ساكن(ن) وسط الحنايا وانا في قلبه الوحيده
ماخذ (ن) كل المشاعر والمشاعر مرتضينه
كل ما فيني تشرب حبه العذري وسعيده
اعشقه واهواه واعشق لمته ولمت يدينه
يسحر الخافق بحكيه هو هلي وكل البديده
من كثر ما اني احبه مت حتى بوالدينه
ايه احبه واتنفس من وريدي في وريده
ايه احبه واعشقه واهوى عيونه وحاجبينه
ودي اوصف هالمشاعر سيّدته وصرت سيده
لكن اخشى حاسديني وايضا اخشى حاسدينه
اسمع اقرب هات اذنك اشهد اني بك شهيده
حبك اللي التوابي وزلزل اعصاب (ن) متينه
يسري فيني دون رحمه والحقه ما اقدر اصيده
اه يا حب (ن) بنا له في سراجيفي مدينه
واه من عشقه وحبه ارتفع عندي رصيده
ينتشر فيني وانا اضحك مثل سكر شاربينه
هذا حبي وهذا عشقي بوصفه لكن اريده
يعذر حروف القصيده لرتخى وبيح كنينه
لاجلس يحكي ادوخ بصوته الدافي واعيده
ارخي اهدابي واغرد كني عصفور بيمينه
ولا وصف حبه وعشقه صرت طفلته البليده
ولا سألني : هاه فهمتي ؟ قلت : لا ،، الله يعينه
تغرق عيونه بعيني ويبتسم ثم (ن) يعيده
ودي يحكي ولا يوقف يوصف العشق وحنينه
ولانتهى حكيه ابحكي بس افكاري طريده
حيلتي بس اتبسم ثم ابوسه في جبينه
ولاختلط عطري بعطره صرت في حضنه وليده
ولا لمس كفي بكفه ذبت ثلجة براحتينه
والعيون اللي اذبحتني وصرت في غيره زهيده
لرمشت ثم غمزت لي رحت ملح (ن) بايعينه
لا
بغيت اهمس (احبك) صارت حروفي فقيده
قمت اخبص في كلامي صرت دلخ(ن)بالرطينه
