رد: پلغوهـ ان المسافه ماتبعدهـ عن خيالي "روايتي الاولى ".رومانسيه + جريئه + واقعيه
نزل احمد من السياره وراح يطلب ، اسيل وفضولها بطلت درج السياره وشافت ليسن احمد قاع تقرا اسم زوجها المستقبلي وحبيبها واخوها ورفيجها وكل حياتها بس الصدمه ان احمد طلع شيعي واسيل سنيه
بدت الافكار تلعب براسها فكره ورا فكره "انا مو لــ احمد " احمد مو لي يعني مافي احمد مره ثانيه " وبدت تنزل دمووعها وبدت تطلع كلمه اااااهـ وتبجي وتبجي*وتبجي ولا تشوف احمد طلع من المحل ردت الليسن وصكرت الدرج*ومسحت دموعها *وطالعت تحت عشان احمد مايلاحظ اثار البجي دخل السياره قالها : شوفي اسول شريتلج على ذوقي واشوفه ما يعجبج }*اسيل كانت خانقتها العبره بس قاومت وابتسمت احمد جك بالموضوع رفع راس اسيل قالها : شفيج حياتي *
اسيل ما تحملت وقامت تنزل دموعها تنزل تنزل احمد حس بــ قهر قال خل الطف الجو شوي قالها : افا كل هالدموع عشان ما شريتلج العصير الي ما تحبينه يبه خلاص بروح اغيره
اسيل لحد الحين مصدومه مسحت دموعها قالت : ليش ما قتلي من الاول انك شيعي*
احمد عصب وارتفع ضغطه لان مايحب احد يحوس وراه ويتعبث بــ خصوصياته واول مره يرفع صوته على اسيل ويهاوشها قالها : من سمحلج تتعبثين باغراضي انتي وحده مو واثقه بنفسج وقعدي تحوسين بخصوصياتي هذا لانج فاقده للثقه وماعندج عزه نفس والشرهه مو عليج الشرهه علي الي طالع بونسج وسمعها كلام ما بعده كلام خلاها تندم على اليوم الي طلعوا فيه وصلها لبيتها وكان الهدوء طاغي بالطريق نزلت بدون اي تعليق*
احمد ندم بالسياره وقال اهي كانت بتدري بتدري ليش عكرت مزاجها اشهد اني ثقيل دم ليش ثقلت عليها بس لا بعد هي غلطانه ليش تفتش وراي بس هم كان قعدنا بهدوء وتفاهمنا بس هي غلطانه . وقعد يهلوس مع نفسه لمن وصله مسج من اسيل*
________
________
حمود انا مااقدر اكون لگ انا سنيه ويعني لا تفكر فيني انا مااقدر اقول الا الله يوفقك مع الي احسن مني ووحده تفهمك وتفهمها مع السلامه
________
________
اسيل تنطر رد من احمد قعدت تنطر تنطر تنطر وبعد ١٥ دقيقه وصلها الرد*
________
________
اسول انا ما ابي غيرج انا شاريج وابيج ومستعد اغير مذهبي عشانج انا احبج وباجر كلمي امج وقوليلها اني بتقدملج والي عاجبه عاجبه والي مو عاجبه يطق راسه بالطوفه وصدقيني ماراح اتخلى عنج بــ يوم*
________
________
اسيل ما جاها النوم من هالسالفه وقعدت تفكر ولا تدق على احمد*
اسيل : الو*
احمد : زعلانه
اسيل : لا شكو*
احمد : فددييييييييييييييتج وربي حاجي امج انا باجر بتقدملج*
اسيل : انته من صجك*
احمد : اي اسولتي راح يجي اليوم الي نطرته انا معاج من زمان
اسيل بصوت كله دلع واحراج : بس شقول لامي حبيبي بيتقدملي*
احمد : قوليلها اخو رفيجتي ولد عمه رفيجتي اي شي المهم تصين لي
اسيل بصوت كله حماس ووناسه : اوك*
احمد : يلا روحي ارتاحي باجر ورانا يوم طويل*
اسيل اوك حبيبي*
________
________
اليوم الثاني قامت اسيل على صوت تلفونها شافت الساعه ولا خمس فزت من نومها و ١٧ مكالمه ٣ مسجات انصدمت وتروح تغسل وتبدل وتدق على احمد بسرعه*
اسيل : حمود سوري توني قعدت
احمد : مومشكلها ابوي انتي حاجيتي امج
اسيل : لا توني قاعده
احمد : خوش فهمي امج السالفه وبعد ٥ دقايق بخلي امي تدق وتكلم امج*
اسيل : اوك*
راحت اسيل مستانسه تركض تنزل تحت الصاله ولا امها قاعده سلمت على امها وقالتلها يما عندي لج اخبار مو صج قالت امها بشري شنو قالت يما في احد بيخطبني امها اول شي قالته اهم شي انه رجال مصلي مسمي و ولد حمايل اسيل قالت يما اهو ولد حمايل وعايلتهم معروفه امها قالت شعرفج فيه قالت اسيل اهو اخو رفيجتي وقالت بس امها قالت شنو قالت اسيل شيعي امها قالت لا والله تبين ابوج يذبحنه بتاخذيلج شيعي للفضايح ابوج لو درى بيسويلنا سالفه انسي الموضوع *
ولا يدق التلفون*
اسيل: الو*
احمد : امج يمج
اسيل : اي
احمد : عطيني اياها امي بتكلمها*
اسيل : اوك*
واسيل تقول لامها بهمس يما هذي ام الولد الي قتلج عنه ام اسيل تاشرلها تقول لالا مابي اكلم اسيل حطت التلفون بأذن امها طبعا بدت المجاملات*
ام اسيل : هلا ومرحبا
ام احمد : هلا فيج شلونج شخبارج*
ام اسيل : والله تمام الحمد لله
ام احمد : شلون العيال ان شاء الله بخير
ام اسيل : والله كلهم زينين الحمدلله
ام احمد : مابي اطول عليج والله ولدي احمد يبي ياخذ بنتج اسيل على سنه الله ورسوله
ام اسيل : والله اسيل كلمتني بالموضوع *بس ابوها حالف ما تتزوج الا سني اسمحيلي*
*
