٪٪ تجمع للي ناوين يولدون بمستشفى منصور العرف ٪٪

[rw3t e7sas85]

دلوووعه

اي توها والده عنده رفيجتي تعذبت بولادتها الاولي لانه اسم الله عليكم فيها سكر حمال
باول ولاده ماتحملوا مسؤوليتها الخاص وحولوها الفروانيه وولدت بتعذيب طبعا كل شي
حست فيه وكانت حالتها صعبه وثاني ولاده قررت تولد عند مدحت وكلمته عن حالتها وانها
خايفه من نفس التجربه بما انه السكر رجع لها بثاني حمل بعد جان يطمنها وقالها انا اتحمل
مسؤوليتج وباذن الله بتولدين ولاده سهله طبيعيه بحاول من بعد الله قدر المستطاع ترتاحين
وماتشتكين من نفس الولاده الاولى وولدت عنده تقول شنو راحه شنو فرق شاسع صج صج
من بعد الله ماشكيت من شي والحمدلله ولدت طبيعي وخياطتها تهبل وتعامله راقي وهو انسان
محترم وفاهم وشاطر عشان جذي ماحبيت اغير واروح لشي موعارفته بثاني ولاده لي انا بعد
والله يسهل علي وعليكم وكل حامل يارب

 

[دلووعه ويحق لي]

روعة إحساس مشكورة
فعلاً دكتور يبرد القلب في بجري كان عنق الرحم سميك وتعبت من الطلق وطولت لكن مارضى يولدني الا طبيعي

 

[دلووعه ويحق لي]

اب اب

 

[كجمايا]

الله يسهل ع كل الحوامل يارب انا شهري شهر 4 ومحتاره اولد عند تستيفانيا او مارينا ، تستيفانيا خياطها كلش مو شي جربتها بولادتي اللي قبل صدق ولادتها حلوه بس الخياط اكس ، بس مارينا اسمع مدح عليها ومحتاره ، انا وحده ابي ادوخ ماابي احس بالم ، ويهمني لخياط اللي والده عندها تبلغنا عن تجربتها والتساهيل من الله سبحانه

 

[أم الجبال]

رد: قرووووب مراجعات مستشفى العرف """" امراض نساء وحوامل!!!!

الدكتورة عزة العجمي راجعت عندها وحيييل. مريحة

 

[العجميه سبشل]

الحمدلله والشكر له وحده
انا ولدت بسهاله يارب لك الحمد طبيعي عند تستفانيا والله توقعت عمليه بعد كلامها ان حوضي صغير
بس شي واحد ما حبيته بالعرف كل ما اقول جيبوا البيبي يقولون ان شاءالله ولا يجيبونه

 

[كجمايا]

الحمدالله ع سلامتج عجمية سبشل ومبروك ماجبتي يتربى بعزكم ، عاد العرف ع طول يجيبون البيبي اذا طلبتيه غريبه!! ، شلون ولادتج عند تستيفانيا انا والده عندها قبل سنتين والحمدالله كانت سهالات وماحسيت بشي كلش ، شلون الكمام ، وطلبتي ابره منومه او لا ؟ واسعارهم مثل ماهي ولا ارتفعت ؟ ادري غثيتج بس انا توني داخله الثامن وببدا اراجع عندها ان شاءلله ..

 

[amami al-kuwai]

مبروك عجميه ماجاج ويتربى بعزكم ان شالله والله يجعله من الذريه الصالحه

شلون الولاده عند تاستيفانا ان شالله بولد عندها

 

[انثى الغموض]

مبرووووك ماجاج عجميه والحمدالله على سلاااامتج بس دقي وحني عليهم او زفيهم



والفال لنا يااارب الله يسهل عليينا

 

[أإلع ـشق دلع ـهـأإ]

