۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

قوووووووه ياحلوات في احد؟؟؟

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

:eh_s(7):السلام عليكم ورحمة الله وبركاته....



هذي قصة ولادتي ... ادري طولت عليكم ... بس مامنعني الا الشديد القوي والله الي يشهد ...


حبايبي مثل ما انتو عاارفين كان موعد عمليتي تاريخ 9-4 ...

فتوكلت على الله وصليت العصر ...وخليت عيالي عند خالتي وطلعت رحت المستشفى ...

دشيت على الدكتوره آسيا وقعدت انا وريلي نتكلم معاها عن العمليه ..وعن وضع البيبي واحتمالية انه ممكن يلف ..
وانا كنت بالاسبوع ال 38 ويومين ...

فقالتلي انه كل شي بيد الله وانه ممكن يلف اذا الله كتب ... بس انا الماي كان قليل بالنسبه حق حجم البيبي ..

وقالتلي انها خايفه على عمليتي القديمه لانها وايد كبيره من بداية الحوض ليه نهايته ... والصراحه مادري ليش هالكبر عمليتي القديمه ...
فتخاف انه يحوشني طلق والبيبي راسه فوق مو زين عالجرح ...

فقتلها بس في احتمال انه يلف ... لاني كنت احاول ابكل الطرق اني اولد طبيعي ...لان ابقيصريتي القديمه حيييييل تأذيت ....فقالت مافي شي على الله بعيد .. بس بالنسبه لي الاحتمال ضعيف لانه العوامل ماتساعد على انه يلف بس انتي كثري من المشي والحبي ...اقل شي باليوم ساعه مشي ...

وطبعا قالتلي اذا ولدت هالمره قيصريه .. اغلب ولاداتي الياهيه رح اتكون قيصريه لان خلص مرتين ...

فقلت خلص بنطر لين ما الله كتبلي يمكن يلف .. وطلعت من المستشفى ...

رديت البيت ...والصبح وانا قاعده اتريق وله ادق علي حماتي اقولي انها اتعرف وحده كان راس البيبي فوق ولفوا لها اليهال ... فكلمت البنت وقالتلي عن الدكتور ناهض الي بالمواساة ...

فكنت بين الخايفه والمقتنعه .. فكلمت ريلي قتله عشان اكون استنفذت كل الطرق ... وباجر مالوم نفسي واقول لو كنت رايحه ممكن انه كان لفه و ولدت طبيعي ...
فقالي اوكي دقي عليهم خالناخذ موعد ...

دقيت وله اتقولي انه مسافر ويرد بعد اسبوع ...:eh_s(10):

فقتله في واحد بالامومه يمدحونه شرايك انروح ...فدقيت وقالولي انه موجود ...

وهم خليت عيالي عند خالتي ...وصليت وطلعت ...

ودشيت على الدكتور محمود السيد وإهو استشاري بالمستشفى ...
سووويت السونار وله الحلوه للحين راسها فوق بس جنب شوي ... والبتاعه مالتها بالحوض ,,,,

فقالي لا البيبي صعب انه يلف لان المقعد راكز بالحوض وانا صالي 38 و3 ايام .. واحنه دام هذا الوضع خلص نولدج لان الطلق ممكن يأثر على الجرح ... وماني الماي ينبط واتصير العمليه ابسرعه ابسرعه ...
فقتله خلص انسوي دخول ...جان يقولي تعالي باجر الصبح قتله لا ابي الحين ...
طلعت منه ودقيت على الدكتوره اسيا وقتلها الي صار ... وكان يبلش بع نص ساعه ... كان شفتها 8 بلليل ...
فقتلها خلاص انطرج ...

ويت وكلمتها ...ورحت غرفتي صليت ,,, ودقيت على امي وابوي وقتلهم يحللوني ...:eh_s(16): طبعا قلبتها مناحه ..
لاني ماشفتهم ...

ودقيت على خالتي وهم قتلها اتحللني و وصيتها على عيالي :eh_s(11):...

وصليت ...ودعيت حق تجمعنا وتجمع الامومه وكل البنات ...
\
واستغفرت ...
وتوكلت على الله وقعدت على التخطيط ... وياني دكتور البنج ...

وسالني شنو ابي ...؟؟؟

البنج الكامل وله ابرة الظهر ...

وبدوووون تردد البنج الكامل...جان يقولي ليش ..؟؟؟

قتله لاني اخاف مابي اسمع اي شي ... ولا ابي اشوف ولا احس ....لاني اهستر ان حسيت باي شي...

جان يقولي بس تدرين انه نسبه من البنج الكامل تروح حق البيبي ...:eh_s(10):

اما ابرة الظهر ماتروح للبيبي كلش ... وله ريلي يخزني وانا ابقلبي اقول لا مابي اخاف وابنفس الوقت مابي اضر بنوتي ...

