رد: (( همــــــــــــس السهـــــــــــــاري ))
ياشين بعـد الرفيـق ومسـة الحاجـه
وفقدانك الحاجه إللـي كنـت ذاخرهـا
وجفوى أقرب الناس لك لاصرت محتاجه
والناس تقـرا جفاهـا مـن مشاعرهـا
والوجه يفـرق عبوسـه مـن تبلاجـه
وسيلـة النـاس لاشانـت خواطرهـا
منها مشاعر ضميري تصفـق أمواجـه
مشاعرِ مـن بنـات الفكـر صاخرهـا
يعنـي قريحـة بعيـد الفكـر ونتاجـه
كـن الكواكـب تسامرنـي وأسامرهـا
وأشوف دمي على أخر ضغطة أبراجـه
لـو تجتمـع كـل خلـق الله معبرهـا
كنـي مكلـف بطبعـة فلـم وخراجـه
أنسـج مـن الذاكـره قـدام أصورهـا
فلـمِ حقيقـي وانـا المعنـي بدبلاجـه
والناس محكم عليهـا مـن مظاهرهـا
والتجربه نور وجـه الرجـل وسراجـه
والطيب نـور الوجيـه إللـي ينورهـا
والجـود يشبـه لبيـت الله لحجاجـه
ولانيـب مكلـوف أيامنهـا وأياسرهـا
وأقـول بالنـاس معتدلـه ومنعـاجـه
والمعنـي إلـي يكسـرهـا يجبـرهـا
وإللـي سرالـه رسـول ألله بمعراجـه
والنـاس يفهـم بماتخفـي سرايرهـا
لصك بـاب المجامـل وأحكـم إزلاجـه
قـدام الاصحـاب خافيهـا وظاهـرهـا
هـذا عهـد بعـد مامستنـي الحاجـه
ولانيب مـن يطلـع الكلمـه وينكرهـا
