ღღ رؤآيــة يمسـح الدمعـہ بشگ ـوىٰ ღღ
- بادئ الموضوع ŦSЩД3УФИУ
- تاريخ البدء
لييييهه !!! ههههههه حرآإمـ علييج والله انهه حبيــــب
انتــي بسس تخيلـي انهه طيـب و حبييب و كل شي بيصير زيين لووووووول
احترت وياك
New member
هههههههههآآآآآآآي
شنو ليه!! يبط الجبد غثيث
اوك نزلي بآرتآت أكثر
عشآن أتخيل عدل قبل الإمتحآنآت
* الجـزء العاشـر *
قمت بصعوبة واخذت الاغراض المهمة من سيارتي و ركبت سيارة معاذ ورحت للمستشفى
الساعة 5 ونص العصر
طلعت من المستشفى وانا اتأفف من العكاز اللي عطوني اياه
كأني شايب ... معطيني عكاز شيبان ... عكاز اللي نوعه حديدي وتدخل يدك فيه
اكثر شي اشوفه مع الشيبان
سوو خياطه لفخذي ... وكل ماعورتني دعيت على معاذ
والحين ماقدر اوطى عليها ... احس شوي وتنفك الخياطة .. والمشكلة متفشل من عكاز الشيبان هذا
ركبت السيارة وتوجهت للاستراحة
وصلت عند الاستراحة ورميت العكاز ورا الزبالة الكبيرة الموجودة برا ودخلت الاستراحة اعرج
توجهت لغرفة التلفزيون ابي انام ... تعبان ..
بس الصراحة احلى مافي الحادث ان حرارتي خفت شكله من الخوف والفزعة اللي صارت نزلت الحرارة
و المستشفى عطوني مغذي وهم يخاطوا الجرح وهذا ساعدني شوي
اول ماوصلت باب الغرفة طلع بوجهي رايد ماسك بطنه
واول ماشافني شهق
رايد بصدمه = عمر .. وش فيك ؟
قطبت حواجبي مستغرب ... بسم الله مسرع يعرف وانا متأكد انه ماشافني وانا اعرج لاني اول ماشفته بوجهي وقفت
رايد بصدمه = صاير عليك حادث ( واشر على ثوبي )
نزلت نظري للمكان اللي يشر عليه
صح ... نسيت ان ثوبي عليه دم ... المفروض ارجع للبيت وابدل ملابسي بس نسيت
عمر = حادث بسيط ماعليك ... ( ورحت اعرج للكنبة ونزلت ثوبي ورميته بإهمال على الارض وانسدحت على الكنبة بتعب ) رايد ابي انام تعبان ... اذا جوا الشباب قومني .. لا تنسى مثل عادتك
رايد مستغرب = والصلاة ماقومك
سكتت نسيت الصلاة اصلا ... ياربي مدري متى احافظ عليها
عمر = آآآ .. الا طبعا قومني ( وانتبهت على رايد ماسك بطنه ) وش عندك ماسك بطنك
رايد = جوعااااااااااان
عمر = اوووه هذي عادتك يارايد جوعان جوعان .. المهم بس خلني انام
فجأة رن جوالي .. اففففف هذا وقته .. المشكلة جوالي الحين بجيب الثوب ونسيت اطلعه وعاجز اجيبه الحين ... التفتت لرايد اللي واقف
عمر = رايد انت واقف هات ثوبي
مشى رايد وانحنى وطلع الجوال من ثوبي ومده علي
القيت نظره عليه ( الراس الكبير يتصل بك )
استغربت جدي متصل علي الحين
عمر = هلا جدي
جدي = هلا فيك .. عمر وانا جدك المغرب بيجيون رجال عندي تعال ابيك تضيفهم
تلعثمت هذا وقته .. انا اعرج كيف بالله اضيفهم هذولي .. وبعدين تعبان ابي انام
عمر بارتباك = جدي قل لمعاذ والا مصعب يجون يصبون القهوة عنك
جدي = اروح للي بعيد ومسافة 20 كيلو وانت عندي
تأففت وش السوات الحين .. ماقدر اضيفهم وانا اعرج .. والخياطة الى الحين تعورني وماتعودت عليها
جدي = يله تعال ( وسكر بوجهي )
جلس رايد عند رجولي
رايد = وش فيك ؟
عمر متضايق = جدي بيجه رجال ومافيه احد يصب القهوة لهم غيري
قمت متضايق ولبست ثوبي
رايد = وصلني للحارة معك ابي اشوف اخواتي
التفتت لرايد مستغرب
عمر = تقدر تشوفهم الحين ... يمكن يشوفك عمك
رايد = ابنط الجدار اذا راح عمي للمسجد
هزيت راسي بايه وطلعنا
مريت بيتي وبدلت وطلعت لرايد اللي يحتريني بالسيارة
رايد = هذا بيتكم ؟
التفتت لرايد
عمر = بيتكم ؟ اللي يسمعك يقول عشرة حنا .. هو بيتي انا لحالي مامعي احد
التفت رايد لي مستغرب
رايد = مالك احد ابد ؟ ... لا اخوان ولا اخوات ولا احد ابد
عمر = وانت وش رايك ... ماتشوفني 24 ساعة معك بالاستراحة
رايد = بس انا سمعت ان لك ام ... و مرة سمعتك تكلمها بعد
تنهدت وسكتت عنه ... هو كل الوحدة اللي احس فيها بسبب امي ... قبل تتزوج امي كنت احس بالوحدة بس ارحم من الحين ... ارحم بوااااجد
قبل اذا دخلت البيت القى امي واعرف ان فيه احد يحتريني .. وفيه من يرد لي الصوت ... الحين احس اني مقطوع من شجرة ... كل مادخلته احس فيه جنون من كثر ماهو خالي
وصلنا الحارة ونزل رايد ونزلت ... شفت رايد يوقف ورا احدى السيارات
استغربت وش عنده هذا
صارخت بصوت عالي عشان يسمعني
عمر = وش تسوي ؟
رايد = سيارة عمي هنا ... ابحتريه يذن واذا طلع عمي ادخل البيت
هزيت راسي من حال هالولد ... يكسر خاطري بعض الاحيان .. ليه مايروح لخواله ويفك عمره
دخلت البيت وانا اعرج وسلمت على عمتي وجدتي وجدي
واستلموني تحقيق على عرجتي ... كيف ومتى ولماذا وربما
الصراحة احترت وش اقول .. مابي اقول حادث لان الحادث لازم فيها مرور وتأمين ومدري ايش وانا مابلغت واخاف جدي يروح للمرور من وراي واذا ما شاف بلاغ هناك يجيني يحقق معي مرة ثانية وبعدها عاد يعرف انه معاذ
ومابي اخسر مكافأت معاذ ومصعب
بصعوبة تهربت من اسألتهم بكذبة وقلت لهم وانا العب كورة طحت
صح مها استلمتني ضحك وتطنز بس ارحم من اني اخسر مكافأت معاذ ومصعب
المغرب
وانا طالع من المسجد اتصل علي منصور
عمر = هلا منصور
منصور = هلا فيك ... تراني رحت للمشوار اللي قلتلي
صح نسيت اني ارسلته للضمان الاجتماعي
شكلي نسيت كل شي بسبب الخوف و الفزعة والتقلب بالسيارة
عمر = هااااه ووش صار معك
منصور = يارجال قسم بالله لو هذا عمي كان مت قهر
سكتت ... كأني فهمت
منصور = عم رايد ياخذ فلوسهم من وراهم
عمر بتنهيدة = مثل ماكنت متوقع .. عشان كذا عمه معيي يعطي رايد كرتهم العايلي
منصور بعصبية = ياخي وش هالعم ...
عمر = اعلم رايد ؟
منصور = ياخي انا يوم علمني الموظف شوي ويطق فيني عرق ... وش بيسوي رايد لو يدري ... بيموت على طول
سكرت عن منصور وانا محتار اقول لرايد والا لا
دخلت الحارة ودورت بعيوني على رايد وماشفته ... حتى يوم طلعت من البيت ماشفته .. اعلمه ان عمه ياخذ راتب الضمان حقهم
لا لا ماراح اعلمه ... اقهره بس كذا ... اصلا مايقدر يسوي شي وهو توه ماوصل السن القانوني وعمه وليه والقانون مع عمه ..
مرت فترة و تجمعوا الرجال بمجلس جدي وانا بصعوبة اصب لهذا واضيف هذا
وكل ماعورتني فخذي تحسبت على معاذوه التيس ... هين يامعاذ ان ماشفطت فلوسك كلها انت واخوك ما اكون عمر ... سيارتي الى الحين مارحت لها ... بس راح اغير فيها كل شي عشان يكثر تكاليف وكلها على ظهرك يامعاذ
= وين ولد اخوك يابو بندر له شهر او اكثر ماشفناه ؟
انتبهت على سؤال جدي ... ابو بندر ... ابو بندر عم رايد ماغيره ؟
التفتت اراقب الوجوه الموجودة احتري ابو بندر هذا يتكلم ... ابي اعرف شكله
فجأة تكلم احد الموجودين
= آآآآ ... وش تبيني اسوي بهالولد ... صايع .. والا بيتي مفتوح له يروح ويجي على كيفه يابو فهد
طيرت عيوني على هالشايب الكذاب ... اجل بيتك مفتوح له والولد كل ظهر يتسلق الجدران عشان بس يشوف اخواته وفوق هذا انت ماكل حلالهم
الصراحة ودي افرغ هالدله اللي بيدي على راسه
جدي = طيب دورته انت ... تعرف وينه ... الولد لا يضيع تراه الى الحين بسن المراهقة وينخاف عليه
صح انا ماعلمت جدي ان رايد معنا بالاستراحة ... والصراحة متخوف من ردة فعل جدي ...
جدي مايحب شلتي اللي اسهر معهم ... كيف عاد اذا عرف ان هالبزر عندنا ... واخاف جدي اذا سمع عن رايد شي يتهمنا اننا ضيعنا ... اسكت احسن اجل .. مب لازم يدري جدي انه عندنا
ابو بندر = وين تبيني ادوره ... الديرة عريضة كبيرة
طالعت ابو بندر هذا بكره ... قل مانت مهتم اصلا عشان تدوره
جدي = الله يرده ويحفظه ان شاء الله من عيال الحرام ... انتبهله يابو بندر تراه يتيم
ابو بندر = ان شاء الله خير ...
ودي اتدخل بالكلام واحرجه بس اخاف اقول عن فلوس الظمان يقولون وش عرفك واخاف اقول ليش تبيع بيتهم ونفس الشي بيقولون وش عرفك
* رايد *
التفتت لمريم متفاجئ
رايد متفاجئ = خالي جا هنا
مريم = ايه وتهاوش من عمي والحين خالي يدورك
رايد بصراخ = يدورني وش يبي فيني ... ماعندي شي ياخذه
قامت مريم وراحت لباب الملحق وفتحته بشويش وسكرته مرة ثانية
مريم بخوف = آآآ اششش رايد ... آآآ لا يسمعك احد ... وقتك مو مناسب ابد
جت عندي ومسكت يدي
مريم = تكفى رايد رح لخوالي وعيش عندهم
سحبت يدي منها معصب وقمت واقف
رايد معصب = ماني برايح ... مابي اصير بديرة وانتي ودانه بديرة اصلا خالي مثل عمي كلهم طمااعين
مريم = اقصر صوتك ( وكملت تترجاني ) رايد انا تعبانه ... ودانه خلاص ماقدر اتابعها ... رح عند خالي يمكن يقدر يدبرك وتتوظف وترجع تاخذنا ... انا خلاص مالي حيل
قطبت حواجبي مستغرب من كلامها
رايد = ليه وش فيك .؟
حطت مريم يدها على ظهرها وهي تجاهد الدمعة
مريم = لي اسبوعين وظهري يعورني
رايد = رحتي للمستشفى ؟
مريم = وداني عمي للمستشفى بس عطوني موعد ... بس عمي ماوداني للموعد ... عمي اذا وداني مرة مايويني مرة ثانية
رايد = موعدك راح والا باقي ... اقدر ادبر سيارة
رفعت مريم راسي لي وابتسمت
مريم = الله يخليك لي ... لا خلاص فات موعدي ... بس رايد رح اسكن مع خالي
رايد = قلتلك ماني رايح ... خالك وعمك واحد ... وانا ابي اعتمد على نفسي ... انا خلاص كبير وبتشوفين
مريم = وش اشوف ... لك شهرين وانا مدري وين تسكن والا وين تروح ...
رايد معصب = لا تعلمين خالي انك شفتيني ... مابي اشوف احد منهم صدقيني هم مايوبننا هم يبون فلوسنا وبس
مريم = وهي بقت فيها فلوس .. خلاص مالنا شي عشان يطمعون فينا ... رح لخالي
رايد = قلتلك مب رايح ماتفهمين ... خالي يبي يتحكم فيني وعمي يبي يتحكم فيكم
سكتت مريم يوم تعبت من اقناعي
رايد = لا تحاولين .. خلاص انا تعلمت ... عرفت ان ماحد يحبنا ويهتم فينا ... اذا ماعتمدتي انتي على نفسك لا تعتمدين على احد
سكتت مريم وماردت علي وحطت يدها على ظهرها
جلست بجنبها على سريري بالمحلق اللي صار مغبر
رايد = وش فيك مريم ... اشوفك تغيرتي مرة
مريم بحزن = تعبانة نفسيتي تعبانة ... انت مدري وش يصير عليك ودانه مهملتها بسبب هالشغل اللي فوق راسي .. وظهري كل يوم يعورني ... اخاف تضيعون مني انت ودانه
رايد = طيب اذا دبرت سيارة تقدرين تطلعين من البيت وتروحين للمستشفى
التفت مريم لي
مريم بخوف = لا اخاف من عمي
رايد = قوليلهم انك رحتي معي ... ماعلينا منهم
طالعتني مريم وهي تفكر وبعدها هزت راسها بخوف
مريم = لا لا ... انت ماراح يجيك شي بس انا بيضربني عمي اذا رجعت
سكتت منقهر ...
صح اذا رجعت بيضربها عمي... آآآآه يالقهر اخواتي محتاجيني ولاني قادر اسوي شي
قمت وطلعت من البيت وانا مختنق
شفت بندر يلعب بالشارع واندسيت ورا السيارات عشان مايشوفني
وقعدت اطالعه بحقد ... ان ماذوقتك اللي ذقته يابندر
طلعت دموعي غصب عني من القهر ... تلثمت بشماغي واخذت نفس احاول اهدي نفسي ... شبعت دموع ... لو بتنفعني دموعي كان نفعتني من زمان
رحت لسيارة عمر وجلست على الكبوت احتريه .. اجل خالي يدورني .. هه .. بسيطة راح اعلمهم منهو رايد .. ماني محتاج لكم
واحد يبي يتحكم باخواتي والثاني يبي يتحكم فيني ... ماني محتاجكم ... راح اعلمكم منهو رايد
سمعت يذن لصلاة العشاء
دقايق وشفت رجال طالعين من بيت جد عمر ... طيرت عيوني لما شفت عمي من بينهم
نزلت بسرعة من الكبوت ورحت ورا السيارة وانا متلثم
ياليت سيارة عمر مفتوحه كان شغلتها وخليت عمي تحت كفراتها .. اخ يالقهر
شفت بندر ترك البزارين اللي يلعب معهم وركض متوجه لابوه عشان يروح معه للمسجد
بسيطة ياعمي ... احترني راجعلك ..