فوفقت مع رعبي الشديد ...منها كنت ميته خوف منها ماحبها وكنت اول وحده اعارضها واخر شي انا الي خذيتها هههههههه

المهم وانا على التخطيط وريلي منسدح على القنفه لانه اهو الي معاي بس ...
وله يزيد العوار ويوصل 139...جان تيي السستر ومعاها الدكتوره عبير ... واتقولي بلا بعد نص ساعه اندخلج ..وهالكلام الساعه 12:30 am تاريخ 11-4 ...

طبعا لازم اكون صايمه اقل شي قبل العمليه اب 4 ساعات ...
وانا من الساعه 3 العصر ماكله يعني تميت 9 ساعات لاماكله ولا شاربه اي شي ...

ونزلوني حق غرفة العمليات ... وريلي يمشي معاي .. باسني على راسي ... وانا اطالعه .. والله جني اول مره اشوفه ..
واهو مبتسم ابوهي ... وماكنت ادري بشوفه مره ثانيه وله لا ...
و وصيته على اليهال ... وقبل لايدخلةني من الباب .. جان يقولي تره انا ناطرج اهني :eh_s(11): ... بجاني حبيبي ...

دشيت وانا خايفه ... على كل الاحاسيس الي موجوده بالعالم حسيتها ... كان شعور خايس ,,,

ياني دكتور التخدير جان يعرف عن نفسه .. وانا امبوزه ابويها لاني اصلا استحي وماحب الدكتاره بس انغصبت عليهم ...

جان يقولي اول مره تاخذينها ..؟؟ قتله اي
جان يقولي لاتخافي ... بس قعدي ولمي المخده ...

وقزني الابره :eh_s(2): شعورها خااااااااايس ههههه خلص جان يقولي ابسرعه نامي على ضهرج ...

ابسرعه نمت على ضهري :RoadRunner:

حطوا الستاره الي بيني وبينهم ... جان احرك ريلي وله تتحرك

جان الف عليه ادوره ... قتله بس ريلي تتحرك ... شلون ..
جان يقولي رفعيها ... ارتفعت شوي وطاحت ...
((( انا الي اعرفه انه تتخدر وماحس ابريلي كلش )))

جان اتصرقع ... قتله قاعده احس فيها ... جان يقولي شمي هالكمام اوكسجين ... جااااااااااااااااااااااااااااااان
انــــــــــــــــــــام ...هههههه
ماحسيت على نفسي الا لمن طلعوني من العمليات وشفت ريلي ناطرني عند الباب مثل ماقالي فديته :eh_s(7):

وصعد معاي حق غرفتي ...وعطوني ابره بالدرب ونمت لين الصبح ...

طبعا عندهم مسكن الالم ابره ... عجييييبه حدها ... يمكن اخذها باليوم مره او مرتين بالكثير لان مفعولها يطول ...

وقبل لا اطلع عطوني مسكن حبوب ومضاد حيوي ...
كان ودي اخذ الابره مالت المسكن معاي

طبعا اكلهم لــــــــــــــــذيذ ... اول يوم كله شوربات عشان لايحوشني امساك ...

وبعدين من ثاني يوم بلش الاكل ... طبعا 3 وجبات رئيسيه ..و3 وجبات خفايف ...مثل المعجنات والفواكه ...

و إييبون لج جدول اتنقين اكلج ...حق الغده ... ومتى ما دقيتي على مطعم المستشفى متوفر عنهم الاكل ...
والطباخين لبنانيين ...


خدمتهم روعه الصراحه .,,, نظيفين ومته ماتبينها اتنظف تييلج ...

ويابولي بوكيه ورد...
ويت الدكتوره اسيا الساعه 10 الصبح طلت علي ...

وخياطها الحمدلله تجميلي ... واحسن من الاولي الف الحمدلله ...

وشلت الخياط بعد اسبوع ... واهو صاير ..غرزين على الاطراف ... يقون طرف ويسحبون من الطرف الثاني ماااااااااااتحسووون ابولا شي ... كلش كلش ...


.........


انا الصراحه انصحكم بالمستشفى ...


بس من رديت بالبيت مكان ابرة الظهر ذبحني من العوار ...
ومسكني يومين صداع ...
حاشتني حراره .. وطلعتلي حبة حراره كبيره باخر لساني ابسبتها اسبوع انا ما اكل بس شوربات ...

