▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

[Dancing^Queen]

▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀




مرحبا خواتي
حياكم الله اقلطو اقلطو


موضوعونا اليوم عن عيالكم وطرق عقاب والثواب الافضل من وجهه نظركم

حبيبتي وليه الامر
فلنفرض ان ولدج او بنتج غلط

شلون تعاقبينه ؟ لاي درجه توصلين ؟

يعني تخزين
او تحقرين وكيفه ماعور قلبي

او مجرد بس اقعد خلاص اذيتني

او اوقف بالزاويه

او ماتعرفين تعاقبين تضحكين مجرد ماسوالج حركه

والا تهفين باكبر ماعندج؟

اي نوع من الامهات انتي

وجدام الناس تطقين عيالج؟

شلون طريقه تعاملج وشنو احسن طريقه جربتيها ونفعت

ثانيا

الثواب
شلون تكافئين الياهل واحسن طريقه للثواب
الهدايا باي وقت او باوقات معينه؟
كل مابجا شريتي؟
او لي عطيتيه الشي تقوليله لانك سويت جذي جذي تستاهل هالشغله

 

[أم عبووووود]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

السلام عليكم ورحمة الله وبركاته

مشكورة حبيبتي على هذا الموضوع الحلو وان شاء الله راح يفيدنا اذا كل ام تكلمت بصراحة نقدر وحدة تنصح الثانية وتفيدها

انا عن نفسي على حسب الغلط اللي يغلطه الياهل في اخطاء تخليني اصارخ وفي اخطاء تخليني اخز وهذي اللي بين الناس وفي شغلات تخليني غصب عليي اطق بس اطق بايدي وما ايد اي ام تطق باي شي ثاني واطق طق تأديب مو انتقام

وبالنسبة حق المكافأة أكافيء عيالي كل نهاية اسبوع ايام المدرسة على حسب الاكسات والهابي فيسات اللي يمعوها يعني عيالي الله يحفظهم 3 اعطيهم كلهم لكن تختلف هدية الاول عن الثاني عن الثالث ومرات الثالث ما اعطيه وبس هذي انا وعيالي وفي هدايا الشهادة ويعني الهدية حسب المناسبة

 

[ريماا]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

الله يحفظهم بس والله التربية صعبة
اول شى على حسب العمر
ولدى الصغير عمرة سنتين ونص هذا اذا غلط اطنشه اذا زاد اقولة عييييب وطبعا ضايع الحجى معاة مو مستوعب انى الماما ابدااا
ولدى الوسطى وولدى الكبير نفس المعاملة اعاملهم اول شى انا مقسمة يومى معاهم اصعب فترة اللى يلعبون فيها مع بعض صبيان وكل لعبهم عنف اول غلط يرتكبة واحد فيهم اخز ثانى مرة انبة الثالثة اقعد كل واحد بمكان بعيد عن الثانى واريح راسى لحد مايوعدونى انهم مايتخانقون وترد ريما لعادتها القديمة مستحييل يعقلون بس الحمدالله مايتعبثون او يسون اشياء جايدة اى صج انا من النوع اللى عايشة عالقرص اذا وصلت حدى اقعد اقرص ههههههههههههه اهم شى انهم يخافون منى ويحبونى مايحبونى ازعل
المكافاة انا مااكافأ احس ابوهم مدللهم كل شى عندهم حتى لواقولة لاتشتريلهم اللى يبونة اليوم لعوزونى واذونى هم يشتريلهم بس دايما اشجعهم بالحجى واحظنهم واشكرهم اذا سولى شى او احفظو دروسهم

 

[Miss_Tiger79]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

والله كوين موضوعج واااايد يفيد

وخصوصا مرات اشوف ناس يطقون عيالهم جدام الناس والله العظيم تخنقني العبره
ويقولون عشان ما يسوي جذي مرة ثانيه لانه تفشل

بس الله يهدي عيالنا وما يحتاجون للعقاب


مشكورة كوين

 

[خشف المطران]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

أنا كله . أعلقهم جذي ...


فكلش كلش ... ما يسسون الغلط مره ثانيه

لوووووووووووووول

 

[خشف المطران]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀




لو شنو ما أطقهم ...مع أني شنو عصبيه .. إلا مجنوه من العصبيه ..

كنت أصلخ أخواني صلخ قبل .وأسويلهم عاهات مستديمه .. . ألحين مع عيالي غير .. .. هههههههههههههههه



المهم ... أبوهم مره مرتين يطلقهم ... يحرني حيل خص لما بنتي صارت عوبه ... وترادد .. و أهو على قولته ما يحب اللي ترادد ...

