ॡ•●°لجميع استفساراتكم في عالم الفوتوشوب°•●ॡ

[هموم انسان]

رد: طباعة التصميم على أحجام كبيرة

و عليكم السلام و رحمه الله و بركاته ..

اول شي تضغطين على image بعدين image size

و صغري الصوره و كبريها على كيفج

وكل ماكان الرزيليوشن اكبر كل ماكان افضل وبعدين انتي محتاجة طابعة تقدر تطبع لج التصميم على a3 لان مو اي طابعة فيها الحجم هذا وبالتوفيق لج ياقلبي ​

 

[Eva-SS]

رد: طباعة التصميم على أحجام كبيرة

محد جاوب على سؤالي

وطابعتي تطبع a3

بس ابي الاعدادات بالفوتوشوب شنو احطها ؟ العرض والطول بالبكسل والرزليوشن شنو

 

[هموم انسان]

رد: طباعة التصميم على أحجام كبيرة

محد جاوب على سؤالي

وطابعتي تطبع a3

بس ابي الاعدادات بالفوتوشوب شنو احطها ؟ العرض والطول بالبكسل والرزليوشن شنو

عندج في الطابة نفسها في عدة خصائص منها ان يكون كبر الصفحة نفسها او بالوسط ومالها اعدادت خاصة فيها
مثل الhp فيها استديو خاص يطباعة الصور يعني على حسب الى تبينه انتي بالضبط واتمنى اكون فهمت عليج ​

 

[Eva-SS]

رد: طباعة التصميم على أحجام كبيرة

بنات اللي بسويه تصميم

بعدين بطبع التصميم بالفوتوشوب

انا مابي اعدادات الطابعة ابي اسوي تصميم واتأكد يطلع واضع على الحجم الكبير سواء بوستر او بحجم الـ a3 لانه مرات لم اطبع بعض التصاميم على حجم كبير تطلع فيه نقط لانه التصميم كان حجمه صغير ..

ابي اعدادات الفوتوشوب للبوسترات عشان بعدين لما أطبعها تكون واضحه .. منو مصممه من قبل بوستر أو إعلان بحجم طباعة كبير

 

[healthylife]

هل نقدر نصمم رزنامة بالفوتوشوب

هل نقدر نصمم رزنامة بالفوتوشوب وماهي الطريقة والمقاسات دائما أفكر في هذا الشي
وماهو الفكتور وهل تفيدوني بدرس
مع الشكر للمبدعات​

:e3::e3::e3:

 

[جنون العشق]

وااااااااي حدي بدائيه



ماعرف شنو فوتوشوب



ممكن تعريفه يا ابله

 

[DBDOB3 DES]

حبيبتي بقسم لدروس انا حاطه موضوع تعريفي وتعليمي للفوتوشوب

 

[جنون العشق]

مشكورة حبيبتي بس انا ابي من الاول



وربي ماعرف حتي اشتقصدون ممكن تعريفه بعدين ابحث عن الباجي

 

[White^LiLy]

هاي بنااات

انا حطيت لكم استفساار من قبل وطنشتووني

هالمره عاد لحد يطنشني

واستفساري عن الانيميشن

انا فتوشوب العاشر لما اسوي الانيميشن يتحرك بس لما احفظه بصيغة gif عقبها مايتحرك ..؟

تهقون شنو المشكله...؟ اللى عندها الخطوات بالصوره ياليت تساعدني فيهااا

ومثل ما قلت لكم انا العاشر لانه طريقة حفظه تختلف عن اللى قبله

وبسسس مشكورين

 

[دنيا الحسايف]

بنات بليز اللي تعرف للفوتوشوب ...

مرحبا بنات شلونكم
بنات عندي مشكله بالفوتوشوب مادري شفيه
بعد مااصمم واخلص احفظه على سيف فور ويب
بعد ماينحفظ اجي ابي افتح صوره التصميم اللي صممته يفتح على برنامج
الايمج ردي يعني صاير مايحفظ نفس اول مادري شالمشكله ياليت اتفيدوني​

 

[روج كرزي]

رد: بنات بليز اللي تعرف للفوتوشوب ...

