●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•0

[هنا22]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

انا من راي ان على الطالب ان يحترم المعلم المحترم عموما موضوعج ذكرني بمعلمتي بالابتدائي ساعدتني ان اصبح طالبه متفوقه من طالبه كسوله الله يذكرها بالخير اسمها جميله

 

[فجر 1]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

مااكبر قلمك عزيزتى ؛؛
الموضوع ينقسم لثلاثة هو مثلث التربية والبيت والتعليم ( الاهل والمدرسة )
إذا الطالبة متربية عدل عند اهلها مستحيل ترفع عينها على معلمتها ولا تطنز عليها شنو ماصار ,,
المعلم يكون رسول لما يراعى ربه فى وظيفته وميجامل على حساب حد
ولا يفضل طالب على طالب الا بتفوقه وقدراته داخل المدرسة
بس لانها امها فلانه اعطيها درجات لا
فى خلل كبير فى التربيه عزيزتى
سوا فى المعلم او الطالب
الله يعين المعلمين الملتزمين والقايميين بواجبهم على اكمل وجه
والله يصلح حال الطلبه ويوفقهم
دمتى ياغاليه

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

عاد هالشي صج اختي نهى
بس صدقيني الابله الزينه والحبوبه واللي تعامل الطلبه عدل اهم راح يبادلونها الحب والاحترام
يعني راح تنقلب الايه بدال الطنازه والسخريه يمكن تصير علاقه اعجاب تلاقين البنات كلهم معجبين بهالابله
ليش ؟؟
تعاملهم عدل تتغشمر معاهم تحبهم تقدرهم تحس فيهم
اما وحده تدش وحتى الفاظ بذيئه ممكن تطلع منها
وانا ايام المدرسه جربت هالشي ابله العربي من جنسيه عربيه
كانت اتدش تقولنا يالبهايم الحمار بيفهم انتو ماتفهمون حشاكم
طبعا وشي طبيعي هاذي مو من المعلمين اللي يستحقون تبجيل ولا احترام ولا اهي قاعده توصل رسالتها الانسانه وتأدي دورها على اكمل وجه ولا بظمير
بس هم في فئه من البنات يكون فيهم تمرد وتطاول على الابلات من باب انها قويه وماتخاف من احد
مشكلة هالجيل ان حتى الاهل صارو مايقدرون على عيالهم
مو نفس جيلنا لما يدش الابو او الام او المعلمه الصف انطقطق من الخرعه
الحين صارو مجهزين الكلام بالمخبه والرد قبل لا تكلمهم الابله عارفين شيردون عليها بدون احترام

مشكله والله

هلا والله حبيبتي باتشووو


عدل كلامج حبيبتي وصاجه بكل شي قلتيه



ان كانت العلاقة زينه من الطرفين بكلمة حلوة واسلوب حلو


رح يتواجد الاحترام من الطرفين


:eh_s(15):

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

موضوع أكثر من رائع نهى
للمعلم اللي يتعب على شان طلبته ويعطي بكل ذمة وضمير كل الحب والاحترام النابع من قلوبنا
وعلى الطالب نفسه ان يقدر تعب المعلم وعطاءه لاجتهاده بتوصيل المعلومه
كذلك على المعلم يكون قدوة للطالب ومثل اعلى على حسن السلوك والأدب بالتعامل
مثلا اذا تمادى وقل ادبه الطالب يكون ردود أفعال المعلم لهالموقف مدروسة نابعه عن حكمة وسداد الرأي
ويحاول يكسب الطالب مو يتبع معاه اسلوب التهديد والوعيد بحكم ان الدرجات تحت تصرفه

ولي عوده لهالموضوع

يا سلام عليج حبيبتي منمن

هذا الكلام الصحيح :eh_s(15):


