۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

[راقيه وجذابه]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

عاد ورانا نفاس اهئ

يالله ياربي تعينهم وتعينا

شلون أجواء النفاس وياكم

الله يحفظ بيبياتكم وطالعات من الشر مقدماً

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

انا اليوم صار لي 40 يوم وماسويت ولا شي حق طلعتي من النفاس
لاني موقاعده انام من بنتي فديتها
عشان جذي نومتي متخربطه ماعندي وقت اطلع زين اني خلصت شغل اليهال حق المدرسه

ونفاسي بس اول 10 ايام كليت عصيده ودياي ولحم مشوي
وبعد العشر ايام قمت اشرب حلبه وشاي زعتر

الدم وقف بعد اسبوعين ولما رحت موعدي قالت رحمج فيه دم وعطتني حبوب تنزل الدم قالت اكليهم 3 ايام وره بعض
وفعلا من اول حبه حسيت دم يهدر مني وبعد 3 ايام نظفت وتميت 10 ايام نظيفه وراها نزلت علي الدوره مره ثانيه بس ماطولت تقريبا اسبوع

المهم اني نظفت ورجعت اصلي لما صار لي 32 يوم تقريبا
طبعا مايبت رداده لاني اول مر اولد عمليه وحدي خايفه
خاصه لماقالولي لا تشيلين شي ثقيل ولا تسوين رياضه الا عقب 3 شهور
حتى لما اسبح اخاف اتفرك حيل كله عبالي راح تنفتح العمليه لوووووووول

بشتري كورسيه والبسه بما اني ما اقدر اسوي رياضه على الاقل اعابل بكرشي واخشه
واللي تتكلم عن لون البطن والخطوط حدث ولا حرج صج شي يفشل
انا اردافي وبطني مخطط وغامج !! ما ادري شغبر فيهم

 

[بشوشه]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بعد قلبي ام عزيز


ما رحتي مع زوجج مكان و لا رحتي صالون و لا شي

ضااااااق خلقي لاني متأمله وااايد اشيا و بنتي عافسه نومتي حسرتي عسى ما يزعل مني زوجي شكلي ما يمديني اسوي شي

 

[فرزاشيهـ]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بنات حدي متوهقه



اليوم لي ٢٩ و انا من صار لي ١٨ جذي وقف الدم الاحمر

و اليوم نزل دم احمر تكرمون لمن اغسل اتنبه له يعني مو واجد .، شنو هذا !!!!!!!!!!!!!!!!!! لايكون ماتنفست عدل < بدت توسوس !

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بشوشه لا والله ماطلعت ولا تمشيت ولا صالون ولا عمات عين
كل طلعاتي مراجعه طبيب حقي او حق بنتي

والمفروض ناوية اليوم اروح الصالون على الاقل احف واشيل شيره
ما اقدر اطول بره البيت وايد كله احاتي هالنتفه

فرزاشيه عادي الدم يروح ويرجع خفيف انتي شربي اشياء تنزل الدم مثل المرمية والدارسين والزعتر

 

[t.o.o.ot]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هلا هلا بالنفووووسات

كيفكم ؟؟
ماگووو حركاااات ولا شغلااااات الجو مايساااااعد والزحمة مع الدوامات والمدارس ماتساااااعد بعد الله يعين !!!


بناااات منو تعرف مگاااان صبغاته حلوة وحتى لو خدمة مناااازل راضييييين ((( المهم نخلص ())))

 

[t.o.o.ot]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ام عزييييز طااالعة من الشر حبيبتي عقباااالناااا

ياقلبي انتي سوي شغلج بالبيت اذا ما تقدرين تخلين بنتج عند احد !!!

 

[فرزاشيهـ]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مشكوورة ام عزيز و طالعه من الشرر و صاجه توت خدمة منازل

توت
عاد انا متزله موضوع عن الصبغ و مدحت لي وحده و دقيت عل صالونها قالوا ان الصبغ بحدود ٣٠ و ٤٠ قلت اوكي و طبعا حجزو لي موعد معاها .، لول

ثاني يوم دقت و قلت لها ابي مثل صبغه كيم و مايلي عسلي و اطرافه شقرا يعني لونين قلت اوك