مع إني تعبت عشان أخليها ترادد أبيها جريأه .. وما تخاف من الحق ..

أبوها يقولها هذا .. غلط .. تقوله .. تعال ناقشني ..شكو غلط ..؟ ههههههههههه


على طول ... طراق .. ويقولها غلط يعني غلط ..



ياكرهه .. بس ما أوقفه عندهم .. أخليه يسوي اللي يسويه .. عشان الجهال يحسون إنه أحنا على جبهه .. وحده ..

من كل واحد عكس الثاني وما يبي اللي يسويه الثاني ..

لالا .. أسكت .. و قلبي يتقطع على عيالي ...حبايبي ..

بس المرات اللي طقهم فيها .. ينعدون على الأصابعه الإيد الوحده ..





المهم طلعت عن المووضوع .. بس حارني .. توه قبل أسبوع طاق ..بنوتي .. كف .. <<< إلا الكف يعدم ثقتها بنفسها ..




المهم .. طريقتي دايم .. الحرمان .. من شيء ...يحبه ..


بنتي ما أخلي أحد يدش غرفقتها إهي تنضفها .. عمرها 13 سنه ... مره دشيت الدار ...

واي .. ما تندخل .. حوسه وهدوم . مني مناك .. عاد . شسويت ..


خذيت هدومها الأساسيه .. وخذيت لها ديباج ... وفرشته بدار خواتها الصغار ..وقلتلها إنتي منتي كفو دار بروحج ..


دارج مو نضيفه ...


ثاني يوم جتني .. تقول يما ضهري تكسر من نومة القاع .. :cxxxp:


حبيبة قلبي كسرت خاطري .. بس قلتها وباجر بعد نامي .. عقاب لج .. وعقب باجر . أشوف .. تستاهلين ترجعين دارج أولأ ...


نامت ليله ثانيه بعدها .. فتحت دارها ...

وقمت كل أشوي .. أدخل أشيك علي نضافة الدار..

.

 

[نووووونا]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

خوش موضوع ,, تسلمين حبيبتى ,,,,

 

[برونزية رشيقة]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

مشكوووووووووووووووورة خزنت كلامج في كمبيوتري .... لأن وايد عندي شغل وكراف اليوم بالدواااااااااااااااااااااااام ...
الله يجعله في ميزان اعملج إنشاءالله .... والله كريم .... ذبحونا هاليهال بس عسل والله عسل

 

[احساس طفلهـ]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀


خووووووووووووووش موضوووووووووووووع كوين

الله يعطيج العافيه ياااااااااااااارب ويبااااااااااااااارك لج فى بنااااااااااااتج ويرزقك بالولد

انا عندى بنت عمرهاااااااااااااااااا سنتين و7 شهوووووووووور

اناااااااااااا انسااااااااااااانه عصبيه حيل ((للاسف)) وبنتى عووووووووبه اساليبى فى العقاااااااااااب متنوعه

اعاااااااااااااقبها تاااااااااااااايم اخليه دقيقه تقعد بالزوايه لكن حاليا ماخذتها لعبه السالفه

ماااااااعطيها وجهه يعنى هى ماااااااااتحب تلعب بروحهااااااااااااااا فاذا سوت شئ غلط قلت لها اناااااااااااابطلت ((هنيه تموت ولا ابطل هههه)) عرفت لها

ومرررررررررررات اذا غلطه كبيره مثلا طقت اختهااااااااا اقرصهاااااااااا على الخفيف بس تخخااااااااااااف منها

والثوووووووووووواب

عبااااااااااااااااارات تشجعيه (((تموت بنتى وامديحهااااااا))عفيه بنتى شطوره تشقق من الوناسه
اوديهااااااااااااا جمعيه او الالعااااااااااب او اى شئ واقول لها انتى شطوره اليوم وهذى هديتج

 

