^^••^^تجمع لجميـع حوامل سنـــه 2013** ^^••^^

[# غنوجة بيبي #]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يهون عليكم يا رب

عاد كل يوم ادش اقرى كلامكم وناسه

انا بجريه و نتخرعه ودي ابطل عيني القى نفسي والده و خالصه لووول

اختكم من تجمع يونيو

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بنات تصدقون عاد انا هالمره مو متضايقه من النفاس مثل ولدي الاول صج تعبت جسديا ونفسيا وحسيت خلاص انتهت متع الحياة
الحين يمكن لانه انا عند اهلي وخواتي وايد الله يخليهم لي وبيت يدتي ام امي وام ابوي وعماتي ٢ كلهم بنفس المنطقه فالجو نشط كل شوي احد يمر وخواتي يقعدون معاي سوالف وافلام ساعات تكون امي الله يطول بي بعمرها ماخذه الولد ساعتين ارتاح فيهم ، فيعني مادري الحمدلله احسن مما توقعت.

وناويه اطلع هالويكند مع ريلي وولدي الكبير، لو ساعه وارد، لان انتو عارفين ريلي يشتغل بره وراجع بس هالاسبوعين عشان والده وولدي كاااسر خاطري متشفق على ابوه وكل يومين يمر ياخذه يبيني معاهم كانه فاقد هالشي او حاس الوضع غريب فبنطلع معاه قبل لا يسافر ريلي وساعتها الله يعيني صج على ولدي

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

بشاير وكيميائيه ههههههههه الله يبارك فيكم

يلا نبي ولادات جديده


الي بعدوووو

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

اخيرا خلصت كل شغلي توني راده من الصالون
اغراضي زاهبه ومرتبه بس لا انسى الحلتيته والنقوعه اسويهم من اييني الطلق هههههه

باجر ان شاء الله افج الربط موعدي دعواتكم بنات

وبعدها انطر الشيخ متى ينوي يشرف فديته بس ان شاء الله قبل لايطلع الشعر مالي خلق صالون مره ثانيه هههه

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

سنيار

قبل امس كانت مراجعتي عند شاديه


وقالت بتفحصني ورفضت


وعطتني موعد السبت فحص وتخطيط


وخايفه من فحصها

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا

عسى تقر عينج بشوفته


والله يسهل عليج

 

[مـرت الـغالي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

قره ،، الله يسلمج يالغالية والفال لج عسى ربي يرزقج بالولادة السهلة


خل اقولكم قصة ولادتي قبل لا يتسكر التجمع

انا من تاريخ 20 الشهر يحوشني طلق ورحت المستشفى فحصتني قالتلي الرحم مفتوح سانتي امشي ساعه وخل نفحص بعدين وبعد الساعه هم الرحم ماتبطل عن السانتي

تاريخ 25 كان عندي موعد رحت حق دكتورتي وقالتلي اعطيج موعد لي 3 /12 اذا ماولدتي اعطيج طلق صناعي
تاريخ 28 الظهر فزيت من النوم على الم ماقدرت اتحمله وتقريبا كل 10 دقايق رحت المستشفى فحصوني والا الرحم مفتوح 1 ونص خلوني امشي وكلمو دكتورتي قالتلي لي الحريه اذا بقعد والا ارد البيت ،، قلت ارد البيت اكل لان بالمستشفى بس كان مسموح اشرب سوائل شفافة وكنت موماكلة وخفت اطول ،، الساعه 1 الفير بلش الالم كل 5 دقايق رحت المستشفى اول فحص ماكو تقدم سانتي ونص مفتوحة تحبطت ،، وطلبت منهم درب حق الالم لان ماكنت ابي ابره الظهر ،، ردت النيرس فحصتني الساعه 5 الا ربع الفير قالت الرحم مفتوح 3 بس طلعت من الغرفه نزل علي ماي بلش الطلق حامي وقمت اترجى ابي الابره بس مامداهم يعطوني لان من نزل علي ماي بعدها خلال ربع ساعه اقولهم احس ان في شي بيطلع
لما جيكو والا راس البيبي مبين ،، وامي عندي وريلي والسسترات 4 حواليني والدكتوره ،،
والحمدالله ولدت حسوني الساعه 7 الا ربع الصبح
ولادتي كانت بسرعه وماطولت وقت اللي حمى الطلق بس اللي تعبني ان طلقي بارد 9 ايام اطلق

 

[شيهانه الهيلا]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات اللي رحمها مفتوح عادي تشرب خروع يحمي الطلق حيل
شموخ الدكتوره قالت بسوي لج خياط جنج ماولدتي قلت أوك شد راني يعور ويذبح جذي الله يعين ويعدي النفاس

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم شخباركم




كل يوم ادش المنتدى بس مالي خلق اكتب



امس موعدي سوت لي مسحه عشان الافرازات الي تنزل علي ودايم احس برطوبة سايله ابيض على شفاف


وزن البيبي ٢١٠٠ واليوم على حسبة الدوره ادخل التاسع بس قالت الدكتوره ٥/١٢ تدخلين التاسع


وقالت امشي مشي خفيف نص ساعه تقريبا ولا تسوين شي ثاني


والبيبي حمدلله راسها تحت وقالت للحين مانزلت الحوض



احس وناسه وخايفه وشعور غريب
يارب تسهل علينا وتيسر امرنا يارب


والحمدلله خلصت اغراضي بس باقي اوديهم عند امي يمكن اليوم او باجر

وادويه والاعشاب اطلبهم هالاسبوع ان شاءالله

وبس انظف وارتب شقتي الي ماادري متى افضى



مرت الغلا الله يسهل عليج حبيبتي وتقر عينج بشوفة علاوي يارب

 

[مزآجيه!]

