☎ Iphones قروب لمستخدمي الـ ☏

[manhattan girl]

رد: قروب خاااص لمستخدمي الآيفون

هاااي حلواات شلونكم انا ايفونية يديدة

علموني شنو البرامج الي انزلها وتنفعني حق الايفون

ولمن ادز الصور من تلفوني النوكيا لي الايفوون ليش مايصيير

امم. لي عوده للموضوع انشالله

هلا و الله و حياج بينا حبيبتي مبروك الآيفون شوفي حبيبتي البرامج اهي سيديا و بلاك ريين و جييلبريكير و بروك و في برنامج بلوتوث عشان تستقبلين و تطرشين صور و بالنسبه للصور انج تطرشينها من النوكيا لي الآيفون ما يصير يا قلبي لان البلوتوث اللي بالآيفون هذا بس عشان تشبكين سماعه بلوتوث

 

[manhattan girl]

رد: قروب خاااص لمستخدمي الآيفون

بنات انا اذا بشتري اي برنامج او لعبه لازم احط رقم البطاقه - احط رقم بطاقة الكي نت و لا فيزا انرنت ؟؟؟ لأني جربت و حطيت الرقم يقولي كومبلييت بس مايبين عندي البرنامج كلش ليييش؟؟؟ ضرروووي

حطي رقم الفيزا حبيبتي حياج يا قلبي

 

[manhattan girl]

رد: قروب خاااص لمستخدمي الآيفون

شلون احط صور بخلفية مالت االايقونه

شوفي حبيبتي روحي عند الصور و اختاري الصورة و حطيها خلفيه بعدين دشي winterboard و اختاري userwallpaper و راح تلقين الصورة محطوطه خلفيه لكل ايقوناتج

 

[•••MiSs ElliOtt«]

رد: قروب خاااص لمستخدمي الآيفون

بنات عفيه جم وصل سعر الآيفون الثري جي اس واهم شي يكون مفتوح//وبنوتات أكو أيفون عربي؟لأن أشوفكم كله تتحجون انجلش؟//اممم ولما شريتوه معاه ملحقاته من شاحن وسماعات وكل شي‏<‏‏<‏سؤال غبي لوول //
الاشتراك بالايتونز فري والا بفلوس؟ والبرامج الحلوة والمميزة فري والا هم بعد لها سعر؟

رمز آلترف

إنحولت وأنآ أدور إستفسسآرج خخخخخ

إمم آلسسعر أتوقع لآ زآل 270 دينآر وطبعآ مفتوح رسسمي أنآ شريته من يوريكآ ومفتوح رسسمي

إلكتروزآن همن مفتووح رسسمي وكفآلته سنه بس أغلى من يوريكآ :$ طبعآ آلغلآ بشيء بسسيط عشره عشرين دينآر

هوو آلآيفون يدعم آللغه آلعربيه حيآتي تقدرين تخلينه عربي أو إنقلش من آلسيتنغ

هههههههههههههههه سؤآلج عجييب شيء أكيد بيجي معآآه

إي يجي معه سسمآعآته وشحن \ آلششآحن بنفس آلوقت وصله آللآب لآشريتيه بتفهمين

آلآيتونز تقدرين تسوين حسسآب طبعآ آلحسسآب ببلآش بس فيه طريقه آلدفع يآ إنج تشترين كرت آلآيتونز من جرير أو تحطين رقم آلفيزآ

أو مآتحطين شيء يعني مآتدفعين تنزلين برآمج مجآنيه بس

آلآيتونز إللي بـ آللآب طبعآ تقدرين تنزلين منه برآمج مجآنيه وفيه برآمج بفلووس على حسب

وأكوو بـ آلآيفون همن تنزلين من آلآب ستور فيه برآمج مجآنيه وفيه بـ فلووس

وفيه بـ آلنت طبعآ بعض آلنآس ينزلون آلبرآمج إللي بـ فلووس ويخلون آلنآس تحملهآ من آلنت من دون فلووس

وبس

~

 

[•••MiSs ElliOtt«]

رد: قروب خاااص لمستخدمي الآيفون

نفس آلآسئله تتكرر

بنآآت إبحثو بـ آلموضووع

فيه فوق أيقونه إللي تحت آلصفحآت مكتوب إبحث بـ آلموضوع أكتبي إسم او أي شيء عن إستفسسآرج ورآح تلقين ردود وآجد

وآلسسموحه قل دخوولي للنت بسبة آلدرآآسه وآلكوولج :/

بحآول قد مآأقدر أنزل موضضوع فيه شروحآت لآسئلتكم :$ بس مو ألحين متى مآفضيت

<<~أووت

~

 

[بنت الفقيد]

رد: قروب خاااص لمستخدمي الآيفون

بما انه احنا الايفونيات مشكلتنا الوحيدة تكمن بالبطارية ، انها ما تتم وبسرعة تخلص .. فقلت اكيد الاي فون يطلعون حل

المهم فدورت بين اكسسوارات الايفون لقيت هالاكسسوارين ويعتبرون حل جيد

الاول اللي اهو هذا :


http://store.apple.com/us/product/tv809vc/a?fnode=mty1nda0mq&mco=mtm3ntm1mdy


يعتبر مثل شاحن مؤقت للايفون .. ومثل الكفر تلبسينه ..

