※يا أهل الحضانات:ليش تحطون الشمس بيد و القمر بيد/وعقب يصير شي ثاني؟

[++MesK++]

سلام عليكم حبايبي شخباركم




لاحظت الحضانات لما تروحين بتشوفين الحضانه تحطلج الشمس بيد و القمر بيد


تقولج:

عندنا كاميرات بكل زوايا الحضانه


صاحبة الحضانه موجوده24ساعه

مراقبه و حرص من صاحبة الحضانه و المشرفات


نظافة الاكل و الحمامات

منهج قوي انجليزي بريطاني فرنسي و تحطلج كل لغات العالم اللي تعرفينها و اللي ما تعرفينها

ابلات من كل دول اوروبا

وجبات الاطفال صحيه و مفيده






و بس تدفعين فلوس الاشتراك تشوفين شي ثاني!


لا مراقبه و لاحرص


صاحبة الحضانه ما تنشاف


الابلات من مصؤ و سوريه مع احترامنا لكل الجنسيات بس ليش الجذب


الاكل توست و جبنو حليب و مالهم شغل ياكل ما ياكل عادي


اذا ييتي بتشوفين ولدج بالكلاس تقولج ممنوع!ولدي بتطمن عليه ليش دافعه فلوس!عشان تحطونه بغرفه و تخلون اليهال يطقون بعض و تشغلون لهم اغاني!



تقولي الكتب تستلمونها كل خميس عشان تشوفين ولدج و مستواه…صارلي3 اسابيع ما شفت لا كتب و لا شي


اقولها 3اسابيع شتسون جان تقول مراجعه بس ما استعملنا الكتب!!مراجعه للاشياء اللي الطفل يعرفها!


12 كتاب حق الياهل! حشا ماجستير مو حضانه

بلع فلوس و بس


ليش جذي ودي افهم

احنا نحط عيالنا بحضانه نبيهم يستفيدون نبيهم يتطورون نبي ننمي مواهبهم


مو نقط فلوسنا و نشيل الياهل من فراشه كل يوم الصبح عشان اخر شي يروح يسمع اغاني i love u / a b c d

هذا رايي

و انتو اشرايكم؟؟

ال

 

[أبله أريج]

ما جربت للحين

 

[PuPa^^SWeeT]

انا صراحة ادور بالحضانات شغلتين


انمي النواحي الاجتماعية لبنتي و اشوف تفاعلها مع الاطفال و مشاركة الالعاب



و انها باماان بالحضانة



ولا تحت رحمة الخدم

 

[PuPa^^SWeeT]

انا النواحي التعليمية انا اعلمها لين صارت بالابتدائي


هذا المفروض بدولتنا احنا


انه الطفل بعمر 3 سنين بحضانة سيدة يدرس


يقعد بالبيت ابركله والله يكسر خاطري

 

[!الجادل الصعب!]

الله يعين .. خصوصا الاسعار طاقه بالعالي وندفعها عشان نحصل مستوى زين للطفل ..


نطري هالكورس يخلص وشوفي شنو الايجابيات واسلبيات والله ييسر الامور

 

[ام اغلى الناس]

اختي هذي اي حضانه؟
انا هاليومين باروح اشوف الورود الصغيره ب اشبيليا
شفتيها؟

واهم شي عندي يكون ب امان ومستانس
لاحقين عالدراسه بالروضه ان شاء. الله

 

[++MesK++]

الجادل الصعب انا ان شاءالله بخلي وولدي مؤقت بس هالكورس و ان شاءالله بغير حضانته الكورس الياي


بوبا سويت والله يا اختي ابتلشنا!يعني ندفع فلوس و نشلععيالنا من فراشهم الصبح يالحر عشان تكون النتيجه جذي؟



ام اغلى الناس حضانة ميني سكول بعبدالله مبارك

الياهل الواحد12 كتاب!ليش شصاير؟

تقول كل خميس تستلمون الكتب عشان تشوفين مستوى ولدج و صارلهم 3 اسابيع ما شفنا شي!

اقولها وين الكتب تقول ما ابتدينا بالكتب!

اقولها 3 اسابيع شنو يسوون؟تقول مراجعه للاشياء اللي الطفل عارفها من اول!

يعني انا مدخلته حضانتكم عشان تعطونه اﻷي اهو عارفه؟!