بنات بسالكم

انا ماعرف احد ولد بالعرف انا ابيه علشان كمامهم

ابي احسسسن دكتوره بالخيااااااااااااط ركزوا ع الخياااااااااااط

ابي خياط تجميلي شرايكم بمارينا يمدحونها في بنت بالمنتدى تقول خياطها عجيب تضوق المنطقه لانها تقص الزايد


شرااايكم

 

[انثى الغموض]

شووفي التوب اللي بالعرف ويمدحون خياطهم
مدحت
منتهى
مارينا
بس اول اثنين زحممممممه وتغث مراجعاتهم على ماتوصلين دورج
انا شاء الله بولد عن مارينا اذا الله سهل وبقووولج انتي جم لج الحين

وتسيفانيا يقولون ولادتها حلووووه وحبووبه بس خياااطها اكس

 

[كجمايا]

شوفوا كروشات انا جربت تستيفانيا بالولاده وبصراحه ماحسيت بشئ كمامهم قوي واخذت ابره منومة ، قعدت وانا بغرفتي الحمدالله طبعا الفضل لله والتساهيل من عنده سبحانه ، لكن خياطها كلش مو زين صراحه اكس اكس اكس ، عشان جذي ودي اروح لمارينا البلغاريه ، بس وحده توها والده عندها تقول انها رفضت تعلي الكمام عليها تبيها واعيه وقالت لها كثرته بتضرج وتضر البيبي ، وبصراحه ترددت ولا ادري وين اروح ، ومنتهى مااضمن انه ماتجيني الولاده حزت الليل ، ومدحت محرمته انه رجال ومو امر طارئ عشان اخليه يولدني ، ولحد الحين افكر وبستخير الله يسهل علي وعليكم وتقومون بالسلامه ..

 

[انثى الغموض]

كجمايا
مااارينا سالت عنها بنت جيرانا وقالت كلش ماحسيت بشي الكمام انقولهم يعلونه قبل لا تمر علينا الدكتورره والباجي تسااهيل باذن الله

 

[كجمايا]

يعطيج العافيه غموض والله انا ناويه اولد عندها بس ابي احد يدزني دزه بس اروح لها لان انامابي احس بوجع وابي خياط مضبوط ، وان شاءلله شكلي بستخير وافتح ملف عندها ، انا دخلت الثامن ، هالاسبوع ان شاءلله بروح لها ..

 

[انثى الغموض]

كجمايا الله يعااافيج حبيبتي استخيررري وتوكلي على الله
والله يسهل ويهون عليييج يااعمرري ولاولدتي بالسلامه بشرينا

 

[كجمايا]

امين الله يجزاج خير ع هالدعوه ي قلبي ، وان شاءلله اذا الله سهل وولدت بأمره ، راح احط لكم موضوع ولادتي هنيه ، بس ادعوا لنا ، الوحده اذا قرب موعد ولادتها توترت ، اسآال الله الكريم انه مايحرمنا الاجر ويجعلها تساهيل .

 

[amami al-kuwai]

كجمايا يمكن هذي عندها ربو هاللي رفضت تعطيها كمام

 

[انثى الغموض]

صح ميمي يمكن عندها ربووو علشان جذي ماعلته

 

[كجمايا]

والله ي بنات البنت تصير مرة ولد عمي لما رحت اقهويها استفسرت منها وهذا كلامها قالت انها حست بكل شي ، وهي ماتعاني من الربو او ضغط او سكر ، بس قالت ان الدكتوره قالت افضل لج ماتكثرين الكمام لانه بيضرج ولاسمح الله تتعسرين بولادتج من كثر الكمام لانج بتكونين متخدره وماراح تساعدينا ، هذا ع كلامها والله ، بس انا خلاص بتوكل ع الله وبفتح ملف عندها وربي هو اللي يسهل ، اللهم اني فوضت امري اليك ، بس ياليت اللي تعرف عنها ، تفيدنا ولها الاجر ان شاءلله ..

 

[كجمايا]

اب اب اب اب