██ ✿ آيفون iPhone ✿ ██

[ذهـ الكويت ـب]

السَلآم عَليكُمْ و رَحمٍة وَ بركآتِه

** بما اني مااعمري استخدمت ولاشي من ابل فاغلب المواضيع راح انقلها لكم من منتديات اخرى :eh_s(7):
وانا والله مااحب انقل بس عشان اوفر لكم المعلومات اللي تبونه واللي دايم تسالون عنها
​

✿ آيفون

معلومات عن الجهاز وانواعه

تمَّ إصْدَار 3 أنْوَاع من الأجْهِزَة إلى الآن :

- الجيل الثاني : 2G
- الجيل الثالث الإصدار الأول : 3G
- الجيل الثالث الإصدار الثاني : 3GS

الجيل الثالث الإصدار الأول : 3G

- شاشه بحجم 3.5 أنش بدقة 320×480
-عملية اللمس جديدة و عصريه لتسهيل التعامل مع الشاشة و التعامل مع البرامج
-نظام OS X
-حجم الذاكرة 8 و 16 جيجابايت
-الجوال رباعي التردد
-تقنيات اتصال الانترنت الهاتفي EDGE
-وآي فآي b و g
-بلوتوث 2.0
- خدمة 3G التي تُتِيح لكَ سرعة الوصول الى البريد الالكتروني وشبكة الانترنت
-كاميره مدمجه 2 ميجا بكسل
-حجم الجهاز 115×61x11.6 مم
-وزن الجهاز 135 جرام
- توفر بلونين : أبيض - أسود

صورة الجهـاز

​

الجيل الثالث الإصدار الثاني : 3GS
هذي مواصفات بالإضَافَة إلى الجيل الثالث الإصدار الأول 3G :

- سرعة الهاتف مضاعفة تقريباً في كل شيئ
- كاميرا 3 ميجا بيكسل, محسنة جداً
- تصوير فيديو
- تحكم عن طريق أوامر صوتية
- بوصلة رقمية
- شاشة الهاتف لا تطبع فيها البصمات بشدة
- حجم الذاكرة : 16 - 32 جيجا .
- توفُّر لونين : ابيض وأسود


صور الجهاز

المواصفَات العامَّة لجميع الأجهزة الثلاثة .:


جهاز سريع وسهل الاستخدام
شاشة باللمس (ننش) في جميع التجهات ودقيقة
شاشة كبيرة الحجم 3.5 انش (8.9 سنتيمير)
شاشة لا تخدش بسهولة
شاشة عالية الوضوح
لا يحتاج قلم للشاشة
كيبورد مدمج وبحروف كبيرة جدا
امكانية التوصيل بالتلفزيون
التحكم بالصور
جهاز ايبود مدمج ضمن الجهاز
سعة تخزين عالية
إمكانية تسجيل الصوت
خرائط العالم من جوجل
تشغيل ملفات اليوتوب مباشرة
ذاكرة حفظ العناوين في الكونتاكت من نوع
إضافة البرامج عن طريق الواي فاي مباشرة
استخدام برامج من الانترنت مباشرة دون تنصيبها على الجهاز

​

العيوب العامّة لجميع الإصدارات الثلاثة :

صعوبة استخدامه بيد واحده
لا يرسل ولا يستقبل الملفات بواسطة البلوتوث
لا يشغل ملفات الريل بلير ولا الفلاش
لا يشغل برامج الأوفيس مباشرة
الشاشة دائما مطبعة بالبصمات من استخدام اليد في اللتتش
برنامج تصوير الفيديو يجب شراءه من جهة ثالثة في 3G & 2G
كاميرا واحدة فقط و لا توجد كاميرا أمامية
لا يوجد فيه راديو FM
لا يوجد فيه فلاش للكاميرا
صوت السبيكر ضعيف
البطارية غير قابلة للإزالة

مواصفات الجيل الرابع : 4G .