وااايد عجبني .. سئلت عنه هل موجود بالكويت أو لا ، قالوا لي بس مو اكيد انه ينباع باليوسفي .. بس ماني متأكدة من المعلومة ، لكن عالعمومة ينباع بموقع amazon وانا صج ودي اطلبه .


وهذا الاكسسوار الثاني بس مو ذلك الزود .



http://store.apple.com/us/product/tx469ll/a?fnode=mty1nda0mq&mco=mtm3ntmzmtm

يشحن بالطاقة الشمسية وما اعتقد موجود بالكويت ..

واللي بعد شايفة واحد من هالاكسسوارين هني بالديرة جان زين تفيدنا .

السلام عليكم ورحمة الله وبركاته

انا شايفته بالكترونيات الغانم اللي بجمعية القرين رقم 3 وسعره 20 دينار

 

[ana_q8]

رد: قروب خاااص لمستخدمي الآيفون

هلا بالغلا حبيبتي نزلي السيديا و بلاكريين و روك هذول تستفيدين منهم بالثيمات و برامج مجانيه اي برنامج تبينه للصور او رنات او خلفيات او ثيمات و غيره و غيره و عندج برامج لمواعيد الصلاة و الرزنامه تاريخ ميلادي و هجري يعني وايد انتي و اللي تبينه بس اهم شي السيديا و بلاك رين و روك

هلا فيج حبيبتي

بس شلون انزلهم ؟ وهل لازم اني انزل الجيلبريك ؟؟

وانا سمعت ان الجيلبريك يخرب الجهاز او يأثر عليه ويعلق

وانا سألت بنت عمي بأمريكا تقول لانسوين الجيلبريك هذا يسوونه الي اجهزتهم مقفوله ومحتكره لشركه معينه

تقول نزلي من app store وانا ما اعرف شلون ؟؟

ادري اسألتي مادري شلون صايره بس والله شسوي تقريبا بصير شهر من شريته وانا مادري وين الله قاطني وانا ما سويت فيه شي ما اعرف شي حدي عليميه ومييح :eh_s(2):

ابي شرح كامل ولا عليج امرعن البرامج وشنو وظيفتها

ومشكوره حبيبتي ما قصرتي

واسفين عالازعاج واذا ثقلنا بالأسئله:eh_s(6):

 

[vogue grl]

رد: قروب خاااص لمستخدمي الآيفون

up
up up

 

[MaKiNtoOoOsHa]

رد: قروب خاااص لمستخدمي الآيفون

اممممم حبيبتي سجليني وياج مع قروب الايفونيااات وانا بقولكم شي راح يونسكم,, صح من عيووب الاي فون انه مافي بلوتوث في برنامج تقدرين تنزلينه من السيديا اسمه ibluenova نزلوو ويصير عندج بلوتوث يعني عادي من نوكيا لي اي فون والعكس,,,

 

[تبطي عظم!]

رد: قروب خاااص لمستخدمي الآيفون

بناات لعبت بالجهاز لين عفسته

ابي ابجي صارلي يومين بس شاريته والحين عفسته

نزلت برنامج الايتونز وكنت بحمل الاغاني والصور الي بلابي حق الايفون

طبعا نزلت الاغاني الي عندي اوك بس البرامج والاغاني والصور القديمه الي منزلتهم من المحل راحو كلهم

قلت بالطقاق عادي..!!

المشكله الحين نزلو عندي برامج جديده بس صور البرامج موجوده بس ماتبطل وياي اضغط ع الصوره يطلعني برا..!!

