب اتقدام

الحين نجي يوم الملكه لبسة فستان ناعم لونه ازرق وشعري استشورته وكان المكياج مره ناعم

اتفقة مع اخواني انه وقت الي يشوفني مايدخل قبلي الصاله واذا دخل قبلي مارح ادخل وكانو الاهل كلهم موجودين

دخلت الغرفه قبله وقلت الى ثنتين من خواته اوقفو جنبي بس هم الله يهديم وقفو قدامي وحده اطول مني والثانيه قصير

وتفقت مع خواتي انهم يتركوكاميرة الفيديو شغاله ويطعو عني كلهم اول مادخل زوجي كنت ميته من الخوف وماشوف احد من الي قدامي وجتني حالة هستريه شوي بابكي وشوي بضحك بس الحمد الله عدة اليله على خير لو مادخل لبسني قلادة ورد وطول ماانا جالسه اقطع في الورد والكاميره شغالوهوو مايدري عن شي والحينكل ماشفت المقطع انا وزوجي نموت من الضحك على نفسنا ليش مادري

 

[ملوكة الامورة]

بسمة امل فشششششششششششله
هههههههههههههههه

 

[بسمة أمل 33377]

ههههههههههههههههههههههههههههههههههههه
أيه والله فشله من يومها للحين جالسه ألملم
في وجهي

 

[Ms.lool]

هههههههههههههه ياحلوكم اولله انتو اهون مني
انا شافني مع اهله بنفس اليوم
وصراحة لبست بدلة عادية مشيرة كحلي و اوف وايت و مشمشي ومكياج ناعم
بس المصييييييييبه لما بدخل الصالة على الحريم
صارلي ساعة الا ربع واقفه عند الباب وخالتي(اخت امي) تحاول تدخلني وانا ارجف ارجف كل شوي اقولها لحظه
لدررررررررررررجة انها سحبببببببتني وانا ارررررجف مادخلت
جان تيي امه و تدخلني هههههههههههههه
سلمت و حدي اتراجف واهم يضحكون وطبعا طول اليوم ماكنت ماكله شي مادري ليش ههههههههه
وما تكلمت ولا كلمة بس قلت الحمدلله بخير
بعدين دش المعرس و قعد واهو بعد مستحي منزل راسه و اهم يقولون له شوفها شوفها
ويقولون لنا تكلموو -سئلو بعض أي شي -انزين سمعو صوت بعض ع الاقل هههههههههههه و احنا خررررررررررمس

والحمدلله الله تمم و الملجة عقبها باسبوع تقريبا

 

[MaZyOoOoNa]

لوووووووووول احلي ايام

 

[مريوم الجميله]

ههههخههههههههه مواقفكم عجيبه
احنا متشددين شوي ماعندنا شوفه شرعيه لول
بس المعرس ولد خالتي وشابع مني
كان وقت الخطوبه خطلوا بس كانوا ينطرون الموافقه
اذكر امه كانت عندنا وولدها كان برا بالشارع ينزل اغراض من السياره وكان باب الشارع مبطل
وامي نادتني قالت تعالي شيلي الصينيه وديها المطبخ واختكم بالله ماندري شالطبخه قمت وشليت الصينيه
ورايحه للمطبخ وطبعا الباب مبطل واللي يروح المطبخ يبين من الباب
طبعا لابسه جلابيه بيت عاديه والشكل طبيعي يعني مو حاطه شي كلش ماغشيته بشي لول
ولا اطلع وشافني وانا واقفه ساعه مسبهه لا وششكلي ماسكه الصينيه قولي خدامه جديده خخخخخخخ ويوم استوعبت انه هو الي برا ركض للمطبخ هههههههههه
طبعا يقولي عقب الزواج ماراح انسى شكلج يقول كلش بريئه هخخخخخ

 

[om . alzeen]

يحلووووووو مواقفكم بنات الله يتمم علينا يارب ويررررزق كل بنت للحين ماتزوجت بالزوج الصالح الي يسعدهااا



يالله بنات الي ماقالو لنا شنو مواقفهم خلونا نشارككم ذكرايتكم