*الكاميرا خمسه ميقا بكسل مع فلاش
* كاميرا اماميه
* مكالمه فديو مع امكانيه تشغيل الكاميرا اللي ورا او اللي قدام وتغييرها في وقت المحادثه
* تصوير فديو هاي ديفينشن HD
* Multitasking - اللي هي تقدر تفتح اكثر من شي واحد في نفس الوقت (زي النوكيا)
* الشريحه تدخل من اليمين ( مو من فوق)
*الالوان هي : ابيض , اسود

*الذاكره: 16 GB و 32 GB

هذي ابرز التجديدات و هنا رابط مقطع فديو من نفس موقع ابل فيه كل شي جديد

هنا


المكونات الموجوده بالكرتون

الشرح على حسب الآرقام الموجودة بالصورة :

1- سمّاعة مُرفقة مع الجهاز لإرسال واستقبال الصوت ..
2- كِيبَل USB يُسْتخدم لربط الآيفون بالكمبيوتر أو ربط الآيفون بالشاحن
3- فِيش كهرب أو مَنْفَذ للكَهرباء يُشبك فيه الكيبل ليشحن الجهاز عن طريق الكهرباء .. بـ 3 رؤوس ( فيه نوعيات يجي راسين ) ..
4- جهاز الآيفون
5- كُتَيِّب التعليمات ومعلومات عن الجهاز ويوجد بداخله دبُّوس صغير راح نتكلم عنه بالخطوات الجاية
6- شريحة مايكرو Micro وهي خاصة فقط في الآيفون 4 + الآيباد .. وراح أقارنها في الخطوات الثانية بالشريحة العادية


الآن نشوف الآيفون 3GS ‪-‬ 4 + شريحة SIM + Micor SIM
والفرق بينهم ..

وهنا رابط مقارنه بين Iphone 3Gs Vs Iphone 4G من نفس موقع Apple


هنا
​

 

[ذهـ الكويت ـب]

كيف تحافظ ع بطارية الـ iPhone

كثير منا يشتكي من البطاريه
خاصتن الي الواحد متعود ع بطارية نوكيا يقعد ثلاث الى اربع ايام بعدين تشحنه


المهم فيـه اسباب أخي العزيز تخلي بطريتك تزهب بسرعـه :::


اول شي الي هي خدمـة 3G

احسن شي لاتشغلها الى اذا كنت داخل ع النـت ...

طريقة قفل 3G

اضغط ع Settings ثم General ثم Network
ثم حط ع Enable 3G على OFF


وخدمة Wi-Fi

طريقة التقفيل

اضغط ع Settings ثم Wi-Fi
ثمن خلها OFF



وكمـان سطوع الشاشه

حطها انها تكون اتوماتيكا

الطريــقه

اضغط ع Settings ثم Brightness

Auto-Brightness على ON




وبـعد فيه القفل الآلي لشاشه (Auto-Lock)


حط توقيت القفل ع اقل وقت الي هو دقيقه

الطريـــقه

اضغط ع Settings ثم General ثم auto-Lock

واختـار دقيقه ,,, في طريقه احسن اذا خلصت من مكالمه او من لعبه او اي شي المهم كل الي عليك انك تضغط زر البور الي فوق مره وحده ويقفل هو ع طول



وفيه اشــياء كثيره تستهلك البطاريـه :::::

# الي يستخدام الجي بي إس
وينصحون انك تستخدامه وأنت بالسيارة والآي-فون متصل بالشاحن

# والبرامج الي تشتغل بالخلفيـه
في برنامج Backgrounder تقدر تتحكم بالبرامج الي يشتغلن بالخلفية

# تشغيل الفيديو والصوت اربع وعشرين ساعه
الواحد يشوفلي فلم ساعه ونص وهو بالبيت وجمبه الكمبيوتر
يصلح اذا كنت بالطياره ولاماسكن طريق مع واحد ومهوب فاضي له تسولف معه يمديك تسحب عليه وتشوفلك فلم بس اذا نزلك بطريق مهوب مسوليتي

# الألعـــاب الي تكو ثلاثية الابعاد (3D)



هذا الي عندي من اسباب تكون سبب خلاص البطاريه
بعضكم بيقول وشرايك بعد تقول اذا خلصت من مكالمه قفل الجوال

مافي شي يجي كـااامل والكامل وجه سبحـانه
بس ان شاءالله كل شي يضبط

 

[ذهـ الكويت ـب]

رد: آيفون iPhone



برنامج الاي تونز - iTunes

قوة بنات
شلونكم؟؟

لاحظت ان فيه وايد استفسارات عن برنامج الايتونز وشلون اتضيفون اغاني وغيره ، فقلت انزل موضوع كامل عن البرنامج وان شاء الله يفيدكم


و هذا الرابط من موقع الشركه الرسمي




يوم تفتح الصفحه رح تلاقي مستطيل ازرق مثل هذا

اضغطي عليه و حملي على طول
و لما يخلص التحميل افتح البرنامج و ثبته و تثبيته ياخذ شوية وقت خله يخلص على راحته عشان يتثبت 100%