رجعت وجلست على الكبوت لما شفت الرجال بعدوا
ااااااه مريم حالتها ماهي عاجبتني ... واضح انها تعبانه وتقول عندها موعد فايت
مستعد اوديها بس المشكلة وشلون تطلع من البيت ...
ودي نصير انا ومريم ودانه ببيت لحالنا ونعيش حياتنا بحرية
بس وشلون وانا ماني قادر ادبر نفسي ... انا على عشاي امس مع الشباب ... يومي هذا كله ماكلت شي ..وشلون ابخلّص اخواتي من بيت عمي وانا مامعي حتى ريال واحد
مريم شكلها تغير
شفت عمر يطلع من بيت جده وهو ماسك فخذه ويعرج ... نزلت بصمت ووقفت عند باب الراكب احتري عمر يفتح لي الباب
ركبنا السيارة وعمر يشتكي من عوار رجله
عمر بألم = اخخخخ رجلي تعورني ... حسبي الله عليك يامعاذ ...
التفتت اطالع الشارع من الدريشة اللي عندي وانا متضايق ومابي اكلم احد ... احس ابنفجر
سمعت عمر يكلمني
عمر = شفت عمك كان عندنا ؟
مارديت عليه
عمر = اهاا واضح من اللطمه انك شفته ... صح ؟
هزيت راسي بايه عشان يسكت عني
* عمر *
طالعت رايد مستغرب ... وشفيه هذا اليوم منتفخ و مايرد علي
شغلت السيارة وحركتها ... بس الصراحة معذور ... المشكلة وش بيصير فيه اذا عرف ان عمه ماخذ اسمه واسم اخواته ويستفيد من الضمان من وراهم
فجأة سألني رايد
رايد = عمر ممكن سيارتك بكرة ابي اخذها الصباح
عمر = بكرة الاثنين عندي جامعه ... ليه وش تبي فيها لا يكون نايف وسعد مرسلينك
ماسمعت رد من رايد والتفتت عليه وشفته سرحان وهو الى الحين متلثم
قطبت حواجبي مستغرب ... وشفيه رايد اليوم
طبعا لا يمكن اعطيه السيارة اكيد بيروح عشان شغل نايف وسعد
وصلنا الاستراحة ولقيت منصور ومشعل وبعض الشباب هناك
ومايحتاج الشباب استلموني تحقيق يوم شافوني اعرج ... وعلمتهم اني سويت حادث بس ماقلت انه معاذ لان كلهم يعرفون كرهي لعيال عمي .. واكثر الاحيان يصيرون بصف معاذ ومصعب ودايم يخلوني انا الغلطان وابو المشاكل خاصة مشعل اذا صارت سالفة فيها انا وعيال عمي يحط مشعل سبب المشكلة علي
هو صح يوقف معي وينفذ بعض العمليات معي بحكم اني صديقه بس دايما يلومني ويهاوشني اذا صرنا لحالنا
شفت رايد بعيد عنا وجالس على عشب الملعب لحاله
ملاحظ عليه كل ماراح يشوف اخواته رجع متضايق ... معقول حال اخواته سئ لهالدرجة ... تراهم ماكلين شاربين هناك وش يبي رايد بعد
قطع افكاري عبد الله احد الشباب معنا بالاستراحة
عبد الله = شبااااااااااب راعي الاستراحة معصب يبينا نطلع
قطبت حواجبي مستغرب ..
عبد الله هو المسؤول عن تجميع القطه ويعطيها راعي الاستراحة بس ليه يبينا نطلع
منصور مستغرب = معصب ؟ ليه وش سوينا ؟
احد الشباب = ماله حق يطلعنا تونا معطينه الاجار
عبد الله = الاجار هو مستعد يرجعه لنا بس يبينا نطلع حاولت فيه بس معيي
عمر مستغرب = طيب ليش ... كذا بس من الباب للطاقة
ضحك عبد الله
عبد الله = تدرون ليش ؟ عشان الهيئة مسكت سعد اما نايف سافر قبل يمسكونه
شهقت
عمر مستغرب = الهيئة مسكتهم ؟
عبد الله = مسكت سعد بس ... نايف يقولون اهله انه مسافر ..
عمر = لحظة وشلون مسافر وهو اليوم هو وسعد كانوا هنا الصباح وتهاوشت معهم انا قبل اروح للجامعة
رفع عبد الله يديه يعني هذا اللي عندي
عبد الله = مدري هذي الاخبار اللي جتني ..
سألني احد الشباب = متأكد ياعمر ان نايف كان موجود هنا الصباح
عمر = ايه وتهاوشت معه لانهم كانوا يبون رايد يروح للعامل يجيبلهم اللي هم يبون
مشعل = اووووه الحمد الله ... الله سلم رايد ... شكل الهيئة كانت حاطة كمين وشكل اللي راح سعد وانمسك هناك .... بس السؤال اللي يطرح نفسه نايف وينه ؟
عبد الله = ماعلينا منهم شباب ... يله فضوا الاستراحة خلونا نطلع
منصور = الحين عاد ... خلنا نسهر اليوم وبكرة سلمه المفتاح
عبد الله = لا لا ... لا تبلشني من راعي الاستراحة ... يقول شوهتوا سمعة استراحتي ومعصب علينا
قرب مشعل فمه من اذني وهمس
مشعل = عمر ... رايد ماله مكان يروحله
ابعدت وجهي عن مشعل و طالعته
عمر = انت اللي جبته ... دبر له مكان الحين
مشعل = وين تبيني اوديه ؟
عمر = ببيتك
مشعل = بيتي فيه اهلي ..اخواتي وحريم ابوي .. وين تبي احطه ببيتي صاحي انت؟
عمر = والله عاد دبره انت
تدخلوا الشباب يوم علت اصواتنا انا ومشعل
منصور = وش فيكم انتم ؟
مشعل = منصور ... رايد ماله مكان يروحله وين نوديه ؟
عمر = منصور خذه معك لبيتك ؟
منصور = اخذه لبيتي والى متى ان شاء الله ... هو بالاستراحة له شهرين ... بيتضايقون اهلي منه اذا طول عندنا
عبد الله = على الاقل لين نلقى استراحة نستاجرها
منصور = يعني الى متى ؟
عبد الله = اممممم ... مدري بس اظن مايطول ... اسبوعين ثلاثة لين نلقى اللى يأجرنا استراحته بالشهر
منصور = حنا بصعوبة لقينا الاستراحة هذي ... اكثر اهل الاستراحات مايوافقون يأجرون شباب بالشهر ( والتفت لي ) عمر خذه معك ... ولا تتعذر ندري ان بيتك مافيه احد
التفتوا الشباب كلهم يأيدون منصور
عبد الله = ايه والله صح ... انت بيتك فاضي
مشعل = ايه صح خذه معك
عمر = هيه هيه انت واياه ... عندي امي
مشعل = عميران بلا كذب ... كلنا ندري ان امك متزوجه
عمر معصب = صح متزوجة بس تجي للبيت كل اسبوعين
مط منصور كلمتي مستهزي
منصور = كللللل اسبوعيييييييين
التفتت لمنصور معصب
عمر بعصبية = ايه كل اسبوعين وش فيها
عبد الله = خلونا ننادي رايد ونشوف رايه يمكن يقدر يرجع لعمه ( وصاح باعلى صوته ينادي رايد )
جانا رايد ووقف عندنا يطالع عبد الله بصمت .. ومن نظراته كأنه يحتري عبد الله يقول اللي عنده
عبد الله = رايد راعي الاستراحة يبينا نطلع ... تقدر ترجع لبيت عمك ؟
طير رايد عيونه بعبد الله
سكتنا شوي نحتريه يتكلم بس هو طول ساكت
مشعل = رايد اذا كنت ماتبي ترجع لعمك بيت عمر موجود
التفتت لمشعل وجه العنز ..
عمر = هيه انت على كيفك تعزمه لبيتي ... شاورني اول
مشعل = شاورناك قبل شوي
عمر معصب = بس ماوافقت الى الحين
فجأة مشى رايد مسرع متوجه لبوابة الاستراحة
صحنا فيه ننادي عليه عشان يرجع بس هو مارد علينا وطلع من الاستراحة
احد الشباب = وين بيروح ؟
عبد الله = شكله زعل
قام مشعل وطلع ورا رايد يلحقه
منصور = عمر تكفى خذه معك للبيت والله هالولد يكسر خاطري ...
وقعدوا الشباب يلوموني .... خذه وخذه وحرام عليك ومادري ايش
اففففف والله بلشنا بهالبزر ... قبل قالوا لي انتبه له ياعمر والحين يقولون خذه للبيت ياعمر ... ما باقي الا يقولون رضعه ياعمر
صارخت فيهم عشان يسكتون
عمر = خلااااااص خلاص باخذه معي ... فكونا
قمنا انا ومنصور وطلعنا من الاستراحة ندور رايد
شفنا سيارة مشعل واقفة وتلفتنا ندوره ولقيناه واقف مع رايد بعيد شوي
قربنا لهم وانا اعرج من عوار رجلي
رايد ماسك شماغه بيده ومغطي عيونه بذراعه ويشاهق
رايد بصوت باكي = خلوني مالكم دخل فيني ...
مشعل = خلاص رايد انا ابقول لابوي تقعد عندنا لين يستاجر عبد الله استراحة ثانية
رفع رايد وجهه يطالع مشعل ودموعه على خده ...
رايد = مشكور مشعل بس خلاص انا ابي اعتمد على نفسي .. وبعدين انت بيتك بنفس حارة عمي .. مابي عمي يشوفني
منصور = طيب وين تبي تروح الحين ... صح على فكرة ليه ماتروح لخوالك
التفت رايد لمنصور معصب
رايد بصراخ = لا عمي ولا خالي ... مابي احد منهم ... خلاص خلوني بحالي مالكم دخل فيني ... كلهم بيشوفون منهو رايد ... ( وغطى عيونه بذراعه وبكى )
تلفتنا انا ومنصور ومشعل نطالع بعض
مشيت خطوة عشان اقرب لرايد اكثر ولفيت ذراعي على اكتافه وانحنيت عليه اطالع وجهه
عمر = خلاص رايد ... انا بيتي مافيه احد ... انت تعرف ماعندي لا اخوان ولا اخوات حتى امي متزوجه ...
رفع رايد راسه وابعد يدي عن اكتافه بعنف
رايد بصوت باكي = انا سمعتك تقول لمشعل مانت موافق .. ماني محتاج لكم لا انت ولا غيرك
ومشى يبي يروح بس مسكته قبل يتعداني
عمر = يابن الحلال اصبر .. ( وحطيت يدي على كتفه ) ياخي انا بس طريقة مشعل استفزتني شوي ... يتصرف كأن البيت بيته عشان كذا عصبت ( وطالعت مشعل وبعدها نزلت نظري لرايد اللي منزل راسه بحزن ويشاهق ) حياك الله ببيتي ... انا تراني وحيد لا اخوان ولا اخوات وابيك تسليني بالبيت .. والحين بعد مافيه استراحة اسهر فيها مع الشباب .. والله ابطفش بالبيت لحالي ... تعال تسليني واسليك .. البيت صاير كأنه مهجور وانت على الاقل احسن من هالجنون اللي مستفيده من بيتي
مشعل = افاااا يبي يكحلها عماها
منصور = هههههههه رح يارايد مع عمر تراه يقصد انه خايف من هالجنون ويبيك تجسره هههههههههه
رفع رايد نظره لي يطالعني وهو ساكت
عمر = وش فيك تطالعني ( ولفيت ذراعي على اكتافه وقربته مني ) خلاص موافق تسكن معي ؟ ... والله تراني لحالي بالبيت مامعي احد
فجأة لف رايد يدينه حوالين خصري وضمني وغطى وجهه بصدري وبكى اكثر
تفاجأت من حركته .. والصراحة انحرجت من مشعل ومنصور ... اول مرة احد يضمني كذا
متعود على البكوس والضرب والهواش مع الشباب اما واحد يبكي على صدري اول مرة ... تنهدت رايد مراهق الى الحين
سمعت رايد يتكلم وهو يبكي بس قدرت اميز كلامه
رايد بصوت باكي = ياليتني مت مع امي وابوي
لفيت يدي على رايد وضميته اكثر وابتسمت
عمر = يله مشينا
دخلنا انا ورايد بيتي ... ودخلنا الصاله عند التلفزيون
عمر = حياك رايد
منزل راسه وساكت مانطق بكلمة طوال ماحنا بالسيارة لين وصلنا البيت
جلس على كنب الصاله بصمت
ركبت الدرج بصعوبة ورحت لغرفة امي وقفلتها ... بعض الاحيان اذا كان علي مذاكرة انام بغرفة امي ..
صح على طاري امي يمكن تجي بكرة او بعده ... مر عليها اسبوعين ... لازم انبه عليها
اتصلت على امي وعلمتها ان احد الشباب عندي بالبيت ومايحتاج هي تجي
امي = بس ياوليدي المطبخ اخبره فاضي .. وماجبت لك شي وانا امك
عمر = مايحتاج يمه انا اشتري اللي احتاجه لا تتعبين نفسك .. اقدر ادبر نفسي
امي = وخويك الى متى بيقعد عندك بالبيت
عمر = مدري الصراحة
امك = طيب لا تقطعني ... انا اذا بغيت اشوفك غير اجيك بالبيت .. انت الله يصلحك لا تزورني ولا تسأل عني
عمر = وش اسوي نص اليوم جامعة والنص الثاني نوم ههههههه
امي = الله يهديك
سكرت عن امي ونزلت تحت ومريت المطبخ فعلا فاضي ... انا من يوم تزوجت امي ماطليت على المطبخ وما اهتميت وش ينقصه ... اللهم الثلاجة اشوف امي وش جابت اخذه واروح فيه للاستراحة ...
طلعت لرايد ولقيته جالس و سرحان
جلست بجنبه وسألته
عمر = وش فيك رايد ؟
هز رايد راسه بلا وهو ساكت
صح تذكرت ... سيارتي بالورشة لازم اروح لها الحين واشوف التكاليف عشان بكرة بالجامعة اخذ بطاقات معاذ ومصعب الخاصة للكلية
لا يمكن افوّت الفرصة علي .. ابغير فيها من الى بس عشان تاخذ تكاليف اكثر
قمت واقف والتفتت لرايد ...
