٪٪ تجمع للي ناوين يولدون بمستشفى منصور العرف ٪٪

[ام اغلى الناس]

نسيت اقولكم
كل بنات عمي يمدحون تستفانيا البلغاريه
بس يوم رحت اراجعهم ما كانت موجوده
بنات احس انهم زادوا اسعارهم حيل
انا اصلا عندي ملف
خذوا مني ٤٠
٢٠ سونار و٢٠ يمكن استشاره
من ٣ سنين كنت اراجع عند جانجا الهنديه وما كانت جذي الاسعار

 

[أ.بيشو]

قوووه شلونكم

ابوي انا سافرت ورديت ولهيت شوي بس والله

انتو عالبال

ام اغلي الناس انا عند تستفانا مراجعاتي وان شاءالله

ولادتي عندها ولابد من اهلي وربعي مجربينها ويمدحونها

وام شعر احمر وايد يمدحونها بعد

والاسعار اهما سوناهم ب20 والمراجعه اذا اكثر من شهر ما راجعتي 20

واذا راجعتي اقل من شهر 10 وعلي فكره سونارهم مو شي كلشش

الضامر احلي عتد البلغاريه وبس وحدها شاطره ماشاءالله

و10 دنانير انا مرات اسوي عندهم واخذه اراويه دكتورتي بالعرف عاادي

اي صج اليوم رحت المخيم واول مره امشي مشيت 45 دقيقه

حسيت ان ظهري قام يعورني ورحت قعدت بس عقبها

بجم ساعه قمت اتمشي مع بنت خالي وسمعت صوت جلب

عزكم الله ركضت ركض مو صج ومن اليوم احس بطني حيل يعورني وسرتي مشدوده داخل وتعورني

ولا بعد خالتي شرت لي كرتون بسكوت وحذفته علي عساس امسكه

وما مسكته زاويه الكرتون دشت ببطني صج عورتني

مو مترقعه اليوم

 

[ابوي دنيتي كله]

ام أغلي الناس انا حاليا أراجع عندها احسها زينه وعسي الله يسهلج حبيبتي
اهليييييين وسهلين يابيشو تو مانور التجمع وووينج فقدناج وحمدالله عل سلامه جذي فجأه اختفيتو انتي وجلكسي

 

[أ.بيشو]

هلا وغلا فيج ياقلبي التجمع منور فيج فديتج يارب


عساج ماتفقدين غالي وربي يسلم عمرج


واي احس تعبت مافيني طاقه لاي شي .. ابوي ليما الحين

يحن علي اروح السيف بس انا مصممه عالعرف ويارب ما اندم

اخباركم كروشات

 

[ابوي دنيتي كله]

والله الحمدلله بخير داامج بخير ياقلبي عسي الله يسهلج يارب والله يابيشو العرف ولدت فيه مرتين والحمدلله زين وكل شي مكتوب من ربج والله يسهل لنا يارب
ماخذتي ادويه للنفاسج ليما الحين ولا خلصتي؟

 

[أ.بيشو]

دووم ان شاء الله ياقلبي تكونين بالف خير

وان شاءالله الله كريم مع ان هذا اول بيبي بس كلش ماحس بخوف حمدلله يارب

والله ليما الحين ماخذت شي بس بنت خالتي قالت بتطلب لي

 

[غند-777]

انا ولدت فيه قبل تقريبا 3سنوات وحماتي قبل سنه عند الدكتوره منتهى السالم تهبل والخدمه روعه عندهم

 

[ام اغلى الناس]

الله يقومكم بالسلامه
الضامر رحتله مره بحملي الاول
سوينا حادث ومفلسه وباتطمن على البيبي رحتلهم وصج ب10
ياحليلهم
فكرت اراجع عندهم بس قلت ابي احد فاهم
مابي اغامر

بنات اللي تولد تطمنا

 

[أ.بيشو]

لا مو مساله فلس انا السونار سويت اللي بالعرف تحت اللي بالاشعه ب٣٠

وسويت الرباعي ب٣٥

والدقيق ب٣٠

والعادي عند ماجد الشمري ب٢٠ وبالعرف هم ب ٢٠

لان مبطله ملف عندهم اثنينهم وهم مبطله بالضامر

بس صراحه سونار الضاهر البلغاريه بسسسس لايعلي عليه

العرف احسه مو واضح كللش

وانا مبطله ملف بعد عند الهنديه اللي بالضمر وسوتلي سونار بعد

بس وع ماتعرف وماعدت زيارتي لها لوووول

 

[ابوي دنيتي كله]

مرحبااا بنات شلونكم
جالكسي وينها قطعت جذي فجاه انشالله المانع خير
بيشو شخبارج ياقلبي

 

[منتهى الرقه89]

هااي جهراويات كروشات عرفيات 

شلونكم

انا ماعمري ولدت عندهم مع انه يمدحونه وصراحه الله مو معطيني حب لهلمستشفي ومحتارة عاجبتني الجوري حيلل بس مادري...!!!