و لما يخلص التثبيت رح تطلع لك ايقونة برنامج اي تونز في سطح المكتب

البداية
1- توصيل الايبود بالكمبيوتر
2- فتح برنامج اي تونز
راح تشوفون ان الجهاز ظهر بالايتونز

للي تبي تغير اسم الايبود تضغط دبل كليك على خانة الايبود الموجوده في Devices وتغير الاسم للي تبيه

اولا: نقل الاغاني
1- نروح لـ Music
2- من فوق نختار File
3- نختار لـ Add File To Library
4- اختاري الاغنية اللي تبينها وضغطي Open ، راح تنضاف الاغنية في المكتبة Library على طول
هالخيار للي تبي تضيف اغنية وحدة بس

علشان نضيف البوم كامل
1- نروح لـ Add Folder To Library
2- نختار الالبوم اللي نبيه وراح ينضاف في المكتبة Library على طول

بعد ما نخلص نضغط على اسم الايبود الموجود في خانة Devices

نضغط على كلمة Sync
راح يبدأ البرنامج بنقل الاغاني او الالبوم الى الايبود ، طبعا في هالحالة لازم ما نفصل الايبود عن الجهاز
عقب ما يخلص البرنامج من نقل الاغاني راح تطلع لكم جملة فوق
iPod Sync Is Complete
Ok to disconnect

ثانيا: لتغيير معلومات الالبوم او الاغنية (وضع صورة للمغني او الالبوم ، اضافة كلمات الاغنية ، الخ)
نضغط Right Click على الالبوم او الاغنيه ونختار Get Info

من هالصفحة نغير معلومات الالبوم او الاغنية (اسم الاغنية ، اسم الالبوم ، سنة الالبوم ، الخ)

لتغيير صورة الالبوم او الاغنية
1- نضغط دبل كليك على المربع اللي مكتوب فوقه ArtWork
2- نختار الصوره اللي نبيها (على حسب وين مخزنينها بالكمبيوتر) ونضغط Open
بعد ما نخلص تعديل المعلومات والصوره نضغط Ok وراح تتغير المعلومات وتنضاف الصورة

ثالثا: طريقة حذف الاغاني
1- نقوم بحذف الاغاني او الالبومات التي نريد حذفها من مكتبة الـ Music مو الـ Library
2- نضغط Right Click على الاغاني التي تبين تشيلينها او الالبوم ثم نختار Delete
بعد ما نخلص نضغط على اسم الايبود الموجود في خانة Devices ونضغط على كلمة Sync

عقب ما يخلص البرنامج من حذف الاغاني راح تطلع لكم جملة فوق
iPod Sync Is Complete
Ok to disconnect

رابعا: طريقة وضع الصور الخاصة فيكم
1- سوي ملف حطي فيه كل الصور اللي تبين تحطينها في الايبود
2- وصلي الايبود بالكمبيوتر
3- فتحي برنامج الايتونز
4- نضغط على اسم الايبود الموجود في خانة Devices

راح تطلع الصفحة الرئيسية مالت الايبود ، من فوق فيه صفحات (Summary / Music / Movies) وغيره ، نختار Photos

5- نسوي مثل الخيارات الموجودة في الصورة
6- نروح للمستطيل اللي مكتوب فيه Photos ونختار Choose Folder
7- نختار الملف اللي فيه الصور اللي نبي ننقلها للايبود

طبعا بنلاحظ ان فيه خيارين: All Photos / Selected Photos
الخيار الاول نستخدمه لو انتي اخترتي Folder فيه الصور اللي تبينها ، يعني ما فيه Sub Folders
الخيار الثاني لو انتي عندج ملف رئيسي وبداخله ملفات ثانية وكل ملف فيه صور معينة

على حسب اللي تبينه اختاري
طبعا راح نشوف ان مكتوب يم الخيار اللي مكتوب فيه All photos رقم ، هذا رقم الصور الموجودة في ملف الصور اللي اخترناه
عقب ما نختار الصور اللي نبيها او الملف نضغط على زر Apply وبعدين Sync

خامسا: طريقة وضع الفيديو
1- سوي ملف حطي فيه كل الصور اللي تبين تحطينها في الايبود
2- وصلي الايبود بالكمبيوتر
3- فتحي برنامج الايتونز
4- نروح للـ Movies (الخيار اللي موجود على يسار الصفحة)

