-•♥♥•-لقائـــــي للمرة الثانيــة مع خواتي في منتديات كويتيات-•♥♥•-

[نهى الأحمد]

-•♥♥•-لقائـــــي للمرة الثانيــة مع خواتي في منتديات كويتيات-•♥♥•-

السلام عليكم ورحمة الله وبركاته


شلونكم يا خواتي


عساكم بخير الجميع




يا حلو لما الانسان يكون عنده صحبة طيبه وناس يحبهم ويحبونه
ويعزهم ويعزوونه


أشكر الله لأنه رزقني بخوات مثل الذهب اللي بريقه يوصل لي ابعد بلد
من طيبتهم وذوقهم واحترامهم بنات اصل وجود حسن ضيافة


وصلت الكويت في تاريخ 16-3-2012


واجازتي كانت هالمرة طويلة

شهر واربع ايام

انتهت الرحلة بتاريخ 20-4-2012




وبالنسبة لي السفرة هذي كانت فترة نقاهة لي من بعد الضغوطات

ادري بتقولون وووي فترة نقاهة في الكويت


على الرغم من غبارها وجوها المتقلب هههههههههه اللي عانيت منه

أحب الكويت واحب شعبها الطيب



صحيح هالمرة فترة طويلة لما قعدت في الكويت

بس معظم خواتي في المنتدى اللي اعرفهم كانت عندهم ظروف وماكنت اقدر احصلهم دايما


وعلى الرغم من جذي

الحمدالله كنا دووم متواصلين من خلال التلفونات والمسجات



وقبل كل شي

أبي منكم دعاااء خالص من القلب لولد أختنا العزيزه الغاليه

Heart ChocolaTe


لما وصلت الكويت دقيت عليها وقلت لها اني موجوده وتفاجأت عقب جم يوم بأنه ولدها بعد عمري في العناية

أسال الله العظيم رب العرش العظيم أن يشفيه :yaaaaaarb:




نبتدي الحين في تفاصيل الزيارة منوو شفت ومع منو قعدت


ومن دون ذكر تاريخ او تفاصيل كثيرة



وانا ماكنت اصور كل شي لاني حاطه في بالي اني استانس بشوفة خواتي



خلينا نقول بسم الله وعليه توكلنا

في يوم من الايام كنت في ضيافة أختي الغاليه والعزيزه

راعية الطويلة :eh_s(7):


ياحلوها ماشاءالله عليها


انسانة راقية وذوق واهلها ناس اجاويد

وكانت موجوده بعد أخت معانا في المنتدى

المدينة الوردية ياحبي لها

تهبببببل



وانا من كثر وناستي ما كنت اصور كثير هالمرة


هذي صورتين من البوفيه وطبق حلو يهبل

تسلم يمناج يا الغاليه

ماشاءالله عليج
سنع وذووووق وشخصية رائعة سواء على الطبيعة او في المنتدى

عسى ربي يحفظج من كل مكروه





​

الرجاء عدم الرد لحين اكتمال الموضوع​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

وصل الدووور على الغاليه على قلبي

معرفتها تشرف كل البشر


بعد عمري اختي manooram



التقينا في الأفنيوز


وحيييل استانسنا الحمدالله

فديت طلتها الحلوة وفديت بنتها الحلوة


قعدنا في شيراتون كافيه

صج مكان هاااااادي جدا وشوي من هدوء المكان حسيت اني بنااام هههههههههه​

​

وتعشينا في مطعم الفونو


اكلهم رااااائع وخفيف

والحلا كان مولتن كيك يهبببببل

مشكووووووووره يابعدهم كلهم

عسى ربي يسعدج ويوفقج في حياتج

فديتج والله

:eh_s(22):​

 

[احلام-عيناويه]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

ما شاء الله خاطري ازور الكويت وايد حبيتها

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

نجي الحين للقسم الأهم


أحلى مجموعة والله بقيادة الأخت العزيزه على قلبي فوفو22


فديتكم والله ياخواتي


والله اني احبكم


بنات اصل ومعدنكم أصيل


والمجموعة كانت عبارة عن


فوفو22 ( طبعا غنية عن التعريف ) شخصية متواضعه ورائعة وبصراحة لا يمل من قعدتها وسوالفها


الشهد كله ( الغاليه شهوده ملح القعده ) ههههههههههههه ياحبي لها



ملح وسكر ( ياحلو ذرابتها ونفنوفها اللي كانت لابسته يهببببببببببل ) والله اني احبج في الله
عزيزه وغاليه وانا شكرت ربي لانه كتبلي اشوفج 3 مرااااااات هههههههه


تم مشاري ( يا حلو هالانسانه) أم رائعة بكل معنى الكلمة منبع الحنية والطيبه وسوالفها عسل مثلها


سمسمة كويتية ( بصراحة كان لي الشرف اتعرف عليها وانا اول مرة اشوفها )