شنو صار...!! وشنو اسوي بلييييييييييييز

 

[غموض q8]

رد: قروب خاااص لمستخدمي الآيفون

بنات تنصحوني اخذ اي فون يديد ولا مستعمل وجاهز وفي كل هالسوالف اللي تقولون عنها ما ادري شنو اهي بوت وفيرجن وما ادري شنو



ابي نصيحة عفيه ما ابي استعيل بشي


تراني عليميه فيه حدي ومتحسفه اخذ يديد لاني ما افهم فيه ومالي خلق احوس ولا عادي اخذ يديد بيكون جاهز ومجهز ولالا

 

[vogue grl]

رد: قروب خاااص لمستخدمي الآيفون

بنات تنصحوني اخذ اي فون يديد ولا مستعمل وجاهز وفي كل هالسوالف اللي تقولون عنها ما ادري شنو اهي بوت وفيرجن وما ادري شنو



ابي نصيحة عفيه ما ابي استعيل بشي


تراني عليميه فيه حدي ومتحسفه اخذ يديد لاني ما افهم فيه ومالي خلق احوس ولا عادي اخذ يديد بيكون جاهز ومجهز ولالا

انا انصحج تاخذين يديد احسن لج الانه بكذا حالتين بتنزلين برامج يعني جذي انتي مومختصره الطريج وبعدين يديد على استعمالج افضل احسن من مشدخ ومستعمله غيرج"

 

[vogue grl]

رد: قروب خاااص لمستخدمي الآيفون

بناات لعبت بالجهاز لين عفسته

ابي ابجي صارلي يومين بس شاريته والحين عفسته

نزلت برنامج الايتونز وكنت بحمل الاغاني والصور الي بلابي حق الايفون

طبعا نزلت الاغاني الي عندي اوك بس البرامج والاغاني والصور القديمه الي منزلتهم من المحل راحو كلهم

قلت بالطقاق عادي..!!

المشكله الحين نزلو عندي برامج جديده بس صور البرامج موجوده بس ماتبطل وياي اضغط ع الصوره يطلعني برا..!!

شنو صار...!! وشنو اسوي بلييييييييييييز

لووووول ليش تعفسينه يابنيه..شوفي دام عندج الايتونز و الاب ستور و السيديا عادي تقدرين تعوضين من برامج الي انمسحوا

اما عن ليش لمن تدخلين برامج ويطلعونج بره عادي تصير عندي
انا واختي شنو نسوي نروح حق الاب ستور ونزل اي شي منه من الفري ولمن ينزل اي من برامج الفري الي اخترتيه
(شيري عادي اي برنامج) لمن ينزل عادي يردون برامجج يفتحون ... والي نزلتيه مسحيه تمي ضاغطه عليه بصبعج بلخفيف ليمن يتحدد تشوفينه يهتز سوي كلك عليه ليمن يطلع لج مستطيل اختاري دليت يعني حذف وبعدين ثانكس وبس

 

[فرآبتشينوو]

رد: قروب خاااص لمستخدمي الآيفون

قوووه بنات


من زماان ماييت هني :eh_s(6):


انشغلت شوويه .. و ايفوني قبل فتره صارت له سالفه :eh_s(2):

كنت احمل برنامج من السيديا و عفس لي الجهاز

صرت مااقدر اسوي slide to unlock و مابقى شي ماجربته و ااخر شي سويت ريستور

و حسافة البرامج اللي من السيدياا


واايد ناس هالفتره متأذين من السيدياا !!



يلا بس مالنا الا ننطر متى ينزل الجيلبريك اليديد :eh_s(6):




<< يايه تخرعينهم انتي :eh_s(4):



و اي صج

شفت وحده تسأل عن البرامج شلون مانخليهم يروحون من اللاب توب


كل مره تشبكين الايفون ع الايتونز عشان تنقلين برامج اهو بروحه بيسوي باك اب

و اذا لاسمح الله اخترب تلفونج و سويتي له ريستور .. راح يرد كل شي مثل ماكان لما شبكتي الايفون باللاب توب ااخر مره

حتى المكالمات و المسجات و النوتات اللي كاتبتهم مايروحون

 

[فرآبتشينوو]

رد: قروب خاااص لمستخدمي الآيفون

سين سؤااااال ,,

انا تبعت التعليمات الموجودة اشلون انزل صور من اللاب لي الايفون ,, حلو ؟!

الحين في صورة من الصور انا مابيها !

ابي امسحها اشلون ؟!

اذا قصدج الصور اللي انتي حاطتهم من اللاب توب فـ ماتقدرين تمسحينهم الا من اللاب توب

مسحيهم من اللاب و وصلي الايفون بالايتونز و سوي sync عشان تنحذف


حدها سالفه بس هذي الطريقه الوحيده اللي اعرفها

بنات عفيه ضروري جاوبوني عشان أشتري آيفون//والله الصفحات وايد صعبه اقراها كلها//سؤالي اكو بالايفون خدمة جات نفس البي بي ؟واهيا ببلاش والا باشتراك//ويصير أضيف فيها اللي عندهم بي بي ؟// وفي برود كاست بالايفون نفس البي بي والا لا‏@‏‏@‏بنات عفيه أبي اجابات اكيدة قبل لااشتريه

فيه برااامج جات مو بس برنامج

اهم لازم نت .. وايرلس او اشتراك على خطج

فيه برامج تقدرين تضيفين اللي عندهم بي بي

و فيه برودكاست

قوه بنات انا شريت ايفون من 20 يوم تقريبا وما اعرفت اسوي فيه اي شي وقالولي نزلي الجيلبريك مع اني مادري حق شنو

قالولي فيه نوعين من الجيلبريك Mac اوwindows بس مادري اي واحد احسن

وابيكم تقولون اي واحد احسن عشان انزله عالآيفون

الجيلبريك الاخير مافيه الا نوع واحد

ماك و ويندوز هذاا لـ نوع نظام لاب توبج

 

[تبطي عظم!]

