•(-•استفسارات للأجهزة الـ Blackberry & iPhone •-)•

[روح كويتيه]

منو مشتركة بخدمة البلاك بيري مالت فيفا؟
مسوين عرض عالبولد اليديد 9700
150 مع اشتراك سنه فاذا خدمتهم زينه مافيها مشاكل اشتري منهم

في ناس تشتكي من خدمتهم وفي ناس تقول زينه
على حسب الشبكه والمنطقه

انتي شنو خطج شوفي شركتج الاساسيه اللي عليها خطج يمكن مسوين عرض لانه الشركات يسوون على طول

 

[روح كويتيه]

قوة بنات شلوونكم ...

ابي وحدة فاهمة عدل مدل بالبلاك بيري بليزز ...

انا ناوية اشتري بلاك بيري جمني شرايكم فية ؟؟ ... حدة يشوق .. وعندي جم سؤال ..

صح شكله حده يشوق بس للحين مافي له برامج وايد يمكن لانه يديد عند رفيجتي وماتشكي منه حدها حابته

اقدر اشبك عن طريق الوايرلس من غير ما اشترك بخدمة البلاك بيري يعني حاله حال نوكيا ؟؟؟

شوفي انا عندي كيرف لمن كنت مو مشغله الخدمه كان يشبك وايرلس ولمن شغلتها ورجعت وقفتها صار مايشبك
ولمن رجعت شغلتها رجع يشبك وايرلس عادي
وهالسالفه جربتها باكثر من جهاز كيرف وكلهم عندهم نفس السالفه

واذا نزلت الخدمة وغيرت رايي اقدر اشيلهاا ولا خلاص نثبت بالجهاز ..؟؟

الخدمه على دفعج في حال انج مادفعتي تنقطع وخالشي يرجع لطبيعه العقد بينج وبين الشركه
يعني في شركات توقع لج عقود سنويه اللي اهو لمده سنه ملزومه تدفعين
او انه في شركات كل شهر بشهره
يعني هالشي يعتمد انتي شنو تبين

سمعت انة اشتراك الخدمة بالوطنية بس 13 دينار .. اذا طولت بالنت ومنتديات يزيد السعر ولا ثابت ؟؟

على استخدامي لا مايزيد بالمواقع والفراره فيها

وشنو سالفة مسنجر البي بي يعني اهو نفس الهوت ميل ولا فرق ..؟؟؟
مسنجر البي بي هذا اسلوب تواصل بينج وبين اي شخص عنده بلاك بيري عن طريق انج تعطينه البن مال جهازج وتضيفينه وتسولفون عادي مثل المسن


اذا ضفت احد على البي بي اقدر احذفة مرة ثانية ؟؟ وشنو يطلع عندة رقمي !! ولا بي رقم البي بي
تقدرين تحذفينه عادي وبنفس الوقت راح تنمسحين من عنده يعني راح يدري انج حذفتيه
ورقمج مايطلع ولا يقدر يشوف شي من جهازج اللهم رقم البن او اذا انتي كنتي حاطه صوره بالبي بي مسن مثل ماتسوين بالمسنجر العادي


اسفة طولت عليكم ...

حياج الله حبيبتي وعليج بالعافيه مقدما

 

[روح كويتيه]

السلام عليكم

بنات انا حابه اشتري بلاك بيري وخطي وطنيه تعبئه شلون خدمتهم ولا اشتراك فواتير احلى

وشلون استخدام البلاك بيري انا ابي اشبك فيه على المنتديات والمواقع وحلو استخدامه حق الاتصاالات والمسجات

وكاميرا الفيديو حلوه ولا لا

بالاخير انصحوني بكل شي لاني متردده اول مره بشتري وماكو احد اعرفه شارينه عشان اجرب استخدامه بليييييييييييييييييز ردو علي

وعليكم السلام والرحمه

خدمتهم زينه بالتعبئه وحتى بالفواتير

الشبك فيه سهل وعادي

واستخدام الجهاز بالاتصالات بعد سهل

وبالرسايل يكونون الرسايل تجت بعض يعني مو مفروزين مثل باقي الاجهزه اللي نعرفها

كاميرا الفيديو زوينه بس مو وايد


انا عندي اياه واحب استخدامه اذا انتي للحين متردده روحي موضوع تجمع البلاك بيري وشوفي راي كل البنات وشنو المشاكل اللي صثادفتهم

 