عمر = معليش رايد ابروح لسيارتي بالورشة قبل يسكرون ... البيت بيتك خذ راحتك
ساكت وما يرد علي .. تنهدت وطلعت من البيت احاول اسرع بس من وين اقدر اسرع وانا اعرج .. ما اقول الا حسبي الله عليك يامعاذ
احترت وياك
New member
والله رايد يكسر الخآطر هو وخوآته
والحمدلله مسكوا سعد وافتكـ رآيد منهم
يعطيج العآفيه ع البآرت الحلووو
والحمدلله مسكوا سعد وافتكـ رآيد منهم
يعطيج العآفيه ع البآرت الحلووو
احتـرت ،, فديتتـج والله انتـي الوحيدةة اللي تتابعيين الروآيةة و ترفعيين من معنوياتي
و الله يعآفييج يآلغلآ
و الله يعآفييج يآلغلآ
* الجــزء الحــادي عشر *
* عمر *
طلعت من الورشة مستانس ... الحمد الله طلبت يعدلون فيها من الى ... طلبت يحطون زجاج من افضل الانواع ... وطلبت يغيرون كل الكفرات مع ان المتضررة كفرة وحدة بس .. نذاله بمعاذ غيرت الكفرات كلها وطلبت يعدلون الخدوش ويصبغون السيارة كامل ..
هذا غير قطع الغيار الثانية وما اطلب الا قطع الغيار الاصلية والغالية ... المهم مجموع التكاليف 15 الف ...
طالعت الفاتورة اللي اخذتها كدليل اعطيها معاذ عشان يصدقني ... ماش احس التكاليف شوي عليه ...
بكرة ان شاء الله راح اخذ بطاقته وبطاقه مصعب
دخلت البيت ولقيت رايد نايم على الكنبة بالصاله ... تنهدت يوم شفته
وش مصير هالولد ... احس اني نشبت فيه صدق .... صح يكسر خاطري بعض الاحيان بس عاد لازم يرجع لاهله ... الى متى بيظل متشرد كذا
رحت فوق وانا متضايق من رجلي ... تعورني مررررة
غيرت ملابسي ولبست ملابس رياضية ... الثوب يضايقني بالجرح اللي بفخذي وصعب امشي فيه وانا اعرج ... افففف حسبي الله عليك يامعاذ
اخذت الاب توب و نزلت تحت ناوي اطقطق شوي و انام بالصاله عند رايد ... تعودت اصلا النوم على الكنبة ...
الساعة 4 الفجر
تحركت وانا نايم منزعج من ريحة الطبخ و سمعت خرفشه بالمطبخ ..... فتحت عيوني وطالعت الكنبة اللي نام عليها رايد ولقيتها فاضية ... اكيد هو اللي يخرفش بالمطبخ ... عادته بالمطابخ مايخليها ...
فار مطبخ هذا
قمت ورحت للمطبخ اشوف رايد ... ولقيته حاط قدر صغير على الفرن ويحرك اللي فيه بملعقه صغيره
سألته وانا احك راسي مكسل
عمر = وش تسوي
التفت رايد لي
رايد = آآآ ... جوعان ومالقيت بالمطبخ شي اكله ... بس لقيت رز وقاعد اطبخه ( التفت لقدره وبعدها التقت لي ) عمر ماعرفت اضبطه ... كيف يسوون الرز
تقدمت للفرن وطالعت القدر ولقيته ماء يغلي وفيه شوي رز
انا ماعرف اطبخ بعد ... كثر خيري اعرف اسوي شاهي
عمر = امممم حطيت ملح ؟
رايد = ايه ... بس ذقته طلع ماهو حلو
حركت يدي متملل والتفتت ناوي اطلع من المطبخ
عمر = المهم شي يملي بطنك مب لازم يطلع حلو ... المهم بس نعسان ابي انام عندي جامعة بكرة
ورجعت انام
الساعة 10 الصباح في الجامعة
دقيت على معاذ يقابلي عند مدخل مبنى قسمهم
ربع ساعة وجا ... كان معصب وانا عكسه مستانس
معاذ معصب = ذليت ابونا ... اخلص وش تبي ؟
عمر بابتسامة اغيضه = ابي سلامتك حبيبي ( ومديت يدي ) بطاقتك وبطاقك اخوك يالحبيب
طير معاذ عيونه = ول ... امداهم يحددون التكاليف ... الحادث امس .. مسرعهم ؟
عمر = امس دخلت السيارة ووقفت فوق روسهم لين حددوا التكاليف ( وعشان اقهره بالبملغ مديت عليه الفاتوره ) وهذي الفاتورة ..
اخذ معاذ الفاتورة مني وقعدت يقرا وشهق ورفع راسه لي
معاذ = 15 الف صاااااحي انت .. ( ونزل نظره للورقه وبعدها رفع راسه لي مصدوم ) وبعدين وش قطع الغيار والخرابيط اللي انت طالبها ... ياخي قلنا تصلح سيارتك بالاشياء الاساسية بس
حركت اكتافي لا مبالاه
عمر = والله عاد سيارتي واسوي فيها اللي ابي ... بتدفع والا علمت عمي باللي صار امس ... ولا تنسى تراك انت المخطي .. ولا تحدني اوصل الموضوع للشرطة
دفعني معاذ على ورا بقوة منقهر
معاذ معصب = كنت امززززح ... امزح ... امزح ... ابي اخوفك بس ... ياكلب 15 الف من وين ادبرها ...
عضيت على شفايفي بألم ... دفعته لي خلتني اوطى على رجلي اللي تعورني.. حسيت بالخياطة انفكت
رفعت راسي له وحاولت اخفي ملامح وجهي عشان مايعرف انه عورني ويتشمت ... بسيطة يامعاذ ماشفت شي
عمر متضايق = ادفع وانت ساكت والا خليت الشرطة تصفي الحساب بينا
قعد يطالعني معاذ وهو ساكت ومن انفاسه واضح انه منقهر وبقوة
الصراحة خفت من نظراته وسكوته .. من نظراته كأنه يتعودني مع انه ساكت
احم
عمر = آآآ ... يله اخلص علينا .. فاضيلك انا ؟
طلع معاذ محفضته ومد علي بطاقة الصرافه حقته
معاذ = راح اكسر خشمك ياعمر
عمر = اهاا بس ( واخذت البطاقة منه ) وين بطاقة مصعب ؟
معاذ بصراخ = وش تبي بمصعب ... اظن اللي غلط عليك انا مب مصعب
عمر بغرور اغيضه = مكافأتك ماتكفي تجمع 15 الف وانا ابغى فلوسي بسرعة ... واحمد ربك اني وافقت تسدد اقساط .. المفروض يكون كاش عشان تعرف ان الله حق وماتمزح مرة ثانية ... واخلص علي عطني بطاقة مصعب وراي محاظرة
معاذ معصب = الله لا يوفقك
عمر = واياك
طلع جواله واتصل على اخوه وهو منقهر مني
وطلب من اخوه يجي عند مدخل مبنى قسم معاذ
وعرفت من كلام معاذ معه ان مصعب ماهو راضي يعطيني بطاقته
ابتسمت .. احب اشوفهم معصبين ومنقهرين وحالتهم حاله ..
سكر عن اخوه وهو ينافخ ووقف بعيد عني يحتري مصعب
احترينا عشر دقايق وشرف الزفت الثاني ووقف عند اخوه
قربت عندهم وانا ساكت
التفت مصعب لي وهو معصب
مصعب بقهر = انا وش علي ياعمر ... اللي غلط عليك معاذ مب انا .. وش ذنبي
عمر = ذنبك انه اخوك ... هات بطاقتك
مصعب بصراخ = اخذت بطاقه معاذ وتبي بطاقتي بعد ... وحنا من وين لنا .. خذ وحده وخل الثانية لنا .. ماني معطيك بطاقتي لو تلحس السماء
مسك معاذ يد مصعب يترجاه
معاذ = اتركه عنك .. تكفى مصعب نبي نسد فمه .. الكلب يبي يوصلها للشرطة عاد بعدها دبرها عند ابوي وجدي
التفت مصعب وصارخ بوجه اخوه
مصعب = ماكبر راسه علينا الا جدي ... ماني معطيه شي
التفتت لمعاذ احاول اسمع مصعبوه التيس
عمر = خلاص اجل شكلكم ماتبون نحلها بيننا ...
معاذ = كللللل تبن انت ( والتفت لمصعب ) تكفى مصعب تكفى .. انا الغلطان يقالي ابمزح معه ... مادريت انه بهالنذاله .. تكفى مصعب فكنا منه
سكت مصعب والتفت لي يحاول يهدي نفسه ... اخذ شوي وبعدها طلع محفظته
مصعب = خذ ... ( وحذف بطاقته علي وطاحة بالارض ) احاول اعزك واحترمك بس تصرفاتك تكرهني فيك
وراح بس وقف على بعد خطوات بسيطة والتفت لي
مصعب = اترك لنا فرصه نذكرك بخير بعد موتك ... ولو مرة بس ياعمر ولو مرة
وطالعني شوي يحتريني اتكلم .. لفيت وجهي عنه وانا ساكت
بعد ماشاف مني رد راح
معاذ = والله والله ماراح اسكت عنك .. وتشوف
وراح ورا اخوه
نزلت نظري لبطاقة مصعب اللي طاحت بالارض
اترك لنا فرصه نذكرك بخير بعد موتك
بعد موتي ... معقول مالي خير ابد يذكروني فيه
بعد موتي
حاولت اتذكر شي طيب سويته ... لا صلاة بوقتها .. واغاني .. وسهر ووو .. وكرهي لعيال عمي
بعد موتي ... وش بيقولون عني اذا عرفوا اني مت
عمر مات الله لا يرحمه كان شري و موذي .. شهقت
مصعب انا ماكرهكم ... انا ... آآآآ .. انا احسدكم
ايه انا احسدهم .. احسد عيال عمي
لهم اخوان ... لهم اب .. لهم اخوات .. لهم عايلة تحتريهم اذا غابوا ..
انا ماعندي ولا شي .. حتى امي اخذوها مني ... انا ما اكرهم .. احسدهم
انحنيت واخذت البطاقة ورحت اعرج بس ماتحملت عوار رجلي وجلست على اقرب كرسي تحت الشمس
انتبهت ان ثوبي من عند فخذي فيه بقع دم خفيفة بسبب الجرح ... رفعت راسي منحرج من بقع الدم لا يكون احد يشوفها بثوبي
حطيت يدي على فخذي بتفكير سارح .. لو الجرح هذا بمعاذ او مصعب ... بيلقون ام تداريهم .. بيلقون اب ينقلهم بنفسه للمستشفى .. بيلقون اخت تخاف عليهم
انا ماحد جاب خبري حتى يوم شافوني اعرج قدامهم ماحد اهتم .. وبسهولة مشت كذبه بسيطه عليهم .. لو معاذ او مصعب عند امهم و ابوهم بيكشفونها بسرعة .. بس انا لا . ماعندي اب ... ولا عند ام متفرغة
رفعت راسي يوم حسيت دموعي بتطلع .. وين بالجامعة .. فشيله اصيح
رحت اتلفت احاول انسى وقمت بصعوبة رايح لدورة المياة اغسل بقع الدم
الساعة 1 الظهر
طلعت من الجامعة وانا متعكر مزاجي وكلمة مصعب تزن باذني
اترك لنا فرصه نذكرك بخير بعد موتك
سمعت احد يناديني عند المواقف التفتت وكان منصور
منصور = زين اني لحقت عليك قبل تروح
عمر متضايق = وش عندك
منصور = عمر والله انه حجّر علي ماقدرت الا اقوله عن مكانه
قطبت حواجبي مستغرب
عمر = وش ؟
منصور بضيق = نايف
عمر = وش فيه .. انمسك ؟
منصور = ياليت ... بس قبل شوي كان واقف عند سيارتي يحتريني ولما شافني سألني عن رايد
طيرت عيوني
عمر =.. نايف بالجامعة هنا ... ليه مابلغت عليه تجي الهيئة تمسكه
منصور = تبي تنكبني معه ... الهيئة ماسكته ماسكته اذا بغت بس خلهم يحددون مكانه ... مابي ابتلش مع نايف
عمر بملل = طيب وش يبي منك ؟
منصور بضيق = اقولك يبي رايد
عمر = افففففف وش يبي منه بعد ؟
منصور = مدري ... بس اضطريت اقوله انه عندك ...
شهقت
عمر = ياخبل ليش تعلمه ؟
منصور = شسوي حجرلي عند سيارتي لين علمته وشكله معصب .. انتبه منه
التفتت عنه بضيق .. كمل منصور كلامه
منصور = مدري وش يبي من رايد بالضبط ... بس انا علمتك عشان تنتبه لرايد
حركت يدي بضيق
عمر = يصير خير
ورحت لسيارتي و توجهت للبيت وانا سرحان
ليه اخذت من مصعب بطاقته ... وش سوا لي ... معاذ هو اللي ضرني ... ليه أذي مصعب معه
احس بضيق ... افففف ونايف هذا بعد مدري من وين طلع .. وش يبي هذا.. ماخلصنا من سالفة نايف وش يبي من رايد بعد
دخلت البيت ولقيت رايد بالصاله نايم على الكنبة
جلست بتعب وسندت راسي ورا على الكنبة وانا مغمض عيوني بقوة من عوار رجلي
= عمر انت جيت
التفتت لرايد وشفت يعتدل جالس
رايد = مانتبهت عليك يوم دخلت ( وسكت شوي يطالعني ) وش فيك عمر شكلك تعبان
هزيت راسي بلا
عمر = مافيني شي ( وتذكرت شي كنت ناسيه ) صح ماجبت غدا .. كنت ناوي امر المطعم بس نسيت
قام رايد ووقف قدامي ..
رايد = عطني مفتاح السيارة انا ابروح
مديت يدي ومسكت يده وجريته بجنبي عشان يجلس
عمر = اجلس فيه شي ابقوله لك
رايد مستغرب = وش
عمر = تدري ليه حنا طلعنا من الاستراحة
رايد = لا
عمر = سعد مسكته الهيئة وهم يدورون نايف الحين .. شفت كانوا يبون يورطونك
شهق رايد متفاجئ وبعدها نزل راسه بصمت سرحان
عمر مستغرب = وش فيك ؟
رايد بحزن = ليتهم ورطوني معهم .. على الاقل بيصير لي غرفة انام فيها
رفعت حواجبي مستغرب
عمر = خبل انت
رايد = ايه خبل .. لا عندي وظيفة ولا دراسه ولا بيت .. حتى اخواتي يحتاجوني بس لاني بزر ماقدر اسوي لهم شي ( وسكت شوي ) لو القتل حلال كان ماقصرت مع عمي ... ( وسكت يحاول يمنع دموعه تنزل ) بيتنا اهم شي عندنا باعه .. شهرين او اكثر وانا على ثوبي هذا ماغيرته ... بغمضة عين صار ماعندي ولا شي
ومسح دموعه يشكوى
رايد = اذكر ابوي ماكان يردلي طلب ماعمره قهرني مثل مايسوي عمي ... حتى عمي ماكان كذا معنا بس مدري وش غيره علينا ... ابوي اللي ابيه يعطيني كان يعتمد علي بكل شي لاني اكبر عياله بس هو راح .. ليتني رحت معه يااااااااليت
مديت يدي متأثر ومسحت على شعره وضميت راسه على صدري
عمر = خلاص رايد .. انت رجال لازم تعتمد على نفسك ... ( لف رايد يديه على خصري ورص وجه على صدري يبكي ) انت احسن مني رايد .. انت شفت ابوك وتذكر شكله وهذا اهم شي .. صدقني ... حلو لما تذكر شكل ابوك وتذكر مواقفه وتذكر كلامه .. انا ماعمري شفت ابوي ولا اعرف شكله حتى ... ماعندي حتى صورة له ... وفوق هذا ماعندي اخوان ولا اخوات .. انت عندك هدف الحين .. اخواتك يحترونك ... انا ماعندي احد يحتريني .. ماعندي هدف .. حياتي ممله .. مااحس بقيمتي
رفع رايد راسه لي يطالعني ... ابتسمت ومسحت على شعره صار وجهه قريب من وجهي ودموعه على خده .. رايد على كل شي يبكي .. مراهق مابعد قوا قلبه
رايد = انا ادري اني مضايقك .. ادري ان امك ماتقدر تجي هنا عشاني
عمر = امي مالك دخل فيها ... امي متزوجة وعند زوجها تجي هنا وش تسوي ؟
ابتعد رايد عني وهو يهز راسه بلا
رايد = انت مانت فاهم علي
فاهمك بس وش بيدي اسويه
ما اقول الا حسبي الله على عمك اللي بهذلك وبهذلني معك
فجأة سمعت جرس الباب يطق .... شهقت لا يكون هذا نايف ...