5- نختار لـ File اللي موجودة فوق و نضغط كلمة Add File To Library (في حال بغينا نضيف ملف فيديو واحد)
6- ضغطي على Open واختاري الفيديو اللي تبينه
راح ينضاف الفيديو على طول في المكتبة

اذا بنضيف اكثر من فيديو نروح لـ File اللي موجودة فوق و نضغط على كلمة Add Folder To Library
وطبعا نضغط على Open ونختار الفيديو اللي نبيه

7- عقب ما نخلص نضغط على اسم الايبود الموجود في خانة Devices
8- من فوق ، نضغط على المستطيل اللي اسمه Movies

طبعا بنلاحظ ان فيه خيارين: All Movies / Selected
نفس الصور ، الخيار الاول نستخدمه لو انتي اخترتي Folder فيه كل الفيديويات اللي تبينها ، يعني ما فيه Sub Folders
الخيار الثاني لو انتي عندج ملف رئيسي وبداخله ملفات ثانية وكل ملف فيه فيديو معين

في حال تبون فيديوات معينة بتكون الخيارات كالتالي:

في حال تبون كل الفيديوات انك تبي كل الفيديوات اللي اضفناها من قبل في مكتبة الـ Movies بدون ما نختار او نحدد شي معين بتكون الخيارات كالتالي:

طبعا على حسب اختياركم ، وعقب ما تضيفون وتختارون اللي تبونه راح تطلع لكم كلمة Apply ، تضغطون عليها بعدين راح تطلع كلمة Sync نختارها

ملاحظات:
1- صيغ الاغاني المقبولة ببرنامج الايتونز اهي Mp3 فقط
2- صيغ الفيديو المقبولة ببرنامج الايتونز اهي Mp4 فقط
3- في حال تبون تنقلون الاغاني بطريقة غير اللي ذكرتها فوق ، ممكن بسطاة بس تسوون Drag & Drop للاغنية من الكمبيوتر للـ Library او Music
4- في حال انج تبين تضيفين صور او تعدلين معلومات الاغنية لازم تنقلين الاغنية للـ Library بالاول تعدلين وتخلصين وبعدين تسحبينها Drag للـ Music اللي موجود تحت اسم الايبود

للامانة
الموضوع منقول وتم اضافة معلومات عليه اضافية وتعديل بعض الاشياء



​

 

[ذهـ الكويت ـب]

رد: آيفون iPhone


هذا موضوع ثاني بعد :

السسٍلآم عليكم

شلونكم ..

قاعد اشوف وااايد اسئلة تكرر " شلون اسوي لي حساب مجاني للاي فون "

يبتلكم هالطريقه وان شاءالله مانشوف بعد احد يسـآل

وشسمونه انا سويتها حق فون اختي وزبط معاها

<~ ربع البلاك بيري


المهم هالطريقة نفسها حق الايفون بس هون مشروحه بالاب < فهمتوا شئ

شوفو الشرح

بعد ما نثبت البرنامج نفتحه ونروح لخانة الـ itunes store
وننزل تحت لاخر الصفحة ونختار الدولة امريكا

بعدها نروح ونضغط على قائمة الـ app store
ونختار اي واحد من البرامج المجانيه ونضغط على كلمة free

( وترا لازم يكون برنامج مجاني اذا اخترتوا برنامج بفلوس منتمب قادرين تفتحون حساب مجاني )

بتطلع لنا هالنافذه نضغط على خيار انشاء حساب جديد create new account


نضغط على continue

نوفق على الشروط حقتهم
بعدين نضغط continue

نعبي البيانات هذي زي ما هو موضح بالصورة ( بناات ركزواا بهالخطوآآ )

بعدين بتفتح لنا هالصفحة نختار منها noneونعبي البيانات زي ما هي مشروحة بالصورة
وبعدها نضغط على continue

وكذا نكون سوينا الحساب المجاني حقنا
باقي علينا بس نفعل الايميل .. علشان نقدر نستخدم الحساب

نروح نفتح ايميلنا
بنحصل فيه رساله من الـ itunes store
نفتحها ونضغط على الرابط اللي فيه علشان نفعل الاشتراك

اذا ضغطنا عليها بيطلب مننا ندخل ايميلنا والباسورد
زي هالصورة ندخله ونضغط على sign in

وبكذا نكون فتحنا الحساب وفعلناه
باقي علينا نضغط على done ونروح نحمل البرامج والالعاب اللي نبيها