الوجبات من عندنا و طبعا ولا مره رجعت جنطة ولدي فيها شي!كله فاضيه

و انا عارفه ولدي ما ياكل اكله كله

 

[dantella]

قلتي كل الي بقلبي

 

[دلال و غلا]

بعرف سالفة اذا بشوف بنتي او ولدي بالحضانه ويقولون ممنوع لييييييش
شنو السبب الصراحه الحضانه اللي تقول ممنوع تشوفون عيالكم اخليها وادور غيرها لان اشك فيييهم و ما اتطمن كلش
و من صجهم يجذبون اشكره و يقولون المدرسات من اجنبيات و بعدين يطلعون عربيات لييش الجذب ما لها دااعي هالسالفه 

احترييييييت الله يعينج مسك والله شي يبط الجبد

 

[++MesK++]

عذرهم ان اذا اليهال شافو الام راح يبجون و تصير فوضى بالصف

و اذا سمحنا لولية امر انها تشوف ولدها كل اولياء الامور يبون يشوفون عيالهم

 

[كويتيه مذهله 87]

حبيبتي اذا مو مرتاحه طلعي ولدج من الحضانه واذا يصير سحبي الفلوووس

اي شي وين قاعدين هي من اسمها حضانه شنو اغاني ما اغاني غلط الياهل يتعلم علي هالاشياااء

 

[++MesK++]

مذهله اقصد اغاني الاطفال اللي بكل الحضانات مثلabcd

I love u

Twinkle twinkle


انا مو مرتاحه من سالفة برودهم 3 اسابيع ما ابتدو دراسه بالكتب


و الياهل 12 كتاب اشدعوه

 

[om MaRyooM]

موكل الحضانات

انا بنتي في حضانة ثنائية اللغة بالرميثية ق4
واي اتعب وامدحهم والله العظيم
والابلات يهبلون وبنتي تحبهم
هذي 2سنة معاهم

وبالعافية عليهم كل فلس ياخذونه
غير تحفيظ القران .. والاناشيد .. واغاني انجليزية تعليمية ورحلاات

اما باجي الحضانات لما افتريت كلش ماارتحت .. ويقولون 1000 ومادري جم !! شدعواااا

 

[++MesK++]

أم مريوم شسم الحضانه بليز

 

[مشتطـه]

خخخخخخخ قالت لج اسمها حضانة ثنائية اللغة بالرميثية ق4


-
-
-

انا اخاف الصاحه من الحضانات ولو افكر احط ولدي ما احطه الا لما اتأكد واشوف بعيني واسأل عن الحضانه
مستحيل من مرة احكم


شلون قالولج كل هالحجي وما شفتي بعينج

يعني لو انا منج اشوف اول يومين دراسه شنو نظام الحضانه
انطر امهات اليهال واسأل وحده وحده

مو بس اوديه وانا مادري


انزين بنات بجم الحضانات الثقه بالكورس

 

[++MesK++]

فووووق

 

[برنسيسة2007]

حبيبتي انا ماخذه دورات بهلخصوص نصيحه
الطفل قبل سن ال6
لاتعلمونه الليغات والقراءه والكتابه
الدكتور اللي معطينا الدوره ينصح ان تحت سن ال6 تعطين كم هائل من الالعاب بحيث يستخدم كل حواسه بذكاء ولاتحفظينه شي
والسبب ان التعليم قبل ال6 يضعف ذاكرة الطفل وماينمي الذكاء عنده بالعكس يدمره
ولاباس انج اتنمين الجانب الاجتماعي

وموفقين

 

[ام رينـاد]

انا مدخله بنتي في حضانة الشمس الشارقه التابعه للمدرسه البريطانيه بسلوى

ماشالله حدها زوغه ..وحلال عليهم كل فلس

تعليم واهتمام بالياهل والمعلمات بريطانيات وتوب بالانجليزي

والحمدالله مرتاحه لها

 

[misspurple]

اي والله صاجة يا صاحبة الموضوع انا كنت مدخلة ولدي حضانة الرسالة وسحبته حسبي الله عليهم قاطين اليهال ولا يدرون عنهم باقل من شهر واحد جم مرة تشمخ وعض بين اليهال
مصارعة مو حضانة واذا قلت وين المشرفة ولا الابلة تقول غايبة او تقول ما شفت!!!

 

[فـراوله]

بــلاوي هالحضانات بس لا بد في كم وحده زينه

اشرايكم بحضانه بروي ستار ؟ بعبدالله مبارك

اهي أكثر وحده بالي حاليا


​