التفت رايد لي يسألني
رايد = تحتري احد ؟
التفت رايد وحطيت يدي على فخذه
عمر = اسمع رايد .. نايف يدورك ... مافيه غيره بيجينا الحين ... ابطلع له الحين اصرّفه ... انت لا تطلع تفهم ؟
رايد وهو يمسح دموعه مستغرب = ليه يدورني .؟
عمر بضيق = مو وقتك الحين
وقمت بصعوبة وانا اجر رجلي ... انا متأكد انها انفكت الخياطة حسبي الله عليك يامعاذ
فتحت الباب وكان فعلا نايف متلثم ولما شافني وهو يفك اللثمة
فجأة دفعني على ورا ودخلني داخل البيت وسكر باب الشارع وراه
عضيت على شفايفي بألم ... وطيت على رجلي مرة ثانية .. حطيت يدي على فخذي بألم
طالعت نايف انا معصب منه
عمر = وش تبي ؟
نايف = نادلي رايد ابيه
استغربت واضح انه معصب ... غريب وش مسوي له رايد عشان يعصب هالكثر
عمر = رايد ببيت عمه وش يجيبه عندي ؟
مسكني نايف مع ياقة ثوبي ولصقني على الجدار
نايف = ادري انه عندك ... ( وصرخ بوجهي ) نااااااده لي الحيييين
مسكت يديه ودفعته عني
عمر مصعب = لا تخليني ابلغ الهيئة عليك تجي تقلعك ..
نايف = مو قبل ما اشوف رايد .. وادري ان بيتك مافيه حريم
وراح يركض لداخل البيت
شهقت ...
عمر بصراخ = هيييييه انت
حاولت الحقه وانا اعرج بس هو اسرع مني ودخل البيت وانا الى الحين بالحوش
احترت وياك
New member
احترت وياك
New member
* الجزء الثــاني عشــر *
* رايد *
هييييه انت
رفعت راسي يوم سمعت صوت عمر ... غريب من اللي بيجي بهالوقت وليه صارخ عمر عليه ... لا يكون احد من اهله .. والله فشله .. احس اني مضايق عمر احس نفسي عاله عليه
فجأة انفتح الباب اللي يطلع للحوش ...
وشهقت وقمت واقف لما شفت نايف هو اللي فتح الباب
بسم الله الرحمن الرحيم .. وش مدخله هذا هنا
يوم شافني نايف بالصاله وهو يجي يركض متوجه لي
نايف = انت هنا ياااكلب
تراجعت على ورا خايف منه .. شكله معصب
رايد بخوف = نايف ؟
لوا نايف يدي ورا ظهري ومسكني مع رقبتي وخلاني اركع غصب
رايد بخوف = وش .. وش سويت .. آآآآ .. وش تبي
نايف بصراخ = قسم بالله ان ماشربت من دمك الحين ماكون نايف ... جاي تتمسكن عندنا وانت داهيه .. يافتااااااااااان
وصارخت باعلى صوتي يوم لوا يدي اكثر
نايف معصب = ليه تبلغ علينا ياحماااااااااااار
= نااااااااااااااااااااايف
خفف نايف يده عني يوم سمع صوت عمر يناديه
حررت نفسي من نايف وابتعدت عنه وخليت طاولة الصاله الصغيرة الزجاجية بيننا
رايد بخوف = وش فيك انت علي ... ياخي خلاص ماني رايح لاي مكان تبيه .. فكني عاااد
دخل عمر الصاله وهو يعرج ووجه كلامه لنايف
عمر = حتى لو بيتي مافيه حريم مايحق لك تدخل بهالطريقة ... وفارق اطلع برا
طنشه نايف وطالعني بعيون معصبة
نايف = لا تحط نفسك مسكين ... علمني وش سوينا لك عشان تبلغ الهيئة علي وعلى سعد
سكتت مستغرب .. حسبته جاي يبي يرسلني ... والله مابلغت الهيئة .. وش قاعد يقول هذا
رديت عليه مستغرب
رايد = مابلغت الهيئة
عصب نايف اكثر من كلمتي وجا عندي معصب ومسكني مع يدي ولواها ورا ظهري مرة ثانية
نايف بصراخ = ما انمسك سعد الا يوم جيت انت للاستراحة ( ولوا يدي اكثر وصارخت بقوة من عوار يدي .. شوي وابكي ) خل الهيئة تنفعك الحين ياكلب ... جاي تتمسكن عندنا وانت حية من تحت تبن
رايد بألم = والله مابلغت احد ... آآآآ .. ارقامهم ماعرفها وشلون ابلغ .. خلني عورتنييييييييي
جا عمر وحاول يحرر يدي من نايف .. نايف يسحب وعمر يسحب
عمر بصراخ = اترك الولد ... الهيئة من قبل يجي رايد للاستراحة وهي تراقبكم
نايف = العب غيرها حبيبي ... من زمان وانت والشباب تقولون الهيئة تراقب وتراقب وماشافنا سوت شي .. وش معنى يوم جا هالبزر للاستراحة وهي تمسك سعد ؟
عمر = عاد صدفة تحركت الهيئة وهو موجود
عوروني .. كل واحد يسحب يدي من الثاني ... وانا معطيهم ظهري بسبب مسكت نايف لي خلاني غصب اعطيهم ظهري
رايد بألم = والله مابلغت احد ... آآآآآه يدي يدييييييييييييي
عمر بصراخ = ياخي فكّه ( وسحب عمر يدي من نايف بقوة )
واول ماتحررت من نايف .. ركضت واندسيت ورا ظهر عمر
نايف بصراخ = انت لا تتدخل ياعمر
عمر بصراخ = ببيتي وتقول لا تتدخل
شديت ثوب عمر اكثر وغطيت وجهي بظهره بحزن ... ليه يصير معي كذا .. والله مابلغت احد ... بس لأني يتيم يستقوون علي
سمعت صوت نايف
نايف = هو الوحيد من الشباب اللي علمناه مكان البيع واسم العامل وكل شي .. مافيه غيره بلّغ
طليت من ورا عمر ارد عليه ( كلهم اكبر واطول واضخم مني )
رايد بحزن = قسم بالله ماعلمت احد عن مكانه .. وبعدين انا رجعت لك الفلوس يعني هذا دليل اني مارحت
نزل نايف نظره لي وهو ينافخ من العصبية
نايف = ايه ادري انك جاي عندنا تتمسكن والا انت مانت محتاج ولا شي ... ( وحاول يمسكني بس عمر منعه )
عمر = ياخي انت ماتفهم ... يقولك ماهو هو
انتبهت على عمر واقف على رجل وحدة ...
نايف = عمر ابعد ... لا تخليني اتعامل معك باسلوب ثاني ...
عمر بعصبية = وش بتسوي يعني ؟ ... نويفوه انقلع اشوف
نايف = ماراح انقلع الا وانا مبرد كبدي من هالفتّان اللي وراك
عمر = لا تحدني اسوي اللي انت خايف منه وابلّغ الهيئة صدق تجي تاخذك
طليت اناظر نايف مرة ثانية ولقيته يطالع عمر معصب وساكت
عمر = وش تحتري يله انقلع .. براااا
فجأة هجم نايف على عمر
شهقت بخوف وابتعدت عنهم
شفتهم متشبثين ببعض وكل واحد يحاول يطرح الثاني بالارض
تلفتت يمين يسار مدري وش اسوي .. ورجعت اطالعهم بخوف
مع محاولاتهم وشجارهم .. قدر نايف يطرح عمر على الارض ..
شهقت بقوة وحطيت يدي على راسي بصدمة يوم شفت عمر يضرب براسه على الطاولة الزجاجية يوم طرحه نايف وبعدها صار عمر متمدد على الارض بدون حركة
طيرت عيوني وتجمعت الدموع بعيوني باقل من الثانية وصرخت بألم
رايد بصوت باكي = عممممممر
مشيت وانا رجولي يالله تشيلني من الصدمة وجلست عند عمر خايف عليه
متمدد على بطنه .. حطيت يدي على ظهره وهزيته
رايد = عمر .. عمر رد علي صارلك شي
رفعت راسي لنايف ولقيته واقف و منصدم من طيحة عمر على الطاولة
اخذ نايف شوي لين استوعب
نايف بخوف = اوووووه عمر ماكنت اقصد
ابعد نايف الطاولة الصغيرة بسرعة وجلس بمكانها وقلب عمر على ظهره
شهقت لما شفت الدم على الارض .. وعمر مغمى عليه .. مايتحرك
سمعت نايف يهمس
نايف بهمس = ياربي انا وش سويت ( وحط يديه على صدر عمر يهزه ) عمر ماكنت اقصد اطرحك على الطاولة
عمر مغمى عليه .. مغمض عيونه وانفاسه هادية مو كأنه قبل شوي يصارخ ويعصب مع نايف .. مايل راسه ناحيتي وبدا الدم يغطي وجهه
سكتت وانا اشوف الدم يطلع من راس عمر
ريان .. اخوي ريان كانت الاصابة براسه يوم يصير الحادث علينا ... وقتها طلعت من السيارة بصعوبة احبي من الم رجولي ولقيت ريان اخوي متمدد على الارض قريب من سيارتنا .. حبيت على الارض لين وصلته ولقيته وجهه مغطى بالدم مثل عمر كذا ... ريان اخوي اللي اصغر مني بسنه ... اشتقت له
ريااااااان
انحنيت وركبت على عمر اضمه ... ودم عمر يذكرني بامي وابوي وريان واخواني والحادث
حسيت بنايف يجرني مع فنيلتي من ورا بعنف وقومني عن عمر وخلاني اوقف غصب عني
نايف بعصبية = انت السبب
وعطاني كف قوي
حطيت يدي على خدي وانا ساكت و صورة ريان مافارقتني .. صورة امي وابوي والسيارة والاسعاف
التفتت لعمر اشوفه بس فجأة لوا نايف يدي ورا ظهري
نايف = من يوم جيتنا ماشفنا الخير ... ( ولوا يدي اكثر بس الالم اللي بصدري اقوى من اني اصرخ )
دفعني نايف وطحت على الارض وركلني مع بطني
حطيت يدي على بطني وانا ابكي ودموعي على خدي ... انا ضعيف .. بزر متشرد .. ليتني رحت معك ياريان
سمعت نايف يكلمني
نايف = اسمع ياكلب اللي صار هذا كله بسببك وقسم بالله ماشفت مني شي يارايد ...
وراح عند عمر وجلس على الطاولة الصغيرة وهو مبتلش بعمر.. محتار ويفكر مايدري وش يسوي بالورطة
جلست بالارض بحزن وقعدت اطالع عمر
متمدد على ظهره بدون حركة ...
اخذنا ربع ساعة وحنا على حالنا
نايف يفكر وانا ساكت وخايف من كل شي ...
قام نايف و اخذ شماغ طايح بالارض ورماه على وجهي ..
نايف = خذ ... لف راسه نبي ننقله للمستشفى
ابعدت الشماغ عن وجهي وعرفت انه شماغ عمر
جا نايف وجلس قدامي ومسكني مع ذراعي بعنف وقرب وجهه من وجهي
نايف بهمس وبعصبية = نبي ننقله للمستشفى كأنه حادث عادي تعثر وطاح على الطاولة .. اذا قلت لاحد انه انا قسم بالله لتشوف مني شي ماشفته ... .. قل للمستشفى انه تعثر وطاح ... انت تفهم
سكتت ومارديت عليه
نايف = تراني اعرف وين حارة عمك واعرف اختك الصغيرة ... اذا بلغت علي باللي صار ما احد بياكلها الا اختك
شهقت و طيرت عيوني بنايف
رايد = اختي ؟
نايف = ايه اختك ... لا تحسب انك اذا بلغت علي خلاص انتهينا .. لا حبيبي اختك الحلوة عدة مرات اشوفها بالشارع بحارة مشعل وجد عمر وعارفها زين ... اعرف ان البنت العصله المنتفه هذيك هي اختك ... لا تلعب معي عشان ما العب معك .. تفهم ؟
وعطاني كف قوي وقام
حطيت يدي على خدي وانا انفاسي سريعة من الخوف ... دانه .. اذكرها دايم تلعب بالشارع ... لا ... دانه لا
نايف بصراخ = هااااه وش تقول للمستشفى اذا سألوا عن عمر ؟
رديت عليه وانا احس نفسي بتطلع من القهر والخوف
رايد = تـ ... تـ ... تعثر وطاح
نايف = ايه كذا .. وعلم عمر يقول هالكلام .. يله قم ولف راسه
اخذت الشماغ وقمت وتوجهت لعمر المتمدد وجلست على الارض عنده
المكان مليان دم ووجه عمر نصه مغطى بدمه .. مديت يدي ومسحت وجهه بالشماغ وبعدها لفيته على راسه
ناظرت فخذه اللي يعرج منها ولقيت ثوبه من عند الفخذ مليان دم
رفعت راسي لنايف واشرت على فخذ عمر
رايد = رجله مليانه دم بعد
نايف = هذا من الحادث اللي صار له مالنا دخل فيه
جلس نايف من الجهه الثانية من عمر وهو يسألني
نايف = وين مفتاح سيارته ؟
وما انتظر رد مني ... دخل يده بجيب ثوب عمر وطلع مفتاح سيارة عمر وحذف المفتاح علي
نايف = خذ شغل سيارة عمر .. نبي ننقله بسيارته
قمت وانا احس بضيق .. شغلت السيارة ورجعت للصاله
نايف = شفت احد يمشي برا ؟
رفعت راسي .. احاول اتذكر
رايد = آآآ.. مادري مانتبهت
تراجعت على ورا يوم شفت نايف يتقدم لي معصب
نايف بصراخ = اعمى انت ( وضربني كف ) ابروح اشوف واجي .. البس ثوبك خلصني
نزلت نظري اشوف نفسي ويدي على خدي .. صح نسيت اني ماعلي الا الملابس الداخليه .. من يوم دخلت بيت عمر وانا بس نايم او بالمطبخ .. ماطلعت لاي مكان
راح نايف يشوف الشارع .. لبست ثوبي .. وجلست عند عمر وحطيت يدي على صدره
رايد بحزن = عمر انا عاله عليك .. ادري اني سببت لك مشاكل ... منعت امك تجي للبيت بسببي ووتهاوشت مع نايف وسعد بسببي والحين اغمى عليك بسببي
حطيت راسي على صدره بيأس .. ليش يصير معي كذا ... انا ابي اتوظف واعتمد على نفسي وبس ... والله ماقصدي اضر احد ... حتى دانة ماسلمت مني ... مابي اضر اختي ياعمر ... مابــ
= يله قم
رفعت راسي لما سمعت صوت نايف يصارخ علي
رفع نايف عمر مع صدره .. وانا رفعت عمر مع رجليه
وطلعنا من الصاله
سمعت نايف يكلمني
نايف = الحين جاي تصيح ؟ ... انت اللي بديت وبلغت علينا يارايد ... والى الحين ماشفيت غليلي منك ...