\





:: بعض الأسئلة اللي تتكرر كثير ::

س: ما يطلع لي خيار الـ none وش اسوي ؟؟
ج: لانك ما اخترت برنامج مجاني وضغطت على اي برنامج .. تاكد انك مختار تحميل برنامج مجاني علشان تقدر تفتح حساب بدون ماستر كارد او فيزا

س: طيب انا فتحت لي حساب مجاني اللحين .. بس ابي اشتري برنامج بفلوس وش اسوي ؟
ج: ابد كل اللي عليك تسويه تدخل على الاكاونت حقك وتضيف بطاقة الماستر كارد او الفيزا ص٤ .. وتصير تقدر تشتري اي برنامج او لعبه تبيها

س: انا سويت كل شيء بس عيى يفتح معي الحساب ما اقدر ادخل عليه !
ج: لانك ما فعلت الايميل حقك .. رح افتح ايميلك بتلقى رساله منهم افتحها واضغط على الرابط اللي فيها ويتفعل ايميلك

س: لازم اكون شابك بالانترنت وانا اسويه ولا ما تفرق ؟
ج: الا لازم تكون شابك بالانترنت ولا منتب قادر تفتح الحساب

س: انا سويت لي حساب بس ما ودي استخدم الكمبيوتر .. اقدر احمل من الايفون على طول وبس ؟
ج: ايه تقدر بس اهم شيء تفتح لك حساب بهالطريقة .. بعدين تدخل منه بالايفون وتحمل اللي تبيه

س: وش الفرق بين الحساب السعودي والامريكي او اي حساب ثاني ؟
ج: ما يفرق واجد اللهم ان الامريكي ميزته تقدر تحمل منه بعض البرامج يمكن ما تكون بالسعودي .. والاهم انك تقدر تشتري اغاني وافلام ومسلسلات منه

س: كل ما بغيت ادخل على الـ itunes store يقولي انه غير مدعوم في هذا البلد !!
ج: لانك ما قريت موضوعي .. اللي انت داخل عليه برنامج الايتونز بالايفون هذاك طنشه ما عليك فيه .. اذا تبي تحمل برامج والعاب ادخل على الـ app store من الايفون .. بس قبل كل شيء لازم تفتح لك الحساب بهالطريقة
خدمة الايتونز اللي انت تحول تفتحها مهيب مفعله عندنا بالسعوديه علشان كذا ما تقدر تستخدمها



يـآآرب يـآرب مانشوف اسئله تكرر
موفقييين + دعوٍآإتكم :eh_s(3):​

 

[ذهـ الكويت ـب]

اختصارات الآيفون




اختصارات الآيفون



- نقل جهات الاتصال من الشريحة إلى الآيفون

إذا كان جهازك باللغة الانقليزية :

Setting
Mail, Contacts, Calendars
Import SIM Contacts


أما إذا كان جهازك باللغة العربية :

الإعدادات
جهات الإتصال , التقويم , Mail
استيراد جهات الإتصال من الـ SIM ..

وبكذا عرفنا ننقل جهات الإتصال من الشريحة للآيفون بِنَجَاح ..



- تغيير لغة الجهاز + تغيير لغة الكيبورد

لتغيير لغة الجهاز من انقليزي إلى عربي

setting
general
international
language
العربية


لتغيير لغة الجهاز من عربي إلى انقليزي

الإعدادات
عام
دولي
اللغة
English


الآن قدرنا نغير لغة الجهاز من عربي لإنقليزيوالعكس..

خلونا نشوف كيف نقدر نضيف اللغة العربية على الكيبورد ..

Setting
General
Keyboard
International Keyboard
Add New Keyboard
ونختار اللغة العربية ..

( لتغيير لغة الكتابة وأنت تكتب في الكيبورد, راح تجد صورة الكُرَة الأرضية بجانب " المسافة " والأرقام " ..
اضغط عليها وراح تتغير معك اللغة ) ..




