ّ ّّ كانـــت النصيحة *بــــجــــــمـــــــل * بس اليوم ببلااااااشّّّ

[جولينار]

صبـاحكم ,,, حب

مســــاكم ,,, ورد






مثل مايقولون ( النصيحة بجمل ) ,, لكن اليوم بتكون ببلاش


في هالموضوع نبي نسجل النصائح الزوجية الناجحة ,, واللي استفادو منها عضواتنا


واللي طبقوها بعد ,,


ومثل مايقولون ( أسأل مجرب ولا تسأل طبيب) ونصايحنا غالبا ناخذها من اهلنا اللي جربو

الحياة الزوجية من سنين طويلة وفهمو جوانبها وطياتها ومتطلباتها وتنازلاتها و و و



انا نصيحتي من امي كانت ,,, مهما زعلتي على زوجك ياجولينار او حسيتي باحساس


الكرهـ بداخلك وقت الزعل ( لاتبينين له هالشي ترى الرجال ماينسى )





عمي ابو زوجي يوم جات بنته تتزوج قاالها : اهم شي الطبخ لايدخل زوجك البيت

ومايلقى اكل ,, صدق ان الرجال ماهمهم الا بطونهم :bbbiu:




جدتي ام امي كل ماكلمتني تقولي : الله الله في اهل زوجك ياجولينار


الله الله < يعني راعي الله وخافي الله فيهم ( معاملتهم بما يرضي الله )







وعجبتني سعاد خانوم في باب الحارة قالت لكنّتها ( خيرية )


يابنتي خديها مني نصيحة ( نظفي خدك مابتعرفي مين يبوسه وكنسي بيتك مابتعرفي مين

يدوسه ):eh_s(10):


يعني خلك نظيفه وبيتك نظيف على طول << بالخليجي:krkrkr:




يالله الحين دوركم


عطونا نصايحكم الزوجية ,,,:eh_s(7):

 

[انا لحبيبي .]

رد: ّ ّّ كانتـ النصيحة بــــجــــــمـــــــل واليوم ببلااااااشّّّ

انا نصيحة ماما ،، لما يكون معصب ما ترادديه بالحكي ، ولا تردي عليه بشي

وبس يهدى ناقشيه

تسلمي موضوعك حلو ​

 

[الله كرريم]

رد: ّ ّّ كانتـ النصيحة بــــجــــــمـــــــل واليوم ببلااااااشّّّ

الزوج على ماتعودينه والولد على ماتربينه ,,, يعني عوديه على شيئ خلاص راح يضل على طوول متعود علييه

 

[رومانس آيدياز]

خووووووووووش موضوع وخوووووش نصايح

انا برايي اهم نصيحة انج اذا زعلتي من زوجج لاتروحين من باب الفضفضة وتشتكين لاهلج او ايا كان وتطلعين عذاريب الدنيا بزوجج وتطلعين البلاوي كلها
لان مردج بتراضين معاه وتحسفين على كل كلمة قلتيها ..

حاولي تكونين حكيمة بوقت الزعل ولاتقولين شي ممكن تندمين عليه

وطبعا النظافة مهمة حيييييل مثل ماقلتي سواء بيتج نفسج عيالج فراشه ريحة البيت ..

وخلج حنووونة وحكيييمة .. كوني له ام وزوجة وصديقة واخت وكل شي

 

[ماركة انثى]

في نصيحة قريتها قديمة بس للحين حافظتها وهي "


لا تنتظري أن يقول لك أسف ، لأنه لا يحب الاعتذار ، وأن أراد فإنه يتبع طرقاً أخري غير مباشرة في ا

التعبير عن ذلك .

 

[كويتية زقرتيه]

ماماتي ماااازاااااااااااالت تنصحني وأتقول ترى الريل مو مثل أهلج أحتويه وصيريله الأم والأخت والصديقه ودايما أتقول بيضي ويهي عند الحمووووله وسلااااااااامتكم

 

[iLLuMinaTion]

شكرااااااااااا

 

[جولينار]

نصايحكم روعه صبايا


ماركة اي والله هالمقوله من ذهبـ ,, خصوصا اذا جا يكلمك بعد الزعل ولا كأن شي صاير << اعتقد انه قاعد يراضي

بهالتصرف وبدون اسف

 

[جولينار]

اب

 

[ام شووووق]

الثقل صنعه

ونصيحه امي

عزي نفسي يتلاقينها

 

[ام شووووق]

اهم نصيحه مهما يصير بينج وبين زوجج لاتعلمين اهلج

انتي تنسين بس الاهل ماينسوون

 

