٪٪ تجمع للي ناوين يولدون بمستشفى منصور العرف ٪٪

[محسن ولدي]

amami لا حبيبتي للحين ماولدت هذا انا باخر شهري انطر الفرج

 

[amami al-kuwai]

ام محسن عيل جربي هالطريقة حماتي نفس وضعج وجربتها وولدت طبيعي


خمي البيت بالمخمه اليدويه الصغيره اكيد عرفتيها

بس خمي كأنج قاعده بحمام عربي العادي مو الكرسي وانتي قاعده تخمين بهالطريقه خمي البيت كله وجربيها

وحماتي قعدت فوق شهرها اسبوعين بعد يعني ان شالله عادي

 

[انثى الغموض]

هااي
ليش هالتجمع ناااايم


انا كنت ناويه اراجع عند منتهى بس صرراحه زحمتها لاتطاااق اقعد ثلاث ساعات وكل الوقت ياعندها عمليه ولا ماتلحق على مراجعينهااا


وورحت اراجع عند ماريناااا شطووووره ماشاء الله عليهااا ومني لثامن يمكن اتم عند مارينا ولا اروح لمنتهى والله يسهل علينا



ام محسن الله يسهل عليييج ياقلبي

 

[amami al-kuwai]

انثى انا كرهت مارينا

حمالي الثاني لعبت فيني لعب

كل شوي تقولي ماكو بيبي في رحم وانا توني بالاسبوع الخامس

وكل شوي تحليل دم

واخر شي رحت للحكومه قالي في جنين ورديت لها قالت ماكو

وماكمل هالحمل واحنا كل شوي من غرفتها لين السونار اللي بالسرداب اللي صوب الحوادث

 

[انثى الغموض]

صاجه وانا بعد وصلت الاسبوع الثامن ومابين النبض وقالتلي روحي تحت سوي السونار والحمدالله بين تحت بس بسونارها مابين قالت اللي تحت مطوورر
واكيد بالاسبوع الخامس مابين لانه يمكن حمتلي متاخر
والله حدي تعبت اول كنت عند سحر وغيرتها ماتسوولف ولا تعطيني معلومات

 

[amami al-kuwai]

انثى

انا عقدتني وكل مارحت لها مراجعه احوس بينها وبين السونار اللي تحت

احس هو اللي تعبني

 

[انثى الغموض]

جربتي احد غيرها
لانه ابيها حق مراجعات بس لا وصلت الثامن اروح لمنتهى

 

[amami al-kuwai]

جربي تاستيفانا

اختي مجربتها بالولاده ما شالله ثلاث مرات ولدت عندها

تقول حلوه حيل

 

[انثى الغموض]

امدحوها لي بس خفت من وحده نازله مشيمتها وما علمتها وكاتبه بملفها ولما رراحت دكتور مدحت قالها شلون ماقالتلج انها نازله مشيمتج ومنها استبعدتها اني اراجع عندها
بفكرر وعسى ربي يسخرلي الزين

 

[amami al-kuwai]

في وحده تقول عنها مو حلوه لانها ولدتها قيصريه بس هي تشوف الحاله اللي قدامها

ويمكن ماعلمتها لان ماتبي تخرعها وتبي تعطيها علاجات بدون ماتوقف قلبها

اختي تقول حيل تصبر عليها وقت الولاده

 

[كجمايا]

مساء الخير كروشات الله يهون حمالكم ويسهل اموركم ، انا جربت تستيفانا بولادتي الثانيه حلوه ماشاءلله ومخدره بس لخياط احط عليه علامة× والولاده الشاهد الله حلوه وماتحسين بشئ والتساهيل من الله سبحانه ، وهاذي المره الولاده اذا الله كتب ويسر عندها بس بحرصها ع الخياط ..

 

[انثى الغموض]

يمكن احووول عليها وبسأل عنها اكثثثر
شدعووه التجمع مافي الا انا وياااج نبي تجاااارب اللي ولدوا فيه صج مايحسون بشي مااخترت هالمستشفى الا الكل يقول كمامهم رووعه

 

[كجمايا]

يمكن احووول عليها وبسأل عنها اكثثثر
شدعووه التجمع مافي الا انا وياااج نبي تجاااارب اللي ولدوا فيه صج مايحسون بشي مااخترت هالمستشفى الا الكل يقول كمامهم رووعه

شوفي انثى الغموض انا ولدت عند تستيفانا ماحسيت بشي يالله لك الحمد وكمامهم قمه فالروعه وانتي قوليلها انا ماابي احس بشي اذا مافيج لاسمح الله ربو او حساسيه او ضغط تمتعي بالكمام خيااااااال تخيلي نايمه ماوعيت الا الغرفه فاضيه وانا والده وخالصه شوي وودوني غرفتي ، هذا غير تبارك الرحمن العنايه والنظافه ونفوس السسترات الحلوه واكلهم اللذيذ صراحه اعطيه 10علي10 ، وتاكدي ان كل هذا مايجي الا بعد مارب العالمين يسهلها علينا ، الوحده توكلي امرها لله ، وان شاءلله تولدين بالسلامه ..

 

[amami al-kuwai]

كجمايا

سألت اختي عن هالشغله واكدت كلامج

انثى

لا تطلبين قوي الكمام لانه راح يلعب براسج

حاولي ان يكون مو قوي حيل

لان كل اللي جربوه يقولون نحس انه اثر علينا الكمام من قوته

 

[انثى الغموض]

بعد عمررري ياكجمايا ريحتيني الله يريحج دنيا واخررره ان شاء الله المراجعه الثانيه بروح لهااا وشلون خياطها مريح ولا يضايق

amami صرراحه انا خووووافه بدرجه ماتخيلينها ماودي احس بشي.شلوون ياثر عليهم الكمام القوووي.يعني بعد الولاه بفتره ولا بالولاده بحزتها

 

[كجمايا]

الله يريح قلبج ان شاءلله شي طبيعي لمحاتاة بس توكلي ع الله وهو اللي بسهل امورج ان شاءلله ، والكمام صح هو كثرته مضره بس شنسوي نبي نخفف الوجع وهم الخوف يلعب دور يزيد الالم اكثر وصعب الوحده تسترخي من غير كمام وكمام قوي بعد (؛

 

[amami al-kuwai]

انثى

اختي الحين استيعابها صاير بطيء من قوة الكمام

واثاره تظل معاج على طول

قولي ابي كمام مو قوي بس ابي انام

 

[انثى الغموض]

مشكووورين والله فهمتوووني اشيااء ماكنت حاسبه لها حساااب الله يجزاكم الف خيرررر ويسهل عليكم ويوفقكم

 

[amami al-kuwai]

الله يسهل عليج

وبشرينا اول ماتولدين وعند منو

عطينا تقرير كامل

 

[انثى الغموض]

ابشرررررري من عيووووني والله انتوا نفعتوووني من اولد بقوووولكم
amami انتي اي شهررر الحين