جتني البيت و بلشت صبغ جان تسالها امي بجم ؟ انا عل ساس ٤٠ مثل ماقالوا لي كثر كثر ٧٠ ! قالت ١٢٠ ! لو رايحه صالون ابرك
حلو صبغها بس نفسيتها زفت و تعاملها اكس اكس تغسل شعري جنه ليفه ولا زوليه قلت شوي شوي !! و عكفت رقبتي حيل للحين تعورني منها وانا صابغه من اربع ايام .،،

 

[مهره بلا خيال]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مهره
شنسوي الله ياجرنا يالحريم مبتلشين بعمرنا من كل شي
ما نرتاح نكسر الخاطر
افهم على شنو الرجال شايف نفسه و احنا اللي هلكااااااانين نعابل بالياهل و نعابل بروحنا

أما مبتلشين أشهد أن حن مبتلشين .. حمال ووحام وولاده ونفاس وعقب ننسى هالغثى ونبتدي ترميم وإزاله لما سبق ويلا هاات من جد وجديد وعقب يرجع نفس الموال وعادهم يقولون أنتا هذا اللي أنخلقتوا له يعني مايآزرون :eh_s(11)::eh_s(11):

 

[مهره بلا خيال]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هههههههههههههههههههاي

بشوشه قتلتيني ضحك اي ولله صاجه .،،


مهره

ليش تاكلين الحبوب بعد الاربعين !!! انا دكتوري قالي من يصير لي ٣٠ اكلها ،والبيتادين من يصير ٣٣ يوم استخدمها

انا ولدت عقبج باربع ايام


في احد اشتغل على نفسه حركات و شوبنق ؟

ماراح اشتري قمصان بطني مو مترقع صرااحه بقزرها بحايم .،

ما ادري صراحه وأنا مستغربه بعد يوم قالت لي بس اللي هي قالت البنات قالوا لي صح طريقتها صحيحه لأنها تعطي مناعه أكثر وتنظم الهرمونات فما تتخربط عندش الدوره وتكون منتظمه..

أما عن الشوبنق بديت قبل أولد بكذا كعب تكمون وجلابيات بس ماخيطتها بس خلصت شغلها وعبايات من الإمارات مع أنه نفس شغلنا فقط بس هم ماشاءالله بالماااي يعني سعر عبايه عندنا سعر ثلاث من عندهم ومكياجي خلصصصصته من جد وجديد بس باقيلي وااااجد من بلايز وتنانير وحركات كشخه وبدلة التطلوع وكل هذا بس بديت يوم الخميس ورحت وشريت لي غرفه وقلت خلوها عندكم لين أكلمكم لأني على ما أشل اللي عندي ويبتدون يحطون ورق الجدران ويت له الموكيت وشريت للبيبي فديته كبت نفس طقم أخته أبيض ساده بمرايات وبصفه جنب كبتها وشريت له سرير وبصبغ غرفتهم وبرتبها لهم بعد وبسسسسسسسسسس... والباقي كل ماسويت شي بسدحه لكم هنا..

 

[مهره بلا خيال]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

فرزاشيه ع الأقل لقيتي حد يصبغ عدل لأن محد قام يصبغ عدل ولا اللون المطلوب..وقاعده فالبيت اريح لش

 

[آلجفوول ~]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

قوه ياحلوات << كروشات سابقاً لووول

شعلومكم

انا جهزت ٣بدل استقبال و٤دراعات والباقي كل شي ع جدته من عرسي ع طول حملت ولا لابست لا كعوبي ولا عطوري والبخور شريت لوشنات للجسم جديده حابه اغير واكسسوارات وجم حركات لشقه شريت من سنتر بوينت فستاين قصيره مالي امل بنطلونات ولا شورتات مافي شي يدش فيني هههههههههه
واخذيت بجامه من لاسينزا وملابس داخليه وبعد بجامه من اوشو
وحركات من نيو لوك فساتين طويله لشقه
واخذت اكسسوارت وشريت ساعتين وحده عمليه شروتي والثانيه كشخه اوميغاوباقي لي تناتيف
بس سوالف صبغ وقص وتبيض وليزر
مو حابه اصبغ ولا اغير شي

اللهم كرشيالصراحه يصدم لا لوون لا شكل وللاسف مافي عندي وقت اهتم باخفى خطوط التمدد


استفسار :

صج بنات انا عمليه عادي احط تحاميل بيتادين ولا مالها داعي!
لان الدكتوره ماقلت لي بس نصحتني وحده فيهم ..