عوار العمليه بس المسكن الي عطونياه وايد زين ويدوخ انام بالليل ...
وسلامتكم ...يارب ...
والفال حق كل الي ماولدوا للحين الله يسهل عليكم يارب ..:yaaaaaarb:
وانا ادري اني طولت عليكم ...وسوري لاني قرقت وايد عليكم ...بس حبيت افيدكم ...
واقولكم تجربتي مع المستشفى ...واي سؤال انا حاضره :eh_s(7):​

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بنات شرايكم نتفق على ساعه معينه اندش فيها ... مثل قبل ...

 

[أنين؟؟]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

الْحٍمَدٍللـّہ ع سلامتج رنين

والله يخليلج بنيتج ويحفضها لجً

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

الله يسلمج حبيبتي ... والحمدلله على سلامتج ومبروك ماياج.....

 

[++MesK++]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

رنيو بجيتيني لانج نفس قصتي واي ماساة عند باب العمليات انا و ريلي ههههه

الله يخليلج بنتج و يبلغج فيها

اي اشرايكم الساعه 12 بالليل؟

 

[قانوون كيفك]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

حمدلله على سلامتج رنين فعلا بجيتيني ذكرتيني بكل ولاداتي منااااااااااااحه بس ابجي شكلي يكسر الخاطر ههههههههههههههه ولدتي باي مستشفى ؟؟

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مسوك ياقلبي ... اي والله مأساة ...بس الحمدلله كل شي تمام ....

واوكي الساعه 12 ماعندي مشكله ....




قانون حبيبتي ...
انا ولدت بالامومه ... والله يسلمج من كل شر ان شاءالله ...






وعسى عينكم ماتبجي على غالي يارب ...

 

[MoTHaWi]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

انا ما سويت مناحه كنت متنحه وكنت توني ماخذه الكمام لاني على اساس طبيعي والطلق قوي فشميت شم الكمام هههههههه اشوف ريلي من بعيد وعليه وخالتي وامي اللي اذكره قبل العمليه دكتورتي حبيبتي تقرا ادعيه وقران واحنا رايحين العمليات

نحوله انا بس اكمل ٣٠ يوم بروح انام بالسوق ههههههه

بنات بعد الاربعين من بتروح فندق منو بتسافر منو بتقعد في بيتهم انا احتمال اسافر دبي جم يووم ابي غير جوو مليت من النفاس

 

[++MesK++]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ظهريييييييييي يعورنييييي

و ولدي الكبير مستخف صاير وايد يغار من اخوه و لان ما يقدر يسويله شي فيقوم يحط الحره باخته مسكينه وايد يطقها و انا احاول اسايسه بس ماكو فايده

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

حبيبتي مسسسوكه ... الله يعينج ...
وانا بعد عندي سيرك بالبيت بس الحمدلله مايغارون منها بس ولدي الا يفصخا الكبوس كل ما شافها ...هههههه


مضاوي ...حبيبتي انا قبل اشوي كنت اكلم ريلي على طلعة الاربعين لاني زهقانه بغير جو ...وشكله بنسافر دبي ...
بس للحين مو اكيد ...

انطره يرد عشان نتفق ... واردلكم خبر ...

 

[++MesK++]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ههههههه رنون اي لازم التفصخ و التعبث بالياهل

احنا بعد ودنا نسافر بس ليلحين مو اكيد

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اي مسوك لازم التعبث ههه ...اهو ايي يفصخها الكبوس ... ويحط اصبعه ابعينها ... عاد انا اموت من الخوف ...

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

وينكم تعالوا سولفوا ....

 

[emiemi]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هاااي
انا كله اييي بلوقت الغلط
بنااات اللي تعرف خيايط حلوين بفحيحيل ولا شغل حريم اهني بالاحمدي تقولي بلييييز
ابي اقص شعري قصاات لانه طويل وابي اصبغه اشقر حلو منو يعرف صالونات اهني ما اعرف الا بلسالميه بس بلييييز هليب مي

 

[Melazlaza]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

قوة شلونكم

واخيرا اليوم طلعت وتسوقت بس ماياب راسي السوق اخذت شغلات عملية

شنوووو وناسة لي طلعتي عقب حكرة مادري شلون ينحكرون اربعين يوم

قاعدة اقلل اكلي والحمدلله اموري اوكي

يلا تعالوا نسولف شوفوا انا شاطرة دخلت عالموعد

 

[Melazlaza]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ايميمي
سوري مو قادرة افيدج ان شالله تحصلين جواب شافي

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هلا والله بالله شدلعج ههههههههههههههه ...مممممممممم
ايمي...

انا والله ماعرف خياطين ...والصالونات الي اعرفهم بنت السلطان والشرقيه ...ومس ون .. حق القص والصبغ ...

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هلا والله لزلوزه شلونج حبيبتي وعليج بالعافيه كل الي شريتيه ...وملبوس الهنى يارب.....

 

[raneen]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اشفيكم؟؟؟