سكتت عنه ومارديت ...
ركبنا عمر بالسيارة ومددناه على المرتبة الخلفية
نايف = يالله رح وده للمستشفى ..
رفعت راسه له مستغرب .. لا يكون بيجلس ببيت عمر ياخذ راحته
مشيت بسرعة وسكرت باب بيت عمر عشان نايف مايدخل والتفتت له بصمت
نايف معصب = وش تحتري .
وجا وسحبني بعنف وركبني بسيارة عمر بمكان السواق
مديت يدي ابي اسكر باب السيارة بس فجأة نايف مسك شعري وسحبني ناحيته
و قرب وجهه من وجهي وهمس وهو معصب ويهدد
نايف بعصبية = مثل ماقلتلك .. قلهم عمر تعثر وطاح ... ان علمتهم عني قسم بالله اخليك تصيح على اختك المنتفة ... تراني اعرف شكلها
و دفعني وسكر الباب بقوة
حركت السيارة بسرعة عشان ابعد عنه ...
قسم بالله اخليك تصيح على اختك المنتفة
قسم بالله اخليك تصيح على اختك المنتفة
انتبهت لنفسي ان ابكي بصوت مسموع .. وقفت السيارة بجانب الطريق ونزلت راسي على الدركسون وبكيت اكثر
تعبت .. ابي ارتااااااح
اخذت خمس دقايق وانا على وضعي .. كاره نفسي
رفعت راسي يوم تذكرت عمر .. التفتت ورا ولقيته مغمى عليه وانفاسه هادية
اسف ياعمر .. بس دانة اهم منك ... ماراح اسمح لك تبلغ عن نايف
حركت السيارة ورحت على المستشفى ودخلوا عمر داخل وانا جلست انتظره
ربع ساعة وجاني دكتور مصري
الدكتور = انتا اللي جبت المريض عمر للمستشفى
رايد بحزن = ايه
الدكتور = مين اللي عمل بعمر كده ؟
سكتت شوي لما تذكرت كلام نايف
رايد = تعثر و.. و .. وطاح
الدكتور = اه يعني تعثر من ايه ؟
شوي وابكي .. رفعت راسي للدكتور وسألته
رايد = عمر قام .؟
الدكتور = لأه .. لساتو مغشى عليه .. ماقلتليش تعثر من ايه ؟
نزلت راسي
رايد بحزن = مدري .. كان مستعجل وتعثر بـ .. بـ .. بسلك التلفزيون وطاح على الطاولة .. بس
الدكتور = هوا كده الشباب دائما مستعجل .. خلاص تقدر تروح على بيتك ... عمر بخير
مالي بيت
رفعت راسي للدكتور
رايد = ابي اشوفه
الدكتور = ماينفعش ... خلاص انتا روح ولما يصحى عمر هنده عليك
حركت راسي بلا
رايد = ضروري ابي اشوفه
الدكتور = قلتلك لساتو مغشى عليه .. لما يصحى حتشوفه
وراح
طلعت من المستشفى وانا مدري وين اروح .. مالي بيت .. ولا اهل .. ولا ام ولا اب ... وليت فوق هذا اخواتي يسلمون من شري
رفعت راسي للسماء ... الجو حار ... وتونا بوقت الظهر والشمس حارة
وين اروح ... مافيه استراحة اجلس فيها .. وبيت عمر مابي اروح له .. يكفي عمر اللي جاه بسببي ... هو ماهو اخوي ولا هو قريبي ومابي اصير عاله عليه اكثر من كذا
تلفتت بالسيارات ... الكل متوجه رايح لبيته .. الا انا افكر وين اروح
ياحياة الشقا .. ياحياة الشقا
رجعت للمستشفى وجلست بغرفة الانتظار هارب من حرارة الشمس
قرب يذن المغرب وعمر ماقام
توني سائل عنه ... هم طمنوني بس ليه ماقام الى الحين ؟
اخاف يقوم ويعلمهم عن نايف
اخذت ربع ساعة ورجعت اسال عنه ونفس الشي ماصحى
وهذا حالي رايح جاي رايح جاي لين اذن المغرب
صليت ورحت اسأل عنه واخيرا قالوا لي قام
دخلت عليه وانا فرحان ونفس الشي ابي انبهه واحذره مايعلم عن نايف
وقفت عند سريره واستغربت ... لقيته الى الحين مغمض عيونه وكأنه نايم
ليه يكذبون علي ويقولون قام
رفعت راسي للممرض وسألته
رايد مستغرب = وش فيه .. مو تقولون عمر قام .. اشوفه الى الحين مغمى عليه
رد الممرض علي وهو مشغول بالمغذي
الممرض = مافيه مغمى عليه .. هذا مريض نوم .. الحين هوا فيه يقوم
اخذ الممرض شوي وطلع
نزلت راسي اشوف عمر .. ملفوف راسه بشاش ومكشوف عن صدره العاري
انا السبب ... لو ماجيت عنده في بيته كان ماتهاوش مع نايف .. صح عمر اقشر معي ويضربني ويستحقرني ... بس احسه طيب ... وطوال الشهرين اللي قضيتهم مع عمر بالاستراحة عرفت انه يكره عيال عمه .. يعني هو ماهو اقشر معي انا بس .. يمكن هذا طبعه شري
ليتني شري مثله واخذ حقي بيدي
جلست على سرير عمر لما تذكرت عمي واللي سواه فيني وفي اخواتي
لو ماسكتت له يوم كان يضربني كان ماتمادى معي ... لو صارخت بوجهه وقلت انا رجال اباخذ حقي غصب عنك كان ماباع بيتنا ... ( طلعت دموعي غصب عني ) انا بزر ... انا خواف .. مالي احد اشكيله
مسحت دموعي بيدي وطالعت عمر النايم
حتى عمر ماخليته بحاله .. جلست عنده شهرين وجاه اللي جاه بسببي ..
لاني خواف .. ضعيف
انحنيت على عمر وضميته
رايد بصوت باكي = انا ضعيف ياعمر .. علمني كيف اصير قاسي .. ابي ارتاح من حياتي .. تعبت
وبكيت اكثر مقهوووور
* عمر *
اخخخ راسي ... راسي بينفجر
حسيت بشي ثقيل على صدري ... حاولت اسحب نفس ..
فتحت عيوني وانا مصدع ... اخخخ راسي ..
حاولت استوعب المكان اللي انا فيه ... كل شي ابيض ... سكتت وانا اسمع صوت شخص يشاهق ... تلفتت بعيوني على المكان احاول استوعب
هذا المستشفى ... وش جابني هنا
سحبت نفس متضايق من الشي الثقيل اللي على صدري وانا الى الحين اسمع اللي يشاهق
حركت راسي ابي التفت لمصدر الصوت بس فجأة صدم خدي براس
قطبت حواجبي مستغرب ... رايد .. هذي شوشة رايد ...
صح هالصوت نفس صوته اذا كان يشاهق... حافظها من كثر مايبكي
بس لحظة ليه يبكي ... نايف .. صح وش صار
نايف .. نايف .. طحت على الطاولة بس بعدها وش صار
نايف ...
مديت يدي بضعف وحطيتها على ظهر رايد وهزيته عشان يقوم عني
مصدع .. راسي بنفجر
عمر بتعب = رايد
سكت رايد فجأة يوم سمع صوتي وقام بسرعة يطالعني
رايد بفرح = عمممممممر
وانحنى علي وسلم على خدي وخدي الثاني وطالعني ووجه قريب مني
رايد بفرح = الحمد الله على سلامتك .. انت طحت على الطاولة اللي بالصاله واغمى عليك .. انا اسف عمر .. انا السبب
طالعت رايد مستغرب .. وجهه حزين .. كأن هموم الدنيا على راسه ودموعه على خده .. وش سوا نايف معه عشان يبكي
عمر بتعب = وش صار .؟ ونايف وينه ؟
اعتدل رايد وجلس وحط يده على صدري
رايد = انت طحت على الطاولة
عمر = اقصد اللي بعدها وش صار ؟ ليش تبكي انت الحين ؟
مسح رايد دموعه بحزن ونزل راسه
رايد = انت تهاوشت مع نايف بسببي لو ماكنت ببيتك كان ماصار اللي صار ( والتفت لي يطالعني ) هذي ثاني مرة تتهاوش مع نايف بسببي ... وامك ماتجي بيتها بعد بسببي ... انا اسف عمر ... ادري اني عاله عليك
سكتت مستغرب ... دموعه الحين اربع اربع عشاني ...
سألته اتأكد
عمر مستغرب = عادي رايد ... انا متعود على الهواش مع الشباب كان بسببك والا بدون
سكت ومارد علي ..
غمض عيوني بقوة لما حسيت راسي زادني ألم
فتحت عيوني وطالعت رايد لقيته منزل رايد وسرحان
عمر = وينه الكلب الحين ؟
التفت رايد لي بخوف
رايد = خلاص راح .. ماعليك منه
عمر = وشلون ماعلي منه .. والله لأبلغ عليه .. شايف الدنـ
وقاطعني رايد وحط يده على صدري يترجاني
رايد بترجي = تكفى عمر لا تبلغ عليه .. تكفى طلبتك
طيرت عيوني مستغرب من رايد
عمر = ليه ؟
رايد بصوت باكي = قل لهم انك تعثرت وطحت بس لا تقولهم عن نايف ( وحب راسي بترجي ) الله يخليك عمر
سكتت مستغرب
كمل رايد كلامه يوم شاف شكلي مستغرب
رايد = نايف هددني باختي دانه .. يقول اذا علمتوا علي ماحد بياكلها الا دانه .. تكفى تكفى عمر لا تبلغ عليه .. خايف على دجانه منه ... تكفى عمر تكفى
وحط راسه على صدري وبكى
رايد = انا تعبت ... كل شي ضدي ... انا طلعت من بيت عمي ابي اشتغل واخذ دانه مو اطلع من بيت عمي واضر دانه ... لو ريان حي كان تصرف احسن مني ... بس انا بزر وضعيف وخواف
مديت يدي وحطيتها على راس رايد ومسحت على شعره
عرفت تسكتنا يانايف .. تسويها مافيه شي بعيد عنك يانايف
رفع رايد راسه يطالعني
رايد = تكفى لا تبلغ عنه ... قل انك تعثرت وطحت .. الله يخليك
هزيت راسي بأيه وانا منقهر من نايف ..
ابتسم رايد بفرح وضمني مرة ثانية
رايد = مشكووووور عمر
كذا راح يدمادى .. يدخل بيتي ويعتدي علي وما اقدر اقول له شي عشان من ؟.. عشان .. عشان دانه
ربع ساعة و جا الدكتور يفحصني
الدكتور = لا ماشاء الله دانتا كويس اوي
عمر = اكتبلي خروج الحين دكتور .. ابي اطلع
دكتور = هوا انا حكتب لك خروج من غير ماتطلبش .. ( وكمل يمزح ) احنا مش عاوزينك
ابتسمت
عمر = هذي الساعة المباركة
دكتور = مرة تانية ماتستعجلش وانتا بتمشي .. مش عاوز اشوفك هنا تاني
التفتت على رايد ولقيته سرحان ورجعت التفت على الدكتور
عمر = ان شاء الله
طلعنا من المستشفى وانا اعرج ومعي عكاز لكن هالمرة عكاز عادي ماهو حق الشيبان
خاطوا الجرح اللي بفخذي مرة ثانية ...
والله حاله صار فيني خياطة براسي وفخذي
ينطبق علي كلمة مرقّع
الاربعاء .. الساعة 2 الظهر
طلعت من الجامعة اول ماخلصت محاضراتي ... تعبان ... ومصدع
المشكلة ما اقدر اغيب عن الجامعة حتى لو كنت تعبان ... افففف دكاترة مايرحمون
منصور ومشعل وعبد الله عرفوا باللي صار امس مع نايف
اتصلت علي عمتي مها عشان اجي اتغدى عندهم لكن لأن راسي ملفوف بشاش مابيهم يشوفونه ... واضطريت اتهرب منهم وتعذرت باي شي .. المشكلة الحين امي تبيني اتغدى عندها بكرة ... وهي دايما تتذمر اني ما ازورها يعني لو اتعذر منها بكرة راح تزعل مني .. وش السوات ؟
وصلت بيتي ودخلت و لقيت رايد بالمطبخ و يحاول يطبخ الغدا لكن كالعادة ما اشوف بالقدر الا ماء يغلي ورز يتراقص بالماء
التفتت لرايد اطالعه
عمر = الحين هذا تسميه غدا ؟
ضحك رايد
رايد = ههههههههههههه نعمه
ابتسمت .. مسكين الضحكة ماتنشاف منه الا نادرا
عمر = طف عنه بس .. ابروح اجيب من المطعم
نقز رايد وجا عندي
رايد = عطني المفتاح انا ابروح عنك
تنهدت .. و طلعت مفتاحي وعطيته
عمر = طيب .. و انتبه من نايف
رايد = يأذيني نايف عادي .. بس مايأذي احد بسببي ( ومد يده ) عطني فلوس للغدا
عطيته الفلوس وطلع
عرفت من الشباب ان نايف مايروح الا على اللموزين .. ومايروح لاهله ابد .. ومايمشي بالشارع الا متلثم ... من وين تمسكه الهيئة والشرطة وهو مايستخدم سياره عشان يوقفه تفتيش والا أي شي .. و مايركب السيارة الا كراكب ماهو كسائق
بسيطة يانايف .. اجل دانه هااه
اتصلت على امي .. وقلت لها ان هالاسبوع علي اختبارات ..
والحمد الله مشت عليها
احترت وياك
New member
احترت وياك
New member
احترت وياك
New member
* الجــزء الثــالث عشــر *
* عمر *
الخميس .. العصر
كنت منسدح على الكنبة وطفشان التلفزيون مافيه شي والنت مليت منه .. ورايد طفشان مثلي وواقف عند باب الشارع ويشوف الرايح والجاي
جلست بسرعة بضيق شوي واطلع من ثيابي من الطفش
عمر = ياااااااااااااربي حيااااتي ممله ... لو كانت امي هنا كان تجلس معي ونسولف ... افففف ياليت لي اخوان كثار مثل معاذ ومصعب ( وصارخت باعلى صوتي عشان يسمعني اللي واقف بالشارع ) رااااااااااااااااااااااااااااا اااااااااااااااااااا اياااااااد
بس فجأة رن جوالي
القيت نظرة عليه ( بيج هاوس يتصل بك )
عمر = الوووو
= السلام عليكم
عمر مستغرب = جدتي !! وعليكم السلام .. ياهلا والله .. وشلونك ياحلى عجوز هههه
جدتي = يالقاطع لا تسأل ولا شي .. وراك ماتجينا وانا جدتك ..
