۩۩ تقريري المصور لتركيا تحديدا مدينة اسطنبول ۩۩

[MyLittleBerry]

اشتقتلكم واشتقت حق المنتدى

مع ان سفرتي كانت قصيره

المفروض من السبت اللي طاف الى السبت اللي بيي اللي اهو باجر

بس جدمته يومين ماقدرت اتحمل اشتقت حق ولدي الصغير ( هديته عند امي )

المهم

طرنا على الجزيره

تذكرتي انا وريلي 180 دينار

بعد يومين من حجزنا ريلي قالي حجزت حق بنتج !!!

ماكنت بييب عيالي

بس يالله

تذكرتها شي وتسعين

الاقامه كانت في فندق : golden age2

ومايستاهل ولانجمه كان من اسوا الفنادق اللي دشيتها في حياتي

السيرفس صفر
ماعندهم سرير اطفال
الغرفه العاديه ماتقدرون تمشون فيها
عزكم الله الفوطه اللي بالحمام كانت وصخه

سبب اختيارنا للفندق ان ماحصلنا حجز في الفنادق اللي كنا نبيها واللي تشتغل بالسفريات قالتلنا عن هالفندق تقول كل الكويتيين يحجزون فيه مادري على شنو

المهم

الديره روعه

بس مافكر اروحلها مره ثانيه والسبب

اللغه

لايعرفون عربي ولا انجليزي وايد تلعوزنا موعارفين شنو نقولهم

اخر شي قررنا نمشي على الجي بي ار س مشي وكانت مغامره حلوه

اللي لاحظته ان المدينه رومانسيه علبالنا بس بالمسلسل بس بالواقع كل مكان تشوفون اللي يلمون بعض ويسوون حركات

ومهند طلع ولاشي ماشاءالله شبابهم حلوين لايسمعني ريلي :dddds:

شعبهم نفسيه على العرب ومن اللي سمعته انهم مايحبون المسلمين

صوت الاذان يهز اسطنبول بس اللي يصلون ينعدون على الاصابع

واسطنبول ماتصلح تقعدون فيها اكثر من اسبوع

انا ب 5 ايام درتها تقريبا كلها

صوره من الطياره

صوره واحنا بالطريج رايحين الفندق

تمثال اتاتورك في ساحة تقسيم قريب من فندقنا

من تصويري

 

[MyLittleBerry]

صور لمسجد السلطان احمد وتحف ايا صوفيا

من الاثار الرئيسيه للعالم الاسلامي

 

[MyLittleBerry]

طلعنا من المسجد والمتحف مشي وكان قريب منهم حديقه روعه وكبيره

 

[MyLittleBerry]

قهوه تركيه اصليه

احلى شاورما ذقتها في حياتي

 

[MyLittleBerry]

قصر السلطان عبدالحميد خان

 

[MyLittleBerry]

والقصر من داخل كله من ذهب

والارضيات باركيه

والسجاد من ايران

والثريات وزنا 4 طن الى 6 طن

 

[MyLittleBerry]

الجو كان بارد

ومارحت قصر المسلسل لان مايعتبر من القصور الرئيسيه والمهمه

وجزيره الاميرات مارحت

على اساس اروحلها يوم الخميس بس جدمت سفرتي ورجعنا الديره

الديره غاليه تقريبا شوي اغلى من الكويت

حتى السوق الرخيص غالي والدكاكين

تم بحمدلله

 

[الجوري2008]

الصور حلوة وشكل المكان رومانسي وحميمي زي ماقلتي
جهد تشكري عليه

 

[supermarket]

الحمدلله على سلامتكم

وعليكم بالعافية

ماحبيت تركيا والسبة شعبهم نفسية

 

[تمنيتك]

>> تموت علي تركيا (بورصه )


عشره عمر


وايد حلوه الصور عليكم بالعافيه .. بس لو رايحه بورصه احلي واحلي

 

[^noonaa^]

الحمدالله على السلامه والصوور حلووه

بس ليش غااليه صايره

الله يرحم ايام قبل شلون كااااانت رخييييصه

 

[.]

الحمدالله ع السلامه..


اانزين امن ؟؟


وماصورتي مشترياتج


خوش تقرير ..

مشكوره..

 

[زلابيا]

الحمدالله عالسلامه

خوش تصوير عليكم بالعافيه ...

 

[هنـــد]

الحمدالله على سلامتج

ليش مارحتي لجزيرة الاميرات روووعه

تركيا هالسنه وسنه 2007 صارت غاليه ولا قبل رخيصه حيل

كل من ام بي سي اهيا اللي شيشتها علينا هههههههههههههههاي

حرام بس اسبوع اشويه ليش ماروحتو ابانت وبورصه

بس اهم شي استانستو

 

[مطيريه ماركه]

الحمدلله على سلامتج

ماشاء الله القصر رهيييييييييييب كل ماشفت قصور اقول الله يرحم بابا جابر قصره متواضع حييييييييل

 

[غلاي غير]

حمد الله على سلامتكم

والصور تشوق تحسسج ان جوهم بارد

 

[MyLittleBerry]

الله يسلمكم اجمعين

ماصورت مشترياتي لاني ماشريت شي سوقهم ومحلاتهم نفس اللي عندنا وماشفت شي عندهم مميز

مارحت جزيرة الاميرات لاني جدمت سفرتي

بس 5 ايام شبعت منها درت كل مكان ودشيت كل الدواعيس والحارات والشوارع مشي ماخليت مكان انا وريلي كنا متفقين ان كفايه ملينا نبي نرجع

بالنسبه لي ماراح اطبها مره ثانيه مع انها حلوه بس حبيت تايلاند اكثر منها واستانست فيها اكثر

اسطنبول مافيها شي غير المساجد والمتاحف

يعني اماكن ترفيهيه واكواريوم وحديقة حيوانات ومن طقة هالاماكن انسي (( ماااااافي ))

وكانت زحمه

غاليه على مصاخه البيبسي بنص دينار نشتريه من البقاله

مايفهمون الا لغتهم حتى اذا نصبو علينا مانعرف شلون نتفاهم وياهم

اسوقتهم نفس اللي عندنا حتى عندنا احلى

 

[^ حـلـــــوى و رهـــــش ^]

وااااااااااو


وناسـه

تقريـرج حلووو والصـور أحـلى ..
وصـاجه ..
الديـره حلوة ..
بس المشكله في النفسيـه الشينـه ضد العرب ..
وما يمشي عندهم لا عربي ولا انجلش ... صج مشكله ..

بس الله يهنيكم ..
وتسلم ايدج على الصووور الحلووووووة

 

[ام مضاوي]

الحمدلله على السلامه فراشه

واهم شي انكم غيرتو جو

وانا اذكر يوم نزلتي موضوع استفسار عن تركيا نصحتج ماتروحيلها

وشكل ديكورات القصر واااااااااااااااااااااو

 

[L a w y e R]

الحمدلله عالسلامة حبيبتي

تسلم ايدج عالتقرير ماشالله يشوق