۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

[قطوة كاشخة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بخصوص خط الاستواء تعرفون اسكينول مال الفلبينيات وايد زين على الاقل يودي نص السمار انا قبل لاولد يوم تمللت ماولدت قلت باجربه واستانست عليه .. انطر الخيوط اطيح عشان اتفكر فيه ههههههههههههههه

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هلااااااااااااااااا حبيبات قلبي فديتكم ....

والله حدي ولهانه على سوالفكم كل ما ادش ما الالقي احد ... لازم نتفق على ساعه ...

 

[قطوة كاشخة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اي والله من 10 حلو نجتمع نقرا ماسبق ونكتب اللي في خاطرنا

يعني 11 ولا 12 بنلحق على بعض ...

 

[قطوة كاشخة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ولدي عيونه اليوم اطلع وصخ وكله لاصقة مع بعض .. بكره باوديه المستشفى باشوف شيقولون لي مع ان اتوقع بيقولون لازم وصخ وبيطلع وان اسوي الحركه الدائريه حول العين عشان الوصخ ..

حطيت حليب بس العين من داخل حمراء الله يعين لين بكره ، يضحكني يصيح وعين وحده مسكره وحده مفتوحه ههههههههههه حبيبي اقوله خلاص ارقد لاتبطل عينك ....

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اي قطوه فديتج...انا صار افبنوتي نفس الشي ...

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

وحطيت حليب من صدري ولا فاد ....ورحت وشريت فطره حق العين لها ... وخف اعطيها شي غير طبيعي ...لانها بيبيه ...

وامي قالتلي احط جاي دافي مايل للبروده ابعينها .... شلون اتحطين الحليب من صدرج ....

الله يشهد حطيت لها باليوم مرتين مره الصبح ومره بالليل ...ماكو 3 يوم الا عينها نضيفه ...

 

[روووح المطر]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ليش شنو فيها عينها مرمده يعني


ما عليها الا العافيه


انا ولدي ذابحني بالمغص عطيته ماي غريب واخذ الحرعه وهاااتي يانووومه




بنات بسالكم كم مره ترضعون البيبي كل ساعه ولا كل ساعتين

انا ولدي صغير حيل وودي يسمن شوي بفترة الاربعين 

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

لا حياتي مو رمد ... يقولون الوصخ مال البطن بس الصراحه ال مره يصير بعيالي ... ليش مادري

 

[Bint Derty]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

لا مو عوار عشان الرحم قاعد يرد لان جسمي ماص بروده انا اذا استبردت يصير فيني جذي كل مره

انا بنتي صاير فيها قبض مسكينه صار لها يومين ماتخرج
متعذبه وكله تبجي وتتعصر ومايطلع شيء من كثر ما تتعصر قامت ترجع حبيبتي مسكينه ماقدر اعطيها لا دوا ولا شيء كاسره خااطري

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بنت حياتي ...

عادي انا بنتي قامت موكل يوم تطلع بطنها.... صارت ..كل يومين او 3 ايام .... ويقولون انها عافيه للبيبي ...

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

وماتشوفين شر ان شاءالله... بنت ...

والله ماعندي علم عن الرداده ان شاءالله البات يفيدونج....

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مسووكه ياقلبي ...

والله بلشت اعابل لبروحي اشوي اشوي ...

اليوم كانت يمعتنه عالغدا تحت ...

قاعده احط بابونج حق شعري عشان افتحه قبل لا اصبغه ..وانا بقص شعري ... قصير ... ....واسوي سنفره حق جسمي

الحمام المغربي عادي وله لا..؟؟؟لان قالولي مو زين عالجرح ...فشلته من بالي ...؟؟؟

استخدم الكريم الدائري الذهبي حق ويهي ....الي شريته من دبي ...المره الي طافت ...

وسيروم جفنشي حده عجييييب على ويهي ...وايد مريح... وينحط قبل كريم الاساس ويخلي الويه يهبببببل ...

اربط بطي بشماغ ... وفوقه مشد نفس مال بلبل بس اعرض شوي ...



والمشد الحراري عادي ؟؟؟؟....
وشلون صاير الازرق ؟؟؟,,,

لان المشد الي عندي يتجفس املوع جبدي.....

ممممممممممم اي افرش بفلورد .. العلبه الدائريه الزرقه ....