تنهدت
عمر = جده اظن قبل ثلاث ايام كنت عندكم
جدتي = وش فيها اذا جيتنا يوميا ؟
سكتت ومارديت .. ما احب اشوف عيال عمي هناك .. عمي وعياله بالذات يوميا مسنترين هناك .. بس المشكلة ماحد يفهمني .. ماحد يفهم الشعور اللي احس فيه لما اشوف عمي وعياله وانا بينهم وحيد
جدتي = الوووو ... عمر ؟
انتبهت لجدتي
عمر = معك
جدتي = تعال الحين الله يهديك
عمر مستغرب = الحين .. ليه ؟
جدتي = وش اللي ليه .. نبي نشوفك الله يصلحك .. مشكلتك ماتجينا الا بعزيمة
حطيت يدي على الشاش اللي براسي .. توها امس الضربة مايمديني اشيل الشاش عشان مايشوفونها ... ومالي خلق لتحقيقاتهم
تنهدت .. مالي مهرب
عمر = ان شاء الله .. مسافة الطريق وانا عندكم
سكرت عن جدتي وانا متضايق .. والمشكلة معي عكاز بعد .. وش يفكني منهم ومن اسألتهم الحين
قمت ولبست ثوبي واخذت عكازي وطلعت وشفت رايد عند الباب
عمر = رايد ابروح لحارة جدي .. تبي تروح تشوف اخواتك ؟
التفت لي رايد وتفاجأت بعيونه حمر .. شكله توه باكي
رايد = آآآآ.. لا ما اقدر الحين .. الوقت المناسب لي الظهر
استغربت .... ليه بس الظهر .. بيذبحني الفضول ودي اعرف وضع اخواته ببيت عمهم لهالدرجة مايقدر يشوف اخواته الا الظهر
عمر = طيب وش فيك انت الحين .. شكلك باكي ؟
هز رايد راسه بلا
رايد بحزن = ولا شي
عمر = طيب انا طالع
وركبت سيارتي بس تفاجأت برايد يفتح بابي
رايد = عمر تكفى اذا شفت دانه قل لها لا تطلع من البيت .. تكفى فهمها قل لها رايد يقولك لا تطلعين من البيت ..
هزيت راسي بايه وحركت السيارة
وصلت حارة جدي ودورت بعيوني على دانه بين البزارين اللي يلعبون بالشارع بس ماشفتها بينهم
و طيرت عيوني لما شفت سوبربان عمي ابو معاذ
عمر = هذي سيارة عمي ... والسوبربان بعد لا يكون الربع كلهم هنا ( تنهدت ) وانا اقول ليش جدتي اتصلت علي تبيني اجي الحين ..
نزلت العقال وعدلت الشماغ بشكل يغطي على الشاش اللي براسي .. بس صعب اغطيه .. طالعه اطراف الشاش من الشماغ
صار شكلي كأني مطوع .. اخذت عكازي ونزلت من السيارة وتفاجأت بباب بيت جدي مسكر
غريب بالعادة دايما الباب ( مطرّف ) ماعلي الا ادزه وادخل
ضربت الجرس وقعدت احتري احد يفتح لي
شوي وطلع بوجهي معاذووووه
اخذت نفس ماسك نفسي .. ونفس الشي معاذ اخذ نفس يوم شافني
صايرين كأننا بانزين ونار .. اذا قربنا من بعض ننفجر
دفعته بيدي على ورا ودخلت للحوش بدون سلام ولا كلام
بس معاذ مسك كتفي بعنف خلاني اوقف
معاذ بعصبية = هيييييييييه انت اصبر .. البيت فيه حريم
التفتت له مستغرب
عمر = نعم ؟
معاذ = لا تدخل لين اقولك .. يالاعرج
ومشى متعديني
عمر = ما الاعرج غيرك .. وشلون يعني البيت فيه حريم .. جدتي وعمتي اللي داخل وش تبي انت
التفت لي معاذ
معاذ = اقول بس انثبر عندك ... اخواتي وامي داخل .. خلني اشوفك توطوط قبل اقولك
طيرت عيوني فيه .. طالع يبي يذلني و بس
زفرت بضيق ووقفت بالحوش احتري السيد يأمرني بالدخول
شوي وجاني سعود
سعود = حياك عمر
مشيت بعكازي ودخلت الصاله
عمر = السلام عليكم
ووقفت بمكاني متفاجأ لما شفت اللي قدامي
جالسين بالارض على شكل حلقة وظهورهم على الكنبات وبالنص الدلال وصحون حلى كثيرة وصحون فطاير واكواب صغيرة عصيرات وكيكاوات والمكان صاير زحمممممة
جالسين وشكلهم كانوا مندمجين ضحك وسوالف
انجرحت ... انا يمر علي الساعة والساعتين والثلاث مااتكلم مع احد .. يمر علي يوم كامل طفشان وهم عندهم ازعاج ولعب وضحك
بيتي مظلم مافيه احد ... وهــ
= عمر وانا امك وش فيك .. وش هالعكاز .. صاير عليك حادث ؟
انتبهت على صوت امي بين الجالسين .. رفعت حواجبي .. امي هنا ... اووووه صح هي الى الحين مادرت عن اصابة رجلي ..
جدي = وش فيك يابوك لا تسلم ولا شي
نزلت راسي منحرج وتقدمت لجدي وسلمت على راسه
عمر بحزن = السموحة سرحت شوي ..
وبعدها سلمت على جدتي وعمي وعمتي مها ولما وصلت عند امي وسلمت على راسها مسكتني امي بخوف
امي = وليدي عمر .. وش هذا ( واشرت على العكاز ) لا يكون صاير عليك حادث ؟
عمر = لا يمة .. كنت العب كورة وطحت .. بس .. لا تخافين انا بخير
وسلمت من بعيد على مرة عمي ام معاذ
وارتبكت لما شفت مصعب واقف يبي يسلم علي
عمر = آآآ .. هلا مصعب وشلونك ؟
مصعب = طيب طاب حالك
مدري ليه يأنبني ضميري ناحية مصعب .. مع انه هو واخوه اعتبرهم بالهوا سوا
دورت مكان اجلس فيه بس مالقيت الا مكان فاضي بجنب مرة عمي ومكان ثاني فاضي بجنب الخايس معاذ
وطبيعي ابجلس بجنب معاذ
جلست على الكنبة .. لانه صعب اجلس على الارض بسبب الخياطة اللي برجلي
ومعاذ جالس بالارض بجنبي وظهره على الكنبة
جت امي وجلست على الكنبة بجنبي من الطرف الثاني بخوف
امي = وش فيها بالضبط رجلك .. صرفوا لها علاج ؟
عمر = مافيها شي .. اصابة بسيطة ( ورفعت يدي احاول اغطي اطراف الشاش بالشماغ عن امي والبقية )
رفعت نظري لمكان الحلى والفطاير والحوسة اللي بالنص
تنهدت ... بنفس الوقت اللي كنت جالس فيه طفشان هم كانوا يضحكون و مستانسين ... اخوان .. عايلة وحدة .. وش يمنعهم
.. الوحدة بتقضي علي ... ماني قادر اصبر وانا اشوف الفرق بيني وبينهم
صح رايد بديت اتعود عليه واذا راح افتقده بس رايد نفسيته تعبانة ودايم سرحان بظروفه ومشاكله
= اوه اوه اوه يولد العم وش اللي براسك ؟
انتبهت على معاذ اللي جالس تحت بالارض .. ونزلت نظري له ( وحطيت يدي على راسي مرتبك .. جدي وامي اعرفهم اذا شافوا الشاش ماراح يخلوني لين يعرفون وش منه )
كمل معاذ كلامه وهو يطالعني من تحت ومن ابتسامته واضح انه فرحان ومتشمت
معاذ = وش هالشاش اللي براسك ( وبحركة مفاجئة .. مد يده بسرعة وسحب شماغي بغفله مني )
شهقت وصارخت عليه
عمر بصراخ = ياحمااااار ( ومسكت رقبة معاذ من ورا ) هات الشماغ
فجأة سمعت نغمات الشهقات من جدتي وعمتي وامي
و استلموني جدي وعمي تحقيق
عمي بخوف = وش هذا ياعمر ؟
جدي = وش فيه راسك ؟
مسكتت امي يدي بخوف
امي = وش منه هذا بعد . ؟
زفرت بضيق .. هذا اللي خايف منه ... وش يفكني منهم الحين
نزلت نظري لمعاذ اللي يطالعني وابتسامة كبيرة على وجهه النحس
رفعت نظري لهم و اضطريت اقولهم وانا يدي على الشاش
عمر = تهاوشت مع واحد وووو .. وعطاني المقسوم
ضحك معاذ وقال بصوت واطي سمعته
معاذ = حلووووووووة
شهقت امي بخوف
امي = حسبي الله عليه جعل يده للكسر ( وحطت يدها على راسي ) يعورك ؟
جدي بحزم = وش منه تهاوشتوا ؟
ضحك معاذ اكثر
معاذ = هههههههههههههههههههههههههههههه شرّي طول عمرك شرررري .. انا متأكد ان عمر هو الغلطان .. ابصملكم بالعشرة ههههههههههههههههه
انحنيت وقربت راسي من راس معاذ وهمست باذنه
عمر بهمس = اسكت .. لا تخليني اقولهم ان اللي برجلي بسببك .. وابوك هذا هو موجود
قطع معاذ ضحكته فجأة وهو يسمعني وكملت كلامي
عمر = ابلع لسانك لا اقصه لك
معاذ بهمس = ابروح اشكر اللي فلق راسك ... سوا لي خدمة والله
مها = وش تقولون انت واياه .. تقولون بلوط وعلقم
اعتدلت جالس وسكتت
امي = لا يكون اللي ساكن معك هو اللي ضربك براسك
شهقت .. مو قدام جدي يمه .. جدي مايدري اصلا ان ساكن معي احد .. وش يفكني منه الحين .. ياربي وش اللي خلاني اجي .. كنت مرتاح
جدي مستغرب = عمر .. ساكن معك احد بالبيت ؟
حطيت يدي على جبهتي .. هذا اللي خايف منه
سألني عمي مستغرب
عمي مستغرب = أجرت بيتك ؟
التفتت لامي متضايق وهمست لها
عمر = وش يفكني من اسألتهم الحين .. ( والتفتت لهم معصب وصارخت عليهم ) من يوم ماجيت وانتم مستلميني تحقيق ... لا تحدوني ارجع
مسكت امي يدي ووجهت كلامها للبقية
امي = خلاص خلاص .. خلوه .. انا ماصدقت اشوفه
التفتت لجدي ولقيته يطالعني بحزم وساكت ..
بسم الله .. اكيد بعد هالنظرات بيفتح معي محضر ..
سمعت معاذ يهمس
معاذ = عاق حتى بامه .. الله يرفع عنه ولا يبلانا
ضربت رقبته من ورا بقوة واخذت شماغي منه
فجأة قامت عمتي مها
مها = انا ابروح للبنات ..( والتفتت لي وهي تضحك ) ههههه اكيد الحين حاقدات عليك ياعمر ... خربت عليهن جمعتنا
قطبت حواجبي و سكتت .. الشرهة على اللي درا عنهن اصلا
جدتي = خليهن يتغطن ويجن .. مافيه احد غريب .. عمر ولد عمهن
نط فجأة معاذ معصب
معاذ = لا ... لا يجن وعمر فيه
مها بزعل = ليه معاذ .. بيصيرن متغطيات ... نفسي نجتمع كلنا والله
معاذ = لااااا ... خلوا لين يذلف عمر
صارخ جدي على معاذ يهاوشه
جدي بصراخ = وش يذلف هذي .. تقول لولد عمك يذلف ... هذا مثل اخوك ( والتفت لمها بحزم ) خليهن يتغطن ويجن يكملن حلاهن .. عمر ماهو غريب
نزلت نظري لمعاذ .. و تنهدت .. لو كان لي اخوات ابغار عليهن مثل معاذ ؟ ...
فجأة طالعني معاذ معصب .. رسمت بوجهي ابتسامة سريعة اغيضه وحركت حواجبي احط نفسي مستانس اني ابشوف اخواته وهو مب راضي
لف معاذ وجهه عني وهو ينافخ ولا يقدر يقول شي قدام جدي وعمي
من زينك ومن زين اخواتك عاد ... كلش ميت عليهن
طلعت مها شوي ورجعت ومعها بنتين وحدة لابسه جلال والثانية عباة على الراس ومتغطيه وجلسن مستحيات
احم .. اعتدلت جالس وانا مدري وين احط عكازي .. اخر شي ركزته على كتفي .. منحرج ماني متعود عليهن
طوال الوقت وجدي وجدتي وعمي وحريمه وعمتي ومصعب وسعود سوالف وضحك
ومعاذ معصب وساكت و البنات مستحيات مني وانا مستحي منهن وصاير ذرب قدامهن
صح انهن اخوات معاذ بس مدري وش يجيني اذا شفت بنات ..
احم .. مدري وين راح كلامي اللي قبل شوي
خاصة اذا كانن متغطيات وماينشاف منهن شي .. تحس بهيبة منهن
شوي شوي دخلت معهم جو .. وبديت اعلق على عمتي المرجوجة وسعود واسولف مواضيع جانبيه مع مصعب
وامي بجنبي كل شوي تعرض علي من الحلى والفطاير وتغصبني إلا اكل
على آذان المغرب
تكلم جدي بصوت عالي
جدي بابتسامة = اليوم عشاكم عندنا .. ما احد يروح الا وهو متعشي
وافق عمي على طول ..