لانه هذا الجيل يبيله اسلوب غير في التعامل معاهم

واحنا طبعا نتكلم عن الاغلبية مو عن الكل


لانه والله اكو طالبات ماشاءالله عليهم قمة بالاخلاق

وهذا يرجع لتربية الاهل لهم


ونفس الشي بالنسبة للمعلم

لازم يتمتع بالاخلاق العاليه وبحكمة

ويعرف شلون يتصرف مع كل طالب على حسب شخصيته حتى يكسب احترام ومحبة الجميع

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

قم للمعلم ووفه التبجيلا صح رسالة المعلم عظيمة تبني مجتمع بس تعتقدين. فيه معلم يستحق الاحترام والتبجيل الحين. للأسف مافي معلمين إلا مارحم ربي كل اللي نشؤوهم بالمدارس. موظفين طمعو بالتدريس علشان امتيازاته مو علشان رسالة المعلم نفسها ومشكورة على الموضوع

هلا حبيبتي ديانا

تسلمين على المشاركة ياقلبي


ترا فيه معلمين ياقلبي يستاهلون الاحترام

لانه اصابع الايدين مو مثل سوا


ومشكلة كبيرة اذا بعض المعلمين طمعوا بالتدريس علشان الامتيازات مو علشان ينشيء جيل صالح وعلشان يقدم رسالته التربوية بالشكل الصحيح

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

المعلم الحين صار مهزلة

مانبغاه رسول لو يحترم بس !!

هلا والله حبيبتي جوجو


نورتي ياقلبي


ياليت الناس يدرون انه الاحترام سيد المواقف كلها

والمعلم بايده يقدر يخلي الطلاب يحترمونه ويكون محل تقدير الكل

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

المعلم الحقيقي الي يوصل رساله
يعلم حرف , يرسخ فضيلة , يعلم كلمه , يحتوي الطلاب , يحترم الجميع , مايظلم أحد عشان أحد

هذا الي يستحق الأحترام

أما المعلم الي طريقته أستهزائية , ظالم , يجامل أشخاص على حساب أشخاص , يآخذ الجميع بذنب طالب مشاغب

شخصيته غير متزنه , ألفاظه سيئة

هذا مايستحق الأحترام

وشفت كل هالفئتين

معلمات يقيمون الطالبه من شكلها أن عجبني شكلج نجحتي أنا ماعجبني لا
يقيمون الطالبه من أحاسيسهم القلبيه أذا يحسون الطالبه تكرههم أو تحبهم

عموما التعليم أمانه عظيمه ومسؤليه مع كل أسف أسندت أحيانا الى غير أهلها
بس الجميل أن الطالبه ماتصير متخاذله مع أيا كان , لها حق تطالب فيه وماتسكت
لأن ظلم لو بنسمي كل معلمة أنها كفو للمكان الي هي فيه.

غاليتي تحت ظلك

كم أسعدني هذا الرد الرائع يما احتواه من امور هامه تتعلق بالموضوع

سلمت يمينك

معلمات يقيمون الطالبه من شكلها أن عجبني شكلج نجحتي أنا ماعجبني لا
يقيمون الطالبه من أحاسيسهم القلبيه أذا يحسون الطالبه تكرههم أو تحبهم

عموما التعليم أمانه عظيمه ومسؤليه مع كل أسف أسندت أحيانا الى غير أهلها
بس الجميل أن الطالبه ماتصير متخاذله مع أيا كان , لها حق تطالب فيه وماتسكت
لأن ظلم لو بنسمي كل معلمة أنها كفو للمكان الي هي فيه

معاج بهذا الكلام 100% :eh_s(15):

 

[ميونة الحلوة]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

يعطيج العافيه على الموضوع

انا مدرسه و لله الحمد

بس الله يسلمج قله ادب الطلبه او الطالبات ترجع لسببين

اولا عدم احترام الامهات للمعلمين او المعلمات اذا انا شايفه في عيني الام تقول لبنتها ابلتج البقرة ما عطتكم ورقة عمل بالله تكفين شلون البنت بتحترم الابله اذا الام اسلوبها جذي و وايد غيرها نفس النموذج