وسلامتكم ان ضفت شي يديد بحطه اهني ....

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اي صج قطوه انا بنتي هم تبي بس تمص شي بحلجها سواءً شبعانه او يوعانه ...وصدري قام يعورني فعطيتها المصاصه ...

 

[Bint Derty]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اي رنون امي قالت لي ان الياهل لمن يصير فيه قبض يمتن

شنو هذا البابونج كريم ولا زيت ؟ شلون طريقه انا بصبعع شعري بعد

ماشالله في بنات معاي بالجامعه كل جم شهر يصبغون شعورهم وماشااءالله تحس الشعر للحينه صحي ويللمع مو كاش
وفي بنات من اول صبغه يخترب شعرهم موليه يكش ويحت ويصير شكله محروق مادري شلون
انا هذا اللي خايفه منه
منو تعرف مكان زين يصبغون الشعر بدون ما يخربونه ؟

 

[سعوديه أصيله]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مرحبا..

كيفكم وكيف النفاس معكم..

مبروووووووك حبايبي :eh_s(17)::eh_s(17):

والله فرحت لكم الحمدالله على سلامتكم يتربون بعزكم ان شاءالله

الايام مرت بسرعه الحمدالله:yaaaaaarb:

 

[decemberq8]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

سلام

اشلونكم بنوتات ...

و الله ودي اشبك وياكم على طول بس بنتي ما تخليني ..

تعاني من هذا المغص و نومتها صايره متقطعه مو متواصله وايد تتعب مسكينه و غير ان ما في نوم لي ..

عطيتها ماي غريب او غرير ما ادري شسمه ههههههههه و الحمدلله ان شاءالله يفلح معاها ..

بلبل و رنين انا استخدم بعد نفس المشد مالكم .. الرداده قالت لي اخذه و اول شي اربط بطني بشماغ و بعدها المشد

بس احسه مو عملي اذا بقعد يتحرك شوي مع اني شادته .. شوي يصعد ليفوق او ينزل ..

انا حدي عشعشت .. ودي اروح الصالون بس احس تو الناس باقيلي 17 يوم ..

انا اليوم 23 نفاس ..

انا ريلي مخليته ينام معاي بيت اهلي .. ههههههههههه

بعضكم مفكر يسافر بعد الاربعين ... والله ريلي فكر بعد ان نسافر بس انا ما ابي الحين .. احس نروح ليلتين فندق احسن

و السفر نخليها بعطلة الصيف .. قبل رمضان ..

انا حليب كلش ما فيني وايد .. يمكن لاني مخففه اكل .. او بالاحرى ان بنتي ما تساعفني انها تاخذ من صدري ما تلقط صدري عدل تتعافر ههههههههههه

و حتى نما احلب لها ما عاد يطلع وايد يا دوب 2 سانتي ..

سوالف سنفره و خلطات انا كلش ما اعرف حق هذي الاشياء .. اشوف اروح صالون يسوولي هالاشياء ..

صج يوم الخميس طلعت غيرت جو رحت الافنيوز و زحمه كااااااااااااااااان مو صج ..

كنا مفكرين انا و ريلي نروح سينما بس طبعا مستحيل نحصل حجز ..

اليوم بشوف اذا نقدر نروح ..

وايد قرقرت .. هههههههههه

 

[++MesK++]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

دس دس شخبارج

حق الغازات عطيها دوا اسمه جاز وايد حلو يريحها

و عطيها ينسون عجيب للبطن



بنات ابي حل ﻷامساك عزكم الله … من ولدت الدكتور وصفلي ملين ، بالاول كان يفيد


بس الحين ما يفيدني كلش يمكن لان جسمي تعود عليه!


عفيه اللي عندها حل تقول

 

[decemberq8]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اهلين مسوك .. استخدمت الينسون و الدوا احسه ما فاد ..

و بالنسبة للامساك .. جربي شربي حليب ..

 

[أبكاني ذنبي]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

استااانس اقرا سوااالفكم


وان شاء الله ربي يهون علي وعلى كل البنات وننضم لكم


الله يخليلكم بيبياااتكم يااارب

 

[++MesK++]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

أهلين ابكاني ذنبي
حلو نكج


حياج الله معانا حتى لو مو نفاس

و الله يسهل علج يارب