☎ Iphones قروب لمستخدمي الـ ☏

[كويتيه ذربه]

اي النيم بوز بلاش .. وعندج بعد الهوزهير همن بلاش ..
وترا النيم بوز مو لازم وايرلس .. عادي اذا كان خطج في خدمه النت ..
والتواتس اب همن بلاش

:e3:



كلما حاولت اتصل من النيم بوز يطلعلي الواي فاي مغلق مو راضي يصير

 

[manhattan girl]

هاي بنات
انا عندي مشكله بالايفون كل الابات مو راضين يشتغلون شسوي؟

هلا حبوبه سوي restart حق جهازج و اذا ما فاد طفيه و عقب 3 ال 4 ثواني بطليه مره ثانيه و اذا هم ما فاد وديه المحل و شوفي شنو مشكلته

 

[manhattan girl]

قوه بنات اشلونكم انا عندى اى فون 3g وماعرف فيه شى <<العن ام الفشله
ماعليكم امر تساعدونى لما ابى ادز صوره وسائط مايصير يطلعلى فشل ارسال الرساله والاهم انى ماقدر اشبك بالنت
ولا مسنجر ولا اى شى خير شر كله يطلعلى لايمكن تنشيط شبكة البيانات الخلويه غير مشترك بخدمة البيانات الخلويه
وشلون اذا اقدر اشبك من خط الايقو بليز ساعدونى

هلا حبيبتي بالنسبه للصور و الوسائط اتصلي على خدمه العملاء و تبعي الخطوات معاهم ممكن انج مو متبعه الخطوات عدل علشان النت بعد و الشي الثاني اذا تبين تشبكين بالايفون عن طريق خط الايغو حطي الخط مكان كرت التلفون و شبكي نت عادي اتمنى اني فدتج

 

[أحلى عيون]

هلا اخواتي باكواا لي على الايفون بصراحه عجيب يهبل


ان شاء الله اكون وياكم


الاخت الي تقول حرام تشترون ايفون اول ماينزل يا قلبي يكون بالعلالالي يعني انا كلمت المحلات والشركات اول ماينزل على 300 وشوي

 

[al7noona]

بنات انا الحين صارلي اسبوعين مشتركه بخدمه النت وخطي فواتير زين وللحين موراضيه تشتغل عيزت وانا اكلمهم ودقوا علي الدعم
الفني ماكو فايده شسوي لاعت جبدي والله


ريلي يقولي خل يولون سكري خطج وروحي فتحي خط الوطنيه واشتركي بالنت

شرايكم شنو الاحسن زين ولا الوطنيه وشلون خدمه النت الوطنيه

 

[انتي كويتيه ارفعي راسج]

والله انا اللي سمعت خط وطنيه احسن

وانا بحط وطنيه بصراحه


ومبروك لكل وحده صارت ايفونيه

 

[جوزائيه مغروره]

قوووه بنات شخباركم

واااي حدي تعبت نفسيا

توني شاريه الايفون

مو عارفه انقل الصور والاغاني

نزلت برنامج iTunes وماعرفت شسوي

بليز لا تخلوني

وبعد ابي اعرف شلون اطلع الارقام

 

[جوزائيه مغروره]

وينكم

 

[manhattan girl]

قوووه بنات شخباركم

واااي حدي تعبت نفسيا

توني شاريه الايفون

مو عارفه انقل الصور والاغاني

نزلت برنامج iTunes وماعرفت شسوي

بليز لا تخلوني

وبعد ابي اعرف شلون اطلع الارقام

يا قلبي لا محنا مخلينج لا تحاتين البنات هني ما يقصرون شوفي يا قلبي بالنسبه للاغاني و الصور فتحي فولددر بلابتوبج و سميه iphone عشان تعرفين ان اغاني الايفون و الصور موجوده فيه و داخل هالفولدر فتحي فولدرين انا قاعده اساعدج عالتنظيم من البدايه و كل فولدر منهم سميه اسم واحد منهم اغاني و الثاني صور بعديت فتحي الآيتون و وصلي تلفونج و لمن يطلع اسم تلفونج بالآيتون طقي عليه و دشي عالصور و اختاري الملف اللي فتحتيه لصور الايفون و بعدها روحي عند الاغاني و اختاري الملف اللي فتحتيه للاغاني و حطي عليه صح و بعدين دوري على كلمة sync بالآيتون طقي عليها و نطري كل الصور و الاغاني راح تنزل عندج بالآيفون

 

[أحلى عيون]

ليش مانسوي موسوعه للبرامج والالعاب في الايفون احلى ولا شرايكم

 

[addict to me]

الاخت الي تقول حرام تشترون ايفون اول ماينزل يا قلبي يكون بالعلالالي يعني انا كلمت المحلات والشركات اول ماينزل على 300 وشوي

انا قصدي نطرو ايفون 4

لانه باقي تقريبا شهرين وينزل يعني الي فيهم صبر ينطرون ويتصبرون وباي موبايل

والايفون 4 في مميزات احسن

والي فيها صبر وتقدر على شهر 9 تشتريه من خارج الكويت افضل لانه ارخص بوايد

ومثل ماقلت الي هالصيف مسافرين ايطاليا او النمسا راح يكون نازل ومفتوح رسمي وسعره مثل ماقلت يبدي من 58

فليش اشتري شي قديم وقاصين علي فيه وما اشتري اليديد وبسعر ارخص!!

