رد: (( همــــــــــــس السهـــــــــــــاري ))
’
ماكنـت أظـن الشـوق يـهـد لــه حـيـل
إلاّ بعـد طـاح الـحـزن مــن دمـوعـي
يالـلـي عشقـتـك مالجـرحـي منـاديـل
ولاهو على كيفـي وشفّـي وطوعـي
جرحتـنـي والـجــرح هـــم وبـهـاذيـل
وسعادتـك بُعـدي وحـزنـك رجـوعـي
خـابـت بــك الآمــال لـيـلٍ بـأثـر لـيـل
ياامشتّـت بفـرقـاك بـاقـي جمـوعـي
مامـنـك فــود ولا ورا غيمـتـك سـيــل
ومخـايـل وصـالــك تـعــدّت ربـوعــي
وشعـلـة غـرامـك ماتـشـب القـنـاديـل
وضاعت هقاوي ظلمتي في شموعي
أرتّـــب الأوجـــاع وأحـــط وأشــيــل
وأخفّـف جروحـي وأجـنّـب وقـوعـي
كنـت أحسـبـك للـحـب لـيـل وتعالـيـل
مسلم .. ولكن فـي طبوعـك شيوعـي
ياللـي عشقتـك مالعشقـي محاصـيـل
ويابعدهـا أجـيـك وأطـلـب رجـوعـي
لــو اتغـيّـر نـظـرة الـنـاس ف سـهـيـل
باقي علـى خبـرك طبوعـي طبوعـي
دمعك (فرح) وأنـا دموعـي (غرابيـل)
لـكـن ماتعـنـي دمـوعـي خـضـوعـي
تـدري متـى أبـاشـرك بالمواصـيـل
اذا مـــع الأيـــام حـبّـيـت كــوعــي
أنــــا أبـبـقــا والأمــــل بالمـقـابـيـل
يمكن دموعك تستحـي مـن دموعـي
’