[حلم الطفولة]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

هههه خشف نزلي موضوع شلون كل وحده تعلم بنتها- اللي ميننتها بالعفسه- ترتب وتصير سنعه !!
_______________________
..
عيالي الحمدلله يحترموني ويسمعون كلامي والقانووون يعني قانووون وإللا ,, تايم آوت !!...بس ما أداوم على العقاب أفلتهم شوي يكسرون خاطري.
ماعندي عسارة الانجليز .... أحب أملي عيالي عــاطفه وحنان ,,, بس لكل شي حدود.
كنت أسوي نجوم وهابي فيس ,, ومكافئات بس خلصت الافكار وخفت ماقدر أوفي بوعدي لهم بطلعه وللا بهديه ,, وصار مصرف !!فقمت سويت لهم جدول فكرته ماخذتها من كتاب اسمه التربيه الذكيه من جرير ( مترجم ) ..بس شوي حورت بالطريقه ,, لكن مشو مثل المسطره !! هي عكس المكافئه : يعني عندهم فرصتين ثلاث للمسامحه بس إذا بعد تعدو القوانين اللي أكون ( كاتبتها لهم ) لمره رابعه ,, أشطب منهم ميزه .. فمثلا تنحرم اللي تعدت فرص المسامحه الثلاث من شي تحبه ونكون متفقين عليه وكاتبينه بالجدول ,,ولكل طفل نكون كاتبين الأشياء اللي يحب يسويها يوميا أو بنهايت الاسبوع .. ونحطهم بالجدول حسب أهميتهم للطفل تصاعديا من المهم إلى الأهم إلى الأكثر أهميه ,,.... وجذيه تلقينهم ما يخالفون شي عشان ما تروح منهم الميزات اليوميه ,,
وبعد فتره هم بعد وقفت .. وغيرت حسب نظامي مع عيالي ,, حسيت يبيله تعديل أكثر حق يناسبني .
آنا نوع ماحب أحط على اليهال توتر وقلق لأنهم .. يهال !! .. فأمشيهم على طريقه وأهم شي انهم متربين بطريقه اسلاميه وهذا اللي نافعهم ونافعني .. يعرفون يقينا انهم اذا ما طاعوني ماراح يوفقهم الله بالشغله اللي يبونها ,, والله اني معلمتهم ان اللي تخلي شي تبيه وتطيع راح الله يعوضها وما تصدقون شلون صج ربي يدز لهم بدائل تبارك الرحمن , ,
واللي تبي شي والله إذا ما رضيت ما يصير وما يتكمل معاهم !! لأن داخل نفسهم يقين انهم ما طاعو يعني مالراح يصير .. فنفسيا .. ما يصير !! دختو وللا فهمتو ؟؟؟

 

[حلم الطفولة]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

وكمــــان ......!!!! اتمنى من الكل حتى اللي ما يحطون عقاب وثواب للأطفال ,, إن يعرفون ان الطفل ما يعرف يعيش بدون قواانين ..
مثل اللي تقطينه بغابه وتتركينه بلا ظوابط ولا قانون شلون يقدر يعيش ؟؟ ..
سبحان الله القوانين ولو حتى أشياؤ بسيطه مثلا وقت النوم ,, وقت الدراسه ,, وقت العشا ,,.. لو بس هالأشياء تكون ثابته ولها قانونها ,, راح تشعر الأطفال بالأمان ..

يعني القانون ضروري بالبيت .. والتنظيم هو نوع من أنواع القوانين ,,
وشكرا ,,,,,,,,,,,,,,,,,,,,

 

[جرح الليالي]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

والله يا كوكو الكبار اكلمهم مرة مرتين

تالي زف اخر شي مثل ما يقولون الكي (التكفخ)

جدام الناس ما اطق بس اروح يمهم واقرصهم خخخخخخخخخخخخخ


طبعا اسوي هالشي لي وصلت حدي منهم


الحرمان مطلوب من الاماكن اللي يحبونها او شغلات يبونها


المكافأة على حسب طلعات

وجبات هدايا


الوجبات يمكن تستغربين

انا اقول لج

انا ما اطلب وايد من المطاعم

من طيب الوجبات بس من حنتهم اطلب لهم بين فترة وفترة

اشوف شنو بخاطرهم واشتريه

الصغار بعد ما ياهم الدور

 

[حلم الطفولة]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

نسيت أقولكم .. بنتي الصغيره ماكملت 3 سنوات ,, ماشالله نوتي شوي .. ( وايد) !!
ما نفع معاها الطيب مثل خواتها .. فالحين قمت أسوي معاها تايم آوت ..( الله يذكرج بالخير كوين)...
والطريقه اللي نفعت مثل السحرررر : إما اني أقفل الغرفه عليها دقيقتين بالضبط .. أو أمسكها بحضني 30 ثانيه تكتف عدل .. وقولها أهدج اذا عدينا من 1 - 10 بدون حركه ..وان توعدني ما تكرر اللي سوته ,,
والحمدلله نافعه المسأله ( والله يتمم ).................