الوصول الى قمة الصفحة

لما تكون تتصفح وتبي ترجع لأول الصفحه
ماعليك إلا الضغط على الشريط إلي فوووق ودايركت بيوديك لم أول الصفح
زي هالصوره هذي

الانتقال بين صفحات الشاشه الرئيسيه

تقدر ترح للصفحات الرئيسيه بالضغط على الكورنر
بداال مانسحب بالإصبع تضغط الكورنر اليمين وإلا اليسار

كتابة الحروف بأشكال مختلفة

اضغط على الحرف وخلك معلق عليه بالضغط
بيطلع لك أشكالثانيه للحرف
حتى لبعض العلااممااات فيها هذي الخاصيه

امتدادات المواقع

بالضغط على .com والاستمرار بالضغط
بيطلع لك امتدادت ثاانيه للمواقع مثل org , net

كتابة المواقع
عند كتابة أي مواقع لـ.com

بس اكتب الدومين(أسم الموقع) ولامافي داعي تكتب www او .com
واضغط Go

أخذ صورة لشاشة الآي-فون برنت سكرين

اضغط على الهوم ثم ضغطة خفيفة على مفتاح الباور

على شان تشوف الصور الي صورتها تلقها بــ Photos Camera Roll




حفظ الصور من السفاري

اضغط على الصورة واستمر بالضغط
بيطلع لك خيار للحفظ

التحكم بالأيبود..

عند تشغيل أى أغنية فى الأيبود
وإذا طلعت للقائمة الرئيسيه أو أي لعبه دخلتها
تقدر تتحكم فى الأيبود بالضغط على زر الهوم مرتين

الحذف السريع..

إذا بغيت مسح أى ملف سواء فى ال ifile أو أى فيديوهات أو رسائل ما عدا الأغانى
كل إلي عليك تحريك أصبعك ناحية اليمين أو اليسار حتى تظهر علامة ال Delete .

الوضع الصااامت ..
إذا دق ليك أحد وتبي تخليه صامت ..أضغط على زر البور ..أو الزر المتحكم بالصووت
وإذاتبي تعطيه بزي ...إضغط على زر البور بعد ماتكون حطيت صااامت..



فتح صفحه في تبويب جديد
عند تصفح النت اضغط على أى لنك لفترة
إلين يطلع لك قائمة تقدر منها فتح هذا اللنك فى صفحة جديدة

الحروف الإنجليزيه كابتل..
إذا ماودك كل شوي تضغط على شفت ..تقدر تضغط عليه بيد وتكتب بالثانيه
زي الصوره

الأله الحااسبه
إذا تبي أله متطووره كل إلي عليك أنك تميل الأيفون وتخليه بالعرض

إذا تبي توقف برنامح من التحميل بالأيفون
إضغط عليه مره وحده وهو يحمل ورااح وقف
وإذا تبي تستكلم التحميل إضغط مره ثانيه



السمااعات..
إذا جتك مكالمه وتبي ترد إضغط مره وحده ويرد
وإذا تبي بزي ..مرتين ..

اما بالنسبه للأغاني ..
مره وحده تفتح الإغنيه وإلا تسكرها
مرتين الأغنيه إلي بعدها
3 مرات الإغنيه إلي قبلها


زر الهووووم
لما يكون عندك صفحات كثيره بالايفون وإنت بالنص وإلا بالاخير
إضغط زي الهوم يرجعك لأول صفحه

لما تضغط زر الهوم مرتين وهو مقفل يحولك على الايبود على طووووول
حتى لماتكون تتصفح برنامج تضغط عليه مرتين <<زي ماقلنا قبل

 

[ذهـ الكويت ـب]

- طريقة تحميل التطبيقات عن طريق الآيفون مباشرة .




- طريقة تحميل التطبيقات عن طريق الآيفون مباشرة .

البعض يقول أنا ما عندي كمبيوتر !! هل معقولة ما اقدر اسوي شي !!؟
لا ياعزيزي .. تقدر تتحكَّم بكل شي من خلال الآيفون ..
وتقدر تحمِّل وتثبِّت التطبيقات المجانية على الآيفون بدون الحاجة إلى الآيتونز ..
لازم يكون عندك اتصال بالنت ( اما عن طريق الشريحة أو عن طريق الواي فاي ) ..


ألحين تبي تحمل التطبيقات عن طريق الآيفون ..
أول شي تسويه انِّك تدخل على Apple store أو متجر آبل بالعربي كما في الصورة

بعد ما يفتح معك .. تنزل تحت لآخر شي
وتضغط على كلمة Sign In .. أو تسجيل الدخول بالعربي

الآن نضغط على كلمة Use Existing Account أو استخدام حساب موجود بالعربي

الآن نضع حساب الآيتونز اللي سويناه مع الباسوورد
بعدين نضغط OK أو موافق بالعربي

الآن بعد ما ندخل الحساب .. راح نتعرَّف على اللي ظاهر بالصورة

Featured = المميزات أو العروض الجديدة في المتجر
Categories= المجلَّدَات
Top25 = أفضل 25 تطبيق خلال فترة معيَّنَة
Search= البحث عن تطبيق بالاسم
Update = التحديثات .. هذي راح تحتاجها في حالة نزل تحديث جديد لأي تطبيق منزِّله .. راح يعطيك تنبيه بالتحديث.


