▀▄هالشخصية بعدوا عنها خير شر،، لايجيكم منها عوار راس ▀▄

[نهى الأحمد]

السلام عليكم


شلونكم حبيباتي

عساكم بخير


وتقبل الله طاعتكم وكل عام وانتم بخير




هالموضوع في بالي من فترة ودي اتكلم عنه




عن الشخصية الشكّاكـــــه


ولها تعريف ثاني ( سيء الظن)



شخصية ينخاف منها وممكن يجينا منها عوار راس ودمار قلب


عسى ربي يكافينا واياكم شر هالشخصية ويبعدنا عنها


يشك في كل شي حواليه

واهو الصح والناس اللي غلط


واهو انسان يفتقر لشي اسمه الثقة



وترا البعد عنه غنيمة



والتعامل معاه لازم يكون بحرص شديد حتى ما تأثر علينا شكوكه وتصرفاته



وتكون فيه سياسة معينة للحديث معاه



صعب جدا ان تشعر ان اقرب الناس اليك يشك بك !!!!
ليس خيانه
لكن مجرد سوء ظنه بك !





لو صادفتوا في حياتكم مثل هالشخصية الشكاكه ،،شلون تتعاملون معاهم؟



وهل صار معاكم موقف مع هالشخصية ،، وشنو كانت النتيجة ؟؟





بانتظار آراؤكم العطره اللي ممكن تفيد الكل



بقلمي الخاص

أختكم

نهى الأحمد

 

[تحت ظلك]

لو صادفتوا في حياتكم مثل هالشخصية الشكاكه ،،شلون تتعاملون معاهم؟

والله مدري شلون أتعامل معاهم بس أحيانا أقلبها عناد مع هالشخصية لأن مهما صرتي قدامهم أفضل شئ الا أنهم يفكرون أنج أسوء شي ويعذبونج معاهم,فالضعف ماينفع مع هالشخصيه لازم مواجهه قويه ..

وهل صار معاكم موقف مع هالشخصية ،، وشنو كانت النتيجة ؟؟

أيه لي مواقف صرت محل شكهم وظنونهم السيئة , فصرت من كثر مااعرفهم قبل يبدون يقولون الي عندهم أقولهم شنو توقعوا وليش توقعوا هالتوقع , يعني واجه الصراخ بصراخ تسلم, والنتيجة مرة أتعب جد من التعامل مع هالأشكال ومرة أعرف أخلص نفسي من تفكيرهم .


مشكورة نهى ع الموضوع.

 

[ŦSЩД3УФИУ]

وعليكم السلاام
شوفي هو لابد للانسان ان يصادف
مثل هالنوعيات من الناس ، بس لازم يتعامل معاهم
بحدوود ، يعني مايحتك معاهم حيل ، لانهم مصيبة
بالنسبة للموااقف ماذكر والله ، بس قليل اتعرضلها الحمدلله
و شكرراً عالموضوع الحلوو و المفييد



​

 

[شادن33]

نهوووي اظن هذولا فيهم مرض نفسي وعدم ثقه مساكين
والحمدلله ماصادفت هالنوعيه
والله يبعدهم عنا وعنكم

 

[PuPa^^SWeeT]

هذي الشخصية


فعلا اتكووون عديمة الثقة بذاتها



بحيث تسسقط عدم احساسها باللامان على الاخرين


بالشك و الارتياب بتصرفاتهم و نواياهم





لذلك ارتأيي فعلا الابتعاد عن هذي الشخصية

 

[Tom ♥ Jerry]

,


فعلا شخصيه لا تطاق
و الله يكون في عون الي ريلها شكاك أو الي مرته شكاكه .!
هاذا اصلا يعتبر مرض نفسي
و لازم يتعالج أول بأول عشان مآ يتطور :*

مثل مرزوق الي بمسلسل زواره خميس
من كثر الشك صار فيه مرض MS

 

[Combat]

مشكله الشخصية الشكاكة وخصوصاً لوكان قريب بالدرجة الاولى
مشكلة

الحل الي اتخذة معاهم للاسف مالقيت حل لاني اتعصب واتنرفز واقلب الدنياهوشة وصراخ يستفزني الشكاك:eh_s(14):
اكرهه واكره نفسي
والطرف الاخر يحاول يهديني ويعتذر

ولمن اهدى واروق وينتهي الموضوع
يرد يعيد السؤال المستفز مرة ثانية بلطف :eh_s(16):

شالحل معاهم بلله وخصوصاً انهم غالين وعزيزين على قلبي وايد وايد
بس لولا هالخصلة الشينة فيهم الله يهديهم يارب

 

[دلوعة أبوهآ]

انا اعتبر الشك هذآ بحد ذاته مرض نفسي ولآزم له علآج نفسآني ...
لانها وسوسه شيطآنيه وافكار غير موجوده اصلاً ..