احس دكاترتهم اي شي

منتهي تقولج اذا جتج ولادة وانا دوامي خالص مااولدج ماايي.. 

ومدحت زحمه ووو دور

مادري يمدحون جنه اسمه خالد سعيد او محمد سعيد

طبعا هالكلام كله سمعته من تجارب البنات مو شي انا مجربته

شرايكم؟!!!

 

[ابوي دنيتي كله]

هلا منتهي بخيرربي يسلمج تدرين والله العظيم ان الدكتورات الي ولدوني بالعرف بولاداتي٢
بحياااااتي قبل ولادتي مارجعت عندهم ولا اعرفهم اروح حزه الولاده يقولولي منو تبين تولدج اقولهم اي دكتوره عادي والحمدلله التساهيل من ربج ولدتني بالاولي عجوز بلغاريه شعرها قصير وناعم
والثانيه اتذكر جنها هنديه لاني ماشفتها الا بالولاده وماكنت مراجعه كللللش قبل عندها
كل شي مكتوب والي الله كاتبه تبين تشوفينه والحمدلله

 

[ابوي دنيتي كله]

منتهي تكفين تعرفين مره مضمونه وزينه تسوي ادويه للنفاس للحين مادري من وين اخذ وانا كلش ميح بالاعشاب ومشكوره ياقلبي

 

[منتهى الرقه89]

هلاا ابوي شخبارج..

لاا والله حبيبتي ماعرف بهالسوالف ، واصلا انا ماستخدم بولاداتي اعشاب وحمدالله ياارب ماتاثرت بدونهم..

مادري الاعشاب تخوف احب اشرب الدارسين والنعناع وهالسوالف العاديه اللي تدفي بطني وبس مو اكثرر من جذي..

جم لج الحين وراح تسوين استقبال بولادتج ان شالله ولا لا؟!!

 

[منتهى الرقه89]

وووووووووووووووووينكممممممممم


بناااااااااااااات


عسسا مااشررر

 

[أ.بيشو]

مرحباا كروشات شلونكم ..

هلا هلا ابوي فديتج اخبارج حبيبتي

انا تمام حمدلله

منتهي انا دكتورتي تستفانا وصراحه وااااااايد يمدحونها

وان شاء الله ابي اولد عندها ووايد مرتاحتلها حمدلله

مع ان ابوي يحن علي مايبي العرف همن مو عاجبه يبي السيف

بس انا ابي الاقرب عشان استقبالي

ابوي انا ماعرف بالادويه وجذي بس بنت خالتي وخواتها يطلبون من وحده

ومجربينها ويمدحونها عاد قلت لها تطلب لي منها اذا تبين ادزلج رقمها

 

[ابوي دنيتي كله]

مرحبااا بنات شلوونكم والله يامنتهي مارح اسوي استقبال مالي خلق والله
هلا حبيبتي بيشوو زين المره هذي يمدحونها قرايبج الي جربوها وجم سعرها
اشوف بالمنتدي وايد بنات يمدحون ام خالد الهاجري ومتردده مرات اقول باخذ منها ومرات اهون ومحتاره واااايد احاتي هالشغله والله

 

[Lady Arwa]

بنات منو راجعت عند ماريا

 

[&جالكسي&]

بنات اسفه تأخرت عليكم اعذروني انشغلت بالوالده الله لايشغلكم بمثل ماشغلني
واسفه مره ثانيه عالتأخير كنت واعدتكم اكتب لكم الدويات ولازم اوفي بوعدي واعذروني قصرت
بحقكم وطولت عليكم نفس ماقلت الظروف حكمتني لمي تعبت بس الحمدلله الحين احسن

 

[&جالكسي&]

الطبيخه(طبخة الغوري)
فوّه. محلب. حبة البركه. بِطني. قلب الجوزه. ورد. دارسين. حبة حلوه. عود الهوا. حلبه. هيل. كمون. زعتر. ينسون



المردود:
رزنه. حبة البركه. نيله. حلبه. ينسون. محلب. كمون. كحله. حبة حلوه.



مع الماي او القهوه(للهوا)
مره شويه. عنزروت. زعفران. جندأبوال. محلب