ثانيا انهم منعو الطق الي اهو العقاب الي ربانا و ربى اجيال قبلنا و قالو لا و لا حتى تدخلين معاج مسطرة تخوفينهم فيها و مثل ما يقولون من امن العقوبة أساء الادب احنا ما قلنا نمشي و نطق بس و الله كنا نخاف من المسطرة و كانت مشيتنا عدل كبرنا و احنا نحترم ابلاتنا و ما نرد عليهم حتى

الله يهدي طلبتنا و طالباتنا و يهدي جميع المسلمين

 

[قمر بيت أبوها]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

طول عمري احترم المعلمه الزينه والشينه موب لمصلحه بس احب ان الزينه من احترامي لها تزداد علم والشينه تتواضع للعلم اللي تعلمته
وبما اني تخرجت مدرسه وجربت التربيه اقدر اقول مو كل الطالبات بس الاغلبيه بالاسلوب الحلو والميانه بحدود المعقول تخليها تحترمك
والله يعين المدرسين علي امانتهم الكبيره اللي تعليم الناس مو الكل يقدر ياديها بامانه سواء الناحيه التعليميه ولا الناحيه التربويه

 

[^ MiSS MoOoka ^]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

سسلآم علييككم

مششكوره ع الموضوع العججيب والله شدني ادخل للمنتدى مع اني قاطعه من فترهه بس آراقب المواضيع من بعــيد
والله صدقتي في الكلـآم الي قلتيه ،
والله تحسسفت اني قليت ادبي او تكلمت ع البله ايآم الدراسه واتمنى ارد واعتذر لكل ابلهه قطعت حصتهآ او قعدت استضرف في حصتها
ونشوفها تتعب ويصدع راسها واحياناً تكرهه تدخل الصف تشرحلنا مو بس مني الله يسلم خوياتي بعد ><
والله انصحح كل بنت تتشيطن مع ابلتها كل شي وله حدود ماعلمت نفسي من الاول والله متحسفه اقول لاختي روحي سلميلي ع كل مدرساتي
وقوليلهم تتأسف عن يوم واحد غثتج فيه ومستحيل نسوني ادري :/
والله بخاطري حتى اواجههم

والله تتحسفون نفس ححالتي الحين ماكانت تشرح الدرس كامل مسكينه الله يوفقهم ويسعدهم ويجزاهم الجنه يارب والله يستاهلون

وحبيت ارد ع الي تقول اسلوب الابله يحكم والحبوبه يمشون معها ومادري ايش
لا والله هذا ع ايامكم اول اذا انتي كبيرهه والله بنات الحين العين القويهه هي الي تخليها غصب عنها محترمه قدام الابله
وتخليها من تشوف الابله من اول الممر تضبط نفسها اما اذا عطتها وجه والله تقط ككلام ماتحاسبهه وتوصل للميانه الخايسه الاحترام واجب والهيبا للمدرسه لازم

ويعطيكم الف عافيـــهه

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

مشكووورة نهاوي على هذا الموضوع حبيبتي

المعلم يستحق الاحترام وذلك يعتمد على تربية الابناء من جهه وعلى فرض المعلم هيبته من جهه اخرى

بالنسبة لي انا معلمة عيالي ومربيتهم ان المعلم والمعلمه مثلي انا وابوهم يجب عليهم احترامهم ولو غلط عليه مايقل ادبه عليه لكن يقول لنا ووقتها احنا نتصرف

في معلمين ومعلمات يستحقون انكم تشيلونهم على راسكم وفي منهم حرام يكونون بهالمكان والحمد الله انهم قله

احنا قبل عندنا معلماتنا قدوة ولهم هيبه وحتى اللي تتغشمر معانا وتضحك لها مكانه وقدر ونحترمهم ونحبهم لي يومنا هذا ونذكرهم بالخير لكن الحين بعض الطلاب من تضحك معاهم المعلمه تبدأ قلة الادب