الله يعين ويشافي كل شخص مريض بهالطبع السيء ..
ويبعدهم عنآ ..

,

 

[ميما الاموره]

موضوع جميل​

 

[ديانا سبنسر]

أشوف. الشخصية اللي جذي. ماتسي الظن إلا لما تفقد الثقة. بالشخص اللي تعامل معاه هني. تشك وتظن فيه لانها فقدت مصداقيته

 

[$ بنت علمي $]

موضوعج يهبل كالعاده متميززززه


ماصادفتني شخصيه شكاكه

والله يبعدني عن هالشخصيه


وحتى الشخصيه المنافقه اللي تمدحج وانتي عندها وتذمج من وراج



والشخصيه الجذابه اكرررررررررررررره هالشخصيه جذب ونفاق

يعطيج العافيهه

 

[manoooram]

اختي ديانا سبنسر أبدت نقطه مهمه
ان الانسان الشكاك ما ابتدى يشك بمن حوله الا لمن فقد مصداقية التعامل مع اللي جدامه
اما لأنه خانه أو استغفله أو أو .. لأسباب أدت لعدم منح هذه الثقه وتصديق اللي حواليه
اما اذا من دون أسباب يشك وبس فهني تكمن المشكله الحقيقيه فتحتاج لعلاج نفسي
والأسلم هو الابتعاد عن هذه الشخصية أو أن تكون العلاقه سطحية

 

[حلمي الأمومة]

واجهت مثل هالشخصيه ومتعب جدا جدا التعامل مع هالشخصيه

لازم اكون حريصه ومنتبهه لكلامي وأركز ع كل حرف


لان ممكن تفهم هالشخصيه الموضوع غلط
وتنعفس الدنيا ههههه

 

[قمرية الفيس]

الله يصلح الحال

 

[Patcholli]

امبيه نهى والله العظيم اني اول ماقريت العنوان قلت لا يكون نهى تقصد هالشخصيه لاني حاليا متازمه بسبب وحده الله لا يسامحها اساءت الظن فيني وصدقت الججذبه وانشرتها لا وقامت اتطرشلي مسجات سب ..!! واهي ماشافت مني الا كل خير بس تقول انا ادري ان ظاهرج حسن وباطنج سيء ..!!
انزين ليش شنو شفتي مني شسويلتج ..!! عطيني مثال عطيني سالفه عطيني كلمه طلعت مني واذيتج فيها ماعندها شي بس تقول نيتج ..!!
تدرين انا شنو افسر هالشخصيه مو بس انها سيئة الظن اهي انسانه حقوده مريضه نفسياً تتخيل وتحقد وتصدق وتعيش الوهم ..!!
الله يعينهم عن نفسهم انا يا نهى قررت اقااااااااااااطع هالانسانه لان مو اول ولا ثاني ولا عاشر مره تضرني بهالطريقه
بس خلاص سامحت وساحمت وسامحت سنين وانا اسامح واقول قريبتي وتصيرلي بس خلاص لي متى الواحد يأذي روحه ويا هالناس والله بقاطعهم ومايشوفون شر ليش اعرض روحي للاذى بسببها انا صج نفسيتي تتعب واتظايق واظل مده طويله مهمومه وبس ابجي بسبب هالاجناس اللي ماتخاف الله ..

 

[(كويتيه عسل)]

ايه صادفت

عايله بكبرها شكاكه ولا يخافون ربهم ولدهم مريض وكلايجذب ويدرون

ان جذاب ويصدقون جذبته وبنت الناس اللي ظلمها شينه وولدهم الملاك

وكل الناس شينين الا ولدهم ملاك وبرئ

حسبي الله عليهم

 

[الزورق222]

لو صادفتوا في حياتكم مثل هالشخصية الشكاكه ،،شلون تتعاملون معاهم؟

نوع من انواع المرض النفسي احاول ابتعد عنهم اخاف يعدونى بمرضهم ..

وهل صار معاكم موقف مع هالشخصية ،، وشنو كانت النتيجة ؟؟
ماادرى والله اللى يشك فينى كيفه المهم انى واثقة من نفسى وهذا هو المهم ..
لكن مااحب الناس اللى تظن وتشك بافعال الغير .