 

[برونزية رشيقة]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

مشكورة عالموضوع

 

[ملكة زماني]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

خوووش موضوع احس اني وايد محتاجته

انا اعيالي اسم الله عليهم عمرهم سنتين وجم شهر والثاني سنه وجم شهر
احس اني محتاجه اعرف اكثر عن التربيه
وعن طريقة العقاب والثواب

ويعطيكم العافية

 

[OmYousif]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

هذه طريقتي مع عيالي:

المشهد الاول:

سوو شي غلط:tomato2:
ماما حبيبي روح بدل هدومك
ماابي:dddds:
لو سمحت روح بدل هدومك:eh_s(14):
حقران:gathering:
اوكي اذا ظليت بهدومك باجر ما في شغلات حلوة من الدوام(حلويات و كاوكاو)
خلاص ماما راح ابدل

المشهد الثاني:
صحيت من النوم و لقيت الصالة كلها ماي
الصراحة افقد اعصابي:eh_s(14):
امسك ولدي من ايده و طبعا متسبح ماي
طقة على الجتف متوسطة القوة :krkrkr:و اقوله ماما راح تمرض و ما راح اوديك الطبيب و ما اعطيك دوا و لا تجي بالليل تقولي بلاعيمي تعورني

المشهد الثالث:
ماما لو سمحتي اخي الجلاس ودي
تطنيش
حبيبي اللي يحبني ياخذ هالجلاس
تركض تاخذه و تقول وين احطه
حبيبتي المطبخ ماما

المشهد الرابع:
عيالي كل واحد بيطالع قناة و مختلفين و بجي و هيصة
طبعا اسكر صوت التلفزيون و اسوي تصويت القناة اللي تحصل اصوات اكثر تفوز
اذا الاصوات متساوية
اسوي حذرة بذرة قوللي ربي عند العشرة
و للحديث بقية

 

[OmYousif]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

المشهد الخامس:
رفضت اشتربلهم برد من راعي البرد
كلهم يبكون و صراخ
اصفط يم البيت
ما حد ينزل من السيارة
انزل و اهدهم و اسكر السيارة
ينطرون
يطلعون من السيارة بعد ما استسلموا
بكي للباب البيت ادخل داري
يدخلون دارهم يبكون و يتحطمون و بعدين يلهون و يلعبون
بعدين اطلع من الدار
ذيك الساعة يعاتبوني انتي هديتينا
اقولهم انتو دوختوني و سويتو شي غلط و اقولهم السبب اني م يبتلهم برد و اوعدهم اذا صارو عقال باشتريلهم بس لازم يعرفون لما مام مستعجلة ما في برد

 

[حمرة الورد]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

مرحبا خواتي
حياكم الله اقلطو اقلطو


موضوعونا اليوم عن عيالكم وطرق عقاب والثواب الافضل من وجهه نظركم

حبيبتي وليه الامر
فلنفرض ان ولدج او بنتج غلط

شلون تعاقبينه ؟ لاي درجه توصلين ؟

يعني تخزين
او تحقرين وكيفه ماعور قلبي

او مجرد بس اقعد خلاص اذيتني

او اوقف بالزاويه

او ماتعرفين تعاقبين تضحكين مجرد ماسوالج حركه

والا تهفين باكبر ماعندج؟

اي نوع من الامهات انتي
عندي بورد في البيت والي يسوي الغلط احطله الغلط واخر الشهر يكون عنده رصيد والفايز يشتري شي يحبه ولا طلعه ولا اشتراك نادي وعلى حسب النقاط واذا شي جايد يقعد بالغرفه مده معينه او حرمان من الاشياء الي يحبها وهذي قليله جدا الله يحفظهم وما شاء الله عليهم

وجدام الناس تطقين عيالج؟

مستحيل وهذا اكبر غلط غلط غلط وانا في نظري الي يطق جدام الناس مايعرف يربي لانها راح تظل بقلب الطفل وتسبب احراج وبعدين في المستقبل يصير عنده عادي كل شي في البيت والصبر زين

شلون طريقه تعاملج وشنو احسن طريقه جربتيها ونفعت

البورد الحمدلله الي شرحتها فوق والصبر وشرح وافي للطفل والاقناع اهم شي

ثانيا

الثواب
شلون تكافئين الياهل واحسن طريقه للثواب
الهدايا باي وقت او باوقات معينه؟
كل مابجا شريتي؟
او لي عطيتيه الشي تقوليله لانك سويت جذي جذي تستاهل هالشغله

نعم هذي طريقه وانا هم طريقتي على نهايه كل شهر يكون فايز واحد فقط


مواضيعج كلها حلوه والله يخلي لج عيالج ويخلي لنا عيالنا مشكووووووووره

 

[حمرة الورد]

رد: ▄▀▄▀▄▀▄▀كيف تعاقبين طفلك او تكافئينه اقلطي▄▀▄▀▄▀▄▀

وي الموضوع قديم