ღ أغـلـى مـن الـروح ღ

[Tutti-Frutti]

قـوة بـنـات

شـلـونـكـم شـخـبـاركـم

هـا مـسـتـعـديـن حـق الـدوام مـن بـعـد اجـازه الـعـيـد الـسـعـيـد :ggdw:

الـيـوم لـمـا قـعـدت مـن الـنـوم
شـفـت الـدب الـلـي دايـمـا احـطـه عـالـفـراش طـايـح
خـذيـتـه وحـطـيـتـه عـالـسـريـر مـره ثـانـيـه
هـذا الـدب الله يـسـلـمـكـم مـعـاي مـن رابـعـه مـتـوسـط
ووايـد احـبـه .. ودايـمـا الـمـه لـمـا بـنـام

خـواتـي كـلا يـقـولـولـي شـكـلـج لـمـا بـتـتـزوجــين بـتـاخـذيـنـه ويـاج وتـلـمـيـنـه بـدال ريـلـج :dddds:

قـبـل لـمـا كـنـا نـتـهـاوش .. كـانـو يـاخـذونـه رهـيـنـه عـنـدهـم عـشـان اسـوي الـلـي يـبـونـه .. وسـاعـات يـهـددونـي يـسـوون فـيـه شـي اذا مـا سـمـعـت كـلامـهـم .. وكـنـت ابـجـي لـمـا يـاخـذونـه .. وافـكـر اذا قـطـوه او خـربـوه شـلـون بـعـيـش بـدونـه :eh_s(2):
<<< تـرى كـنـت مـن صـجـي افـكـر جـذي وابـجـي :eh_s(6):

وعـنـدي بـاربـي مـن لـمـا كـنـت صـغـيـره الـعـب فـيـهـا مـع بـنـات عـمـي
لـيـلـحـيـن مـحـتـفـظـه فـيـهـا

وايـد عـنـدي شـغـلات بـداري غـالـيـه عـلـى قـلـبـي الـصـراحـه
ومـا يـهـون عـلـي اقـطـهـم
ودايـمـا امـي تـقـولـي قـطـيـهـم كـبـرتـي عـلـى هـالـشـغـلات :denya:

بـس مـاقـدر لانـهـم يـعـنـون لـي وايـد .. فـيـهـم كـل ذكـريـات طـفـولـتـي وونـاسـتـي وايـام بـراءتـي خـخـخـخـخ

دوركـم

قـولـو شـنـو اغـلـى شـي عـنـدكـم مـن كـنـتـو صـغـار ولـيـلـحـيـن مـحـتـفـظـيـن فـيـه
ومـا تـقـدرون تـقـطـونـه؟

وشـغـلـه ثـانـيـه
شـرايـكـم بـالـعـنـوان .. تـرى مـتـعـوب عـلـيـه

 

[PinkoOosha]

اول شي خوش عنوان حركات
وثاني شي الشغلات اللي مااقدر استغنى عنها من انا صغيره نفسج جم دب عندي مااقدر اقطهم والله حاطتهم بغرفتي مستحيل استغنى عنهم لوولز ,, وعندي بخنق وانا صغيره يعني لمن كان عمري سنتين جذي مابي اقطه مااقدر ههههه ,, بعطيه حق مرة اخوي لمن توولد انشالله باالسلامه لان قايلين لها ان البيبي بنيه ويعطيج العافيه

 

[لاتينيـه]

ههههههههههههه يآ حلوج
انآ جذي احس كل شي بغرفتي له ذكرى
واحب احتفظ فيهآ احسهآ قطعه مني << ادري بتقولون ابآلغ
بس مآ يحس بهالشي الآ اللي مثلنآ ههههههههههه
انآ مثلج بس مو دبدوب قطوه واحب احظنهآ ويوم كنت صغيره
اذآ احد ضآيقني اشتكي لهآ صديقتي الصدوقه صآرت
لآ وشرآيج بعد تزوجت وللحين عندي
اذآ رحت غرفتي فبيت اهلي المهآ حيل جنه صج ههههههههه
شوفي لنآ حل احس وآيد متعلقين بالطفوله

 

[لاتينيـه]

اي ونسيت العنوآن يهبل :tek:

 

[Bamya]

انا عندي كراتين ذكريات خاشتهم بالكنجية

من صغرتي متعودة أيمّع أي شي له ذكرى حلوة وأحطه بجنطة .. ولما طفحت الجنطة قمت أحطهم بكراتين

أشياء بسيييييطة محد يفهم معناها غيري : قصاصات أوراق , مقالات من جرايد ، صور ، شمعة مكسورة ، ID's ، شهادات ، قلم ، برواز ..... الخ

وأهم أهم شي : مذكراتي .. عندي مذكرات من المتوسطة ليييييين الحين اشكبري 24 سنه << من فترة لين فترة أطل عليهم وأفصل على الأسلوب والسوالف اللي كاتبتها

 

[Tutti-Frutti]