[روح كويتيه]

بنـآت انا حـآبه اشتري بلاك بيري
وعجبني بلاك بيري كيرف 8900
بس بغيت اسأل في منه الكيبورد عربي؟
وواقدر احوبه العربي ولا كل البلاك بيري انجلش ؟
والمسنجر لازم يكووون خطي فوآتير ؟
انا خطي تعبئه زين وعندي همن فيفا ووهمن تعبئه
اذا لازم فواتير اشتري من وين خط الفواتير احسن؟
وجم سعر البلاك بيري كيرف 8900 حـآليـآ؟

وشووكرا لكم :$

اي في كيبورد عربي بس كله يقولون خالص عاد انتي وحظج وقتها :dddds:

اي عادي سهل تحولينه عربي سواء باللغه المستخدمه او بالكتابه

اي مسنجر قصدج المسنجر العادي ولا البي بي ام ؟

بالنسبه لموضوع الخطوط الوطنيه عندهم انج تشغلين الخدمه حتى لو خطج تعبئه بس ما ا\ري اذا هالشي يصير في باقي الشركات او لا




وبالنسبه حق سعره والله ماعندي فكره

بس تقدرين تتصلين على زين تسالينهم عن خدمتهم وعن سعر الجهاز عندهم
وسوي نفس الشي مع فيفا والاوطنيه

وشوفي شنو احسن لج

 

[روح كويتيه]

شلون اطرش ام ام اس من البلاك بيري كيرف اتصلت في فيفا يقولون لازم تشتركين بالخدمه ؟؟

مالها شغل الخدمه بالمالتي ميديا

دقي عالشركه قوليلهم ابي افعل خدمه الام ام اس حق الكيرف

واهمه يفعلونها

 

[روح كويتيه]

بنااات اشلوون اشترك بالخدمه انا وطنيه وبلاك بيريي كيرف تكفوون ردوا علي

حطي رصيد ب 13 دينار
وطرشي مسج حق 1500

مكتوب فيه SUB Monthly


وراح تشتغل معاج الخدمه

 

[][ sarah ][]

بنات انا عندي بلاك بيري , وجربت حطيت فيه خط الايقو وشبك بالنت
بس انا ابي اشغل خدمه البلاك بيري , ومتوهقه بالايقو احس محتاجتهم اثنينهم بس بنفس الوقت لو شغلت الخدمه وعندي الايقو ماراح اشبك بالاثنين وايد , فحرام مايسوى ادفع من الصوبين عالفاضي

ابي اقترااااااااااح !! , تتوقعون مثل ماشبك خط الايقو بتلفوني , يصير لو اشغل الخدمه بخطي العادي , واحطه بالايقو يشبك !!

صراحه ماادري شسوي

 

[][ sarah ][]

اي وبنات تذكرت شي
اذا شبكت من البلاك بيري , راح يكون نفس الكمبيوتر ان يصير فيه فايروسات وهكرز والا عادي ؟؟

يعني صوري وهالسوالف

 

[روح كويتيه]

اذا انتي من النوع اللي يستخدم النت لفتره طويله ما انصحج تلغين الايقو لانه الفون انج تجابلينه وايد ممتعب للعين خصوصا مع صغر حجم الشاشه



تقدرين تخلين خدمه البي بي عن طريق تعبئه اكسبرس ( الوطنيه )

تحطين رصيد ب 13

وتطرشين مسج

SUB Monthly

ل 1500


اشوفه من الالتزام الشهري بعقد لخط الفواتير




وبالنسبه لاستفسارج الثاني

سمعت يقولون انه ممكن التهكير على الجهاز بس مو متاكده

 

[][ sarah ][]

روح كويتيه تسلمين ياقلبييي على الجواااب

انا وايد اجابل النت بس هالفتره مقلله حيييل عشان جذي متردده
وانا اساسا بسوي الخدمه عن طريق التعبئه وبسويها بس عشان مسنجر البلاك بيري والمشكله بس بضيف وحده , احس حده مايسوى :\
فقلت يمكن اضيف قروبات وجذي بس خايفه من سالفه الفيروسات والهكرز :\

 

[روح كويتيه]

مو شرط قروبات ماتعرفينهم

اهني البنات اللي بالتجمع تقدرين تضيفينهم

بنات والنعم فيهم وبالاول بتقولين وحده عقي بتللاقين فونج امتلى

فكري وقرري ولو خذيتيه حياج الله معانا وانا اول وحده بضيفج

 