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

الجفول اي عادي ما تأثر التحاميل حتى لو اني عمليه
لاأن في بنات يستخدومنهم من غير حمل او ولاده

اشلون طريقة التحاميل البيتادبن ومتى الوحده تبلش فيهم ؟ لازم تكون علي الدوره والا عادي اي وقت اخذهم ؟

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

انا ا افكر اصبغ شعري لان ويد خفيف ومتوقعه راح يخف هالايام بعد ماولدت
لان لو تلاحظون بالحمال مايطيح شعرج وايد لما تولدين يبتدي يطيح

كنت بقصه بس زوجي قالي لا تقصينه خليه طويل لان صاير لي نص ظهري وانا ما احب الطويل لان شعري خفيف
بس شسوي دام زوجي عاجبه ماراح اقصه

 

[كويتية تكفي مية]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بنات متى يخف الم الخياط ؟ ومتى يطيح اساسا شلون اعرف انه طاح هع والله نفاس وضايعه


اشتقت للسوق والتشري

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

دينا المفروض بعد ١٠ ايام يكون عندج موعد مع دكتورتج تجيك على الجرح والخيوط

يعني المفروض ١٠ ايام او اسبوعين بالكثير تكون طايحه الخيوط او ذايبه

انا مثلج ولهت على السوق وهم بنفس الوقت مالي خلق لووووول
فيني فقر نوم وروتيني ملخبط ومابقا شي على مطارس عيالي حدي متلخبطه

 

[t.o.o.ot]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مرااااحب ياجميييييلات

الحگي واااااجد والفعل قليييييل >>>انتوا مثلي ؟؟؟بالليل بارح واجي وبالنهااااار كله ناااااايمة
يالله روتيييين ممل وقلق حده صرااااحةً الله يعين بس

بنااااات خااااطري اسوي تنظيف بشرة واسناااان بعد وتبييض شراااايگم !!!

 

[• "̮ âñâš "̮ •]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مرحبا بنات طالعين من الشر

انا باجي لي اسبوع واطلع وللحين مافصلت بدله حق طلاعتي كله نوم بس الحمدالله شغلي كله خلصته قبل لاولد من عطورات ومكياج ولبس البيت واكسسوارات كل شي بس ابي الحين مكان او مشغل او محل بدله كشخه بنات مابي افرفر ابي مره وحده اروح للسوق واخلص البدل ياريت اللي تعرف تفيدنا 

 

[! بــدويه وآآيــد !]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

،



قوه نفوسات

شلونكم شخباركم وشلون بيبياتكم

انا صار لي اسبوع والخياط ذبحني ساعات احسه يقرص وساعات ينبض حيل انا مسويه تجميلي وقالت بعد10 ايام تعالي اجيك عليه

انا حيل اوسوس واخاف على ولدي حتى وهو نايم اجيك عليه

واليوم امي قاعده تشربه دوا الغازات وشرق شرقه قويه وتحنط وتشنج وزرق وشفايفه سووود يمممه قعدت ابجي واصرخ جنس مجنونه وامي ركضه على اقرب مستوصف وتحركه بالسياره ماكو حياه مت وحيييت من الخرعه وتصرخ بالممر شرقان شرقان وتركض سستر وتقلبه وتطقه حيل ويبجي ويجيبون جهاز ويشفطون من حلجه ويرد يتنفس حبيبي يمممه بغى يروح مني حبيبي عسى يومي قبل يومه رجولي للحين موقادره تشيلني من الخرعه وبطني حيل حيل يعورني من الخرعه ركضت عالدرج حيل وبسرعه بسرعه اصرخ انادي اخوي واحس خياطي عورني كل ماتذكر الي صار المه وابجي عساها سالفه نتذكر وماتنعاد

عساكم ماتجربون الي جربته

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

خطاكم السو حبيبتي بدوية ديروا بالكم البيبي بالدوا والماي بسرعه يشرق لان توه صغير ما تعود على الشرب عدل
اذا لا سمح الله شرق مره ثانيودة نفخي في ويهه وعلى يافوخه

انا بنتي مرات ترجع ويطلع من خشمها الحليب وتبجي بجي تعور القلب وماتقدر تتنفس
اقعد انفخ بويها لين تشهق وترد طبيعيه
اليهال يعورون القلب