ربي يوفق كل معلم ومعلمه يخدمون هالمهنه ويتعبون فيها

هلا والله بالغاليه ام عبووودي

العفو ياقلبي

ونورتي الموضوع بمشاركتج الرائعة


وانا معاج بكل اللي قلتيه


وقلة ادب الطالب مع المعلم ترجع لمدى تربية الاهل للابناء


ومثل ما ذكرتي يا الغاليه انه الاهل يعلمون عيالهم انه احترام المعلم او المعلمة من احترامهم لامهم وابوهم


وهالشي يعتمد اولا واخيرا على مدى فرض المعلم هيبته واحترامه على جميع الطلاب ونشر رسالته التربوية بالشكل الصحيح


كل الشكر لج حبيبتي ام عبوودي

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

الطالب يحترم المعلم سواء زين ولا شين


لأنه كل شخص يعكس تربيته في البيت

لكن مثل ما قالوا البنات اكو معلمين مو أهل للتعليم ومو كفو لكن هالشي ما يبرر قلة ادب الطالب
تسلمين نهوي سلطتي الضوء على موضوع مهم^-^

هلا والله حبيبتي

الله يسلمج ياقلبي مشكوره على المشاركة العطره


عدل كلامج حبيبتي


:eh_s(15):

 

[PuPa^^SWeeT]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

والله المعلم يوووقف علي حييله و يشرح و يتعب




و ايي طالب يرادد ولا يطول لسااانة على المعلم


مو قبووول



للاسف البعض يتخفى فعلا تحت كلمة في معلمين ما يشرحون عدل


ولا معلمين يسبون


وهم معلمييين اكيييد فقدووو اعصااابهم بلحظة من اللحظات وقالوو كلمة تندموو عليها



بدال لا الطالب يفكر ليش المعلم قاااله جذي و يعرف انه اخطأ


يكبر الموضوع عند اهله و يخلي اهله ياخذوون فكرة سيئة عنه




ادري بتقولون المعلم قدوة و مايفقد اعصااابه




بس ترا اهو انساااان


و ما يرضى بعد على رووحه لو طالب يغلط عليه





الجيييل الحالي مستقوي



اعتقد لانه المدرسين قبل كانو فعلا يغلطوون عليينا



و كانت الادارة اتصف وياهم و اتصفقلهم



الحيين الاهل من حرتهم من قبل


مايبون عيالهم يعيشون نفس اللي عاشووه






بس ترا معظم المعلميين الحين بالعكس يبون يكسبون الطلبة




بسس انا اسمع من بنات اهلي و من عيالهم


سوالفهم و شنو يسوون للابلات و المدرسين


وانصدم



لانه بعض الاحيان يكونون متجنيين على المعلم



الله يهديييهم




يومي كان كابوووس



اعذرووو كآبتي

 

[مجنونة اوزان]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

الحمدلله فِ ابلآت يستآهلون كل الاحترام
,
اما الصراحه في ابلات يحطون اللوم عليك وانتِ مآسويتي شيء
انا الحمدلله مَ أغلط على الابلآت عشان مايغلطون عليّ
,
بس مرات في ابلات يهاوشوني وانا ماسويت شي فَ هنا اتضايق وارد عليهم بكلآم شكبره وبَ الطقاق :|

 

[Miss Basma ..}]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

هالموضوع عالجرح
.. أنا كطالبة .. أشوف أغلب المعلمات زينات و مهتمات
فقط فئة قليلة مو مهتمة بالتدريس .. بس الغالبية يستاهلون الاحترام و التقدير ..
و في أغلب المشاكل الطالبة هي الي تبدأ .. أذكر يوم كان عندنا اختيار حر . و على حظي ثلاث بنات قاعدين جنبي و كله قرقة بالحصة.. و معروف عن صفهم أنه الأسوء .. و كانوا يشتكون من أبلتهم الانجلش أنها كلها تزفهم.. هالأبلة كانت تدرسني و معروف أنها تحب الي تسكت بالحصة.. و طبعا ما أستغرب الأبلة تزف هالبنات.. أنا قاعدة جنبهم و مو قادرة أسمع شرح الأبلة..