اول لقاء لنا كان في المباركية صوب المطاعم وتعشينا في مطعم دانة المباركية

وعقبها رحنا تقهوينا في حليب وهيل

وبصراحة من كثر وناستي بشوفتهم ماقدرت اصور

بس هذي صورة من النت كافيه حليب وهيل

وثاني لقاء لنا بس حسافة كان من دون ملح القعده الشهد كلللللللله


التقينا في المهلب


وتعشينا في مطعم

هذي الصورة خذيتها من النت


وهذي صور انا صورتها

فديت الايدين اللي طالعة بالصورة ههههههه

عسى ربي يخليكم


وهذا طبقي

اكلهم طيب والله

وطبعا في يوم من الايام طلعنا تريقنا انا والغاليه ملح وسكر في بزه كافيه

وحسافة ماصورت شي

بس هذي صورة من النت لبزه كافيه

بغض النظر انه اكلهم يشوق ورائع

اللي كنت قاعده معاها عزيزه وغاليه

مشكوره حبيبتي ملوووووحه

فديتكم والله ياخواتي ماقصرتوا


الله لا يحرمني منكم ولا من شوفتكم اللي تشرح القلب وقعدتكم الحلوة

عسى ربي يسعدكم ويوفقكم في حياتكم

​

لا احد يرد ليما اخلص يا خواتي​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

وصل الدور الحين على انسانة رائعة وافضل كاتبة روائية واتمنى لها الخير والتوفيق من كل قلبي


أختي العزيزة


Diva



ماشاءالله عليها تبارك الرحمن

تهببببببل فديتها والله


السنة اللي طافت ماصار نصيب اشوفها


بس الحمدالله قدرت اشوفها السنة هذي

وشوفتها نورت حياتي



قعدنا في جوكليت بااار ​

​

وعقبها تعشينا في بيتزا هت




حبيبتي والله ديووووووووووف

استانست وايد بشوووفتج الغاليه علي


عسى ربي يقومج بالسلامه ويبعد عنكم كل مكروه


مشكووووره ماقصرتي يا الغاليه

شرف لي اني عرفتج

​

لا احد يرد ياخواتي ​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

في يوم من الايام كان لي لقاء حصري مع الغاليه

الشهد كله


فديتها والله


يا حلووووج يا شهووووووده




طلعت معاها قبل موعد السفر بجم يوم لانها كانت مشغوله وماقدرت اشوفها غير مرة وهالمرة كانت ثاني مرة



رحنا المارينا وخذينا من مطعم زعتر طبق مشكل من السلطات

​

وطلبنا من SUBWAY

وعقبها طلبنا من Pink Berry


بس ما صورت شنو خذينا




حيل استانست معاج يا الغاليه


بعد عمري ماقصرتي


الحمدالله اني شفتج مرة ثانيه ههههههههههه

والا تراني كنت بزعل عليج

عسى ربي يعطيج الصحة والعافيه ​

 

[روحها في الكويت]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

امممممممم مشاء الله يديم المحبة وياحلو لكويت وناسها الطيبين والفال لي انشاء الله

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

قبل سفري بيوم كان لي نصيب التقي مع اخت عزيزه وغاليه


انسانه رائعة


الاخت الحبيبه


JANAA


والله اني حبيتج من كل قلبي

والحمدالله انه التقينا مع بعض وشفتج وشفتيني



ولقائنا كان من احلى ما يكون


وقعدتنا كانت في Costa Cafe

​

وهذي كيكة الجزر

احلى مافي الموضوع الجزرة الصغييييييره فووووق هههههههه



حبيبتي والله جنووووي

انتي انسانه راااااااااائعة

واخت عزيزه والله


عسى ربي يوفقج ويعطيج الصحة والعافية وراحة البال


مشكوره ياقلبي

​

لا احد يرد ياخواتي​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

أخواتي العزيزات



انا الحمدالله التقيت مع خواتي عزيزات على قلبي لكن حسافة ماعندي صور لانه الكاميرا ما كانت معاي

ومعظمهم كان لقائي فيهم بشكل سرييييييييع




شفت أختي وحبيبتي جيكره وتتغلى

عزمتني على الغدا في مطعم وحلويات القيصر​

فديتها والله يا نااااس

تهببببل

الله لا يحرمني من شوفتها طووول العمر

وعسى ربي يسعدها في حياتها


حبيبتي والله جكوووووووره ​

مشكووره ماقصرتي




ومن ضمن خواتي اللي شفتهم بعد


بنت صويلح


وكان لقائنا في الأفنيوز في مطعم ليلى من لبنان


طلبنا اكل خفيف علشان الرجيم هههههههههههه


كافي علي شوفتها الحلوة


حبيبتي والله بنوته


مشكوووره ماقصرتي





ومن الخوات العزيزات اللي شفتهم


دنيا غريبة للأسف


فديتها الغاليه

اخت دنيا والله

انسانه هادية وراااقية وتدخل القلب بسرعة

وحسافه لانه كان لقائي معاها سرييع جدا

بس اللي يهمني انها تكون بخير ومستانسه في حياتها



دندن

فديتج والله




ومن اللي التقيت معاهم بعد


أخت عزيزه وغاليه

عرسها كان بعد سفري بيوم

وكان ودي اكون معاها بهذا اليوم بس مالي نصيب


mi corazon


عسى ربي يسعدج في حياتج ياقلبي


الحمدالله اني شفتج واخيييييييييييييييرا :eh_s(22):


