™*•.¸¸.™قـــ Tulipsـــــوزي على أصوله™.¸¸.•*™

[Tulips]

مشرفة القسم ( جارة القمر )



قــــ بــنـات ــــــوة​

هذه اول مرة أشارك بموضوع في قسم الطبخ و إن شاء الله تعجبكم المشاركة
الأسبوع اللي طاف كان دور زوجي في المخيم أنه يسوى عشى فطلب مني
اسويله قوزي وكان عبارة عن ( ضلوع و يد وفخذ) يعني تقريبا نص خروف

طبعا أنا مضبطتكم صورتلكم الخطوات أول بأول علشان
اللي تبي تكشخ جدام ريلها نطبق الخطوات


الطريقة :

أول شي طبعا نغسل اللحم وننقعه في جدر فيها ماي وبصل وثوم
(علشان نتخلص من الزفرة والدم )

بعد ساعة نغسل اللحم مرة ثانية بالماي ونركب الجدر على الجولة ونحط اللحم داخل الجدر​

ونشغل الجولة وننطر ليمن تطلع الزفرة من اللحم ونشيلها

هني بلشت الزفرة تطلع ​

هني خلاص طلعت ونبلش نشيلها

بعدين نضيف البصل ( البصلة الوحده نقصها 4 قطع )​

بعدين نضيف البهارات و قطع الطماط والجزر (وإذا عندج كوسه قصيها قطع كبار وضيفيها)
البهارات عبارة عن ( بهار مشكل وبهار لحم وورق غار وهيل و دارسين وكركم)​

راح يصير جذيه شكله بعد البهارات والإضافات

الحين نخلي النار متوسطة مو حيل عالية ونترك اللحم لمده ساعتين يطبخ ( الملح نضيفه بآخر نص ساعه)​

قبل لا يستوي اللحم بساعه نغسل العيش ونقعه بماي

بليز بنات لا تردون علشان بكمل
يتبع ...​

​

 

[Tulips]

رديـــــنا

على ما يستوي اللحم بنسوي المرق والحشو ​

طبعا أنا سويت مرق بامية (من غير لحم )

أول شي نحط زيت بالجدر ونضيف له 5 فصوص ثوم مهروسه (ما نخلي الثوم يحترق)

وبعدين نضيف الطماط ( شرايح او تبين تحطينه بالخلاط وتهرسينه على راحتج)

لمى يذوب الطماط نضيف له علبة معجون طماط ( تقريبا 4 ملاعق طعام)

بعدين نضيفله ماي (من ماي اللحم ) و نضيف البامية وحبة لومي ونتبله بالملح

أنا استعملت بامية الأهرام المثلجه

بعد ساعة راح يكون شكله جذيه

الحين صار دور الحشو

نحتاج حمص وكشمش وصنوبر وبصل مقطع مكعبات متوسطة

طبعا الحمص ننقعه بماي حار نص ساعه بعدين نفوحه (نسلقه) ليمن يستوي

والكشمش نفوحه على النار لمده نص ساعة ليمن يصير جذيه

نحط البصل على النار (متوسطة) ليمن يذبل بعدين نضيف الكشمش

وكل ما كان البصل وايد كل ما طلعت الحشوة احلى

لمى يتحمر الكشمش نضيف الحمص المسلوق

ونقلب وفي النهاية نضيف هيل مطحون وشوي بهار مشكل و ملح والصنوبر ( انا حمصته على جنب )

الشكل النهائي للحشو

 

[Tulips]

الجزء النهائي ​

بعد ما تمر ساعتين نطلع اللحم ونحطه في صينية الفرن

ونضيفله تتبيله عبارة ( ماي اللحم وصفار الزعفران وملح ليمون وليمونة وملح )
علشان ندخله الفرن علشان يتحمر

ندخلهم الفرن علشان يتحمرون ( الفرن من تحت اخف شي ومن فوق متوسط )


الحين صار دور العيش

بعد ما نقعناه ساعة هذا شكله بعد ساعه

ننظف ماي اللحم من البصل والطماط والجزر علشان نسوي العيش بالمشخال

وهذا شكل البصل والطماط والجزر

بعد ما نظفنا ماي اللحم نضيف الهيل وورق الغار والمسمار والشعيرية المحمصة

ملاحظه : نضيف الشعيرية قبل العيش علشان تحلق تستوي لأن العيش منقوع وبسرعه راح يستوي
فإذا حطينه العيش مع الشعيرية بنفس الوقت ماراح تلحق الشعيرية تستوي عدل

هذا شكله المرق

وبعد ما حطينا العيش

لازم يكون مستوى الماي اكثر شوي من العيش نفس جذيه

لاحظو الدهن مال اللحم على اطراف الجدر هذا راح يغنيني عن اضافة الكثير من الزيت للعيش

هني بعد ما بلش ينشف ماي العيش اضيف بودرة الزعفران

واضيف له ملعقة سمن لورباك

بعدين اهدي النار على العيش علشان يتخدر على راحته تقريبا ثلث ساعة

وأكون مجهز طماط شرايح وليمون وفلفل اخضر علشان الزينة

يتبع الشكل النهائي ​

 

[Tulips]

قولو ماشاء الله

وعلى جنب

وبالعافية ان شاء الله يعجبكم طبخي :eh_s(9):


ولا تنسون تقيموني :eh_s(22)::eh_s(7):​

​

 

[BoxCouture]

رد : ™*•.¸¸.™قـــ Tulipsـــــوزي على أصوله™.¸¸.•*™

واااااااو شي مو طبيعي

الطبخه حدها تشوووووق

يعطيييج الف الف عافيه

مداخيل العافيه ان شاءالله


وان شاءالله انسويها الاسبوع الياي ونورييج

 

[al-musk]

ماشاء الله عليج عاد غرامي الضلوع

 

[جارة القمر]

Tulips


مشكووووووووووووووووووووووووره




وتسلم ايدج





بس الصور مو طالعه

 

[Tulips]

مادري الصور طالعه عندي !!

 

[فـدوه]

وييين الصور

 

[كويتية وكيفي]

مااكووووو صووووووووووووور

بس تسلم ايديج يالغالية

 

[::كيك وعسل::]

الصور وين ؟؟؟

 

[Tulips]

وييي

يالله اللحين بحملهم مره ثانيه :|

 

[جارة القمر]

تم تعديل الصور



وتسلم ايدج حبيبتي

 

[حلوة ومملوحة الكويت]

تسلم الايااادي
يشووووق
مشكوووره،،​

 

[Australia girl]

ماشالله ماشالله روعه الله يحرسج

 

[أحلى همبه كويتية]

ما شاء الله تبارك الرحمن

عجيييييييييييييييييييب
تسلم الأيادي اللي اطبخت وزينت
وعليهم بالعافية اللي كلوا

بيضتي الويه حبيبتي وما قصرتي

 

[أحلى همبه كويتية]

الحشو
ما تحطين معاه لومي اسود ناعم
يصير حلوووووووووو ؟؟

 

[قمر الكويتية]

جزاك الله خير ،،، تسلم إيدك

 

[sondos]

تبارك الرحمن ,,,,,,,,,,,,,,تسلم ايديااتج

 

[ضحكة الدنيا]

تسلم ايدج
شغل عدل
يعطيك العافيه