٪٪ تجمع للي ناوين يولدون بمستشفى منصور العرف ٪٪

[الـجـوري]

اللي فوووقي ^^



توكلي علـّۓ اللَّہ .. آنـا عن نفسي والده عندها مرتين .. والحين الولادة الثالثه هم عندها باذن اللَّہ

 

[ام حمود£]

مرحبا بسالكم بجم الولاده فيه
الطبيعي اذا ابي غرفه عاديه

 

[دلــــع الكويت]

ولادة طبيعيه غرفه عاديه ٥٨٠
ولادة توأم ٦٨٠
ولاده قيصريه ٩٠٠
ولاده قيصريه توأم ١١٠
هذه الاسعار حالياً
وطبعاً غرف عاديه
بدون الشفط والطلق الصناعي

 

[الجفول&]

انا ولدت عندهم قبل سنتين عند مرينا طلعت الولاده ب٦٢٠ .،. الشفط ب٨٠

 

[دلوعة ماماتي 88]

ان شاءالله اذا ربي سهل علي وتمم لي حملي ع خير بولد بالعرف ان شاءالله



بس اللي مجربين الولاده عندهم تنصحون باي دكتوره !!!



حريم اخواني ولدوو عند د منتهى يمدحووون خياطها
ملاحظه صغنووونه

هذا اول حمل لي فماني مستوعبه للحين

 

[قرة عيونه]

ان شاء الله انا ناويه اولد عندهم

عند دكتورة منتهى السالم

ومشكورين اللي حطوا الاسعار جزاكم الله خير

بس بليز بنات محد يعرف الملكي بجم ؟

 

[قرة عيونه]

دلوعة ماماتي انتي نفسي انا هم بجر

وعند منتهى لان اختي عندها وحيل تمدحها بس اختي عمليه

وان شاء الله انا طبيعي

قريت شكثر عن منتهى يمدحونها حيل

بس عيبها انها ماتولد بالليل بس بالنهار واذا الفجر عادي يدقون عليها وتجي بس بالليل متاخر ماتولد

فيبيله نحط وحده ثانيه احتياط

انا اذا كلش ولادتي بالليل بقولهم مارينا مع ان محد من اهلي جربها بس بنات المنتدى يمدحونها

 

[نور الكون@]

قرة عيونه. انصحج بمارينا انا ولدت عندها مرتين وطلبي خياط تجميلي. علي الاقل احسن من تستفانيا وغيرها. ترا حتي منتهي تخورها مرات.

بس مادري ليش احس براحه نفسيه لمن ادخل عندها بشوشه '

 

[دلــــع الكويت]

بنات وينكم عطونا تجارب

 

[قرة عيونه]

مشكورة نور الكون ع النصيحة

بس أنا بجر يصير أسوي تجميلي !!

لان قريت مره البجر مايسونلها تجميلي عاد مادري صح أو لا !

 

[دلــــع الكويت]

اب اب

 

[Cat ^ q8]

مرحبااا

بنات بسالكم حاليا كم الاسعار عندهم طبيعي + كل التكاليف مع العلاج

ابي خبر اكيد بليز

 

[دلــــع الكويت]

لا حبيبتي اسعار العلاج بروح
الولاده طبيعي غرفه عاديه ٥٨٠
من غير الدريب والحديد والشفط
اذا احتجتي

 

[قرة عيونه]

وجم تقريياً سعر الدرب وهالسوالف ؟

 

[دلــــع الكويت]

الشفط والحديد ولا ماادري
بس الدريب اذا اول ماتطلعين وكليتي
يعني منتي تعبانه ودايخه
مايعطونج على حسب حالتج
جنه سعره ١٠ او ١٥

 

[قرة عيونه]

اها مشكوره حَبٻبتــۍ

 

[قلبي سلومي]

انا ولدت بتاربخ 8/25

عند دكتور مدحت دكتور كلمة روعه شوية يهبل بس يضحك ومريح ارتحت له حيييل

سسترات حلوين بس اول يوم لي عنايتهم عادية بس ثاني يهبلون تضتيقت ﻻن كنت بطلع قلت وينكم اول يوم كنت تعبانة

اﻻكل يهبل وراحة صج ودخلتهم وطلعتهم انا وماحس

اخذت غرفة عادية كلفتني 600 دينار

 

[ٱستۆطنت خٱفقهْ]

قلبي سلومي

الحمدلله ع سلامتجج ♥


انا ناوبه اولد عندهم الله يسهلل عليناااا

 

[قرة عيونه]

الولاده كلها كلفتج ٦٠٠ ؟؟؟

والله زين انا عبالي تصك ٩٠٠ جذي

 

[قلبي سلومي]

استوطنت تسلمين ياقلبي الفال لج بالهون والله يقومج بالسﻻمة

قره عيونه اي مادري زوجي قال جذي يقول مكتوب بفاتورة 645 دينار وفاتورة 600 بس يقول اخذو منه 600

انتي حطي احتياط الف دينار ﻻسمح الله ماتدرين شالظروف

رفيجتي ولدت وراي بيومين عند مارينا بس ماسالتها شلون وﻻدة