[Beauty is Me]

نصيحتي من تجربتي الحياة الزوجيه فيها تنازلات بس اهم شي كرامتج لا تتنازلين عنهااا
الزوج طفل كبير يعني عامليه بحنان بيعاملج بحنان طبعا اتكلم عن الناس الطبيعيه

 

[جولينار]

حلوه نصايحكم


لايوقف صبايا

 

[Pippa]

’

خوش موضوووووووع <<< مو متزوجة

 

[ام حسين 80]

احسن نصيحة
لا تتركين بيتج وقت الزعل
زعلي و انتي في بيتج و لا تطلعين منه الا بالشي القوي اللي لا يحتمل

 

[بقلبي انت]

تعلمت ان اسرار بيتي ماتطلع برا حتي عند اهلي
مااشكي عند امي عشان ماتحاتيني ولا تضايق علي
مهما كان اسلوب زوجي معاي ما اعيبه قدام اهلي او الناس واحشمه
دايما اذكر زوجي بالخير وانه مو مقصر علي بشي حتي ولو كان مقصر
اسمع كلام زوجي واذا بتناقش معاه اتناقش بهدوء ولا ارفع صوتي مهما صار
ما اعطي فرصه لغيري يتكلم عن زوجي حتي لو ضحك علي طول اسد حلجه
اسرار الفراش ماتطلع كللللش حتي لو مع خواتي
بيتي يكون دايما نظيف والضحكه علي وجهي والنفس الحلوه والطبخه الزينه

 

[بقلبي انت]

صج بعد اهم نصيحه انج اذا زعلتي لا تاخذين قشج وتروحين لهلج زعلي في بيتج قعدي علي قلبه
وحاولي تحلين مشاكلج بروحج لا تدخلين اهلج بمشاكلج نصيحه والله وخلج حكيمه بالاختيار

 

[غلاي رورو]

انا نصيحه زوج اختي مانساها يوم دق يبارك لي ع الملكه..

قالي خليك في بيتك مثل الحربايه بلبسك وكشختك .. لاتخليه يررجع البيت ويشوفك بنفس اللبس والشكل الي شافه عليك قبل لا يطلع ..

<< نصيحه رجل اكيد ذا تفكيرهم ذحين...

 

[lunetta]

تعلمت من الحياه الزوجيه
1- ما اتنازل عن كرامتي ولا حياتي الخاصه ولا دراستي ولا شغلي ولا اسمح يتدخل بخصوصيتي
واكثرشي عودته عليه ( انه تزوجني ما شراني ) وحياتنا شراكه بالحب والاحترام مو بالامتلاك
2- مشاكلي مع زوجي تصير بيني وبينه
3- مشاعري ما ابينها له بكل وقت عشان ماتصير ماسخه
4- اخذ مصروفي حتى لو صرت مليارديره ولا اشتري عليه كلينكس للبيت
5- ضبط الاعصاب وقت اذا فيه مشكله واتكلم بجديه وصرامه ومنطق ولا استخدم مبدأ الدموع والصياح ولا ابين ضعفي له
واعتذر اذا كنت غلطانه
6- اصير ثقيله وواثقه من نفسي
7- اقوم بواجباتي الاساسيه فقط فقط فقط عشان مايمسك علي ممسك .. الاشياء اللي تجي جماله مني وكماله اسويها بنظام المكافئات اذا صار زين معي.. طبعا من غير مايحس واسويها عفويه
8- ما اسولف عن صديقاتي ابد ابد ابد
9- اذا زعلت مااطلع من البيت ابدا ابدا اذا يبي يطلع كيفه بس انا ماطلع وللامانه لا انا ولا اهو سويناها
10- احاول ابين له اني واثقه فيه بس من وراه لازم انبش
11- اخذ بريك من حياتنا الزوجيه من فتره لفتره يعني اروح بيت اهلي وانام عندهم كم يوم واغير جو وانسى اني متزوجه عشان اشتاقله واهو بعد يشتاق لي
12- ما اتدخل بأهله ولا مشاكلهم واحاول تكون علاقتي معهم رسميه
هذا اللي جا في بالي الحين قصيت لكم قصه حيااتي مو نصااايح

 

[ام دليار]

ماما كانت تقولي أهم شي الأحترام أذا كنتي محترمة غصب الناس كلها بتحترمك
الطبخ الطيب والريحة الحلوة
دايما يكون لسانك حلو بلكلام الحلو بس
هذول يلي متذكريتهم أكتر شي
صارلي زمان ماسافرت وسمعت نصايحها:eh_s(2):