رد: قروب خاااص لمستخدمي الآيفون
بنات ايفوني من امريكا وبس نزلت الفيرجن اليديد صارله lock والمشكله ان الجهاز في صوري ما اقدر اودي محلات
ممكن احد يساعدني بلييييز لان حدي متوهقه
((
إذا كان الجهاز جاي بالكرتون وفيه الفيرجن 3.1 وسووله جيلبريك أو downgrade للفيرجن 3.0 .. الجهاز بكل بساطة راح يقفل إلى الأبد ويتحول إلى ipod touch !
وراح تشوف انه دايمًا صوب السيرفس مكتوب No Service وحتى لو تسوي فورمات 100 مره ماكو فايدة الجهاز ما راح يلقطلك إرسال!
أنا صارت معاي وشريت جهاز مستعمل وكله كان No service والهندي قالي المشكلة من خطك .. فجربته على 9 خطوط هم ما اشتغل .. وسويتله فورمات وهم ماكو فايده ولمن دورت في المواقع
الأجنبيه عرفت انه الجهاز خلاص قفل إلى الأبد .. من حظي صاحب المحل طلع ولد حلال ورجعلي فلوسي.
ليش يصير جذي ؟
هذي حماية من شركة Apple عشان تمنع الناس من عمل الجيلبريك وتنزيل البرامج الغير مرخصة.
طيب ليش لما أسوي فورمات ما يرد السيرفس ؟
الـ iphone يحتوي على معالجين .. واحد للبرامج اللي احنا نستعملها .. والثاني يكون معالج خاص لنقل الأوامر بين الأجزاء الداخلية للجهاز ( مثلا ينقل أوامر بين البلوتوث والميموري كارد أو الـ
WiFi ) .. هذا المعالج الداخلي اسمه الـ Baseband وله تحديثات مثل ما للمعالج الأساسي تحديثات ( مثل الــ 3.1 والـ 3.0 )
اذا كان إصدار البيسباند 4.26.08 فيمكنك عمل جيلبريك وانت متطمن وتقدر تحط اي برنامج.
أما إذا كان إصدار البيسباند 5 وأكثر فلا تفكر بعمل جيلبريك نهائيًا.
وأيضًا اللي يسوي جيلبريك بطريقة خطأ ممكن انه يقفل جهازة ويتحول إلى ipod touch !
شلون أعرف إصدار البيسباند ؟
ادخل على Settings > General > About > Modem Firmware
الإصدار الجديد للآي فون الـ 3.1 يقوم تلقائياً بترقية البيسباند إلى الإصدار الأخير وهو 5.11.07 عشان يمنع الناس من تنزيل برامج غير مصرحة وعمل الجيلبريك.
شالفرق بين البرامج المصرحة والغير مصرحة ؟
البرامج المصرحة لها ترخيص من Apple .. البرامج الغير مصرحة ممكن تكون برامج من تصميم شركات أو حتى أفراد مبرمجين لكن Apple رفضت انها تعطيهم ترخيص.
ودايمًا أفضل البرامج تكون برامج غير مرخصة .. ليش ؟ أنا أعطيكم مثال .. Apple ترفض انه تخلي أجهزة الـ iphone ترسل ملفات عن طريق البلوتوث ! لكن في برنامج غير مصرح اسمه
iBluetooth يسمحلك بنقل الملفات عن طريق البلوتوث مثل أجهزة النوكيا.. وبما أن هذا البرنامج غير مصرح لازم يكون معمول حق جهازك جيلبريك عشان تقدر تثبته على الجهاز!
مثال آخر .. برنامج الملاحة الخاص بشبه الجزير العربية من البرامج اللي Apple مو معطتها ترخيص .. لكنه أفضل من برنامج Maps بـ 1000 مره .. وبدون جيلبريك ما تقدر تثبت البرنامج
على جهازك.
ماكو حل اذا قفل جهازي ؟
أكو حل .. لكن هذا الحل يسمحلك بأن تشغل شريحة وحدة فقط على الجهاز ( sim card واحد بس ) يعني أي خط غير هالخط ما راح يشتغل عالجهاز .. وهذي الطريقة تسمى Turbo
Sim .
الزبدة ؟
ديرو بالكم من شراء الأجهزة اللي فيها خلل بالجيلبريك .. ودايمًا تأكدو من البسيباند ومن فيرجن الجهاز
وديرو بالكم تاخذوون جهاز يكون جاي بالعلبة مع الاصدار 3.1 وبعدين صاحب الجهاز يكون عامله Downgrade لي 3.0
شنو أفضل مواصفات عشان آخذ الجهاز وأنا متطمن وأقدر أسويله جيلبريك وأنزل عليه أي برنامج بدون ما أخاف ؟
الفيرجن يكون 3.0 أو أقدم
البيسباند يكون 4.26.08 أو أقدم
الفيرجنات اليديدة ما فيها خلل .. لكن اذا بتسويلها جيلبريك عشان تنزل برامج مثل برنامج الخرايط أو البلوتوث راح تقفل معاك !
ويمكن يلقون المبرمجين حل لهذه المشكلة في المستقبل مثل ما لقوا حق الاصدار 3.0 .. بس حاليًا لا يوجد
منقول
