▀▄هالشخصية بعدوا عنها خير شر،، لايجيكم منها عوار راس ▀▄

[نهى الأحمد]

مشكله الشخصية الشكاكة وخصوصاً لوكان قريب بالدرجة الاولى
مشكلة

الحل الي اتخذة معاهم للاسف مالقيت حل لاني اتعصب واتنرفز واقلب الدنياهوشة وصراخ يستفزني الشكاك:eh_s(14):
اكرهه واكره نفسي
والطرف الاخر يحاول يهديني ويعتذر

ولمن اهدى واروق وينتهي الموضوع
يرد يعيد السؤال المستفز مرة ثانية بلطف :eh_s(16):

شالحل معاهم بلله وخصوصاً انهم غالين وعزيزين على قلبي وايد وايد
بس لولا هالخصلة الشينة فيهم الله يهديهم يارب

هلا حبيبتي

حاولي تبعدين عن العصبية والنرفزة علشان تعرفين شلون تتصرفين

ولازم يكون عندنا قدرة على تحمل كافة الشخصيات ومن ضمنهم هذي الشخصية

وهذا طبع فيهم مانقدر نغيره للأسف

وعسى ربي يهديهم

 

[امـ خــزامـى]

مرحبا ياحلوه موضوعك جميل وانت اجمل

الشك هو اساسا عدم ثقه بالنفس والثقه اساسها التربيه
يعني لازم نكون حريصين جدددددددددددا من هالشخصيه بالتعامل معها او بتكوينها

انا اعرف وحده تشك بزوجها انه متزوج عليها وكل يوم صياح وحزن
لدرجه اثرت على عيالها
احس شخصياتهم مهزوزه مافيهم ثقه امهم عدمت اللي فيهم من غير قصد الله يهديها
هذا بالنسبه لاطفالها
اما زوجها
ماعنده اي فكره انه يتزوج بس بعد الزن والتكرار انت بتتزوج وانت خاين وانتم مالكم امان يالرجال دخلت الفكره براسه بس الحمدالله للحين ماتزوج بس سمعت انه يدور

يعني هالانسانه خربطت حياتها كلللللللللللها عيالها وزوجها
بس عشان صارلها موقف وهي صغيره وتربيتها ساعدت بتأزم هالموقف وكبر فيها وتاأصل

ابوها تزوج على امها وعلى كبر طلقها وماصار يسأل عنهم وابوها عنده خير بس قطعه عنه
وشال ايده من كل شي
وزوجته الثانيه عايشه هي وعيالها بنعييييييم

بالنسبه لسؤالك
كيف اتعامل معهم صحيح ماذيه نفسها وانا مالي دخل بس كانت تتصل وتشكى علي وانا كنت اسلك واقول يابنت الحلال مارح يتزوج انت قايمه فيه وفيك الخير والبركه واساعدها تنمي ثقتها بنفسها
وكل مره تتصل تعيد نفس الاسطوانه واعيد كلامي بس يدخل من اذن ويطلع من الثانيه
اخر شي قلت لها اسمحيلي ترا انت خربتي حياتك ومن كثر شكك صرتي تتوهمين
والله يكون بعونه اللي تحملك
ارحمي نفسك وارحمي اللي حولك ترى مو كل الرجال مثل ابوك

وعقبها ماتصلت ابد لان ماتبي تسمع هالكلام تبيني مثل اول اسلك لها او اشيشها
غير كذا ماتبي تسمع

الله يكون بعونها ويطمن قلبها ويهديها


اعذريني طولت عليك

ومشكوره