الآن اخترنا على Categories ..
وراح نضغط على Games للدخول إلى ملف الألعاب ..

الآن نَقوم بالضغط على Top Free لإختيار التطبيقات المجانية كما في الرقم 1 ..

ونضغط على التطبيق اللي نبي نحمِّله ونتأكَّد ان كلمة Free مكتوبة بجانب التطبيق كما في الرقم 2 ..


بعد ما نضغط على التطبيق .. راح يطلع لنا معلومات كاملة عن التطبيق وصُوَر مبسَّطة للتطبيق أيضا ووظيفته كما في الصورة التالية ..

نضغط على كلمة Free لتجهيز التطبيق ..

ونضغط Install لتحميل التطبيق كما في الصورة التالية :
( من الممكن انِّه يطلب حساب الآيتونز نقوم بوضعه في حالة الطلب)

الآن انتضر فترة بسيطة وراح يتحمَّل البرنامج معك بطريقة صحيحة ..
وهذي الصورة توضِّح لنا ان التطبيق تم تحميله بنجاح ونقدر نستخدمه..

- طريقة عَمل مُجَلَّد في الآيفون يحتوي على تطبيقات

لازم اصدار جهازك يكون 4.0 أو أكثر .. حاليا 90٪ اصدارهم أكثر أكيد ..

الشغلة سهلة إن شاء الله ..


علشان نسوي مجلَّد لازم نطبق التالي :

1- نعلِّق على التطبيق3 ثواني ( راح تشوف التطبيقات يرقصون
)
2- نَسْحَب تَطْبِيق إلى آخر وراح يكون عندنا مجلَّد .. ونقدر نسميه على كيفنا ..

هذي صورة توضِّح طريقة سَحب تطبيق فوق الآخر

- طريقة حذف تطبيق من الآيفون


الحذف مِن أسْهَل الأشْيَاء اللي تتصورها ..
يحتاج عمل 3 حاجات فقط علشان تحذف التطبيق من الآيفون :

1- علِّق على التطبيق 3 ثواني ( راح تشوف التطبيقات ترقص )
2- اضغط على علامة × في أعلى التطبيق كما في الصورة القادمة
3 اضغط زر الهوم ( اللي بالنص ) علشان توقِّف الرقص

 

[ذهـ الكويت ـب]

رد: آيفون iPhone



** الايفون الجيل الخامس

اخبار واشعات الايفون الجيل الخامس بدأت بالظهور من الان
ولانه يعتبر خبر كبير بالنسبة لمتابعين اخبار الايفون .. والمهتمين بالاشعات حوله كتبت هذا الخبر
ولاكن في البداية اريد التنويه انه الى الان ليس هنالك اي خبر اكيد هي مجرد اشاعات وتوقعات حتى الان
​

الخبر

موقع وول ستريت جيرنال نشر في صفحته على الانترنت
ان شركة ابل المنتجة لاجهزة الايفون تخطط للبداء في انتاج كمية كبيرة من اجهزة الايفون الجيل الخامس لشركة فيرزين Verzion
وسوف يتم البدء في انتاج اجهزة الايفون الجيل الخامس في نهاية العام الحالي 2010
ولمن لا يعرف شركة فيرزن فـ هي شركة مماثلة لشركة اي تي اند تي الامريكية
وتقوم ببيع اجهزة الايفون مقفلة على شبكتها فقط

الجيل الخامس من الايفون يتوقع نزوله وبيعه بالاسوق في الربع الاول من عام 2011
وهو مشابه للايفون 4 في التصميم الخارجي وسوف يتم اضافة بعض المميزات الإضافيه اليه
الايفون الجيل الخامس سوف يحتوي على تقنية لاسلكية تدعى CDMA
وايضا سوف يحتوي على مفتاح رقاقة جديد مصنع من شركة Qualcomm Inc. products.
​

بالاضافة الى ذلك ذكر موقع AppleInsider
ان شركة ابل تقوم بالعمل على انتاج نوعين مختلفين من اجهزة الايفون
احداهم بشاشة كبيرة والاخر بشاشة صغيرة
الاول اكبر حجما من الايفون الحالي .. والاخر بحجم اجهزة النانو
والمتوقع صدور هذان النوعان من الايفون في بداية العام 2011
​