مراااحب يا هلا ..

شوفي حبيبتي بعد ما تضغطين safe for web .. بتطلع معاج صفحة البرنامج جذي :

انتي اختاري صيغتها gif ( اذا كان التصميم متحرك أو يحتوي على مساحات شفافة )
اختاري jpeg اذا كان تصميم عادي غير متحرك ولا يحتوي على مساحات شفافة ..
اختاري png اذا كنتي تصممين سكرابز او قصاصات ..

بعد ماتختارين صيغة الحفظ المناسبة اضغطي حفظ او save ..

========

اذا ما كان حل المشكلة مثل اللي ذكرته .. اضغطي ع الصورة اللي تبين تبطلينها بالزر اليمين >> اختاري فتح باستخدام open with >> اختاري اختيار برنامج choose programe ..

بعدها اختاري هالبرنامج ولا تنسين تضغطين ع المربع الصغير لين تطلع علامة الصح ..

بالتوفيق حبيبتي ..

 

[دنيا الحسايف]

رد: بنات بليز اللي تعرف للفوتوشوب ...

ياااحيااتي مشكوره اضبطت معااي

 

[White^LiLy]

بنات شدعووه كل ما حطيت استفسار طنشتووه ؟؟؟

 

[jolie_q8]

حطت لج الاخت روج كرزي الشرح كامل وبالصور

 

[رنين]

رد: طباعة التصميم على أحجام كبيرة

الفوتوشوب مالي خبره فيه لكن الي اعرفه برنامج الاليستوريتر و فيه برامج غيره (أظن ادوبي) هذي احترافيه و خاصه حق ها السالفه ان مهما صغرتي او كبرتي التصميم يظل محافظ على خصائصه ....من ها الناحيه أفضل وايد من الفوتوشوب

 

[رنين]

رد: طباعة التصميم على أحجام كبيرة

لو كنت مكانج و ماعرفت أضبط الحجم كنت راح اسوي وحده من ثنتين......

يا اما اروح حق أمر الطباعه بالفوتوشوب و بدل ما احاول أغير الرزليوشن ...بس اغير حجم الصفحه يعني بدل a4 أحط
a3 و اتوقع اوتوماتيك راح يتغير الرزليوشن


أو اسوي التصميم الي ابيه كل جزء منه بأكبر حجم ممكن بعدين اقصه و انقله حق برنامج مثلا الوورد بحيث أضمن شكله و صفته على صفحه بحجم كبير...>>>صج شغل ترقيع لكن من خبرتي ينفع للزنقات اذا ماعندي وقت اتعلم شي ما اعرفله...حتى بالكليه مره المهندس يحسبني مسويه التصميم بالاوتوكاد و انا مسويته بها الطريقه




و الحل الاخير سوي تصميمج و طبعيه في خدمه الطالب







و أخيرا و ليس آخرا الله يعافيج علمينا اذا عرفتي شلون تكبرينه بالفوتوشوب

 

[أحلى البنات]

ممكن طلب .؟؟

:eh_s(6):السلام عليكم ورحمه الله وبركاته

شلونكم حبايبي ان شاءالله بخير

عندي طلب صغير

بغيت الايطارات الي جذي

دورت بس لما احملهم مادري لبش مايحملون

الي عندها الله يزاها خير ياريت تحلي ياهم

ويعطيكم العافيه

 

[ام حسوني@@]

رد: ممكن طلب .؟؟

وعليكم السلام

يعني مثل هذول :

 

[ام حسوني@@]

رد: ممكن طلب .؟؟

الله طلعو شكبرهم

 

[أحلى البنات]

مشكوووووووره حبيبتي ع الاطارات يعطيج العافيه