رد: ^^••^^تجمع حوامل مواليد شهر **نوووفمبـ11ـر2013** ^^••^^

السلام عليكم

شلونكم يا بنات؟؟

مبروك للي ولدوا والحمدالله ع سلامتهم

،

روعه

ليش ما تآكلين حبيبتي ؟؟

اكلي عشان ترّبين الرحم ، كافي كان فيه بيبي والحين فاضي ولازم شي يسد الفراغ

واملي لحوووم ، ما يخيط اللحم الا اللحم

ومو شرط تاكلين شي ثقيل عشان ما تتخمين

خلي أكلج طحين بُرّ وسوائل دافيه وتمر

التغذيه لج ولا راح تتعبين بالدورات الجايه وراح تطلع معاج افرازات واصوات وقت شسمه

فـ تلاحقي عمرج قبل تخلصين اربعينج وتغذي عدل لج ولرحمج ولشعرج ولبشرتج

ولا راح تطلعين من الاربعين تخرعين <~ تخوّفج

 

[حمرة الورد]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بنات ترى عادي النفاس تطلع انا كله اطلع وخاصه بالافنيوز اتغدا او أتعشى واتسوق واتقهوى واطلع ومعاي البيبي بدراجته عادي ترى

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ام نيرمانا
اي عادي تطلع بس اذا هي تعبانه هني المشكله انا اول اسبوعين العمليه تتعبني لما امشي مسافه وهم ظهري واغلب الوالدات يسهرون مايشبعون نوم خاصه اللي ترضع طبيعي الياهل ماينام متواصل كل شوي مقعدها يعني النوم احلى من العسل مو بس من الطلعة، انا عن نفسي ماعندي مشكله اطلع بس اخاف اطلع البيبي لانه مناعته توها ضعيفة ويسرعة يقبل العدوى وسبق ان عانيت مع ولدي الاول مرض اول ما ولدته وكانت الماساه انه خشمه مسكر فالرضاعة بالنسبة له عذاب مايقدر يرضع مسكين واذا رضع مايقدر يتنفس

 

[حمرة الورد]

رد: ^^••^^تجمع حوامل مواليد شهر **نوووفمبـ11ـر2013** ^^••^^

اي ريم الله يعينج انا كله عمليات طبعا أسبوعين وفوق طلعو لان فعلا الوحده تدوخ وعوضو بالاكل الصحي والعصير الطبيعي ومنها تجهزون حق طلاعتكم وتمشي بسرعه بإذن الله شكلج ماخذه ابره الظهر عشان جذي ظهرج يعورج اخذتها انا واسم الله عليج جني انشليت وربج ستر وطالعين من الشر ان شاء الله

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم ينات
اليوم مزاجي مادري شفيه
مره شحلاتي مره مالي خلق
وفخوذي ذبحوني اذا مشيت او انسدحت يعورني

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

انا بعد تشد فخوذي علي

وزهقت وربي

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مساء الخير انا اتابعكم من زمان بس ماصار لي فتره مسجله
ممكن اسالكم عن وزن البيبي اول يوم بالتاسع جم المفرض يكون

ومبرك للي ولدوا والله يقومكم بالسلامة
والله يسهل للباجي يارب

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

^^


اتوقع كيلوين و ٣٠٠



لبى خشتك ليش خايفه من الفحص ؟؟

 

[Lifalif]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانه انتي مثلي بالضبط وزن البيبي بس اخر مره قالت للحين راسه فوق قاعده احاتي و قالتلي احبي وطولي بالسجود شلون اعرف انه افتر ؟
اليوم سكرت جنطتي و جنطه البيبي .. مرت الغلا الله يسهل و تفتح الربط من غير ما اتحسين

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا الله يسهل عليج يارباتوقع من تشيبه بالكثر 3 لي اسبوع وتولدين
دايم اللي مسوين ربط من يشيلونه يولدون


الله يسهلج يارب


لبي خشتج وكيميائة
سهاله يارب بس كثرووو مشي
المشي مايولد بس يساعد وقت الولاده تكون العضله فيها قوه
كانج تسوين لها تمارين عشان حزة الولاده تتحرك اقوي وتسهل الولاده


والمشي علي رمل البحر افضل تمرين ويساعد ان يفتح الرحم
انا صايره امشي علي الرمل انشاءالله يفتح الرحم

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانه انا اكثر من جذي عشان جذي احتمال قيصريه
وحدي خايفه ابي طبيعي واليوم اول يوم لي بالتاسع
الله يسهل
ومشكوره قلبي


ليف احبي صح واحبي نزولا علي الدري بعد
وادعي والله يسهلج يارب ويلف راس البيبي
انتي بجر ؟