رد: இணஇ حملة تعالي معنا و اسعدي♥للمتفائلات♥ج 2 இணஇ
* ما يخفى على أي وحده فينا أهمية الصداقة في حياتنا
و هي نعمة لها فضل عظيم لو أحسنا استخدامها
تخيلي إن لج نوع من هالعلاقات يعني لج أخت في الله
تتبادلين معاها الوعظ و الكلام الطيب و التجارب الخالصة
و إنت ِ كقناعة و مبدأ ..
من ناحيتج الشخصية غير مطالبة بالإفصاح عن ظروفج الشخصية و أسرارج >>و هذي نقطة مهمة<<
تلاحظين هالأخت إذا ما رديتي عليها بالفون أو الرسالة القصيرة
تشك فيج و تقول لج بالشهر3 مرات :
إنت ِ متضايقة مني
أنا زعلتج !!
إنتِ ليش متغيرة علي؟!!
إحساسي يقول جذي !!!
تشرحين لها كذا مرة إنها عزيزة و غالية ......
الاهتمام والسؤال حلو من صديقتي القريبة مني ...بس مو لدرجة تخليني املّ...شكثر الوحده تنشغل سواء متزوجة او غير متزوجة...تمر بظروف وضغوط الحياة الصعبة.... عن نفسي حيييل معروفة اني مهملة لتلفوني بحكم انشغالي ويدقون علي رفيجاتي او حتى من اهلي ويصادف اكثر من مرة اني ما ارد سيده بس لانهم يعرفوني عدل فيعذروني ويتقبلون الوضع بكل محبة واول فرصة ادق عليهم ... رفيجتي اللي تلح علي ادور لها العذر اما اذا تكرر منها نفس الموقف اكثر من مرة ابين لها ان ماله داعي للشكوك لان الالحاح احيانا يضايق اذا تكرر
** في رأيج و من خلال خبرتج شنو اللي يدفع بعض الأشخاص لسوء الظن بالطرف الآخر
ممكن مايكون سوء ظن بقدر ماهو طبع بالانسان وحساسية زايدة او عدم القدرة عالتعبير بطريقة تريح الطرف الثاني....لان الصداقة الحقيقية المفروض تلغي تلقاءيا سوء الظن
** لو كنت مكان الأخت اللي هذي
هل راح تسوين نفسها و تكررين كل مرة نفس كلامج لها:
إنها عزيزة و غالية بس ظرف خلاج ما تردين على إتصالها!!!
و لا من البداية يكون لج موقف معين تبترين فيه ظنونها!!!
اوضحلها من اول مرة اني تضاقت واحط حد لظنونها باني احط خطوط رئيسية نحافظ عليها ....ْ
** في واقع الأمر هالنوعية من الناس اللي تسيء الظن بغيرها و توجه لهم عبارات سلبية مثل :
إنت ِ زعلانة مني ؟؟ إنت متغيرة علي ؟؟
ممكن تستمر صداقاتهم لوقت طويل !!!!
و لا تبعث في الطرف الآخر الإحباط ..فينسحب ..
عادي ممكن تستمر العلاقة بس انا افضل انه تتوضح الامور بيني وبين صديقتي اذا الصداقة من البداية كانت اخوة في الله فاثنيناتنا لنا الاجر لمحاولة الالتقاء عند نقطة ترضينا وتريحنا....
** شنو الحل في نظرج لهالمشكلة و هي إنج بديتي بأمر طيب و حلو إحتسبتوه إنتو الثنتين لله
بس بعدين قلب عليج الأمر و صرتي إنت دايم متهمة بدون جريمة و بدون دليل!!!
احاول اني اطول بالي واستعين بالله واحاول اسمع منها وتسمع مني ...
** في نظرج أي صديق في الدنيا و خاصة مثل ما قلنا أخوة في الله
ممكن نفصح له عن ظروفنا الخاصة و العامة !!
انا احب كل شخص يكون له خصوصيات ويحافظ عليها ... عن نفسي الصداقة مو سهلة ولا اي صداقة تاخذ مسمى صداقة لانها عندي تمر بمشخاله على ماتوصل لمرحلة الخصوصيات ....الله يعين صديقاتي هههههههههه
و لا المفروض يكون الصديق حسن الظن دايما ؟؟؟؟
اكيييييييد بما انها صديقتي لازم تحسن الظن فيني وتلقالي العذر حتى ان كان مو موجود والا ماتتسمى صديقتي....~
يسلمووووووو حبيبتي رعوووووي عالدورة الحلوة والمفيدة مثلج والله ينفعنا باحسن مافيها اللهم آآآآآآآآآآآمين....ْ