التفت لي جدي
جدي = وانت بعد ياعمر
عمر = ان شاء الله
صاحت مها فرحانه
مها = هييييييييييييييه ولهذه المناسبة الكريمة نبي عشانا من المطعم
اعترضت انا كلامها من غير شعور
عمر = لاااااا .. ابي عشا بيت .. مليت من المطعم والله
ضحكوا عمي ومرة عمي علي
و مسكت امي يدي
امي = ياعمري ياوليدي .. مقصرة معك من زمان ماطبختلك ( وقامت واقفة ) خلاص ولا يهمك ماحنا جايبين من المطعم
اعترضت مها معصبة
مها بعصبية = لااااااا ... مالي نفس اطبخ
التفتت امي لمها
امي = اجلسي انتي .. انا الحين ابسويه
نط معاذ بالسالفة
معاذ = انا مع مها نبي من المطعم
سعود = أي والله انا ابي بعد من المطعم
التفت معاذ لي وبعدها التفت لامي
معاذ = عمه ارتاحي انتي ... بعد الصلاة ابجيب انا من براااا
امي = بس عمر يبي طبخ بيت
معاذ = الاكثرية يبون من المطعم
فجأة تدخل جدي
جدي = بس انت واياه ... خلاص نبي عشانا اليوم من البيت
مها بضيق = اووووووووه
ابتسمت امي والتفتت لي
امي = لا تروح لين تتعشى ( والتفتت لمعاذ ومها ) معليش اليوم بس خلوه من البيت وبكرة وعد انا اشتريلكم من المطعم
ومشت تبي تطلع من الصاله .. قامت مرة عمي تبي تطلع مع امي وهي تضحك وتوجه كلامها لامي وهن طالعات
مرة عمي = ههههههه اقول يام عمر ليه ماتزوجينه
ابتسمت مستانس على اقتراح مرة عمي ... ايه هذي الناس اللي تفهم .. بس ماش طلعن وهن يتكلمن عني .. ودي الحقهن واسمع وش يقولن
مصعب = جدي انت دايم تبدي عمر علينا
عمي بصراخ = مصععععععب
معاذ = ومصعب صادق الاكثرية يبون من المطعم وش معنى تاخذون برايه وحنا لا
عمر = ماكنت ادري انكم مشتهين اليوم من برا بس انا صدق مليت من المطاعم والوجبات السريعة
معاذ وهو يشر يده لي بتقليل قيمة = اقول فكنا زين
عمي = خلاص عمر ماعليك منهم ... كل واحد اطول مني وفلوسه بجيبه اللي يبي من المطعم يروح يجيب لنفسه
مها ومعاذ وسعود ومصعب كلهم يطالعوني منقهرين .. التفتت على بنات عمي و بسرعة ابعدت نظري عنهن .. ماشوف شي منهن بس اكيد منقهرات مثل البقية
طلع عمي وجدي للمسجد وطلع مصعب وسعود بعدهم بفترة
اخذت عكازي وطلعت من البيت ووقفت عند مدخل الباب ادور على دانة بين البزارين اللي يلعبون بالشارع .. وين راحت هذي دايما اشوفها تلعب وش معنى اليوم
فجاة دفعني واحد من ورا بغيت اطيح على وجهي
التفتت و اول ماشفت معاذ عصبت
عمر = يااااحمار بغيت اطيح
معاذ = ساد علينا الباب يا الاعرج
وراح متوجه للمسجد
مشيت وراه رايح للمسجد .. اممممم خلني ارفع ضغطه شوي لين نوصل المسجد .. وش وراي
رفعت صوتي عشان يسمعني معاذ اللي يمشي قدامي بمسافة بسيطة
عمر بصوت عالي = اقووووول معاذ وش تبيني اقول لعمي اذا شاف سيارتك معي
وقف معاذ شوي وبعدها التفت لي وهو ماسك اعصابه
معاذ = قلّه عمي عطني كف
ضحكت بقوة على كلمته
عمر = هههههههههههههههههههههههههههههه هههههههه حلوة
بعد ربع ساعة طلعت من المسجد ودخلت حارتنا .. ووقفت بمكاني يوم شفت دانه تلعب .. فرحت اخييييييييرا طلعت
مشيت لين وصلت عندها
عمر بابتسامة = دانه
رفعت نظرها لي وتركت يد البنت اللي كانت تلعب معها وهي مستغربة مني
شعرها حوسه ومغطي على وجهها كأنها لها ايام ماحد مشط لها شعرها .. وملابسها هو هو نفس ملابسها اللي اشوفه عليها كل مرة ( بنطلون بني وبلوزة خضرا )
عمر = تعالي دانه ( ومسكت يدها ومشيت فيها لسيارتي )
هزيت راسي بأسف .. تجاوبت معي على طول ومشت معي للسيارة ... هذي بسهولة بتنخطف ... ( تنهدت ) عرف نايف كيف يلعب باعصاب رايد
فتحت سيارتي وركبت بمكان السواق وشلت دانه وجلستها على فخذي السليمة
عمر = دانه ( وابعدت شعرها عن وجهها عشان اشوفها زين ) دانه لا تطلعبن من البيت
رفعت دانه نظرها لي مستغربه
دانه = ابلعب
عمر = العبي داخل بيتكم ..
دانه بزعل = لا ابلعب هنا .. البيت ماحد يلعب معي
عمر بتنهيدة = دانه .. رايد يقول لا تطلعـ
وقطعت كلامي اول ماسمعت اسم اخوها
دانه بفرح = لااايد .. ( وقعدت تتلفت تدور رايد )
وانصدمت يوم شفتها متحمسة تدور اخوها
دانه = ابي لايد ( وتحركت بحظني متحمسه وهي تدوره بعيونها ) وين لااااايد
طالعتها مستغرب ... وش فيها .. معقول كل هذا شوق لاخوها
عمر مستغرب = تبين تشوفين رايد ؟
دانه = اييييه ( وبرطمت ) وين لاااااح
التفتت لبيت عمها مستغرب ... بيذبحني الفضول وش وضع رايد واخواته داخل هالبيت
قالي رايد مرة انه مايقدر يشوف اخواته الا الظهر ... واشوفه انا كل ماوصلته بسيارتي ... يدخل للبيت متسلق الجدران ياخذ ربع ساعة نص ساعة بالكثير ويطلع على طول .. ومن شوق دانه له الحين واضح انها ماعمرها شافته يوم يتسلل رايد لبيتهم
التفتت لدانه ولقيتها تطالعني ومبرطمه وكأنها تحتريني اطلع رايد من جيبي
ماقدرت امنع نفسي و ضميت دانه لصدري بقوة
آآآآه يارايد .. لك اخت مشتاقة لك وتحتريك .
جسمها صغير .. كأني ما اضم شي ..
حبيتها مع خدها و همست باذنها
عمر بهمس = اوعدك يادانة اجره لك من سيقانه واحطه عندك .. اوعدك .. لا تبكيــ
= عمممممر
نقزت متفاجأ من صوت مصعب اللي واقف عند باب السواق و مطير عيونه فيني
مصعب منصدم = وش تبي بهالبنت .. وعلى أي اساس تضمها بهالشكل .. اختك هي والا بنتك ؟
انحرجت وحاولت ادافع عن نفسي
عمر مرتبك = وش فيك مصعب ... بـ .. بــ .. بنيّه صغيرة .. آآآ .. اسلم عليها بس
مصعب = تسلم عليها تضمها ؟ ( والتفت لدانه اللي بحظني وبعدها التفت لي ) والا لانها يتيمه ماخذ راحتك معها
رفعت حواجبي ... حلو قال يتيمة يعني يعرفها .. صح عصبت على شكه فيني بس ريحني يوم قال يتيمه .. اختصر علي الطريق
نزلت دانه من حظني وطلعت من السيارة ووقفت قدام مصعب وانا ماسك يد دانة
عمر = تعرفها ؟
مصعب بعصبية = مالك دخل فيها .. وخلني اشوفك شايلها بهالشكل
عمر = تعرف اخوها ؟
مصعب بصراخ = قلت لك مالك دخل ( ونزل نظره لدانه معصب ) روحي العبي و لا تقربين من هذا
عمر = رايد ساكن معي بالبيت
التفت مصعب لي منصدم
مصعب = نعم ؟
اضطريت اقوله .. انا الغلطان بس مدري وش جاني يوم شفت شوقها لاخوها ومادريت عن نفسي الا وانا ضامها لصدري
عمر = اخوها ساكن معي.. من يوم طرده عمه من البيت وهو معي ... اول كان باستراحتنا ثم ببيتي
مصعب مستغرب = رايد ساكن معك انت ؟ .. من وين تعرفون بعض ؟ ايه .. انا فاقده .. من زمان ماشفته بالحارة ... سألت جدي عنه قال مايدري وينه
هزيت راسي بايه
عمر = جدي مايعرف مين اللي ساكن معي ..( ونزلت نظري لدانه ولقيتها تطالع البزارين ببرائة ) دانه روحي ادخلي للبيت مثل ماقلت
رفعت دانه نظرها لي وبرطمت
دانه بزعل = ابي العب هنا
زفرت بضيق .. وين راح كلامي .. خليت يدها وراحت تركض للبنات اللي يلعبون
التفتت لمصعب ولقيته يطالعني
عمر = وش تطالع ؟
مصعب = وش اللي خلاك تسكّن رايد معك ؟
طنشته والتفتت لسيارتي وقفلتها بس سمعت مصعب يكلمني
مصعب = كنت عارف ان قلبك طيب ...
التفتت له بعصبية
عمر = لا تاخذ مقلب
ورحت عنه منحرج .. اول مرة واحد يمدحني
جاني مصعب ولف ذراعه على اكتافي وهو يمشي بجنبي
مصعب = وشلون رايد الحين .. اذكره كان ياخذ جلسات عشان رجوله .. وشلونه الحين ؟ ان شاء الله صار يمشي احسن
ابعدت ذراع مصعب عني بعنف
عمر = يااااخي وخر يدك ماني متحمل ثقلك ...
ومشيت عنه ودخلت داخل البيت
اخر شي توقعته اصارح هالاشكال
دخلت الصاله ولقيت عمتي مها ومعاذ يتكلمون .. واول ماشافتني مها صاحت فيني تبيني اجلس بجنبها
مها = تعاااااال تعااااال ... ابيك بموضوع مههههههم
جلست عندها وانا عارف ان ماعندها ماعند جدتي
دخل بعدي مصعب و على طول صاحت فيه مها نفس الشي
ضحكت على عمتي وعلى هبالها
عمر = ههههههههههه الحين تبيني والا تبين مصعب ؟
مها بجدية = ابيك انت ومصعب ومعاذ
التفتنا لها كلنا باهتمام
مها = انا كلمت ابوي وعيا .. والحين مافيه قدامي الا انتم تقنعونه
قطبت حواجبي مستغرب واحتريها تكمل
مصعب = نقنعه بأيش ؟
مها = تقنعونه اخذ قرض
طيرنا عيوننا فيها
عمر = قرض ؟
معاذ = مها تكلمين جد ؟ .. وشلون تسددين القرض بعدين وانتي مو موظفة ولا شي
مها = ابي افتح مشغل ... ودي بشي يشغلني .. مليت من الفراااااااغ
عمر = تقومين وتاخذين قرض ؟
مصعب = عمتي دوري وظيفة .. خوذي سلف كم الف وابدي تجارة بسيطة اما قرض من احد البنوك صعععععبه
عمر = ايه مها ... وشلون تبين تبدين مشغلك بدين
معاذ = وبعدين بريدة ملياااااانه مشاغل ... عندنا شااااارع كامل كله مشاغل .. اذا مريتي من عند هالشارع ماتشمين الا ريحة شعر محترق
ضحكت انا ومصعب ومها على تعليق معاذ
مها = هههههههه ( وبعدها زفرت بضيق ) يله عااااد ودي بمشغل ابي احس بشي يشغلني
عمر = هذا مخاطرة عمه مب قرض
برطمت مها زعلانه
مها = طيب انا ملييت .. مليت من الفراغ .. ومافيه وظايف اشغل وقتي فيها ... انتم كلكم تروحون وماحد يجلس معي .. امي وابوي ينامون بدري وانا اقعد اقابل الجدران والله مليييييييييييت .. وماعندي احد اسولف معه
سكتت حاس فيها ...
معاذ = عندك الانترنت .. عندك جدي وجدتي وحنا بعد كل شوي داخلين عليكم .. وش تبين بعد
مصعب = طيب مها ليه ماتدخلين دورة او معهد أو أي شي
زفرت مها بضيق وكملت وهي شوي وتبكي
مها = عمري 33 سنة وين تبيني ارجع ادرس وانا بهالعمر ... ماحد حاس فيني .. كلكم لاهين عني
معاذ = قرض لا تفكرين فيه .. مها حنا نبي مصلحتك .. واي وقت تلقينا حولك ..
مها = ابي شي يشغلني ...
مصعب = خوذي سلف من احد نعرفه .. دوري وظيفة .. اطلعي مع صديقاتك .. أي شي
مها = اووووووووووه ليه تبون تحطموني
عمر = مانحطمك ... بس نبيك تدرسين مشروعك وتشوفين هو ينجح والا لا قبل تتهورين وتاخذين قرض
مصعب = ما اعتقد انه بينجح اصلا
معاذ = مدي رجولك على قد لحافك
مها = اووووووه .. ماحد حاااااس فينييييييييي
وقامت مها معصبة وطلعت من الصاله
التفتت لعيال عمي
عمر = وش رايكم تاخذون مها تغير جو عندكم ؟
حرك معاذ يده لي بتقليل قيمه
معاذ = اقول اسكت بس انت ورايك اللي مثل وجهك .. ياخبل وجدي وجدتي مين يقعد عندهم بعدين
عمر = خذوهم معكم بعد يغيرون جو
معاذ = اكرمنا بسكوتك بس
مصعب = صح والله فكرة ..
التفتت لمصعب يوم شفته أيدني
عمر = ايه مصعب قل لجدي يوافق تاخذون مها معكم
التفت مصعب لي بابتسامة
مصعب = انت جدي مايرد لك طلب ... متأكد انه بيوافق اول ماتشور عليه
معاذ = مصعبوه لا تكبر راسه علينا
عمر = على أي اساس اقوله .. هي بتروح لبيتكم ماهو لبيتي .. مب حلوة اعزمها لبيتكم
مصعب بتفكير = امممم طيب ابقول لجدي واشوف بس مب اليوم
معاذ = هييييه انت ( وضربني مع كتفي عشان التفت له )
التفتت له بعصبية
عمر = اظن لي اسم
معاذ = اقول بس متى بترجع سيارتي .؟
عمر = اذا حجت البقر على قرونها
معاذ مستغرب = وش تقصد
ابتسمت اغيضه
عمر = ارجعها بمزاجي مب بمزاجك
رفع معاذ قبضته بيعطيني بكس بس حال بيننا مصعب وقام واقف
مصعب = هييييييه هيييييييييييييه ( ومسك يد اخوه ) خلوا هاليوم يمر بدون هوااااش تكفووووووون ( وجلس بمكان مها بيني وبين معاذ ) اعووووذ بالله منكم
على الساعة 11 بالليل
وبعد ماخلصنا من العشا والفلة والسوالف والضحك قام عمي واقف
عمي = يله بكرة جمعه
والتفت لعياله وحريمه ( وكمل بمزح )
عمي = يله انتوا قووموا ... اسهرتوا شيبانا
قامت امي وجلست بجنبي
امي = تبي شي وانا امك قبل اروح
ابتسمت
عمر = ايه ابي ( والتفتت لعمي ) عمي ماعليك امر انا ابوصل امي بسيارتي
ضحك عمي ورد علي بمزح
عمي = اخاف تضيعها هههههههههههه
مع ان مزحته بايخة بس ضحكت تسليك
عمر = ها ها ها لا ماعليك
طلعوا عمي واهله بعد ماسمح لامي تجلس واوصلها انا لعنيزة
التفتت لامي وهي طالعة من الصاله رايحة لاحد الغرف
تغيرت امي ... صارت اسمن من قبل وصارت ثقيله بسبب الحمل
وابتسمت فرحان يوم تذكرت اخوي اللي بالطريق .. ماني متخيل بيصير لي اخو او اخت .. بعد ماوصل عمري 21 سنة يجيني اخو ( ونزلت راسي وتنهدت ) بس وش الفايدة .. ماراح احس فيه .. هو ببيت وانا ببيت .. الوحدة وراي وراي
جت امي وجلست بجنبي بس على الارض وانا على الكنبة
ماكنت عارف قيمتها يوم كانت عندي .. كنت اسهر ومارجع الا اخر الليل واخليها هي لحالها بالبيت .. وفوق هذا ماكانت تبين لي انها طفشانه من الوحدة .. بالعكس اول مارجع تسألني .. تعشيت ؟ ..