 

[addict to me]

بليز بنات ممكن اذا ذكرتو اسم app تكتبونه بالانجليزي وذكرو شنو نستخدمه له وجم سعره او اذا كان free

و شلون اسوي سيرج حق App بال apple store

انا للحين ماشريت بس قاعده اسيفهم عندي

 

[&اسرار العشق&]

هلا حبيبتي بالنسبه للصور و الوسائط اتصلي على خدمه العملاء و تبعي الخطوات معاهم ممكن انج مو متبعه الخطوات عدل علشان النت بعد و الشي الثاني اذا تبين تشبكين بالايفون عن طريق خط الايغو حطي الخط مكان كرت التلفون و شبكي نت عادي اتمنى اني فدتج

اوك وحبوبه انا حطيت خط الايقو بجهازى بس مايشبك وابى افتح الاب ستور وكلشى مايتبطل يطلعلى لايمكن تنشيط شبكة البيانات الخلويه انت غير مشترك ويطلعلى اختيار شبكة wi_fi Zain internet Router وعقب يطلعى لازم احط باسوورد انا خطى وطنيه اقدر ادق عالشركه يضبطولى هالسالفه ولا لها طريقه لازم انا اسويها ؟؟شلون الطريقه ترى انا حدى عليميه ماعرف فيه شى سورى ازعجتج

 

[جوزائيه مغروره]

يا قلبي لا محنا مخلينج لا تحاتين البنات هني ما يقصرون شوفي يا قلبي بالنسبه للاغاني و الصور فتحي فولددر بلابتوبج و سميه iphone عشان تعرفين ان اغاني الايفون و الصور موجوده فيه و داخل هالفولدر فتحي فولدرين انا قاعده اساعدج عالتنظيم من البدايه و كل فولدر منهم سميه اسم واحد منهم اغاني و الثاني صور بعديت فتحي الآيتون و وصلي تلفونج و لمن يطلع اسم تلفونج بالآيتون طقي عليه و دشي عالصور و اختاري الملف اللي فتحتيه لصور الايفون و بعدها روحي عند الاغاني و اختاري الملف اللي فتحتيه للاغاني و حطي عليه صح و بعدين دوري على كلمة sync بالآيتون طقي عليها و نطري كل الصور و الاغاني راح تنزل عندج بالآيفون

حيااااااااااااتي والله فديتج

مشكوره ما قصرتي

انا عطيته حق رفيجتي تضبطه وباجر باذن الله باخذه وبسوي اللي قلتيه

مشكوره حياتي :tek:

 

[addict to me]

شدعوة محد رد علي

 

[هااجر الهاجري]

مبروك علينا شريناه ...


ممكن بنات تعلموني شلون اشبك الايفون بالكمبيوتر .. عن طريق ال usb؟؟

اوك وحبوبه انا حطيت خط الايقو بجهازى بس مايشبك وابى افتح الاب ستور وكلشى مايتبطل يطلعلى لايمكن تنشيط شبكة البيانات الخلويه انت غير مشترك ويطلعلى اختيار شبكة wi_fi Zain internet Router وعقب يطلعى لازم احط باسوورد انا خطى وطنيه اقدر ادق عالشركه يضبطولى هالسالفه ولا لها طريقه لازم انا اسويها ؟؟شلون الطريقه ترى انا حدى عليميه ماعرف فيه شى سورى ازعجتج

انا نفسج .. لقيت وحده هني كاتبه الطريقه اني ادخل الاعدادات(الستنق) ... العام(جينرال)...الشبكه (نيت ويرك)...شبكه البيانات الخلويه...وتحطين pps... في اول ثلاث خانات


لكن لمن دقيت على الشركه قالوا لي ... hspps

يمكن عشان اشتراكي بو 30 .. بس انا زين مو وطنيه

 

[manhattan girl]

اوك وحبوبه انا حطيت خط الايقو بجهازى بس مايشبك وابى افتح الاب ستور وكلشى مايتبطل يطلعلى لايمكن تنشيط شبكة البيانات الخلويه انت غير مشترك ويطلعلى اختيار شبكة wi_fi zain internet router وعقب يطلعى لازم احط باسوورد انا خطى وطنيه اقدر ادق عالشركه يضبطولى هالسالفه ولا لها طريقه لازم انا اسويها ؟؟شلون الطريقه ترى انا حدى عليميه ماعرف فيه شى سورى ازعجتج

اوكي حبوبه هذي اكيد من الخدمه كلميهم و شوفي انشاءالله تنحل مشكلتج

 

[al7noona]

بنات ليش لما اكتب مسج يحط لي كلمات بكيفه لووول
يعني مثلا اذا كتيت انا اهوا يحط لي أنا يضيف الهمزه وفي كلمات تصير كانج انتي كاتبه بدليه شلون اشيل هالطريقه ابي اكتب مسج بدون لا اهوا يغير الكلمات؟؟

 

[manhattan girl]

بنات ليش لما اكتب مسج يحط لي كلمات بكيفه لووول
يعني مثلا اذا كتيت انا اهوا يحط لي أنا يضيف الهمزه وفي كلمات تصير كانج انتي كاتبه بدليه شلون اشيل هالطريقه ابي اكتب مسج بدون لا اهوا يغير الكلمات؟؟

هلا يا قلبي هذا مو على كيفه اهو يصير جذي لان التصحيح التلقائي شغال عندج و اللي اهو auto correction اذا مأذيج هالكثر روحي setting, general, keyboard, auto correction حطيه off و بس

 

[fifty-inch]

مرحباااا بنات

انا شريت ايفون 3gs بس مافيه السيديا
ياليت تساعدوووني من وين احمل السيديا وشلون؟؟؟؟
بلييييييييييييييييييز