قوه امهات..
مادري تدرون عن هالمعلومه ولا لأ
قبل اسبوعين تقريبا كان عندي محاظره هالماده عن الامراض و نشأه المرض و تطوره ... الخ .. المهم كنا ندرس عن البكتيريا كل محاظره عن قروب معين و شسوون و هيك
عاد محاظره ذاك اليوم كانت عن نوع بكتيريا اسمها Clostridium botulism
و الدكتوره تتكلم عنها قالت نقطه: هالبكتيريا موجوده بالعسل.. احنا لما ناكل العسل عادي ما يضرنا لان جهازنا الهضمي و المناعي متطور و ما تضره هالبكتيريا
وين المشكله؟ اذا عطينا ياهل عمره تحت السنه لانه جهازه الهضمي و المناعي بعده ما اكتمل فممكن يسببه تسمم لا سمح الله... حتى الدكتوره تقول اهيا طاحت بهالغلطه و كانت تعطي ولدها الصغير عسل
اسم المرض infant botulism
infant = ياهل
botulism = اسم البكتيريا
- - - - - - -
هذي شويه معلومات من موقع علمي:
المرض عصبي ( يأثر على اعصاب الجسم ) و يصيب اليهال اقل من سنه .. الاعراض : امساك .. يكون الياهل هزيل .. بجيته ما تكون قويه .. ما يقدر يمص الحليب عدل من صدر الام ام المميه ..تعابير ويهه قليله جدا .. المرض ممكن يأثر عالجهاز التنفسي
نسبه الاصابه: 3 من 16 ياهل عطوهم عسل خذوا المرض
تقريبا كل سنه 70-90 حاله يصابون بالمرض
اغلب الحالات لازم تقعد بالمستشفى حق العلاج ممكن توصل الفتره لي اسابيع
1 من كل 4 حالات يحطون حق الياهل جهاز تنفس
و في حالات نادره ممكن توصل لي الوفاه
شنو العلاج؟؟ ابساطه لا تعطون الياهل عسل لانه مو مكون رئيسي حق تغذيته وما يحتاجه.. لا تحطون العسل ولا اي شي ياكله الياهل لانه اكو يستخدمونه عشان يطري الأكل
_ _ _ _
تقريبا هذا كل شي بالمختصر المفيد..
و سوري عالترجمه لانه من موقع اجنبي و كله مصطلحات علميه مو عارفه شلون اترجمها بطريقه مبسطه و ترجمه قوقل تطلع الكلام مو مترابط مادري شلون..
_ _ _
و بث الله يحفظ عيالكم انشالله :eh_s(7):