رد: قروب خاااص لمستخدمي الآيفون

لووووول ليش تعفسينه يابنيه..شوفي دام عندج الايتونز و الاب ستور و السيديا عادي تقدرين تعوضين من برامج الي انمسحوا

اما عن ليش لمن تدخلين برامج ويطلعونج بره عادي تصير عندي
انا واختي شنو نسوي نروح حق الاب ستور ونزل اي شي منه من الفري ولمن ينزل اي من برامج الفري الي اخترتيه
(شيري عادي اي برنامج) لمن ينزل عادي يردون برامجج يفتحون ... والي نزلتيه مسحيه تمي ضاغطه عليه بصبعج بلخفيف ليمن يتحدد تشوفينه يهتز سوي كلك عليه ليمن يطلع لج مستطيل اختاري دليت يعني حذف وبعدين ثانكس وبس

برنامج السيديا مو عندي:eh_s(2): ومو مسويه جليبريك مادري شنو هذا الي تتكلمون عنه:tomato2:

انا بس نزلت الايتونز حتى ماعرف استخدمه بس سمعته انه لازم علشان التنزيل وسيده انا وجهي حملته:eh_s(6):

وماني فالحه بالانقلش بس ماتعطلت علطوول استخدمته:krkrkr:

الحين لما صارت المشكله الي قلت لج سكرت الجهاز وبطلته وهم ماكو فايده برنامج الاب ستور موجود بالايفون بس ادخل عليه يطلعلي ان (لايمكن تنشيط شبكة البيانات الخلويه لست مشترك بخدمة البيانات الخلويه) طبعا انا مو مشتركه بخدمت النت من اساسه بفوني


واي للعلم انا لما نزلت الايتونز ع اللاب مانطرت يسوي اب طيت حق السوفت وير لانه يطول طلعلي 7 ساعات فحبيت اختصر والغيت التحميلو علطول استخدمته علشان جذي صار معاي جذي؟؟


اما النتيجه الاخير لما اشبك الايتوتز والايفون مايتعرفون على بعض يطلعلي كنونت وما ادري شنو بالانقلش بس الي فهمته انه مايصير


ممكن تفيدوني انا شنو مهببه للحين وشكرا كويتيات:q8:

 

[G!RLooNa]

رد: قروب خاااص لمستخدمي الآيفون

واي بنات

انا ناطره هالأي فون من شهرين

طالبينه من برا

شهرين لو صاروخ جان وصل مو اي فون

و مادري شنو صار مشكله بتحويل الفلوس مادري شنو فبس ماييبونه

امس ابوي دق علي يقولي رفيجه عنده اي فون مستعمل عالخفيف وببيعه

قتله شلون شكله يديد قالي اي و المموري قال مو مسيف عليها

ياب لي اياه اليوم

فتحته ويهي صار جذي :eh_s(2):

والله رحت ابجي بالحمام :eh_s(2):

امبيه الشاشه مسحكه و من ورا الكفر مسحك اهوا ابيض فيبين :eh_s(2)::eh_s(2):

والله من اطلعه من علبته اقعد ابجي صارلي شهرين ناطره اخر شي اييبولي هذا :eh_s(2):

لي الحين ما فجيته ولا لي خلق افجه انا من اخذ شي يديد ماقدر لازم استخدمه على طول هذا كاهوا مقطوط بالجيس لايعه جبدي منه :eh_s(2):


اووووووف والله الحين قمت ابجي :eh_s(2):

يمكن عشان علي الدوره صايره حساسه ياربي مادري شفيني :eh_s(2):

 

[ياشايل الظبى]

رد: قروب خاااص لمستخدمي الآيفون

وانا بعد وياكم
صارلى جم يوم شاريته واحوووووووووس فيه

اى نوكيا اى سونى
ايفوووون وبس

 

[aso00ora]

رد: قروب خاااص لمستخدمي الآيفون

بناات سيدياات الايفون من وين تييبونهم

تشترونهم من ويين

 

[ليمون^^نعناع]

رد: قروب خاااص لمستخدمي الآيفون

بنات انا كل ما ادش على الايتونز و اختار ايتونز ستور مايفتح عندي يسوي لودنج و one moment please يصير معاكم جذي . شلون افتحه؟؟