٪٪ تجمع للي ناوين يولدون بمستشفى منصور العرف ٪٪

[&جالكسي&]

السلام عليكم كويتيات

شلونكم مع الحمال ان شالله كل الاوضاع تمام



لاحظت فيه اكثر من تجمع حق مستشفيات وقلت بحط تجمع حق مستشفى العرف لاني ناويه اولد فيه ان شالله بعطيكم نبذه عن المستشفى موقعه بالجهرا والمستشفى راقي ومن تدخلينه تحسين براحه لانه مريح وريلاكس واهتمامهم اكثر من روعه تحسين انج شخصيه مهمه واكلهم يهبل واسعارهم بعد حلوه وغرفهم واسعه وشرحه والاجنحه الملكيه حلوه بعد واسعارها تهبل انا ولدت فيه اول وناويه ان شالله اولد فيه هالمره بعد

والله يسهل علينا.....

منو بعد ناويه تولد فيه؟؟

 

[أ.بيشو]

انا ان شاء الله ناويه اولد فيه

انا بجر واراجع عند دكتوره تستفانا

وااي اخيرا صارلنا تجمع ان شاءالله يزيدون البنات

 

[ابوي دنيتي كله]

مرحبااا انا بعد ناويه أولد فيه مستشفي راقي بالخدمه وانا قبل والده فيه

 

[&جالكسي&]

الله يسهل علينا


انا بولد فيه بس بجيب دكتوري من برى ماجد الشمري
انا هالمستشفى من ادخله احس براحه نفسيه واكثر المرات امر الكوفي اخذ منهم

 

[&جالكسي&]

خدمتهم تهبل وغرفهم شرحه تفتح النفس والاجنحه الملكيه حيل حلوه اسعارها انا كل لما ولدت المره اللي طافت بجناح الجازي كبير حيل ومريح

 

[&جالكسي&]

نورتو


ابوي نور دنيتي منو بيولدج؟وانتي بأي شهر؟


بيشو بأي شهر انتي؟

 

[تبطي عظم!]

الله يسهل عليكم ياارب

اي والله صااجه مستشفى يهبل وراقي واسعاره حلوه والاكل حلو

وكمامهم لوووووول عجيييييييب اكثر شي ونسني لووووول

انا والده فيه من ٩ ايام عند دكتور مدحت فوزي ماشاءء الله ماحسيت بشي

 

[&جالكسي&]

اي والله عاد الكمام حده عجيب
الحمدلله عالسلامه تبطي عظم ومبروك ماجاج
وعالاكل بصراحه حده لذيذ الوالده عادةً مايكون لها نفس تاكل بس اكلهم لا تاكل الخضر واليابس لوووووول

 

[ابوي دنيتي كله]

منور بوجودج ياقلبي انا الحين بالخامس احتمال أولد عند ماريا البلغاريه شرايكم فيها
وانتي منو بيولدج

 

[أ.بيشو]

اهليين انا والله ما جربته

بس اهلي يمدحونه ..

انا باجر ان شاء الله ادش الثامن

الله يسهل علي وعليكم

 

[&جالكسي&]

ماريا يمدحونها ولدت مرت اخوي تقول حلو وجنه بعد يمدحون وحده هنديه مادري شسمها نسيت انا بجيب ماجد الشمري يولدني وكله تساهيل من رب العالمين الله يسهل علينا يارب بس انا خايفه حيل بجري ولدته طبيعي الحمدلله بالراشد والثاني بالعرف ولدني مدحت بس ولدت عمليه لان الطفل مونازل بالحوض وملتف عليه الحبل السري والمره هذي حيل احاتي خايفه حدي مع اني متوكله على ري العالمين مايقصر

 

[&جالكسي&]

بيشو الله يسهل عليج مابقى شي راح الكثير وباجي القليل الله يهون عليج ولا تنسين من تدخلين شهرج خلي الرطب رفيجج

 

[أ.بيشو]

الله يكتب لج الخير سواء بالعمليه او بالطبيعي

وان شاء الله يقومج بالسلامه

انتي اي شهر ,,,؟؟

واااي من صجج احس الوقت مو راضي يمشي الايام بطيئه

حدي متشوقه اشوف البيبي ودي اجرب اصير ام

ونااسه احس كشخه


لووووول

 

[&جالكسي&]

بيشو انا بالرابع مشواري طويييييل ههه
الله يهون علينا بالسلامه

 

[&جالكسي&]

بيشو هذا البجر؟

 

[&جالكسي&]

شخباركم بنات..
وينكم...

 

[أ.بيشو]

الله يسهل علييج

اي انا بجر ..

انا اليوم رحت اتيكيت اللي بالمباركيه ابي دراريع نفاس

ما عجبني الا 2

يقولون في بالجهرا بالمنار ..

بروح الصبح ان شاء الله ادور يمكن يعجبني شي

 

[&جالكسي&]

اي بالفنار عند ايفوري يهبلون ويفصلون لج بعد وفيه بعد اتيكيت فوق عند الوشاح تحصلين عنده بس ايفوري احلى

بيشو جان جهزتي مبجر قبل الثقل احسن لج

 

[&جالكسي&]

سوري بالمنار مو الفنار

 

[أ.بيشو]

فديتج

اي بروح اشوف مارحت الجهرا امس

ماجهزت امي كله تقول تو النااس

انتي اخباارج واخبار البيبي