 

[MEMA∞]

امبيه نهى والله العظيم اني اول ماقريت العنوان قلت لا يكون نهى تقصد هالشخصيه لاني حاليا متازمه بسبب وحده الله لا يسامحها اساءت الظن فيني وصدقت الججذبه وانشرتها لا وقامت اتطرشلي مسجات سب ..!! واهي ماشافت مني الا كل خير بس تقول انا ادري ان ظاهرج حسن وباطنج سيء ..!!
انزين ليش شنو شفتي مني شسويلتج ..!! عطيني مثال عطيني سالفه عطيني كلمه طلعت مني واذيتج فيها ماعندها شي بس تقول نيتج ..!!
تدرين انا شنو افسر هالشخصيه مو بس انها سيئة الظن اهي انسانه حقوده مريضه نفسياً تتخيل وتحقد وتصدق وتعيش الوهم ..!!
الله يعينهم عن نفسهم انا يا نهى قررت اقااااااااااااطع هالانسانه لان مو اول ولا ثاني ولا عاشر مره تضرني بهالطريقه
بس خلاص سامحت وساحمت وسامحت سنين وانا اسامح واقول قريبتي وتصيرلي بس خلاص لي متى الواحد يأذي روحه ويا هالناس والله بقاطعهم ومايشوفون شر ليش اعرض روحي للاذى بسببها انا صج نفسيتي تتعب واتظايق واظل مده طويله مهمومه وبس ابجي بسبب هالاجناس اللي ماتخاف الله ..

اي والله صدقتي .. طلعتي الي بداخلي
وانتي مثل حالتي وحده من قرايبي جذي ..
الله يعين بس ​

​

 

[قمر بيت أبوها]

لو صادفتوا في حياتكم مثل هالشخصية الشكاكه ،،شلون تتعاملون معاهم؟
كنت احاول افهم شكه من اي ناحيه يمكن صدر مني موقف هم فهموه غلط بس بالاخير وبعد سنوات اكتشفت انهم مرضى عقلين مو نفسين لان المريض النفسي ياذي نفسه مو الناس ومن جهه مافي حل معاهم تكلمت وتناقشت معاهم بالمنطق ولا بالعاطفه ولا بالصراخ
نفس النتيجه فالانسحاب اهم بهالعلاقه

وهل صار معاكم موقف مع هالشخصية ،، وشنو كانت النتيجة ؟؟
مواقف كثيره وبعدة ظروف ولا نتيجه حسنه منهم تذ كر بالعكس ممكن تجاملينهم وتوددين لهم تبين تدفعين شرهم تتفاجاين انهم يقتنعون زياده بارائهم وان ظنهم في محله ولا ليش تتوددين لهم اكيد العيب راكبك من راسك لرجليك


الله يبعد عنا هالاشكال ومايجمعهم الا بامثالهم عشان يعيشون الصراع علي كيف كيفهم

 

[نـــوفـــا]

لو صادفتوا في حياتكم مثل هالشخصية الشكاكه ،،شلون تتعاملون معاهم؟


صادفت كثير وكثير ...لكن لا يهم مايظنون ..( لأن كل ظن سيء آثم يعقبها ) ...


والشكاك مايتعاشر في الحقيقة ... لذا هو الي راح يتعب ..مو انا





وهل صار معاكم موقف مع هالشخصية ،، وشنو كانت النتيجة ؟؟




صارت موقف مع اختي من ابوي لختها من امها ..


وقلت لها تاخذ احتياطها في التعامل معها لانها في النهاية اختها ..



اختي من النوع الي اذا شافت صحن حلا او عيش او اي شي حتى لو بيبسي .. تعزل للخدامات وهي بنوتة مو متزوجة لكن تصرفاتها



كبيرة ..



ذاك اليوم اختي قامت وشالت لخدامة اختها الشكاكة ( صحن حلا ) .... وراحت عطتها ..


لما رجعت لسفرة جلست اختها شكاكة تهاوشها قالت شنو يعني انا مجوعة خدامتي وانا في ومافيني انتي تقصدين كذا



اختي قالت ترى ها الحركة اسويها مع كل الخدامات ... وقامت وتركتها ...






بس انا الحمد الله يعني لحد الان الي حولي شخصياتهم حلوة وتناعشر


اقصد الي ملزومة فيهم ..اما بعض الناس اذا تعبت معها في البداية اتركها بدون مقدمات


والله لايحدني على صاحب الظنون ..