أما الي يردون على الأبلة إذا زفتهم يرفعون الضغط..يعني خل يحترمون نفسهم و يسكتون..الأبلة زفتج..أنتي اسكتي
أغلب البنات هم الي يبدأون و إذا الأبلة زفت .. يحشون فيها و يقولون هي الغلطانة.. و إلا الغلط من البنت نفسها

و الحمد لله .. أغلب الأبلات ينحطون عالجرح.. بس الطالبات أنانيات و مجتمعنا العربي نظرته سلبية لنفسه.. يعتبرون غالبية أفراد المجتمع غير أمناء و يعممون عالمعلمات..
و أنا لو ما كانوا غالبية المعلمات الي مروا علي سنعات و يشرحون بضمير .. كان ما قررت أني أصير مدرسة
المعلمة تعتبر طالباتها بناتها أو خواتها الصغار .. و هذه نظرتي لأغلب معلماتي أعتبرهم أمي أو أختي الكبيرة

 

[Eva-SS]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

والله هالجيل مع احترامي الشديد ما أقول الكل لكن فئة كبيرة من الطلبه مو محترمين وأنا ما ألومهم لأنه أنا معلمه وتمر علي نماين أولياء أمور اللهم لك الحمد والشكر على بالهم المدرسه خدامه

أختي مدرسة أبتدائي بنين قايله لطالب عندها برابع قول لأمك تفتح الجريدة وتخليك تقرا عشان تتدرب ثاني يوم جاي يقول أبله أنا قلت لأمي وأمي تقول قول للأبلة مو معطينكم كادر ببلاش !!

شلون تبين الطالب يحترم المدرس إذا أهله معلمينه قلة الأدب

فيه فئة كبيرة جذي .. أنا ماأقول الكل والله أنه فيه أهالي ينحطون على الجرح يبرا قمة في الأهتمام والاحترام لكن للأسف مو الكل

 

[ام حنااين]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

اذا المعلمة اساءت للبنت لازم الطالبة تسال نفسها عن السبب
ماظن المعلمة بتحرق دمها وتضيع حصتها بدون سبب

اكثر البنات تقول ماقلت شي وزفتني وقصدها انها قالت كم كلمة وماله داعي الزف
الصف فيه فوق 25 بنت كل وحدة بتقول كلمة وتضحك وغيره شباقي بالحصة وانتوا شايفين المناهج

لو المعلمة ماتهمها مصلحة البنات ماشدت اعصابها كانت بتقول كلمتين بالحصة وماهمها شي

والاهل دايما مع ابناءهم حتى لو غلط بذكرهم علاقة بنتج بمعلمتها مو تحدي

اهي انسانة تقوم بشغلها بمجرد ماتطلع من الحصة نست الصف بللي فيه ولاهمها
بس الطلاب مضيعين وقتهم بالحش والذنوب وضياع درجاتهم باهمالهم

احترام المعلم يعود بالفائدة على الطالب قبل المعلم

اسفة على الاطاله

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

يعطيج العافيــه نهى وتسلم ايدج على هالموضوع



فعلا ً قم للمعلم ,, ولكن أي معلم ؟؟؟



في معلمات ومعلمين يستحقون التبجيــل .. والاحترام والتقدير والدعاء لهم بظهر الغيــب



وفي شريحه للأسف اذا درست عيالج ..



ماتقولين غير انا لله وانه اليه راجعون وحسبي الله ونعم الوكيل



أعطيج موقف : طالب بصف 6 .. يقولي شنو يعني قزمه ؟ قلته حطه في جمله عشان تكون واضحه


( لاني أستغربة ) جان يقول : أنت يا قزمه !! قلت له منو قالك جذي .. قال استاذه


وهالكلمات البذيئه وايد تتكرر خصوصا من المعلمين


يعني الوزاره أسمها وزارة التربيه والتعليم .. التربيه قبل التعليم شلون يتلفضون بهالألفاظ


أما المعلمات ..