كنت بنعمة.. بس بغبائي رفست هالنعمة وخليتها تفكر بالزواج .. اهتم بخوياي واخليها هي اخر اهتمامي ... ياليتنا نرجع مثل قبل ببيت واحد
جلست بالارض بجنبها ماد رجلي بسبب الجرح
عمر = يمه تسلم يدك على العشا
التفتت امي لي مستانسة
امي = عافية عليك
انسدحت على ظهري وحطيت راسي على فخذها وناظرتها من تحت وانا اضرب بطني اضحكها
عمر = امتلى بطني .. خلينا نسحب على عمي مب لازم تروحين اليوم لعنيزة
امي = هههههههههههههههههههه
= عمر ماقلتلي مين اللي ساكن معك ؟
التفتت لجدي .. كنت عارف ماراح يسكت عني لين اقوله
عمر = هاااه
جدي = انت اجرت بيتك والا وشلون ... مين اللي ساكن معك ؟
طالعت امي وبعدها التفتت لجدي .. اقوله ؟ .. المشكلة جدي مايحب اخوياي .. يعرف انهم راعين سجاير ومعاكسات ونايف وسعد بعد ماقصروا بالسمعة
وشوي وشوي اكيد بيعرف انه كان معنا بالاستراحة
اخاف اذا قلت له يفتح لي محاضراته .. انت بتخرب الولد ومادري ايش .. اعرفه جدي واعرف تفكيره
هذا غير انه اكيد بيقول لعم رايد ياخذ رايد عنده عشان يبعدونه عن جو الشله الصايعة بنظرهم .. ورايد اصلا مايبي يرجع لعمه
مها = يبه شكله نسى اسم اللي ساكن معه
التفتت لمها وضحكت
عمر = ههههههههههه لا وش دعوة عاد ( والتفتت لجدي ) اممم اللي ساكن معي واحد من خوياي بالجامعة .. اهله .. آآآ .. اهله بالرياض وهو مالقى شقة وسكن معي .. هذا كل شي
هز جدي راسه بايه وسكت .. اخذت نفس .. الحمد الله احسن .. مالي خلق لهواشه
قام جدي وراح ينام
اخذنا نص ساعة انا وامي وجدتي ومها نسولف
وبعدها طلعت انا وامي .. وصلتها لبيتها بعنيزة ورجعت للبيت
وعلى الساعة وحدة دخلت بيتي ولقيت الاخ رايد عليه ملابسه الداخليه كالعادة وجالس بالصالة وسرحان
عمر = اللي ماخذ عقلك يتهنا به ( وجلست على الكنبة وركزت عكازي على الطاولة الصغيرة قدامي )
انتبه لي رايد وطالعني ببال مشغول
استغربت وش فيه هذا
عمر = وش فيك رايد ؟
رايد = لا ولا شي ( وانسدح على الكنبة ) من العصر وانت طالع .. مليت لحالي ؟
قمت واقف وطلعت جوالي من جيبي ونزلت ثوبي ورميته أي كلام على الطاولة الصغيرة وانسدحت على ظهري على الكنبة
عمر بتعب = كنت عند جدي ... ( وتمغطت بكسل )
التفت رايد لي وكأنه تذكر شي
رايد = صح عمر .. شفت دانه .. علمتها ماتطلع من البيت ؟
طالعت السقف وتنهدت لما تذكرتها.. هزتني بشوقها لاخوها .. احسده عليها
التفتت لرايد
عمر = رايد .. دانه مافهمت علي ..
رايد بضيق = اوووووووووه ..
سكتت شوي
عمر = اقول .. انت متى اخر مرة شفتها ؟
رايد = ما اجي للبيت الا الظهر .. وكل مرة مايمديني اشوفها
مثل ماتوقعت .. واحد يتسلق الجدارن بعز الظهر مايمدي احد يشوفه
جلست طفشان من رايد
عمر = رايد انت ليش كذا .. الى متى بتخاف من عمك .. شف لك ثلاث شهور تقريبا وانت على هالحال ( وكملت عشان احرّضه ) تدري ان دانة شوي وتبكي تبيك .. البنت اول ماقلت اسمك انهبلت ... والله انك ماتستاهلها
تغير وجه رايد متضايق
رايد = وش تبيني اسوي .. عمي دايم يضربني .. وانا ابي اتوظف واخذهم بس ماعندي كرت العايلة وانت تعرف
عمر = واجه عمك .. رح له وقل ابي كرت عايلتكم .. الى متى بتصير خوااااف
جلس رايد والدنيا مسوده بعيونه
رايد بحزن = اختي الكبيرة طلبت الكرت منه بس هو عيا .. مـ
قاطعته معصب منه
عمر بعصبية = ياخي خل اختك الكبيرة .. انا اقصد انت ليه ماتروحله بنفسك
و سكتت شوي يوم تذكرت الضمان الاجتماعي .. صح .. انا ماعلمته ان عمه ياخذ الضمان ..
ابتسمت وكملت عشان اقهره واحرضه يتحرك
عمر بابتسامة = تدري ياخبل ان عمك ياخذ الضمان الاجتماعي حقكم .. تدري ان عمك مايبي يعطيكم الكرت لانه مستفيد من راتب ابوكم ومن الضمان الاجتماعي .. وانت قاعد عندي هنا تون وتحن
طير رايد عيونه فيني
رايد بصدمه = وووششش ؟ ياخذ الضمان ؟ . ( ونزل راسه مستغرب وبعدها طالعني ) انت قلتلي بتشوف هم يصرفون لنا والا لا .. ماقلت انه ياخذه عمي
عمر = سألت وعرفت انه ياخذه
لاحظت وجهه بدا يحمر ويعصب وانفاسه سريعة .. وهو الى الحين مصدوم
وكملت عشان اقهره اكثر
عمر = عمك الحين ياخذ راتبك من الضمان وراتب دانه وراتب اختكم الكبيرة ومايعطيكم شي
شفت عيونه تمتلي دموع .. شوي شوي وسالت دموعه على خده
لفيت وجهي عنه بملل وطولت صوتي اسمّعه
عمر = اففففف هالبزر على كل شي يصيح ( والتفتت له ) ابي مرة بس اشوفك رجال وماتبكي
رفع رايد يده واخذ يحسب باصابعه وهو يشاهق .. حسيته مو بعقله
رايد بصوت باكي = باع بيتنا .. وطردني .. وماخلانا نكمل دراسة .. وياخذ راتب ابوي والحين يـ ( وبكى اكثر )
كملت عشان استفزه
عمر = ايه باع بيتكم .. وطردك مثل الكلب .. وياخذ راتبكم كلها ... وانت هنا كل شوي تصيح ..
قام رايد واقف واخذ يروح ويجي بالصاله وهو يضرب راسه من القهر
رايد = ليييييه طيب .. وش سويت له انا ... ( التفت لي وهو يشد شعره ) قهرني عمي قهررررررني ( وحط يده على صدره وكأنه ضاق نفسه ) ابي حقي ابي حقيييييي
سكتت ومارديت عليه
اخذنا شوي ورايد مايدري وش يسوي
اشوفه ياما جلس على الكنبة ياما قام رايح جاي وهو يسب ويشتم
طالعت رايد واهو واقف عند الجدار ويشتكي
رايد وهو يبكي = ياخذ راتبي وفوق هذا عيااااا يخليني اكمل دراستي بخيل ( وضرب راسه بقوة ) بخيل .. بخيل .. بخيل ( وزاد بكاه اكثر وغطا وجهه على الجدار وهو واقف )
تنهدت .. وعساه يتحرك عاد .. رايد خواف ومراهق
اخذت جوالي وطالعت الساعة
1 ونص
افففف اخر الليل وانا مانمت الى الحين .. رفعت راسي لرايد ولقيته يكلم نفسه وهو الى الحين مغطي وجهه
انسدحت على الكنبة على ظهري وحطيت يديني تحت راسي وانا اسمعه يكلم نفسه
رايد = مايعطيني ريال واحد .. يمر علي يوم يومين جوعااااان .. حرمني من كل شي .. ابي حقيييي .. الله ياخذه .. والله لاذبحه .......
وقعد يسب ويشتم .. خله ينقهر شوي وبكرة اباخذه لدانه مثل ماوعدت البنت .. وابتسمت لما تذكرتها .. ياحلوها ياناس .. حجمها صغير .. ( تنهدت ) بس لو احد يهتم فيها بتطلع احلى ... مشكلتها ماعندها اخوان كفو .. الاخت الكبيرة مدري وش قصتها ورايد ولد خواف ...
ماسمعت لرايد صوت والتفتت له مستغرب .. ولقيته واقف بنص الصاله ويفكر وانفاسه سريعه من العصبية والقهر
رفعت حواجبي مستغرب ... وش يفكر فيه هذا
عمر مستغرب = وش فيك تنّحت ؟
مارد علي وشكله ماسمعني اصلا
شكله ماعنده ماعند جدتي .. طولت صوتي عشان يسمعني
عمر = رااااااااااااايد
طالعني بنظرات غريبة كأنه شوي ويهجم علي
حسيت من نظراته كأني اللي اخذت حقهم
عمر باستغراب = بسم الله وش فيك تطالعني كذا
همس رايد وصدره يرتفع وينزل من القهر
رايد بهمس = ابي حقي وحق اخواني
سكتت شوي وبعدها رديت اتطنز عليه
عمر = لحظة لحظة خلني ادوره هنا يمكن طاح مني وانا مادري ( ورحت اتلفت بالارض اتطنز عليه ) هه هه هذا هو امسكه امسكه ( واشرت لمكان تحت رجوله )
رفعت نظري له ولقيته يطالعني و ساكت وهو معصب و الى الحين واقف بنص الصاله ماتحرك ..
يطالعني وكأنه مايطالعني .. انا عارف انه منقهر بس ابيه يتحرك .. ابيه يروح لعمه وياخذ كرت عايلتهم .. او ياخذ راتب ابوهم او أي شي المهم يتصرف
حركت يدي له بتقليل قيمه
عمر = طف اللمبة بس ابنام
ونمت على جنبي معطي رايد ظهري .. اخذنا شوي وانا اسمع خطوات رايد رايح جاي
واول ماغفوت سمعت خرفشة قريبة مني وبعدها سمعت صوت مفاتيح
التفتت مستغرب ولقيت ثوبي طايح على الارض .. ورايد مو موجود .. جلست واخذت ثوبي وانا اتحسس مكان المفاتيح
شهقت .. وين مفاتيح السيارة
اخذت عكازي وقمت واقف
عمر مستغرب = بسم الله وين راح هذا ( ورفعت صوتي شوي اناديه ) راااايد
طلعت من الصاله ادوره .. بس سمعت صوت خرفشة بالمطبخ
مشيت خطوة بس تفاجأت برايد يطلع من المطبخ وهو يركض
وشهقت مطير عيوني لما شفت بيده سكينة حجم كبير
عمر = هيييييييييييييه رااااايد .. وش بتسوي يامجنووووووووون
بس ماعبرني وطلع للحوش
رحت اعرج بسرعة احاول الحقه
عمر = راااايد .. رااااايد ... لا لا راااايد .. راااايد اسمعني
وصل رايد عند باب الشارع والتفت لي معصب ودموعه على خده .. ووجه السكينه لي
رايد = خلنيييي .. مالك دخل فيني ...
عمر = رااايد تعوذ من الشيطان وهات المفتاح ( ومشيت خطوات بس صاح فيني )
رايد بصراخ = لااااا تقررررب
وقفت باول الحوش ... ورايد عند باب الشارع بمسافة قريبة شوي مني وحمدت الله ان حوشنا صغير
الحوش مظلم وماينور علينا الا لمبات الشوارع القوية .. واشوف رايد بوضوح .. ماعليه الا ملابسه الداخلية .. بيده اليسرى المفتاح .. طالعت السكينة اللي بيده اليمنى خايف من تهوره
انا اعرف اني استفز اللي قدامي باسلوبي .. ياما خليت مصعب ومعاذ يعصبون وياما تهاوشت مع شباب بسبب اسلوبي بس ماتوقعت لهالدرجة .. ابيه يتحرك صح بس مايتحرك بجنون مثله الحين
عمر = رايد تتوقع بتاخذ حقك كذا ؟
رايد بصراخ = مالك دخل مالك دخل ... لا تجي وراااي .. خلني بحاااالي .. ابروح اشغل السيارة ياويلك اذا تبعتني ياعمر يااااااااويلك ..
مشيت خطوة بس وقفت بمكاني يوم شفت رايد يحرك السكينة لي بعصبية
رايد = لا تقرررب اقول لا تقررررب
يحرك السكينة بشكل افقي وبقوة .. اذا قربت له و لمستني سكينته بتقطني نصفين ..
ارتبكت خايف
عمر مرتبك = نـ .. نـزل السكين .. رايد
رايد بصراخ = لاااااااااااااا .. والله لاذبحه ... والله لاعلمكم منهو راااايد
عمر = ماراح تستفيد شي .. الشرطة على طول بتقبض عليك
رايد = ماعلي من احد ... خلنيييي عمر خلنيييييييي
وش اسوي الحين .. كيف اخذ السكينة منه .. مشيت خطوة بس صارخ علي رايد بصوت عالي وهو يمشي على ورا لين لصق ظهره بالباب
رايد = والله لاحذف السكينة عليك .. خلنييييييي .. ابعد عنييييي
التفت رايد على الباب وبعدها التفت لي بسرعة .. وبيده اليسرى اللي ماسكة المفتاح تحسس على مقبض الباب وعيونه علي
رايد = لا تتبعنيييييي .. ابروح اشغل السيارة .. ارجع .. مابيك تتبعني
رفعت يدي اليسرى احاول اهديه
عمر = رايد لحظة لحظة .. خلنا نفــ
قاطعني رايد يسكتني
رايد = ابروح لعمي والله لاذبحه ... اذلف اذلف
عمر مرتبك = طيب طيب مثل ماتبي .. بس البس ثوبك على الاقل ( وابتسمت مرتبك ) بتطلع كذا ؟
رايد = مالك دخل .. لا تتبعني .. ارجع ارجع .. والله لاحذف السكينة عليك اذا قربت مني ( ورفع السكينة فوق .. شوي و يحذفها علي )
شهقت .. ياربي وش اسوي مع هالمتهور ...
احتـرت الروآإيـةة كلههآ
٣٢ بآإرت و خلصنآإ منههـم ١٣ يععنـي بآإقــي تقريبآإ اممم
١٩ بآإآرت و نخلصههـم بعششـر أيآإم ان شآإءالله << حللت الروايةة تحليل خخخخخخ
٣٢ بآإرت و خلصنآإ منههـم ١٣ يععنـي بآإقــي تقريبآإ اممم
١٩ بآإآرت و نخلصههـم بعششـر أيآإم ان شآإءالله << حللت الروايةة تحليل خخخخخخ
