٪٪ تجمع للي ناوين يولدون بمستشفى منصور العرف ٪٪

[ملح الكون]

قرة عيونه .. الله يهون عليج .. بروح اشوف دعاء بحطها بالقائمه (؛

 

[قرة عيونه]

دلوعه انا طول حملي اراجع عند منتهى ومرتاحه عليها

بس من دخلت التاسع ماراجعت طوفت موعدي بعدها رحت بدون موعد وكان عندها زحمه ماقدرت ادخل عليها للاسف

بس اذكر اخر مره رحتلها كنت نص الثامن وسالتها اذا بولد مبجر قالت عموما احنا نبلش فحص بعد اسبوعين بالتاسع وممكن اسويلج توسعه

يعني اللي فهمته ان تسويه اذا صارلج اسبوعين بالتاسع

بس ماجربت فحصها فحصتني دعاء ايدها خفيفه بس لانها وسعتني تعورت :'(

 

[قرة عيونه]

ملح امين حبيبتي الله يسمع منج

 

[ward-ward]

نبي ولادات يالله شدووو الهمة انتم السابقون ونحن اللحقووون

 

[ward-ward]

دلوعه لا حرام انا امس كنت عندهم وكان الرحم مفتوح 3 سانتي وانا قلت للدكتوره دعاء دخليني ابي اولد

بس مارضت مع اني مفتوحه 3 سانتي وعنق الرحم لين قالت لان مافيج طلق وحرام اعطيج طلق صناعي واتعبج وممكن اخر شيء مايستجيب الرحم ونضطر قيصري فلحسنلج تنطرين لين يجيج طلق طبيعي

يعني همها مصحلة المريض وبالعكس حبيتها انها ماطاوعتني لاني بجر والكل قالي الطلق الصناعي حيل يتعب

انا اراجع عند منتهى بس لاني رايحه بدون موعد دخلت ع دعاء وارتحتلها

وانا ناويه اولد عند منتهى بس اذا سبحان الله جتني الولاده بالليل قلت بروح يا عند دعاء او مارينا لان قريت عنهم الكل يمدحهم

بس يااارب اولد عند منتهى لان حي مرتاحه معاها

مبروك الف مبروك ولاتج والحمدالله علي سلامتج واذا ارتحتي شوي كتبينا قصة ولاتج

 

[دلووعه نواف]

مبرووك لكل اللي ولدوو ..
ابي جم اسعارهم بالولاده الطبيعيه والقيصريه

 

[ward-ward]

مرررحبا بنات شخباركم بشرووووو ماكوووو ولادات جديدة هالايام بمستشفي العرررف وعند الدكتووورة مارينا الكل بعد الله سبحانة يمدحهاااا انا بتوكل علي هالمرة هذي وبجرب العرف اول مرة لانة قبل ولدت مرتين بالهادي والحين ابي المستشفي قريب عندي والكل يمدحة والسهالة من الله سبحانة

 

[ملح الكون]

الله يهون علينا وعليكم ..

 

[يا كويتنا]

بنات منو جرب الولاده


عند عزة المصريه


بليز ردوا حدي متوهقه الزينيين كله زحمه عندهم ونص الوقت رايحين عمليات وولاده

وابي وحده ممتازه .. المدح كله على مارينا بس ليش شكلها داجه ومو عاجبتني

 

[ward-ward]

مرحبا بنات انا ولدت قبل عشر ايام بمستشفي العرف والحمدالله ولادتي كانت طبيعية وانا ماكنت مراجعة بالعرف كنت عند رشمي بالهادي واستخرت ورحت للعرف كنت داشة العاشرلي عشر ايام كنت كلة اخذ تخطيط عند الطوارئ وسونار وجتني الولادة الفجر ورحت اهم وكنت حدي خايفة من العرف من كثر مااسمع عنة وتوكلت علي ورحت للطواري وقالي منو تبين عشان يولدج اختاري واخترت الدكتورة مارينا ودقو عليها والحمدالله ولادتها زينة مثل الحلم كنت احس بالفحص وطلعت الجاهل مثل الحلم والخياط تجميلي مادري عنة بعدين بس الحمدالله والشكر كلهم يمدحون مارينا عزة ماسمعت عنها توكلي علي الله واخذي مارينا

 

[دلووعه نواف]

انا اراجع عند مدحت وبإذن الله بولد عنده ..

طمنوني بنات منو جربت الولاده عنده

 

[خــ ج ــــل ..}]

بنات شرايكم بدكتورة ايناس بالعرف ، حيل حبوبه ، الحين انا بالسادس واراجع عندها ، بس مدري عن ولادتها
شرايكم ؟ احد جربها ؟؟

 

[floor]

انصحج بالدكتورة مارينا ولاده والله يهون عليج
وتقومين بالسلامه اخيتييي

 

[متفاءلة]

حبيت ارفع الموضوع

وان شالله بولد عند الدكتور مدحت

منو معاي ؟؟ ��

 

[star_tete]

انا ولادات الثلاث. عند منتهى السالم قيصريه انا وطبعا الكلام بحق دكتورتي شهاده اخاف
اجرحها فيها ونعم فيها ميه مره دكتوره كفئ
وباذن الله هالمره هذه عندها باذن واحد احد
والمستشفى من نظافه ورعايه ماعليهم كلام

 

[star_tete]

مدحت جربت عنده بسم الله عليج يوم التنظيفات
وطلعت. بنفس. اليوم
شوفي العرف
قايم ع ٣ اطباء ولاده
منصور العرف
منتهى السالم
ودكتور مدحت
هذول كبار العرف

 

[لؤلؤةالكويت]

السلام عليكم


اعرف وحده تراجع عند الدكتور مدحت بالعرف وتمدحه حيل وتمدح ولاداته الله يسهل عليج


شرايكم بالدكتور محسن طلبه بالامومه لاني اراجع عنده شرايكم بولاداته

 

[راقية باخلاقي]

up up

 

[كجمايا]

انا ناويه ان شاءلله اولد عندهم ، ولادتي شهر 9 اذا الله كتب ، ولدة عندهم سنه 2013 وولدة عندهم سنة 2010 ، وكل ولاداتي عن تستيڤانا ، مراجعاتي عند معصومه مخصيد ، بس ولاداتي عندهم ، بس اللي سمعته ان تستيڤانا طلعت منهم ، والحين ماادري منو اولد عنده ، وماابي رجال ، ومنتهى يقولون عملياتها اكثر من الطبيعي وخايفه صراحه ، اللي والده تو ي ليت تفيدنا

 

[لؤلؤةالكويت]

السلام عليكم


بنت خالتي راجعت وولدت عند. الدكتوره. عزه. عجمي. والحين انا بلشت مراجعه عندهااااا.


وبإذن اللي عينه ماتنام. بولد عندهااااا. كنت عند الامومه عند الدكتور محسن طلبه. بس غيرته لانه رجال والله كريم


بنت خالتي تمدح د عزه عجمي عاد انا بچريه. واحسها مريحه

نفسياً. وتتناقش معاج. بكل شي. .. والتساهيل. من رب العالمين