لما أروح أجتماع الامهات .. تييني أبلة الأنقلش اللي مدرسه الطالب 3 سنين


بـ 3و4و5 .. تقولي حطي مدرس خاص ! أنزين أنتي أشمهنتج ؟؟ اش وظيفتج ؟


اذا كانوا بالابتدائي احنا اللي نسطر ولزق ونقصص لهم وفوق هذا هابين بكلمة ييبي مدرس ؟


بالله أنتي مدرسه على شنووو اذا كل شي الاهل بيسوونه ؟؟؟


صراحه بعض المعلمات والمعلمين ..


للأسف يحسسونج انهم مو مال تدريس وانهم مغصوبين عليه :rgewrg::rgewrg:



والسموحه نهى تحملي كلامي ..


واكرر انا أقصد فئه وشريحه معينه ..



تشكرات نونو عالموضوع الحلو :eh_s(7):

هلا وغلا حبيبتي ضماد

الله يعافيج ياقلبي تسلمين


وكلامج عين العقل ياقلبي


واكيد ياقلبي احنا نقصد من خلال هذا الموضوع فئة منهم

لما أروح أجتماع الامهات .. تييني أبلة الأنقلش اللي مدرسه الطالب 3 سنين


بـ 3و4و5 .. تقولي حطي مدرس خاص ! أنزين أنتي أشمهنتج ؟؟ اش وظيفتج ؟

لا حول ولا قوة الا بالله

مدري شقول


الاهل يودون عيالهم علشان يتعلمون مو علشان يخصصون مدرس خصوصي حق عيالهم

شنو ذنبهم ؟؟

 

[PuPa^^SWeeT]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

ضمااد


انتي شنو تصرفج لما اتقولج ييبي مدرس خصوصي




على فكرة



الابلة اللي اتقولج لج الحق تشتكييين عليها بالادارة



و خل اتدافع عن رووحها ة اتفجج رووحها



فعلا انا طفارتي الابلة اللي اتقووول ييبي مدرسس حق البنت ولا امها



غلط




عيل انا ليش اكوون بالمدرسة ؟؟؟ 6 ساعات

 

[نهى الأحمد]

رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•

شكراً نهى على مو ضوعج الأكثر من رائع !

كعادتك تتطرقين الى مو ضوعات حيوية تمس حياتنا اليومية ..

الآن الصورة القديمة للمعلم اختفت تقريباً واختفت معها هيبة المعلم وتقديره

الان الطالب يظن نفسه يفهم اكثر من معلمه ويأخذه الغرور لانه ماهر في التكنولوجيا الحديثة لكن نسى ان العلم يجب ان يقارنه ادب

يقول الشاعر : اذا ماالعلم لابس حسن خلقٍ * فرجّ لأهله الخير الكثيرا

والتربية والتعليم قرينان

ولكن ماذا نقول وقد فقد هذا الزمان كل القيم وساءت التربية واحاطت المظاهر المزيفة حياة ابنائنا ؟ وصاروا يلهثون خلف الافكار المستوردة بكل

مافيها من حسنات وسيئات .. ومن بينها قلة الاحترام وانعدام الادب في التعامل ؟

يجب أن يستفيق الاهل قبل أن يجرفنا المد ويعلموا اولادهم معنى الاحترام والتقدير لمن يغرس في عقولهم بذور العلم ويعودوا الى حظيرة الأخلاق !.



جزاك الله خيراً على كل ما تقدمينه وما تبذلينه من جهد وزاد عطاؤك ولك كل الشكر

اهلا بك غاليتي المبدعة دوما روح


العفو عزيزتي

هذا الموضوع فعلا مهم ويجب التركيز على دور المعلم والطالب

من احترام المعلم للطالب والقيام بواجبه تجاه الطلاب على اكمل وجه
واحترام الطالب للمعلم


فقد ذكرتي لنا نقاط مهمة عزيزتي روح

كل الشكر لك غاليتي للمشاركة الرائعة