○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

[شوقـي غ ـــريـب]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

جزاج الله خير ع ذكرج لتجربتج المفيده

 

[فررصة]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

وعليكم السلام ورحمة الله وبركات يالغالية ماشاءالله عليج نهى

انا بذكر تجربتي مع اختي الصغيرة بسابع انا قبل كلش ماحب ادرس وبسرعه اعصب واتنرفز المهم قبل لاتبدا امتحانتها حق نص السنة
كنت اسمع حق البروفيسور طارق الحبيب عن كيفية التعامل مع الطالب المراهق وطبقت عليها اللي فهمته وماشاءالله لاقوة الا بالله النتيجة كانت حيل حلوة كنت اخليها تستانس وتلعب وتطالع تلفزيون وبعدين تدرس يعني تسوي الاشياء اللي تحبها وبعديت تدرس عشان ماتمل وتكره الدراسة وبنص الدراسة اذا شفتها دايخة ومو مركزة اخليها تقوم تنط او ترقص وترد مرة ثانية واعطيها عصاير واشياء تخليها تصحصح وارتفعت نسبتها ست درجات من 74 الى 81 ماشاءالله
وشكرا من القلب على الموضوع البطل ...

 

[بيت التوت]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

الله يجزاج خير حياتي وبميزان حسناتج يارب

 

[opera]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

يعطيج العافيه عالموضوع المهم

وصار ولدي بعمر الدراسه ودشيت هالقسم اتعلم شلون اعلمه


انا ولدي يعتبر ثاني روضه بس اهو بمدرسه انجليزيه .. السنه اللي طافت مدرستهم قالتلي انه ساعدي يتمرن بالبيت على الكتابه ومسكة القلم لانه خطه مهزوز ومو حلو ويبيله تدريب.. وقالتلي علميه يمسك المقص ويقص لانه ايده مو ثابته ومايعرف يقص

طبعا انا اول يومين حاولت اعلمه وشفت نفسي ماني عارفه شلون اعلمه فطنشت الموضوع قلت بعده صغير على مسكة القلم

الحين صارت سنه يديده وحابه اني اعلمه بس جد ماني عارفه شلون اعلمه الكتابه .. الحين اهو يعرف الاحرف من الشكل بس مايعرف يكتبهم

 

[M3-Nafsk]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

الله يجزاك خير حيل استفدت منك

عندي بنتي توها تدخل الروضه وبدت الواجبات المدرسية بنتي عنيده وملوله ودلوعه غصب تحل الواجب اقولها اكتبي تقوم تشخبط وتستعبط عليه واذا عصبت عليها تكتب زين انا ما ابي اعصب عليها بس ماتحمل دلها تحاول تنرفزني

ساعديني بطريقة اتعامل فيها مع بنتي ..