 

[ذهـ الكويت ـب]

رد: آيفون iPhone




**اكسسورات الايفون

:: كفرات السيلكون ::

اللون الابيض الشفاف
على الايفون ابيض + اسود

اللون الاسود

اللون الازرق الشفاف

:: بطاريات الشحن الخارجية ::

​

:: لصقات حماية الشاشة ضد المخش والبصمات ::
لصقات حماية تحمي شاشة الايفون من المخش .. وتقلل من نسبة البصمات على شاشة الايفون
متوفره بنوعين شفاف وعاكس
لصقات الحماية لاجهزة الـ iPhone 3G & iPhone 3Gs فقط

حامي الشاشة الشفاف :

​

حامي الشاشه العاكس ( مراية (

 

[ذهـ الكويت ـب]

رد: آيفون iPhone



اتوقع بعد كل هذا تعرفتو على الايفون ولو شوي

وللامانه كل الموضوع منقول

 

[Om eLkakawiya]

رد : ██ ✿ آيفون iPhone ✿ ██

ماشاء الله عليج..
يعطيج العافيه..
أنا مو مبتدئه بالايفون وقريت موضوعج ماشاء الله كامل و حده مفيد بس لو حاطينه بقسم الموبايل والله وايد بنات بيستفيدون..
يعطيج العافيه حتى النقل يتعب.. تسلم ايدياتج خيتو

 

[anbergoo55]

Wholesale Levis Jeans

Cheap Levis jeans Wholesale Levis Jeans Strauss & Co.(LS&CO) is a privately held clothing company known worldwide for its Cheap Levis Jeans brand of denim jeans.It was founded in 1853 when Levis Jeans Strauss came from Bavaria,Germany to San Francisco,California to open a west coast branch of his brothers' New York dry goods business.Mens & Ladies Levis In A Range Of Styles & Colours,From Only ?39.99 Up to 50% Off During Levi's? Summer Sale.Shop the Latest Styles Now! Below Bargains Levis jeans Low Prices where can i find cheap name brand Clothing?

 

[جرب تبسم]

موضووووعج روووعه ...

سويت حساب على الايتوونز بس مو راضي يطلع عند الباااسوورد غلط ؟؟ مدري لييش ؟؟؟

 

[choclate-_-q8]

مشكوره اختي والله يعطيج العافيه على الموضوع
شلون انسخ الاسامي من الايفون بالايتوتز واحفظهم بالابتوب مع العلم ان back up ما تطلع لي مع اني موصله الايفون بالايتوب واخاف اطق اي شي بالايتوز يمسح كل شي
وشكرا

 

[اوراد العشق]

مشكوووووووورهـ ذهوووووووبه

واستفدت من مووضووووعج واهم شي سالفه الارقام لانى ماكنت عارفه شلون اطلعهم

بس الحين الايتونز يطلع باسوردي غلط بس ياااانااا يااهو وان شاءالله انــااااااااااااااا

 

[taylee]

رد : ██ ✿ آيفون iPhone ✿ ██

يعطيج ألف ألف عااااافيه حبيبتي خوووووش موضووع تسلميين \~

 

[bedo0o087]

رد : ██ ✿ آيفون iPhone ✿ ██

تكفوووووووووووووووووووون بنات نبي خطوة الجل بريك


اهم واغث خطوووووووووووووووووووووووه بليز نزلوهاااا

 

[aṕriliå]

رد : ██ ✿ آيفون iPhone ✿ ██

حييييييييييييل استفدت

يعطيج العااافية

 

[قطوووة]

رد : ██ ✿ آيفون iPhone ✿ ██

يامااااااااال العافيه

 

[εïз Ǎβε 8ĥωą]

رد : ██ ✿ آيفون iPhone ✿ ██

يعطيج العآفيه ’

خووش موضوع =)

 

[ღ كحلاء العين ღ]

[FONT=" ae_AlBattar
"]● •
؛
آٍل.ـسلآ‘إْم ع‘ـليـكمٍْ ورح‘ـمـةةٍ آٍللـه و بـّرٍكـآٍْتـه


مشششكــوؤرةِ و مـآ تقصصرينٍ ..

حـيييـل فآدنـي موضوعجِ ..


.................................................................... [ :eh_s(17): ]..[/FONT]