₪۩ ۞مشترياتي مشترياتي مشترياتي۞ ۩₪

[أحترت أعبر]

السلام عليكم كويتيات ...
وشلونكم ... وشخباركم
طبعا اليوم نزل عندنا كوليكشن ماك الجديد وانا ما كذبت خبر استأذنت ورحت السيتي سنتر أطخ البلاشر اللي شفته بموقعهم من ضمن الكوليكشن ...وهم خذيت لي كم غرض كانو ناقصيني المهم نبتدي بحبيب الكل ماك

أول شي خذيت هالشنطه من الكوليكشن اللي قبل الخير فيها 3 فرش وحده للكونسيلر ووحده للفونديشن ووحده للبودره , وخذيت من نفس الكوليكشن باليت الشدو اللي على اليمين , شدو برتقالي بطوبي واللي بعده هذا بلاشر من الكولكشن الجديد لونه بنفسجي فاتح يهبل , وخذيت قطرة ماك للبشره واخر شي القلوس اللي تحت من كوليكشن ليدي غاغا لونه صاير بيج بذهبي طبعا بخلطه مع حمره برتقاليه او بطيخيه ...
ثاني شي مريت صيدلية بوتس ...وهاذي الحصيله

من اليمين .. فيتامين E للبشره ومن N7 خذيت هالانبوبه تنحط على خطوط الوجه لاخفائها , اللي بعده مسكرة برجواه اكسترا بلاك احبها وهاذي ثاني مره اخذها ,وهالبودره من برجواه ملمسها مخملي وعلى البشره وايد حلوه واللي تحت ثلاث اصباغ للاضافر من برجواه ...الوانهم رووووعه

والحين طلعت من السيتي ورحت مجمع دي سنتر , عندهم ماركة مكياج فضيعه هناك ...جربت شدواتهم وحمرهم وقلوساتهم وطبعا اصباغ الاظافر من عندهم ...روووعه واسعارها ولا احلى
وهاذي الحصيله

طبعا طخيت لي كم لون اظافر وعلى فكره شوفو اول لون من اليمين ترا نفسه موجود بكوليكشن ماك الجديد والجوده مقاربه لماك مع فرق السعر طبعا ...وخذيت قلوسين وهالشدو البني استعمله للحواجب وهاذي ثاني مره اخذ منه وللاسف ماكو الا حبه وحده , بس سويت اوردر ثلاث حبات بس يوصلون باخذهم , وايد حبيت حواجبي وعندي احسن من تاتو فور ايفر ...لان فورايفر يخليهم يبانون مو طبيعيين لكن هالشدو على رخصه لكن شكل الحواجب ولونهم وايد طبيعي وذرب ..الشدو الدائري لونه عجبني وجودته ممتازه , لون واضح وثبات ولا اروع

وسلامتكم ...ادعو (لاموووولتي ) تتوفق بامتحانتها وادعو لي ييسر نقلي للسكن الجديد بعد الامتحانات ان شاء الله ...​

 

[وافرر]

تتهنين فيهم انشاءالله حلوين اغراضج عليج بالعافية

 

[وردة-الكويت]

عليج بلعافيه والله يوفقج يارب

 

[(توته مربربه)]

بالعافيه عليج ياقلبي تتهنين فيهم
بغيت اسالج البودره مالت بورجوا جربتيها ولا للحين ولونها بيج فاتح ولا برونز وغامجه​

 

[Mrs_Orchidia]

ماشاءالله عليج بالعافية حبيبتي

و الله يوفقكم و ييسر لكم اموركم ان شاءالله

 

[Timo*]

ماشاء الله تتهنين فيهم
خقيت عند المناكير وشدو ماك المشمشي مو طبيعي يهبل

 

[Sweet Face]

تتهنين بمشترياتك وتخلصينهم بالعافية
ممكن تكتبين لي اسم ماركة المناكير والشدو لأنها مش واضحة .
بالتوفيق لبنتك ومبروك البيت الجديد

 

[هزني الشوق؟]

مشترياتج روعه تتهنين فيها

والله يوفقج

 

[احلام وردة]

امممممم جنش بحرينية الانة عندنا ذه سنتر
لوسمحتي شنو الماركة الحلوة واللرخيصة عجبتني

 

[قاهره عذالي]

الله يوفق امولتج بالامتحانات ويجعل سكنكم الجديد سكن الراحه والسعاده
وتتهنين باغراضج
عليج بالعافيه
اللي عجبني منهم هو بلاشر البنفسجي من ماك
وباليت الشدو الازرق والشدو البرتقالي بطوبي احسن لونه راقي

 

[كويتيه احب الكشخه]

عليج بالعافيه

 

[SO PRETTY]

ط¹ظ„ظٹط¬ ط¨ط§ظ„ط¹ط§ظپظٹظ‡ ط*ط¨ظٹط¨طھظٹ

 

[الأميرة جوري]

عليج بالعافيه

 

[OM-TURKY]

تتهنيــــــــــــــــــن يــــــــــــــــــــــــــارب​

 

[منبــع إحســاس]

تتهنين فيهم

 

[PINKIA_STYLE]

عليج بالعااافيه

 

[كادي_كادي]

عليج بالعافيه وايد حلوين​

 

[بنت الاحلام]

تخلصينهم بالعافيه حبيبتي

 

[al7lwa` `]

عليييييييييييج بلعاافيه

 

[أحترت أعبر]

وافرر ... الله يعافيج حبابه , مشكوره

وردة-الكويت ...مشكوره حبيبتي

(توته مربربه)... حبي البودره اللي اخذتها لونها بيج واتذكر كان فيه 4 درجات منها وفي افتح من
البيج واغمج , بس تراها بوده عاديه تنحط بدون اساس لان ملمسها مخملي وايد حلوه وتغطي , بس ما في منها بودره برونز ...
mrs-Orchidia ... مشكوره أختي وربي يعافيج


*Timo... غرامي المناكير يا اختي ,, الشدو البطيخي لونه عجبني وما عندي نفس الدرجه واسمه Red Brick

Sweet face ...المناكير اسم ماركته jordana ,والشدو Eveline
والله يبارك بحياتج مشكوره حبابه
​