PinkoOosha : ذكـرتـيـنـي بـالـبـخـنـق
عـنـدنـا كـبـت فـيـه كـل الـمـلابـس الـقـديـمـه .. بـيـن فـتـره وفـتـره نـطـلـعـهـم ونـتـصـدق فـيـهـم .. الـمـهـم .. قـبـل فـتـره كـنـت انـا واخـتـي نـتـعـبـث بـهـالـكـبـت .. ولا نـشـووف بـخـانـق << مـادري شـنـو جـمـع بـخـنـق
وصـغـار واشـكـالـهـم نـكـتـه :krkrkr:
وديـنـاهـم حـق امـي قـلـنـالـهـا لااااااايـكـون كـنـتـي تـلـبـسـيـنـا ايـاهـم لـمـا كـنـا صـغـار؟؟!!
جـان تـقـول اي
فـصـلـنـا ضـحـك لـيـمـا دمـعـت عـيـونـا
تـخـيـلـنـا اشـكـالـنـا فـيـهـم :nocommint:

وامـي مـو راضـيـه تـقـطـهـم تـقـول ذكـرى لـيـش اقـطـهـم

لاتـيـنـيـه : لا مـا تـبـالـغـيـن بـالـعـكـس .. حـتـى انـا احـسـهـم قـطـعـه مـنـي
وانـا بـعـد مـثـلـج اشـتـكـي حـق دبـدوبـي واسـولـف ويـاه .. صـار صـديـقـي وبـيـنـا عـشـره عـمـر
عـشـان جـذي مـاقـدر اقـطـه احـسـهـا خـيـانـه خـخـخـخـخ
واذا عـن الـحـل :080402ask_prv:
مـاعـتـقـد فـيـه حـل .. اصـلا بـالـعـكـس اذا قـطـيـنـا هـالاشـيـاء ونـسـيـنـا الــشـغـلات الـلـي تـذكـرنـا بـطـفـولـتـنـا الـحـيـاه تـصـيـر مـالـهـا طـعـم
لانـه كـلـمـا نـكـبـر تــصـيـر الـمـسـؤولـيـه اكـبـر ويـزيـد الـهـم والـمـشـاكـل .. فـبـيـن فـتـره وفـتـره نـبـي شـي يـردنـا لـي ورا .. حـق ايـام الـبـراءة والاحـلام الـورديـه

Bamya : مـثـلـي عـنـدي اوراق وشـغـلات الـلـي يـشـوفـهـم يـحـس مـالـهـم مـعـنـى
بـس كـل ورقـه مـرتـبـطـه بـذكـرى حـلـوه عـنـدي

شـاكـره لـكـم مـروركـم

 

[واثقة بجمالها]

انا عندي غرشاات عطوور وعلب هداايا واكيااس وبعد اوررااق مذكرات وفواتيرر مطااعم
ودفاتر قدديمه للكليهو عندي بطاقات الكليه والثانويه
ابيييه ما اقدر اقطهم قلبي ما يطااوعني
والعنوواان ختيررر

 

[المكسيكيه]

انا والله للحين عندي بطريقي فدينه وتويتي ودبدووبي وما اقدر استغنى عنهم

 

[غرور وايل]

.
؛
بصراحة اول شي العنوااان ابداع صج صج متعووب عليه لووول
ثاني شي
بصراحة انا عندي وايد شغلات ما يهوون علي اقطهم
انا عندي مذكراتي و حجاابي مال المدرسة كاتبين علي رفيجاتي
اممممممم شنو بعد
اي عندي لما كنت بالمتوسطة كووشيه انا مسويتها وعندي مريله
وبث هذا اللي اتذكره
ويسلمووو ع المووضع
ومووووووووووووفقه يارب
؛
.

 

[غرور وايل]

اي وبعد الكرنيه مالت الثاانويه ورسايل رفيجااتي

 

[هاناا]

لما كنت صغيرة

كنت مثلكم احتفظ بالعابي

و اعتقد اني ما اقدر استغني عنهم

بس في يوم قررت التخلص من طبع التعلق بالاشياء

فاخذت العابي و قطيتهم و عطيت بعضهم لليهال

و اول شي حسيت الموضوع صعب

بس تعودت مع الايام

و صار الموضوع عادي

بس احتفظت بدعوات حفلات التفوق

لانها ذكرى حلوة

 

[بدورة القمورة]

انا احتفظ في كل شي الله يااااااريت نرد صغاااار

 

[Tutti-Frutti]

واثـقـة بـجـمـالـهـا : كـلـنـا قـلـوبـنـا مـا تـطـاوعـنـا

الـمـكـســيـكـيـة : شـسـالـفـتـنـا ويـا الـدبـبـه مـا نـقـدر نـسـتـغـنـى عـنـهـم
مـسـويـلـنـا سـحـر

دلـوعـة الـعـلـمـي : اي حـتـى انـا عـنـدي كـوشـيـة ومـريـلـة
مـسـوينـهـا بـمـاده الاقـتـصـاد الـمـنـزلـي :eh_s(6):

هـانـاا : اشـلـون هـان عـلـيـج قــلـبـج .. والله مـاقـدر اقـطـهـم :0bee2e8d89:

بـدورة الـقـمـورة : اي والله يـاريـت نـرد صـغـار
بـس شـنـسـوي :denya: