المقادير:
خلط الكيك الجاهز - كاكاو غامق
احلى ماركة اللي كيسها ازرق ( نسيت الأسم يمكن بلوسبيري )
نسويها بالطريقة المذكورة على العلبة بس بدل الماي حطي حليب سائل احلى
اما تقسمينها بقالبين نفس الحجم عشان ما تصير سميكة
او تسويها بقالب اكبر شوية وبعد ما تستوي تقسمينها نصين افقيا
عشان تصير طبقتين فيما بعد
الزينة :
1 علبة كريمة كي دي دي
2 حبة جبن كيري او اكثر حسب الرغبة
حبات كاكاو للزينة ( اعتقد اسمها فلورسنت )
الحشوة :
علبة الباي فيلينق الجاهزة بنكهة الفراولة
نصف علبة قشطة
- الطريقة :
- بعد ما استوت الكيكة وابردت قصيها افقيا لتكون طبقتين
- الطبقة الأولى ادهنيها بالقشطة
- الطبقة الثانية وزعي عليها الباي فيلينق ( وخذي جزء منه على جنب عشان نزين فيه وسط الكيكة بالأعلى )
- ضعي الطبقة المدهونة بالقشطة على الطبقة اللي فيها الباي فيلنق
- اخطي مكونات كريمة التزين بالخلاط ( الكريمة + الكيري )
- ادهني كل الكيكة من جميع الأطراف بطبقة من الكريمة
- ضعي باقي الكمية في كيس تزيين الحلويات ووزعي الكريمة عليها بالشكل اللي تبينه على الأطراف ( تفنني على كيفك بالتزيين )
- على جميع الجوانب ضعي حبات الكاكاو الصغيرة بحيث تلزقينها جيدا بدون ما تخربين الكريمة
- بوسط الكيكة انا حطيت شوية من الباي فيلينق
وبصراحة اطلعت اتهبل كأنها جاهزة تبارك الرحمن
بس المرة الياية ان شاء الله بحط كريمة مع القيمر بالحشوة عشان تصير احلى واحلى
ان شاء الله تعجبكم
![([عطر رومانسي])](/data/avatars/m/84/84055.jpg?1621060859){kind=avatar}
تسلم ايدج صج اشتهيتها