[امونه_الحلوه]

هاي بنات عندي استفسار حق البلاك بيري
انا فواتير وطنية شنو الي ببلاش؟يعني لما احد يدزلي اغنية او برنامج بالمسنجر لايف لي مسنجري ببلاش؟
ولما احد يدزلي بالبي بي ام موقع فيه فيديو دوان لود ينحسب؟

 

[روح كويتيه]

اتصلي على الشركه يعطونج
بالضبط جك الجيجا وكل شي يسمح لج تسوينه

احسن لك تكونين متأكده

 

[jod.q8]

بنات والله شجعتوني بس وشلون اعرف الاصلي من التقلييد لان ريلي يقول ان الايفون مرات يحطوون قطع الغيار اللي فيه مو اصليه ويبيعونه

وشنو احسن نوع

حبيبتي روحي لـ الكتروزان عندهم مفتوح رسمي ,

بس شوفي علبة الفون في كلمه مثل شركة [ at&t ] هذا مقفول و بعد من داخل الجهاز يكون رقم اتعرفين منه مقفول او مفتوح ,

بس انا متأكده الي عند الكتروزان مفتوح رسمي على كل شبكات

​

 

[jod.q8]

--------------------------------------------------------------------------------

السلااااااااااااااام بنات انا توني شاريه ايفوون من اسبوعين تقريبا ..
بس ماضفت ولا برنامج
حدي عليميه واخاف اجيب العيد فيه واخربه لانه يقولولي انه حساااس وبسرعه يقفل فخاااايفه وانا عليميه مو ذااك الزود مع البرامج وهالسوااالف ...

بس ابي تعطوني رقم محل او رقم راعي تليفونات اوديه له ويضبطلياه ويحطلي البرااامج كلها بس ابي محل ثقه ..
وياليت يكون قريب من المنطقه العاااشره ...

وعليكم السلام , بالاول تأكدي مقفول او مفتوح رسمي !!

اذا مقفول قولي لهم هذا مقفول لانه احتمال يقفل الجهاز بالمره و ما يرد يفتح نهائيا ,

و اذا مفتوح رسمي لا ينزلون برنامج سيديا على الايفون [ الكفاله اتروح عليج ]

بس انا اقول لج سوي لج حساب بالايتونز و نزلي الي تبينه احسن لج ​

 

[fo0ofo0o]

بنات اننا عندي بلاك بيري كيرف 8900 امس نزلت برنامج whats app و اشتغل كل شي اوكي معاي بس من لقافتي مسحته بلغلط و الحين ابي انزله مره ثانيه مو عارفه
الlink اللي نزلته منه مادري شفي يا مصكرينه يا شي بتلفووني
وانا قبل ما ارد انزله سكرت موبايلي و طلعت البطاريه و رديت شغلته بس هم ما ظبطت
ساعدوني ابي لنك متأكدين منه حتى لو البرنامج فيه مو free عادي اشتريه
مشكورين..

 

[Q6eeWooH]

منو عندها 9700 البولد اليديد؟؟
اشرايكم اخذ اليديد ولا القديم ؟؟ بليز ساعدووووووووووووني

 

[آلسحرآلحلال]

بنات ممكن سؤال ...


شرايكم بالـ bb من غير الخدمة ... يعني ودي استخدمة كأي موبايل عادي حاله حال نوكيا ..؟؟

لاني مو مهتمة بالخدمة .. بس عاجبني شكل الجهاز من برة ....

يعني استخدام البلاك بيري سهل ؟ وكتابة المسج فية شلون طريقتة سهلة ولا معقد مثل سوني ؟؟

 

[Deep FeeLing]

السحر الحلال الخدمه عجييييييييييييييييييييييييييييييييبه


صج راح تستانسين





ابي اشلون اطرش شي حق كل الي بالمسن عندي مره وحده



و



وطرشت نوت كلام مكتوب على صفحه من لابتوبي مو عارفه وين الاقيه

 

[lady angel]

بنااات شلوونكم ؟!

انا ابي اسافر لسبوع الياي وابياشغل الخدمه
والخدمه اللي مشتركه فيها مالت الوطنيه جم تحسب برا الكويت ضرووري تكفوون جاوبوني ؟!

واذا كنت بشغلها بخط من الامارات شلون الطريقه اللي عارفه تفيدني ما عليكم امر ومشكورين :*