حتى لو كانت مرة وحدة بس مستحيل انسى هذا اليوم


حبيبتي والله





وخواتي اللي ماقدرت اشوفهم وكلمتهم :


الغاليه الصعيرية


الغاليه جذابه بنت ذيابة


الغاليه ام عفاف الكويت


وسامحوني اذا كنت نسيت أحد​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

بعض الصور للكويت الحبيبة



ياحبي للبحــــــــر​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

وابتدت رحلة الوداع للكويت الحبيبه وخواتي العزيزات على قلبي


لما صعدت الطيارة على متن الخطوط الجوية الكويتيه

وهني ودعت مطاار الكويت ​

وهني خنقتني العبره لما طارت الطيارة

وهذي وجبة الغدا في الطيارة​

عبارة عن دياي وصلصة وعيش وقطعة كيك


وهذا الفيديو من تصويري لحظة اقلاع الطائرة


http://www.youtube.com/watch?v=Ojz5KBMUqu4​

 

[ام عفاف الكويت]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

حيل حزنت اني ماقدرت اشوفك لظروف مرض وان شا الله مره يايه

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

أخواتي العزيزات


مدري شقوول لكم


صج صج هالمرة وايد استانست بهالسفرة

رديت انسانه ثاااااااااانيه وبنفسية الحمدالله حلوووووه بشوووفتكم


والله العظيم ما كان يهمني شنو كليت وشنو شربت ووين رحت وشنو وصلني من هدية


قسما بالله شووووفتكم تغنيني عن كل هالامور


والله اني احبكم في الله ​

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

حيل حزنت اني ماقدرت اشوفك لظروف مرض وان شا الله مره يايه

يابعد عمري ام عفووووفه

المهم عندي انكم بخير


وادري بظروفج


عسى ربي يحفظكم من كل مكروه


وان شاءالله المرة الياية اشوفج واشبع من شوفتج


عزيزه وغاليه ام عفووفه

 

[ريمه الكويت]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

بعد قلبي ان شاء الله تلتقون يارب بالافراح الله يسعدكم ويجمعكم على خير وسعاده:eh_s(17)::eh_s(17)::eh_s(17):

 

[تحت ظلك]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

ماشاء الله تبارك الرحمن

الحمدلله الي شفتيهم على خير

وأن شاء الله يحصل لي الشرف وأشوفج أختي نهى

أحبج في الله

 

[زعفرانة_73]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

الله يحفظج نهى والأنسان شنو يحتاج غير لمه طيبه وخوات يقدرون معنى الصداقه الله يحفظكم لبعض ، وان شاء تنورينا بالكويت مره ثانيه وانت بأسعد حال:eh_s(17):​

 

[*السكب*]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

وعليكم السلام ورحمة الله وبركاته ​

اولا: اسال الله ان يشفي ولد العضوه Heart ChocolaTe ​

ويلبسه لباس العافيه وجميع مرضى المسلمين اللهم آمين .​

تقرير ولا ارررررروع وكل البنات ماقصروا وقامو بالواجب ​

وانتي تستاهلين حب الناس وكل خير​

وان شاء الله نلتقي فيك وكل العضوات المميزات باخلاقهم وطيبهم ​

و تردين وتنورين الكويت ​

سبحان الله وبحمده ... سبحان الله العظيم​

 

[ام سعود ديكسون]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

يا مال العافية احس بغبطة الله يجمعكم علي الخير دووووم

يا حظكم بشوفة نهي و يا حظ نهي كحلت عويناتها بشوفتكم

هذي روح المنتدي اللي مخليتني احس أني في بيتي الثاني

>>> سعيدة نهي باحساسج بالراحة
الحمدلله غسلتي جبدج و غيرتي جو >>> و لو ان الغبار غالب و موسم سرايات لله الحمد علي كل حال

الله يمن بالصحة و العافية علي العضوتين هيرت جوكليت و ام فوفة
و مايشوفون شر لا باعيالهم و لا باللي يعزون عليهم اللهم امين

احبج في الله 

 

[نهى الأحمد]

رد: -•♥♥•-لقائـــــي للمرة الثانيــة مع خواتي في منتديات كويتيات-•♥♥•-

ما شاء الله خاطري ازور الكويت وايد حبيتها

هلا ياقلبي

ان شاءالله بتزورينها عن قريب

امممممممم مشاء الله يديم المحبة وياحلو لكويت وناسها الطيبين والفال لي انشاء الله

بعد عمري مشكووره

اللهم امين